প্রধান মন্ত্রীনা জি.৭গী মীফমগা ইরোইননা হিরোশিমাদা ২০২৩গী মে ২০দা য়ুক্রেনগী রাস্ত্রপতি, হিস এক্সেলেন্সী শ্রী ভোলোদীমীর জেলেন্সকীগা উনখ্রে।
প্রধান মন্ত্রীনা য়ুক্রেনদা থোক্লিবা ইরাং অসিনা মালেম শিনবা থুংনা য়াম্না শোকহল্লে হায়না হায়খি। তৌইগুম্বশু মহাক্না য়াম্না মরু ওইনা হায়খি মদুদি, মহাক্কী ওইনদি মসি পোলিতিকেল নত্রগা শেন্মিৎলোনগী ওইবা ৱাফম নত্তে মসি মীওইবা জাতিগী, মীওইবগী মমলগী ৱাফম্নি হায়না হায়খি।
প্রধান মন্ত্রীনা ভারতকী ম্রোইশিংবু তেক্ত-কাইদনা, অসোই-অঙাম য়াওদনা লৌথোকপদা য়ুক্রেন্না পাংখিবা মতেং অদুবু থাগৎপা ফোংদোকখি অমসুং মহৈরোইশিং অদুগীদমক্তা ভারত্তা মখোয়গী পরিখা পাংথোক্নবা য়ুক্রেনগী ইনস্তিত্যুশনশিংনা লেপখিবা ৱারেপ অদুবু তরাম্না ওকখি।
প্রধান মন্ত্রীনা তুংগী ওইবা লম্বি অমা পুরক্নবা দাইলোগ অমসুং দিপ্লোমেসীগীদমক্তা ভারতকী মাইকৈদগী সপোর্ত তৌরি হায়বদু ময়েক শেংনা ফোংদোকখি। মহাক্না হায়খি মদুদি লৈরিবা ফিভম অদুগী ৱারোইশিন অমা পুরক্নবগীদমক্তা ভারত অমসুং প্রধান মন্ত্রীনা হকথেংননা ঐখোয়না তৌবা ঙম্বা খুদিংমক তৌগনি হায়না হায়খি।
ভারতনা য়ুক্রেনগী মীয়ামদা মীওইবগী য়াইফনবগীদমক্তা অঙম্বা তেংবাং লেপ্তনা পাংখিগনি হায়না প্রধান মন্ত্রীনা হায়খি। রাস্ত্রপতি জেলেন্সকীনা হৌজিক হৌজিক য়ুক্রেদা লৈরিবা ফিভম অদুগী মতাংদা খঙহনখি। নাকল অনিমক্না পাউ ফাওনদুনা লৈনবগী মতাংদা য়ানখি।
Met President @ZelenskyyUa in Hiroshima. Conveyed our clear support for dialogue and diplomacy to find a way forward. We will continue extending humanitarian assistance to the people of Ukraine. pic.twitter.com/1srbIIJUB3
— Narendra Modi (@narendramodi) May 20, 2023
Зустрівся з Президентом @ZelenskyyUa в Хіросімі. Висловив нашу чітку підтримку діалогу та дипломатії для пошуку способу рухатися далі. Ми продовжуватимемо надавати гуманітарну допомогу народу України. pic.twitter.com/EOyPtHdeBu
— Narendra Modi (@narendramodi) May 20, 2023
