ঐগী নুশিরবা ইরৈবাকচাশিং, খুরুমজরি!
'মন কী বাত'কী খুত্থাংদা অমুক হন্না ময়াম পুম্নমক্কা কন্নেক্ত তৌবা অসিদা ঐহাক য়াম্না নুংঙাইবা ফাওই। ২০২৬কী চহিগী তংখায় অমা লোইশিল্লক্লে। হৌখিবা থা তরুক অসিদা, ঐখোয়না 'মন কী বাত্তা' ঐখোয়গী লৈবাক মীয়ামগী মাইপাকপা কয়া খন্নখ্রে। জুন থা অসিদসু, লৈবাক অসিনা নাগরিক খুদিংমকপু চাউথোকচবা পোকহল্লিবা মখল কয়াগী মাইপাকপশিং ফংলে। মসিগী মাই পাকপা অসি লৈবাক অসিগী সেক্যুরিতী অমসুং মশা-মরোমদোম লেপচবা ঙম্বগা মরী লৈনৈ। হন্দক্তা, ঐহাক্না কোলকাতাদা নেভীগা মরী লৈনবা থৌরম অমদা শরুক য়াবগী খুদোংচাবা ফংখি। মফম অদুদা আই.এন.এস. দুনাগিরী, আই.এন.এস. সনশোধক অমসুং আই.এন.এস. অগ্রয় অসি ইন্দিয়ন নেভীগী ফ্লিত্তা য়াওহনখি। পোৎলম খুদিংমক - মসিগী জহাজশিং অসি দিজাইন তৌবদগী হৌরগা শাবা ফাওবা - অসি ইন্দিজিনস ওইখি।
মরুপশিং,
লৈবাক অসিনা জুন থাদা এভিএসন সেক্তরদা অচৌবা মাই পাকপা অমা ফংখি। সি-২৯৫ এয়রক্রাফ্ত অসি 'মেদ ইন ইন্দিয়া'নি; সি-২৯৫ এয়রক্রাফ্তনা মাগী অহানবা ফ্লাইৎ পাইখ্রে অমসুং অসিগুম্বা এয়রক্রাফ্ত ৪০ অসি ভারত্তা শেমগৎলি। মসিনা এম.এস.এম.ই. অমসুং এরোস্পেস সেক্তরশিংদা অনৌবা ইনোৎ পীরি, থবক ফংহন্নবা খুদোংচাবশিং হেনগৎহল্লি অমসুং আত্মনির্ভর ভারত অমগী ৱারেপ অদু মপাঙ্গল কনখৎহল্লি।
থা অসিদা, দি.আর.দি.ও.না লমদমসিগী ওইবা "লোং-রেঞ্জ লেন্দ-এত্তাক ক্রুজ মিসাইল" অমা মাই পাক্না চাংয়েং তৌখি। মসি দি.আর.দি.ও.গী লেবোরেতরীশিং অমসুং ভারতকী ইন্দস্ত্রীগী পার্তনরশিংনা পুন্না শেমগৎখি; অতোপ্পা ৱাহৈ অমদা হায়রবদা, সমুদ্রদগী হৌরগা নোংথোক ফাওবা, ঐখোয়গী ভারত অসি হেন্না হেন্না সেক্যুর অমসুং মশা-মরোমদোম লেপচবা ঙম্বা ওইরক্লি।
মরুপশিং,
জুন থাদা মালেম পুম্বনা ভারতকী হোৎনরিবশিং অসিদা শরুক য়াখিবা অতোপ্পা থৌরম অমা পাংথোকখি। থৌরম অদুদি "ইন্তর্নেস্নেল য়োগ দে"নি। হন্দক্তি মালেমগী মফম ২৫০০ হেনবদা তোঙান তোঙানবা য়োগগী থৌরমশিং পাংথোকখি। ঐখোয়গী লৈবাক অসিদা মফম কয়াদা মীওই করোর কয়া অমনা য়োগগী থৌরমশিংদা শরুক য়াখি। অহমদাবাদতা পাংথোকপা "ৱার্ল্দ য়োগসন চেম্পিয়নশিপ"কী মতাংদসু থা অসিদা খন্ন-নৈনখ্রে। ভারতনা ইভেন্ত অসিদা গোল্দ মেদল ১০২ য়াওনা পুন্না মেদল ১১৪ ফংখি। ভারতনা চেম্পিয়নশিপ অসিগী মেদল তেলীদা মকোক থোংখি। মাই পাক্লবা এথলেৎ পুম্নমক্তা ঐহাক্না থম্মোয় শেংনা নুংঙাইবা ফোংদোকচরি।
মরুপশিং,
মীয়াম্না অসি লৈবাক অমগী থৱায়নি। অমসুং লৈবাক অদুগী মীয়াম্না ৱারেপ অমা লৌরবা মতুংদা, মখোয়গী পান্দমদগী মখোয়বু করিগুম্বা পাঙ্গল অমত্তনা থিংবা ঙম্লোই। লৈবাক শেমগৎপদা মীয়াম্না শরুক য়াবগী শক্তি অসি ভারতকী ওইনা য়াম্না চাউবা মপাঙ্গল অমনি, অমসুং ঐখোয়না মীয়াম্না শরুক য়াবগী থৌওং অসিবু অমুক্কা হন্না উবা ফংলি।
মরুপশিং,
নোংচুপ থংবা এসিয়াদা লৈরিবা লানগী ফিভম অসি য়েংলগা ঐহাক্না লৈবাক মীয়ামদা ৱাফম খরা থমখি। ঐহাক্না মীয়ামদা য়ারিবা মখৈ মতম খরগী ওইনা সনা লৈবা লেপ্নবা হায়জখি। ঐনা মীশিংদা মপান লমদা ছুতী চৎপা তৌদনবা অমসুং কার-পুলিং তৌনবা পুক্নিং থৌগৎখি। ঐহাক্না লৌমীশিংদা কেমিকেল য়াওদবা লৌউ-শিংউগী পাম্বৈ শিজিন্ননবা, মখোয়গী লৌউ-শিংউগী লমশিং ঙাক-শেনবা অমসুং মহৌশানা ফংবা হারশিং খ্বাইদগী হেন্না শিজিন্ননবা হায়জখি। মরুপশিং, ঐহাক্না লৈবাক অসিগী মীপুম খুদিংমক্তা থাগৎপা ফোংদোকচরি; মখোয়না ঐহাক্কী আপিল অদু শৌগৎপা খক্তা নত্তনা মখোয়না মওং খুদিংমক্তা মতেং পাংলি। ইমুং কয়ানা মখোয়গী এক্সপরিয়েন্সশিং ঐঙোন্দা মেসেজকী খুত্থাংদা পাউদমলকখি। ইমুং কয়া অমনা মখোয়গী য়ুমদা লুহোংবগীদমক্তা সনা অসি লৈদনবা ৱারেপ লৌখ্রে; করিগুম্বা মথৌ তারক্লবদি, মখোয়না অনৌবা সনা শানবগীদমক অরিবা সনা অসি রিসাইকল তৌগনি। মীওই কয়ানা মখোয়না মপান লমদা চৎপা অসি মতৌ করম্না মতম খরগী ওইনা য়ৈথোকপগে হায়বগী মতাংদা সোসিএল মীদিয়াদা ইখ্রে।
মরুপশিং,
মীশিংনা কারপুলিংগী মতাংদা এক্সপরিয়েন্স কয়াসু শেয়র তৌখি। নুমিৎ খুদিংগী চপ মান্নবা মাইকৈদা মখোয়গী মশাগী গারীদা চৎখিবা মীওইশিংনা হৌজিক্তি পুন্না চৎপা হৌরে। মীয়াম্না বস অমসুং মেত্রো শিজিন্ননবা হোৎনরি। মসিনা পেত্রোল অমসুং দিজল সেভিং তৌবা ঙমহল্লি। অসিগুম্বা মওংদা, লৈবাক অসিগী তোঙান তোঙানবা মফমশিংদা নেচরেল ফর্তিলাইজরশিং শিজিন্নবা হেনগৎলকপগী রিপোর্তশিং লাক্লি। মরুপশিং, মালেমগী অৱাবা অসি ঐখোয় ভারত মচাশিংনা পুন্না মায়োক্নরিবা অসিদা ঐহাক নুংঙাইবা ফাওই। মীয়াম্না শরুক য়াবগী শক্তি অসিনা ঐখোয়বু মপাঙ্গল কনখৎহল্লগনি অমসুং মাই পাকপা পুরক্কনি হায়না ঐনা থাজবা থম্লি।
ঐগী নুংশিরবা ইরৈবাকচাশিং,
ঐখোয়গী লৈবাক অসিদা, মপোক নুমিৎ, লুহোংবা নুমিৎ, অমসুং ইমুং মনুংগী থৌরমশিং অসি লন্নাইগী থৌরমশিং খক্তমক নত্তে অদুবু খুন্নাই পুম্নমক্কী থৌরমশিংনি। ইমুং খুদিংমক্না মখোয়গী নুংঙাইবা অদু অতোপ্পশিংগা শরুক য়ামিন্নবা পাম্মি, অমসুং মীয়াম্না মখোয়গী গেস্তশিংদা খুদোংদোল কয়া পীরি। মরুপশিং, মহারাস্ত্রাগী নান্দেদতা লৈবা ইমুং অমনা মখোয়গী নুংঙাইবা অদু শেয়র তৌনবগীদমক খন্ন-নৈনবগী হীরম অমা ওইরকপা করিগুম্বা অমা তৌখি। পেথকর ইমুং অসি নান্দেদকী বাহাদুরপুরা খুঙ্গংদা লৈ। ইমুং অসিনা মখোয়গী নুংঙাইবা শরুক য়ামিন্নগদবা ওইরবদি, মখোয়না অৱাবা মতমদা ইমুং অমগী মতেং ওইবা য়াবা করিগুম্বা অমা পীগদবনি হায়না মখোয়না খল্লি। মখোয়গী য়ুমদা পাংথোকখিবা লুহোংবা থৌরম অমদা, ইমুং অসিনা খুঙ্গংগী মীওই ৩,৫০০ রোমগীদমক্তা এক্সিদেন্ত ইন্সুরেন্স অমা শেমখি। মীওই খুদিংদা লুপা লাখ অমগী ইন্সুরেন্স কভর পীখি। মসিগী খোঙথাং অসিগী মখাদা লৈরিবা ৱাখল্লোন অসি তশেংনা নুংশিবা পোকহল্লি। ইমুং মনুংনা খুদোংথীবা থোক্লবা মতুংদা ইমুং মনুংনা শেল-থুমগী অৱাবা কয়া মায়োক্নরকপা উখি। অসিগুম্বা মতমশিংদা, অপিকপা মতেং খরা খক্তা ফংলবসু য়াম্না মতেং ওই।
মরুপশিং,
সরকারনা লৈবাক শীনবা থুংনা লৈরিবা ইমুং করোর কয়াদা মসিগী ঙাক-শেনবগী থৌওং অসি পীরি। প্রধান মন্ত্রী সুরক্ষ বিমা য়োজনাগী মখাদা চহিগী ওইনা প্রিমিয়ম লুপা ২০ খক্তদা - হায়বদি চহি পুম্নমক্কী ওইনা প্রিমিয়ম লুপা ২০ খক্তদা - মীওই অমনা লুপা লাখ ২ ফাওবগী 'এক্সিদেন্তেল ইন্সুরেন্স' কভর ফংলি। হৌজিক ফাওবদা, মীওই করোর ৫৮ হেন্না স্কিম অসিদা য়াওখ্রে।
মসিগী মনুংদা চাউরাক্না করোর ২৮দি নুপীশিংনি - ঐখোয়গী ইমাশিং, ইচে-ইচলশিং অমসুং ইচানুপীশিংনি। হৌজিক ফাওবদা লৈরিবা একাউন্তশিংগী মতুং ইন্না, শোকহল্লবা ইমুংশিংনা স্কিম অসিগী খুত্থাংদা লুপা করোর ৩,৭০০ হেনবগী মতেং ফংখ্রে।
মরুপশিং,
অদুগা মান্ননা, 'প্রধান মন্ত্রী জিবন জ্যোতি বিমা য়োজনা' অসিসু চপ মান্ননা মরু ওই। স্কিম অসিনা মীওই অমগী ইমুং মনুংদা লাইবক থিবা থৌদোক অমদা লৈখিদবা থোকপা মতমদা লুপা লাখ ২গী ইন্সুরেন্স কভর ফংহল্লি। মসিগী চহিগী প্রিমিয়ম অসি লুপা ৪৩৬ খক্তনি - মসিনা নোংমদা লুপা ১.৫০ খক্তমক ওইরি। হৌজিক ফাওবদা মীওই করোর ২৭ হেন্না স্কিম অসিদা য়াওখ্রে। মসিগী মখাদা, লৈবাক শীনবা থুংনা ইমুং লাখ ১১রোমদা চাউরাক্না লুপা করোর ২২,০০০গী তেংবাং ফংখ্রে। হায়রিবা মশীংশিং অসি য়াম্না চাউই। হায়রিবা মশীংশিং অসিগী মখাদা ইমুং লাখ কয়াগী পুন্সি ৱারীশিং লৈরি। মফম খরদা, মমা অমনা মহাক্কী অঙাংশিংগী মহৈ তম্বদা মতেং পাংখি, অদুগা মফম খরদা, লোয়নবী অমনা ইমুংগী থৌদাংশিং পাংথোক্নবগীদমক মথৌ তাবা মতেং ফংখি।
মরুপশিং,
অয়াম্বা মতমদা, মরুওইবা সেফতী নেৎ অসি য়াম্না পীকপা শেনফম অমসুং অপীকপা খোঙথাং অমদগী হৌবা য়াই; অপীকপা ৱারেপ অমদগীসু অচৌবা অহোংবা অমা লাকপা য়াই। ঐহাক্না ময়াম পুম্নমকপু থৌরাংশিং অসিগী মতাংদা অদোমগী ইমুং মনুংগা ইনফোর্মেসন শেয়র তৌনবা হায়জরি।
ঐগী নুংশিরবা ইরৈবাকচাশিং,
'মন কী বাত' অসিদা, চহি লিশিং কয়াগী মমাংদগী মীওইবা খুন্নাইদা লৈরক্লবা হীরম অমা হৌজিক খন্নসি। হায়রিবা হীরম অসিদি অন্ধবিশ্বাস অমনি। অন্ধবিশ্বাস হায়বসি অরানবা ৱাখল্লোন খক্তমক নত্তে, মসিনা অকিবা পোকহল্লি, অমসুং অকিবা অদুনা ৱাখলবু লাকশিনবা মতমদা, মী অমনা অচুম্বা অদু উবা লেপ্পী। মীয়াম্না অন্ধবিশ্বাসতা থাজবা মতমদা মরম চাদবা নৎত্রগা অচুম্বা ৱাফমশিং খঙদনা ৱারেপশিং লৌবা হৌই - ৱারেপশিং অসিনা অচৌবা অশোয়বা কয়া থোকহল্লি। মসিগা লোয়ননা, সাইন্স, এক্সপরিয়েন্স, অমসুং লোজিক্তা য়ুম্ফম ওইরবা অসিগুম্বা থাজবশিংবু য়াদবা খুন্নাইসিদা মীওই খরসু লৈরি। অন্ধবিশ্বাসতগী থাজবগী খোঙচৎ অসি অরায়বা নত্তে, অমসুং ঙসি ঐহাক্না ময়ামদা অদুগুম্বা মাইপাকপগী খোঙচৎ অমগী মরমদা হায়জনীংই।
মরুপশিং,
“হার্গিলা” হায়না খঙনবা উচেক অমা অসামদা ফংই। “হার্গিলা” অসি য়াম্না তাঙনা ফংবা উচেক অমনি। মসিনা মহৌশাগী ফিভম লুনান্না থম্বদা মরুওইবা থৌদাং অমা লৌই। অদুম ওইনমক, মতম শাংনা, মসি অসামগী অখন্নবা মফম খরদদি মঙ্গোল ওইদে হায়না লৌনরম্মি। মীশিংনা মখোয়গী য়ুমগী মনাক নকপদা মসি উবা পাম্লমখিদে। অয়াম্বা মতমদা, “হার্গিলা”না মকোন শাবা উশিং অদু অসিসু ককখি। খন্দুনা য়েংবীয়ু - অকোয়বগী ফিভম লুনান্না থম্বদা মতেং পাংলিবা উচেক অমনা মীশিংগী অকিবগী ভিক্টিম ওইখি। মতম অদুদা বাইওলোজিস্ত পুর্নিমা দেবী বার্মননা মসি পুম্নমক উখি। মহাক্না মীয়ামগী ৱাখলদা লৈরিবা অরানবা ৱাখল্লোনশিং অদু হোংদোক্নবা ৱারেপ লৌখি। মহাক্না নুপীশিংগা ৱারী শানখি অমসুং সাইন্সতা য়ুম্ফম ওইবা অচুম্বা ৱাফমশিং শন্দোক্না তাকখি। তপ্না তপ্না, নুপীশিংনা কেম্পেন অসিদা শরুক য়াবা হৌরকখি।
তুংদা, অচৌবা অহোংবা অমা লাকখি। মতম অমদা ফত্তবা খুদম অমা ওইনা তানথোকখিবা উচেক অসি খুঙ্গংশিংগী শক্তাক ওইরকখি। খুঙ্গংগী নুপী লিশিং কয়া অমা 'হার্গিলা'বু কন্নবগীদমক মাংলোমদা চংশিনখি। ঙসিদি মখোয়বু 'হার্গিলা আর্মী' হায়না খঙনরি। নুপীশিং অসিনা খুন্নাইগী ওইবা অৱাবা কয়াসু থেংনখি। মখোয়না খুন্নাইবু থাজহন্নবা অয়ুক-নুংমিদাং চুপ্না হোৎনখি অমসুং অরোইবদা মখোয়না অন্ধবিশ্বাস অদুবু থাদোকপা ঙমখি। অচুম্বা পাউশিং পীরকপা মতমদা, চহি কয়াগী মমাংদগী লৈরক্লবা ৱাখল্লোনশিং ফাওবা হোংদোকপা ঙম্মী হায়বসি মখোয়না উৎলি।
মরুপশিং,
ঐহাক্না তোইনা হায় মদুদি: "শান্নবা মীওইশিংদি চাউখৎলি।" ঙসিদি, লৈবাক অসিদা স্পোর্তস শান্নরিবা অমসুং মশক থোক্লিবা নহাশিংগী মশীং অসি খোঙজেল য়াংনা হেনগৎলক্লি। মমাংগী মতমগা চাংদম্নবদা, হৌজিক নহাশিংনা শান্ন-খোৎনববু মখোয়গী কেরিয়র ওইনা লৌনরি। নাগালেন্দদা অসিগুম্বা ইনিসিএতিব অনিগী মরমদা ঐহাক্না খঙখি অমসুং মখোয় অসি য়াম্না পুক্নিং চীংশিন্নীংঙাই ওই। অহানবা ইনিসিয়েতিব অসি নাগালেন্দ বেবী লীগনি। মমিং অসি তাবদা, মসি চহি নৌরিবা অঙাংশিংগী ওইবা লীগ অমনি হায়না অদোম্না খল্লম্বা য়াই, অদুবু মদু নত্তে। মসি চহি ৫দগী ১০-১২ ফাওবগী মনুংদা লৈবা অঙাংশিং - চাউখৎলক্লিবা নহাশিং -গীদমক্তা অখন্নবা লীগ অমনি। মসিনা মখোয়বু ইথিল পীবতা নত্তনা মখোয়গী খোঙজেল অমসুং হৈশিংববু মপাঙ্গল কনখৎহল্লি অমসুং মখোয়গী মশক তাকপদা মতেং পাংই। মসি নাগালেন্দদা অঙাং কয়া অমা ফুতবোলগা শম্নহন্নবা হৌদোকখিবনি। চহি ৫দগী ১২ ফাওবগী মনুংদা লৈবা নুপামচা অমসুং নুপীমচাশিংনা শরুক য়ারি। লীগ অসিনা হৌজিক মথৌ তৌরকপা চহি অহুম মপুং ফারক্লে। লীগ অসিনা অঙাংশিংদা অফবা ইথিল পীরি।
মরুপশিং,
নাগালেন্দদা শিংথানিংঙাই ওইবা অতোপ্পা খোঙথাং অমা চংশিল্লি: ‘নাগালেন্দ ৱুমেন ফুতসল লীগ’। “ফুতসল” অসি নখোয় খরগীদমক্তা অনৌবা ৱাহৈ অমা ওইরম্বা য়াই; মসি ইনদোর ফুতবোল হায়নসু খঙনৈ হায়না ঐনা তাকচগে। তীম অমমমদা শান্নরোই মঙা খক্তমক য়াওরি, অমসুং শান্নগদবা কোর্ত অসি স্তেন্দর্দ ফুতবোল ফিল্দ অমদগী হেন্না পীকই। মরম অদুনা, শান্নরোইশিংনা খোঙজেল য়াংনা ৱারেপ লৌগদবনি অমসুং মখোয়গী তেক্নিক অমসুং হৈশিংবশিংবু মপুং ফানা শিজিন্নগদবনি। নাগালেন্দ ৱুমেন ফুতসল লীগনা ঐখোয়গী ইচানুপীশিংদা মখোয়গী হৈশিংবা উৎনবা অচৌবা প্লেৎফোর্ম অমা পীরি। অসিগুম্বা খোঙথাংশিং অসিগীদমক নাগালেন্দগী মীয়াম্বু ঐনা থাগৎচরি। মসিগী খোঙথাংশিং অসিনা লৈবাক অসিগী অতৈ মফমশিংদসু ইথিল পীরি।
মরুপশিং,
মসি তেক্নোলোজীগী মতমনি। নুমিৎ খুদিংগী অনৌবা রিসর্চশিং পাংথোক্লি। অনৌবা এ.আই. ইন্নোবেসনশিং লাক্লি। অসিগুম্বা মতমদা, মরুওইবা ৱাহং অমা থোরকই: ঐখোয়না মীওইবগী ক্রিএতিবিতী অসি মতৌ করম্না ঙাকথোকপা ঙমগনি? অনৌবা তেক্নোলোজীগা লোয়ননা খুমাং চাউশিল্লকপগা লোয়ননা ঐখোয়না করম্না ঐখোয়গী হৌরকফমগা শম্নদুনা লৈগনি? নালন্দা য়ুনিভর্সিতীনা ৱাহংশিংসিগী সোলুসন অমা ফংলে। চহি লিশিং কয়াগী মমাংদগী লৈরক্লবা ঐখোয়গী নালন্দা য়ুনিভর্সিতীনা হৌজিক অনৌবা মওং অমদা ভারতকী তুংলমচৎ শেমগৎলি। চহি অনিগী মমাংদা, নালন্দা য়ুনিভর্সিতীগী অনৌবা কেম্পস মীয়ামদা কত্থোকপগী খুদোংচাবা ঐহাক্না ফংখি। নালন্দা য়ুনিভর্সিতীনা ঐখোয়গী অরিবা মতমগী চৎনবী ওইরিবা *শাস্ত্রার্থ* হায়বদি ইন্তলেকচুএল দিসকোর্সপু অমুক হন্না হিংগৎহনখ্রে।
*শাস্ত্রার্থ* অসি মী অমগী মীৎয়েং ফোংদোক্নবগী মেদিয়ম অমা খক্তা নত্তে; মসি দাইলোগ, দিবেৎ, অমসুং অরুবা ৱাখল খন্থবগী দিসিপ্লিন তৌরবা থৌওং অমনি। মসিদা লোজিক অমসুং ফেক্তশিংনা শৌগৎপা মীওই অমগী পোজিসন অদু ফোংদোকপা মথৌ তাই। মসিদা হৈ-শিংবা মথৌ তাই। মসিগী থৌওং অসিনা ঐখোয়বু অতোপ্পশিংগী মীৎয়েংশিংবু পেসেন্স লৈনা তাবা অমসুং খঙনবা তাকপীরি। নালন্দা য়ুনিভর্সিতীনা মাগী কনভোকেসনগী থৌরমদা মসি য়াওহনবদা ঐহাক নুংঙাইবা ফাওই। শরুক য়ারিবা মহৈরোইশিংগী তংখাইরোমদি অতোপ্পা লৈবাকশিংদগীনি। অরিবা মতমগী চৎনবী অমগা হৌজিক্কী মতমগা শম্নহন্নবা হোৎনরিবা অসি য়াম্না থাগৎনিংঙাইনি। মসিগী খোঙথাং অসিগীদমক্তা নালন্দা য়ুনিভর্সিতীবু ঐহাক্না থম্মোয় শেংনা থাগৎপা ফোংদোকচরি। ঐহাক্না লৈবাক অসিগী অতোপ্পা য়ুনিভর্সিতীশিংদসু অসিগুম্বা থৌরাংশিং অসি লৌখৎনবা হায়জরি।
মরুপশিং,
অনৌবা তেক্নোলোজীগীদমক্তা নহাশিংবু শেম-শারগা মখোয়গী হেরিতেজতা মরী লৈনহন্নবা অতোপ্পা মরু ওইবা খোঙথাং অমা পায়খৎলি। দিল্লীগী সেন্ত্রেল সংস্কৃত য়ুনিভর্সিতীনা আর্তিফিসিএল ইন্তেলিজেন্স অমসুং দেতা সাইন্সতা বি.তেক প্রোগ্রাম অমা হৌদোক্লে। মসিনা ভারতকী ত্রেদিস্নেল নোলেজগা লোয়ননা মোদর্ন তেক্নোলোজী পুনশিন্নবগী মায়কৈদা মরুওইবা খোঙথাং অমনি। মসিনা ভারতকী লোলশিংগীদমক অনৌবা এ.আই. তুলশিং শেমগৎপদা মতেং পাংগনি অমসুং ঐখোয়গী অরিবা লাইরিকশিং অমসুং মেনুস্ক্রিপ্তশিং দিজিতেলাইজ তৌবা অমসুং ঙাক-শেন্দুনা থম্বদা খোঙজেল য়াংশিনহনগনি। মসিগীদমক সেন্ত্রেল সংস্কৃত য়ুনিভর্সিতীদা ঐহাক্না য়াইফ-পাউজেল পীজরি।
মরুপশিং,
ঙসিদি ভারতকী চৎনবী অসি মালেমগী তোঙান তোঙানবা মফমশিংদা য়ৌরক্লি। মালেম শিনবা থুংনা লৈরিবা মীওইশিংনা ঐখোয়গী ঈশৈশিং, ম্যুজিক, অমসুং স্পিরিচুএলিতী খঙবা হেনগৎলক্লি। ভারত্তগী কিলোমিতর লিশিং কয়া লাপ্না, কেরিবিয়ন সমুদ্রদা, দোমিনিকন রিপব্লিক কৌবা লৈবাক অমা লৈ। মফম অদুদা লৈরিবা ভারত মচাশিংগী মশিং অসি ১০০ রোমনি, তশেংবদি মসিদগী হন্থরম্বসু য়াই। মসিদা নত্তনা, ভারতকী চৎনবী অমসুং স্পিরিচুএলিতিগা মরী লৈনবা অঙকপা থৌরাং অমা মফম অসিদা পায়খৎলি। স্পেনিশ ঙাংলিবা লোকেল খরনা তীম অমা শেমখ্রে; তীম অসিবু 'ব্রহ্মকমল দোমিনিকানা' হায়না কৌরি। মেম্বরশিংনা বেদিক লিতরেচর পুন্না নৈনৈ অমসুং বেদিক মন্ত্রশিং শোনবা তম্লি। মখোয়না মসিগী মতাংদা ফোর্মেল ত্রেনিং অমত্তা ফংখিদে; অদুম ওইনমক মখোয়না ওদিও রেকোর্দিংশিং তাদুনা খোন্থোক চুম্না হায়নবা তমখি।
ঙসিদি, মখোয়না পুরুশা সুক্তম, শ্রী সুক্তম, শ্রী রুদ্রম, দুর্গা সুক্তম, অমসুং দেবী মহাত্ম্যমগুম্বা মন্ত্র কয়া য়াম্না হৈনা থীরি। ভারত্তগী য়াম্না লাপ্না লৈরগা ঐখোয়গী চৎনবীশিং তমজনবগী মখোয়না হোৎনরিবা অসি তশেংনা পুক্নিং থৌগৎনিংঙাইনি। ঐহাক্না 'ব্রহ্মকমল দোমিনিকানা'গী মেম্বর পুম্নমকপু মখোয়না হোৎনরিবশিং অসিগীদমক য়াইফ-পাউজেল পীজরি। মালেম শীনবা থুংনা ভারতকী কলচরবু পাক শন্না শন্দোক্নবা লেপ্পা লৈতনা হোৎনরিবা মীওই খুদিংমকপু ঐহাক্না থাগৎচরি।
ঐগী নুংশিরবা ইরৈবাকচাশিং,
মেঘালয় অসি মাগী লৈচিল অমসুং পুক্নিং হুনা ফজরবা মফমশিংগীদমক খঙনৈ। মেঘালয়দা লাকপা মীওই খুদিংমক্না মফম অদুদগী চৎখ্রবা মতুংদসু মফম অদুগী মীশিংগী মীনুংশি অমসুং হৌরকফমগী ওইবা ৱাখল্লোন অদু নীংশিংদুনা লৈ।
অদুম ওইনমক, মেঘালয়গী অতোপ্পা তোপ তোপ্পা মশক অমা লৈ, মদুগী মতাংদা ঐহাক্না ঙসি 'মন কী বাত'তা অদোমগা খন্ন-নৈনবা পাম্মি, মদুদি মেঘালয়গী রুত ব্রিজশিংনি। ঐহাক্না লম্বীদা চৎপদা উবা থোং মখল অদুগী মতাংদা নত্তনা, মসিদি উ মরাশিংনা শাবা থোংশিং অদুবুনি। হায়রিবা রুত ব্রিজশিং অসিগী ওইবা ৱারী অসি য়াম্না নুংঙাইবা অমনি। হায়রিবা থোংশিং অসি নুমিৎ খরনি নত্ত্রগা চহি খরনিদা শাবা নত্তে; মখোয় অসি শেমগৎলকপদা দিকেদ কয়া চংই। রবারগী পাম্বীশিংগী মরাশিং অসি অকক্নবা মাইকৈ অমদা তপ্না তপ্না লমজিংলি অমসুং ঈশিং ঈচেল মথক্তা শন্দোক্নবা ত্রেন তৌখি।
মতমগী মতুং ইন্না, হায়রিবা রুতশিং অসি মপাঙ্গল কনবা থোংশিং ওইরকই। মসিগী থোংশিং অসিদা অতোপ্পা তোপ তোপ্পা মগুন অমা লৈ: মখোয় অসি অহিংবা থোংশিংনি। মতমগী মতুং ইন্না মখোয় অসি হেন্না মপাঙ্গল কনখৎলকই। মখোয়না মেঘালয়গী মীয়ামগী ক্রিএতিভিতি অদু উৎলি। মখোয়শিং অসি চহি কয়াগী পেসেন্স অমসুং মহৌশাগী ফিভমদা ইকায় খুম্নবা উৎলি। মসিগী থোংশিং অসিনা মীওইবনা মহৌশাগী ফিভমগা নুংশি-চান্ননা শেম্বা ঙম্বা অঙকপা পোৎলমশিং উৎলি। মখোয় অসি ঐখোয়গী লৈবাক অমসুং ঐখোয়গী লমদমগী হেরিতেজনি। ভারতনা হৌজিক মেঘালয়গী রুত ব্রিজশিংবু য়ুনেস্কো ৱার্ল্দ হেরিতেজ সাইত নেৎৱার্ক্তা য়াওহন্নবা এপ্লাই তৌখ্রে।
মরুপশিং,
ক্লাইমেৎ চেঞ্জনা হায়রিবা রুত ব্রিজশিং অসিদা অৱাবা কয়া অমা থোকহল্লি। মসিগী মরক্তা, মেঘালয়গী মীয়াম্না মসিগী মহৌশাগী হেরিতেজ অসিবু ঙাক-শেন্দুনা থম্নবগী থৌদাং অসি শিংথানিংঙাই ওইনা লৌখি। মমাংদা, অসিগুম্বা থোং কয়ামরুম লৈবগে হায়বদু খঙদোকপা অসিসু অরায়বা ওইরমদে; মফম অদুগী মীওইশিংনা মখোয় মশামক্না মখোয়শিং অদু মশীং থীবা হৌখি।
মতুং তারকপদা, কম্ম্যুনিতীশিংনা হায়রিবা থোংশিং অসি য়েংশিন্নবগী থৌদাংসু লৌখি। ঙসিদি, মফম অদুগী মীওইশিংনা রুত ব্রিজ ১২০ হেন্না য়েংশিল্লি। কাঙলুপ খরনা চহি খুদিংগী থোংশিং অসি য়েংশিল্লি, অমসুং মীওই খরনা অকোইবদা লৈরিবা মফমশিং অসিবু মপাঙ্গল কনখৎহন্নবগীদমক্তা নর্সরীশিং ফাওবা লিংখৎলি। অসুম্না মখোয়গী কঞ্জার্বেসনগী অকোইবদা ইকোসিস্তেম অমা শেমগৎলে। অদোম্না উবা ফংলম্বা য়াই মদুদি হালি ৱারজীবু চহি অসিদা পদ্ম এৱার্দ পীদুনা ইকায় খুম্নবা উৎখ্রে। মহাক্না মহাক্কী পুন্সিগী চহি ৫০ হেন্না হায়রিবা রুত ব্রিজশিং অসি য়েংশিনবদা কত্থোকখ্রে। মহাক্কী থৌনা অসি ঐখোয় পুম্নমক্তা ইথিল পীবনি। মরুপশিং, করিগুম্বা অদোম্না হায়রিবা রুত ব্রিজশিং অসিদা চৎলবদি, অদোমগী ফোতোশিং অদু সোসিএল মীদিয়াদা শেয়র তৌবীয়ু। অদোমগী ফোতোশিং অসিনা মেঘালয়গী তোপ তোপ্পা হেরিতেজ অসিগী মরমদা খঙননবা অতোপ্পশিংদা ইথিল পীরগনি।
ঐগী নুংশিরবা ইরৈবাকচাশিং,
ঐখোয়গী খুঙ্গং অসি মওং চুম্না লুনানহনবা অমসুং ঐখোয়গী শহর অসি ফজবা ওইহনবা ঐখোয় পুম্নমক্না পাম্মি। অদুম ওইনমক, ঐখোয়গী অকোইবদা লৈরিবা অমোৎ-অকাই অসি কনানা শেংদোকপগে হায়বদু ঐখোয়না কয়া খন্থদে। মীওই অয়াম্বনা মসি অতোপ্পা মীওইগী থৌদাংনি – কনাগুম্বা অমনা শেংদোকপা অদুগী থৌদাং লৌগনি হায়না লৌই। অদুম ওইনমক, ঐখোয়গী মরক্তা ৱাখল্লোন অসিনা অচৌবা ইথিল পীবা মীওইশিং লৈরি। ঐহাক্না মধ্য প্রদেশকী রাজগর দিস্ত্রিক্তকী ব্যাৱরাদা লৈবা নুপী খরগী মরমদা খঙনবগী খুদোংচাবা ফংখি। মখোয়না মখোয়গী মফম অদুদা শন্দোরক্লিবা প্লাস্তিক ৱেস্তশিং অদু লৌথোক্নবা ৱারেপ লৌখি। অতোপ্পা মীওই অমনা অহোংবা পুরক্কনি খন্দুনা লৈবগী মহুত্তা, মখোয় মশামক্না শহর অদুগী মফম কয়াদগী প্লাস্তিক্কী অমোৎপশিং অমসুং থক্নবা বোতলশিং খোমজিনবগী থৌরাং লৌখৎখি। তপ্না তপ্না, মসিগী খোঙথাং অসি পাকথোক চাউথোকখি, অমসুং খোমজিল্লবা প্লাস্তিক অসি 'ইকো-ব্রিক' ওইনা ওন্থোকপা হৌখি।
ঙসিদি, হায়রিবা ইকো-ব্রিকশিং অসি পব্লিক স্পেসশিং ফজহন্নবগীদমক শিজিন্নরি। রাজগরদা, প্লাস্তিক কিলোগ্রাম চাম্মরোম রিসাইকল তৌখ্রে অমসুং হৌখিবা থা খরদা কান্নবা মওংদা শিজিন্নখ্রে। অতোপ্পা ৱাহৈ অমদা হায়রগদি, মতম অমদা শহর অসিবু শোকহল্লম্বা প্লাস্তিক অসিনা হৌজিক্তি মাগী ফজবদা শরুক তম্লি, হায়রিবা নুপীশিং অসিনা হোৎনখিবশিং অদুগীদমক থাগৎপা ফোংদোকচরি। ঐহাক্না ব্যাৱরাগী ইচিল-ইনাওশিং অমসুং থৌরাং অসিদা শরুক য়াখিবা মরী লৈনবশিংবু থাগৎপা ফোংদোকচরি।
ঐগী নুংশিরবা ইরৈবাকচাশিং,
মীওই কয়ানা ঐঙোন্দা অখন্নবা হীরম অমদা ৱা ঙাংনবা হায়দুনা ইরকখি। তোপিক অসিনা “গনেশ উৎসব”গা মরী লৈনৈ। “গনেস উৎসব” গীদমক মতম খরা লৈরবসু, মীশিংনা হীরম অসিগী মতাংদা হৌজিক খন্ননবা হায়খ্রে। তশেংনমক, গনেসকী মীতমশিং শেম্বগী থবক অসি য়াম্না ঙন্না হৌই। মীতম শেম্বশিং অমসুং মীতমগী ললোন-ইতিক তৌরিবশিং অসি হৌজিক্তি য়াম্না এক্তিব ওইরক্লি। মরম অদুনা, ঐহাক্না ময়াম পুম্নমক্তা হায়জরি মদুদি... অদোমগী য়ুমদা, খুন্নাইদা, নৎত্রগা অদোমগী য়ুমথংনবা মফমদা থম্বা গনপতি বাপ্পাগী মীতম অসি ঐখোয়গী লৈবাক অসিগী লৈমায়দগী শেম্বা অমসুং ঐখোয়গী লৈবাক্কী পোৎ শাবশিং অমসুং লমদম অসিগী আর্তিসানশিংনা খুৎনা শাবা ওইহন্নবা হোৎনবীয়ু। ঐহাক্না গনেশ মীতমশিং শেম্লিবা মীওইশিংদা ক্লেগী মীতমশিংবু মরুওইনা লৌনবা হায়জরি। মীতমশিং অসি করম্বা পোৎশকশিংদগী শেমখিবগে অমসুং মখোয় অসি করম্বা লৈবাক্না পুথোকখিবগে হায়বদু য়েংনবা ঐহাক্না লৈরিবশিংদা হায়জরি। প্লাস্তর ওফ পেরিসতগী শাবা মীতম অমত্তা লৈরোইদবনি।
মরুপশিং,
লাইনিং লাইশোনগী থৌরম লোইরবা মতুংদা ক্লেগী মীতমশিং অসি মহৌশানা ঈশিংদা তুমজখি। মসিনা ঐখোয়গী তুরেলশিং, পুখ্রিশিং অমসুং অকোইবগী ফিভম ঙাকথোকপদা মতেং পাংই। মসিনা ঐখোয়দা ঐখোয়গী থাজবা অদু ঙাক্না চৎনবা অমসুং মহৌশাগী মায়কৈদা ঐখোয়গী থৌদাংশিং অদু মপুং ফাহনবা ঙমহল্লি। ঐখোয়না মফম অদুগী আর্তিসানশিংদগী মীতমশিং লৌরকপা মতমদা, ঐখোয়না 'ভোকেল ফোর লোকেল' ওইবগী ৱারেপ অদু মপাঙ্গল কনখৎহল্লি। ঐহাক্না থাজবা থম্লি মদুদি "গনেশ উৎসব" অসিগী মনুংদা অমসুং তশেংনমক অসিগুম্বা কুহ্মৈ খুদিংমক্কী মনুংদা ঐখোয়না ৱাফমশিং অসিদা কুপ্না খন্নগনি অমসুং লৈবাক অসিগী কান্ননবগীদমক্তা খোঙথাং লৌখৎকনি।
মরুপশিং,
ঐখোয়গী লৈবাক অসিগী খ্বাইদগী চাউবা মপাঙ্গল অসি মাগী মীয়ামদা লৈ। লৈবাক শিনবা থুংনা পাংথোক্লিবা তোঙান তোঙানবা থবক-থৌরমশিং - অচৌবা অমসুং অপীকপা - অসিনা ঐখোয়দা কান্নবা য়াম্না তাকপী। হোৎনরিবশিং অসিনা উৎলি মদুদি অখাং কনবা অমসুং খুন্নাইনা মতেং পাংবগা লোয়ননা, মরু ওইবা অহোংবা অমা পুরকপা ঙম্মী। অদোমগী মনাক নকপদা অসিগুম্বা থবকশিং পাংথোক্লিবা অসিগী মতাংদা ঐঙোন্দা ইদুনা তম্বীরকউ। অদোমগী ৱাখল্লোনশিং অমসুং সজেসনশিং মখা তানা শিয়র তৌবীরকউ; অদোমগী লৈকাইদা অপীকপা খোঙথাং অমা লৌখৎলবদি লৈবাক পুম্বদা ইথিল পীরকপা য়াই। ঐখোয়গী লৈবাক্কী মীওইশিংনা পায়খৎলিবা অনৌবা থবকশিংগী মতাংদা খন্ননবা ঐখোয়না মথংগী থাদা অমুক হন্না উনগনি। মতম অদু য়ৌদ্রিঙৈদা, ইশা অমদি অদোমগী ইমুং-মনুংবু য়েংশিনবীয়ু - অমসুং ঈশিং কনবা হায়বসি তঙাইফদবা অমনি! ঐখোয়না নোংগী ঈশিংগী মরিক অমমমবু কনবা তাই। ঐখোয়না “কেৎচ দি রেন” কেম্পেনগী শাহৌ অসি খজিক্তং ফাওবা হন্থহল্লোইদবনি। মরম অদুনা ঐহাক্না ময়ামদা অখন্ননা হায়জরি মদুদি ঐখোয় পুন্না চংশিল্লসি অমসুং নোংগী ঈরিক খুদিংমক কনবা ঙম্নবা হোৎনরি।
হন্না-হন্না থাগৎচরি। খুরুমজরি।
This month, India has witnessed several achievements that make every citizen proud. These achievements have further strengthened India's journey towards self-reliance.#MannKiBaat pic.twitter.com/CkEa0CiFJP
— PMO India (@PMOIndia) June 28, 2026
International Day of Yoga once again united people across the world.
— PMO India (@PMOIndia) June 28, 2026
India's outstanding performance at the World Yogasana Championship made the occasion even more special.#MannKiBaat pic.twitter.com/mXUX9W5Bv4
A thoughtful gesture by a family in Maharashtra...#MannKiBaat pic.twitter.com/1uZiS2eOrC
— PMO India (@PMOIndia) June 28, 2026
Affordable social security schemes are providing families across India with financial protection and support during times of need.#MannKiBaat pic.twitter.com/2KXB40ITwN
— PMO India (@PMOIndia) June 28, 2026
An inspiring community-led movement in Assam has shown how awareness and collective effort can transform mindsets and protect nature.#MannKiBaat pic.twitter.com/6aIkb7Clpu
— PMO India (@PMOIndia) June 28, 2026
Grassroots sporting initiatives are empowering young talent... Here are two commendable efforts from Nagaland.#MannKiBaat pic.twitter.com/2F25YC5sQW
— PMO India (@PMOIndia) June 28, 2026
Nalanda University is making a commendable effort to connect India's ancient tradition of 'Shaastraarth' with the needs of the modern world.#MannKiBaat pic.twitter.com/1Sibd2DDSI
— PMO India (@PMOIndia) June 28, 2026
A noteworthy initiative by the Central Sanskrit University...#MannKiBaat pic.twitter.com/fzcMD7sOiL
— PMO India (@PMOIndia) June 28, 2026
A remarkable initiative in the Dominican Republic reflects the growing global appeal of India's culture and traditions.#MannKiBaat pic.twitter.com/if4tZ3YWkX
— PMO India (@PMOIndia) June 28, 2026
Meghalaya's root bridges are a remarkable example of harmony between people and nature. #MannKiBaat pic.twitter.com/bpvT4lR3rG
— PMO India (@PMOIndia) June 28, 2026
An inspiring initiative by women in Madhya Pradesh is transforming plastic waste into eco-bricks. #MannKiBaat pic.twitter.com/w7RmFnq4Xe
— PMO India (@PMOIndia) June 28, 2026
This Ganesh Utsav, let us choose eco-friendly clay idols crafted by local artisans.#MannKiBaat pic.twitter.com/ct7pYNrER6
— PMO India (@PMOIndia) June 28, 2026
