Deep anguish in my heart: PM Modi on Pahalgam terror attack
The blood of every Indian is on the boil after seeing the pictures of the terrorist attack: PM Modi
In the war against terrorism, the unity of the country, the solidarity of 140 crore Indians, is our biggest strength: PM Modi
The perpetrators and conspirators of Pahalgam attack will be served with the harshest response: PM Modi
Dr. K Kasturirangan Ji’s contribution in lending newer heights to science, education and India’s space programme shall always be remembered: PM
Today, India has become a global space power: PM Modi
Very proud of all those who participated in Operation Brahma: PM Modi
Whenever it comes to serving humanity, India has always been at the forefront: PM Modi
Growing attraction for science and innovation amongst youth will take India to new heights: PM Modi
More than 140 crore trees planted under #EkPedMaaKeNaam initiative: PM Modi
Champaran Satyagraha infused new confidence in the freedom movement: PM Modi
ঐগী নুংশিরবা ইরৈচাশিং, খুরুমজরি!
ঙসি ঐনা মন কি বাত্ত অদোমগী মফমদা ৱা ঙাংবগা লোয়ননা, ঐগী থম্মোয়দা য়াম্না নুংঙাইতবা অমা ফাওরে। এপ্রিল ২২ দা পহালগামদা থোকখিবা তমথিরবা থৌদোক অদুনা লৈবাক অসিগী মীওই খুদিংমক নুংঙাইহন্দ্রে। অৱাবা নংলবা ইমুংশিংগীদমক ভারতমচা খুদিংমক থম্মোয় শোক্না অৱাবা ফোঙদোক্লি। করম্বা রাজ্যগী মীওইনো হায়বা লৈতনা, ঙাংলিবা লোলগী ৱাফম থিদনা, থৌদোক অসিদা লৈখিদ্রবশিংগীদমক চপ মান্নবা অৱাবা ফাওরি। তেরোরিস্তনা খুৎথারকপগী ফোতোশিং উবদা ভারতমচা খুদিংমক শাওবনা ঈ কারে হায়না ঐনা খল্লি। তেরোরিজম য়োকখৎলিবশিং নিংবা কাইবা অদু পহালগামগী থৌদোক অসিদগী খঙলে; কাস্মিরদা শান্তি হঞ্জিল্লকপদা, স্কুলশিং অমসুং কলেজশিং ফজনা হাংলকপদা, মমাংদা অমুক্ত ওইখিদ্রিবা খোঙজেলদা শেমগৎ-শাগৎপগী থবক পায়খৎলকপদা, গনতন্ত্র মপাঙ্গল কনখৎলকপদা, রেকোর্দ রেত অমদা লমকোয়বা মীওইশিং মশিং হেনগৎলকপদা, মীয়ামগী শেন্থোক হেনগৎলকপদা, নহারোলশিংগী অনৌবা খুদোংচাবশিং ফংহনবদা… মখোয়গী পাংদবা অদু উৎথোক্লকপনি। লৈবাক অসিগী য়েক্নবশিং, জম্মু অমসুং কাস্মিরগী য়েক্নবশিংনা মসি পামদে। তেরোরিস্তশিং অমসুং তেরর শৌগৎলিবশিংনা কাস্মির অমুক হন্না মাঙহনবা পাম্মী অমসুং মরম অদুনা অসিগুম্বা অচৌবা লৌতুনবা অমা মখোয়না পাংথোকপনি। তেরোরিজমগী মায়োক্ত চৎথরিবা লাল অসিদা, লৈবাক্কী অপুনবা, ভারতমচা করোর ১৪০ গী অমতা ওইবা অসি ঐখোয়গী খ্বাইদগী কনবা থৌনানি। মসিগী অপুনবা অসি ঐখোয়না তেরোরিজম থেংনবগী য়ুম্ফমনি। লৈবাক্কী মাঙদা থেংনরিবা শিংনবা অসি মায়োক্ননবা ঐখোয়না ঐখোয়গী ৱারেপ কনখৎহনগদবনি। লৈবাক অমা ওইনা ঐখোয়না অকনবা থৌনা উৎথোক্কদবনি। তেরোরিস্তশিংগী থৌদোক অসিগী মতুংদা, ঙসি মালেম্না য়েংলি, লৈবাক শীনবা থুংনা খোল্লাউ অমা লাউরি।
মরুপশিং,
ঐখোয় ভারতকী মীয়াম্না ফাওরিবা অশাওবা অসি মালেম শীনবা থুংনা ফাওরে। তেরোরিস্তকী থৌদোক অসিগী মতুংদা, মালেম শীনবা থুংবদগী অৱাবা ফোঙদোকপা লেপ্তনা লাক্লি। মালেমগী লুচিংবশিংনা ঐঙোন্দা কোল তৌরকখি, চিথিশিং ইরকখি অমসুং মেসেজশিংশু থারকখি। মীপুম খুদিংমক তেরোরিস্তনা লালদারকপা অসি কন্না য়ানিংদবা ফোংদোক্লি। মখোয়না লৈখিদ্রবশিংগী ইমুং-মনুংগী অৱাবশু শরুক য়াখি। ঐখোয়না তেরোরিজমগী মায়োক্ত লান্থেংনরিবা অসিদা মালেম শীনবা থুংবনা ভারতমচা করোর ১৪০ গীদমক লেপ্লি। অৱাবা তারবা ইমুংশিংনা অচুম্বা ফংগনি হায়না ঐনা অমুক হন্না থাজবা পীরি। অরানবা তৌখিবশিং অমসুং থৌদোক অসিগী লৌতুনরিবশিংদা অকনবা পাউখুম পীগনি।
মরুপশিং,
নুমিৎ নিনিগী মমাঙদা লৈবাক অসিগী শক্নাইরবা সাইন্তিস্ত দোক্তর কে কস্তুরিরঙ্গন জি ঐখোয়না মাঙজরে। ঐনা কস্তুরিরঙ্গন জিগা উনখিবা খুদিংদা, ঐখোয়না ভারতকী নহারোলশিং হৈথোই-শিংথোইবা, অনৌবা ইজুকেসন, স্পেস সাইন্সগুম্বা হিরমশিং খন্নখি। সাইন্স অমসুং ইজুকেসন অনৌবা থাকশিংদা পুখৎপদা মহাক্না থৌদাং কয়া পাংথোকখি অমসুং ভারতকী স্পেস প্রোগ্রাম্না মতম পুম্নমক্ত নিংশিংলগনি। মহাক্কী লুচিং মখাদা ইসরো অনৌবা শক্তম অমা ফংখি। মহাক্কী লমজিং মখাদা পাংথোকখিবা ভারতকী স্পেসকী থৌরমশিং মালেম্না শক খঙখি। ঙসি ভারতনা শীজিন্নরিবা সেতেল্লাইত অয়াম্বা দোক্তর কস্তুরিরঙ্গনগী মীৎয়েং মখাদা থাগৎখিবনি।
হৌরক্লিবা মীরোলনা তমগদবা মহাক্কী অখন্নবা গুন অমা লৈরি। মহাক্না মতম পুম্নমক্ত অনৌবা থবক পাংথোকপা অসি মরুওইনা লৌখি। তম্বা, খঙবা অমসুং অনৌবা খর পাংথোক্নবা মহাক্কী পান্দম অসি য়াম্না পুক্নিং থৌগৎনিঙাইনি। লৈবাক অসিগী অনৌবা নেসনেল ইজুকেসন পোলিসি শেম্বদা দোক্তর কে কস্তুরিরঙ্গন জিনা মরুওইবা থৌদাং অমা লৌখি। ২১ শুবা চহিচাগী দরকার ওইবশিং ফংনবা লাইরিক-লাইশু তম্বীগী থবক পায়খৎনবা অনৌবা ৱাখল দোক্তর কে কস্তুরিরঙ্গন জিনা পুথোকখি। লৈবাক্কীদমক ওইজবা থিদবা মহাক্কী থবক অমসুং লৈবাক শেমগৎনবা পাংথোকখিবা থবকশিং মতম পুম্নমক্ত নিংশিংদুনা লৈহৌরগনি। য়াম্না চম্না, ঐনা দোক্তর কে কস্তুরিরঙ্গনগী মফমদা ঐগী ইকায়খুম্নবা উৎচরি।
মরুপশিং,
এপ্রিল থা অসিদা অর্য়াভত্তা সেতেল্লাইত থাগৎখিবা চহি ৫০ মপুংফারে। ঙসি, ঐখোয়না হন্না য়েংলকপা অমসুং চহি ৫০ গী খোঙচৎ অসি নিংশিংবদা, ঐখোয় কয়া য়াম্না লাপ্না লাক্লবগে হায়বা ঐখোয় খঙলে। থাজবগা লোয়ননা স্পেসতা চৎনবা ভারতকী মঙলান অসি হৌখিবনি। লৈবাক্কীদমক করিগুম্বা খর পাংথোক্নবা ঙাউজবা নহা ওইরিবা সাইন্তিস্ত খরনা.. মখোয় ঙসিগী অসিগুম্বা অনৌবা খুদোংচাবশিং লৈত্রবশু অমসুং মালেমগী তেক্নোলোজি ফংদ্রবশু। মখোয়গী লৈজবদি লৌশিং, কৎথোকপা, থবক শুবা কনবা অমসুং লৈবাক্কীদমক করিগুম্বা খর পাংথোক্নবা থৌনা অদুনি। ঐখোয়গী সাইন্তিস্তশিংনা মরুওইবা খুৎলায়শিং মখোয় মশামক্না ষন গারিশিং অমসুং সাইকলশিংদা পুবগী ফোতোশিং অদোম উরম্লগনি। ঙসি ভারত মালেমগী স্পেস পৱার অমা ওইরে। মতম অমতদা সেতেল্লাইত ১০৪ থাগৎতুনা ঐখোয়না রিকোর্দ অমা থম্লে। ঐখোয় মালেমদা থাগী খা মেরু য়ৌবা অহানবা লৈবাক ওইরে।
ঐখোয়না মার্স ওর্বিত্তর মিসন থাগৎলে অমসুং ঐখোয়না অদিত্যা-এল ১ মিসনগী খুৎথাংদা নুমিৎকী ময়া য়াম্না নক্না য়ৌবা ঙম্লে। ঙসি ভারতনা মালেম শীনবা থুংনা শেন য়াম্না চঙদনা মাইপাক্না স্পেস গ্রোগ্রাম পাংথোকপদা মাঙজিল থারে। মখোয়গী সেতেল্লাইতশিং অমসুং স্পেস মিসনশিংগীদমক মালেমগী লৈবাক কয়ানা ইসরোগী মতেং লৌরে। ঐখোয়না ইসরোনা থাগৎপা সেতেল্লাইত অমা উবদা, ঐখোয় চাউথোকচৈ। ঐনা ২০১৪ দা পি.এস.এল.ভি-সি-২৩ থাগৎপা উবদা ঐনা চাউথোকচবা ফাওখি। ২০১৯ দা চন্দ্রয়ান-২ তাবা মনুংদা ঐশু বেঙ্গালুরুদা ইসরো সেন্তরদা লৈখি। মতম অদুদা চন্দ্রয়ান মাইপাকপা ঙমখিদবদা, সাইন্তিস্তশিংনা খুদোংচাদবা মতম অমা থেংনখি। অদুবু ঐগী মীৎনা সাইন্তিস্তশিংগী খাংবা কনবা অমসুং করিগুম্বা খর মাইপাক্নবা মখোয়গী ইখৌ লাংবা অদু উবা ফংখি। চহি খরগী মতুংদা, হায়রিবা সাইন্তিস্তশিং অদুনা কমদৌনা চন্দ্রয়ান-৩ মাইপাকখিবগে হায়বা মালেম শীনবা থুংবনা খঙখি।
মরুপশিং,
ঙসি ভারতনা মহাক্কী স্পেস সেক্তর প্রাইভেদ সেক্তরগীদমক হাংদোক্লে। নহারোল কয়া স্পেস স্তার্দঅপশিংগী লমদা অনৌবা মাইপাকপা কয়া লৈরে। চহি ১০ গী মমাঙদা কম্পেনি অমা খক লৈরম্বা অদু, ঙসি লৈবাক অসিদা স্পেস স্তার্দঅপ ৩২৫ হেন্না লৈরে। স্পেসতা অনৌবা খুদোংচাবা কয়া ফংবগী মতম অদু লাক্লে। ভারত অনৌবা থাকশিং য়ৌবা ঙম্লে। গাগনয়ান, স্পাদেক্স অমসুং চন্দ্রয়ান-৪ গুম্বা মরুওইবা মিসনশিংগীদমক শেম শাবদা লৈবাক অসি মথৌ চিল্লে। ঐখোয়না ভেনস ওর্বিতর মিসন অমসুং মার্স লেন্দর মিসনগীদমক থবক পায়খৎলি। ঐখোয়গী স্পেস সাইন্তিস্তশিংনা মখোয়গী অনৌবা থবকশিংগী খুৎথাংদা লৈবাক অসিগী মীয়াম অনৌবা চাউথোকচবা ফংহল্লে।
মরুপশিং,
হৌখিবা থাদা ম্যান্মারদা য়ুহা হাবগী অকিবা শক্তম কয়া অদোম শোইদনা উরম্লগনি। ম্যান্মারদা লৈরিবা ঐখোয়গী ইনাওশিং অমসুং ইচলশিংগীদমক ভারতনা খুদক্ত ওপরেসন ব্রাহ্মা হৌখি। এয়র ফোর্স এয়রক্রা, নেভি জহাজশিং য়াওনা খুদিংমক ম্যান্মারগী মতেং পাংনবা থাখি। ভারতকী কাংবুনা মফম অদুদা ফিল্দ হোস্পিতাল লিংখৎখি। মরুওইবা বিল্দিংশিং অমসুং ইনফ্রাস্ত্রকচরশিংগী অমাং-অতা য়েংশিনবদা ইঞ্জিনিয়ার কাংবু অমনা মতেং পাংখি। ভারতকী কাংবুনা ফৈজুপশিং, তেন্তশিং, তুম্নবা বেগশিং, হিদাক-লাংথকশিং, চীঞ্জাকশিং অমসুং অতোপ্পা পোৎলম কয়া ফংহনখি। লৈবাক অদুগী মীয়াম্না ভারতকী কাংবু য়াম্না থাগৎখি।
মরুপশিং,
অৱাবা মরক অসিদা, থৌনা ফবা, খাংবা কনবা অমসুং লৌশিং লৈবগী থম্মোয়দা তিং পানবা খুদম কয়া লৈরি। পু ১৮ হেন্না অতেক অকায় মরক্ত ননশীন্দুনা লৈরক্লবী চহি ৭০ হেল্লবী নুপী অমা ভারতকী কাংবুনা কনখি। হৌজিক তি.ভি মন কি বাত য়েংলিবা মীওইশিংনা অহল নুপী অদুগী মাইথোং উবা ফংগনি। ভারতকী কাংবুনা মহাক লায়েংখি। অহল ওইরবী নুপী অদু হোস্পিতালদগী দিসচার্জ তৌখ্রে অমসুং মহাক্না ঐখোয়গী কাংবু থাগৎলমখি। ঐখোয়গী কাংবুনা মরম ওইদুনা মখোয়গী মরুপশিং অমসুং মরী-মতাশিং ফংবা ঙম্লে হায়না মীওই কয়ানা ঐখোয়গী কাংবুদা হায়খি।
মরুপশিং,
য়ুহা হাবা মতুংদা, মন্দালেদা মোনাস্ত্রি অমদা মীওই কয়া চপতুনা লৈখি। মফম অদুদা ঐখোয়গী কাংবুনা মতেং পাংবা অমসুং মী কনবগী থবকশিং পাংথোকখি অমসুং থবক অদুদগী বুদ্ধিস্ত লম্বোইবশিংদগী থৌজাল ফংখি। ওপরেসন ব্রাহ্মাদা শরুক য়াখিবশিংগীদমক ঐখোয়না য়াম্না চাউথোকচৈ। মালেম শীনবা থুংবা অসি ইমুং অমনি হায়বা ঐখোয়গী চৎনবী, ঐখোয়গী গুনশিং লৈরি। অৱাবা মতমদা মালেমগী মরুপ অমা ওইনা থবক তৌনবা ভারতনা থৌরাং তৌরি অমসুং মীওইবা খুন্নাইগীদমক ভারতনা পায়খৎলিবা থবক অসি ঐখোয়গী শক্তম ওইরক্লে।
মরুপশিং,
অফ্রিকাগী ইথোপিয়াদা লৈরিবা ভারতমচাশিংগী অনৌবা থবক অমা ঐ তারে। ইথোপিয়াদা লৈরিবা ভারতমচাশিংনা হেক পোকপদগী থম্মোয়গী লায়না লৈবা অঙাংশিং লায়েংনবা ভারত্ত থারকখি। অসিগুম্বা অঙাংশিং অদু ভারতকী ইমুংশিংনা শেনগী মতেং পাংখি। করিগুম্বা শেন লৈতবদগী ইমুং অমগী অঙাং অমা ভারত্ত লাকপা ঙমদ্রবদি, ঐখোয়গী ভারতমচাশিংনা মখোয়গীশু থৌরাং তৌরি। থবক অসিনা অরুবা অনাবা লায়েংনবা ইথোপিয়াগী লায়রবা অঙাং খুদিংমক মতেং পাংলে। ভারতমচাশিং অফবা থবক অসি ইথোপিয়াদা য়াম্না থাগৎনরে। ভারত্ত অনা-লায়েংগী থবকশিং লেপ্তনা ফগৎলক্লিবা অসি অদোম খঙলে। মসিগী কান্নবা অতোপ্পা লৈবাকশিংগী মীয়ামশু ফংলে।
মরুপশিং,
নুমিৎ খরগী মমাঙদা ভারতনা অফগানিস্থানগী মীয়ামগীদমক য়াম্লবা ভেক্সিন থাখ্রে। হায়রিবা তিকাশিং অসি রেবিজ, তেতানস, হেপাতাইতিস-বি অমসুং ইনফ্লুয়েঞ্জাগুম্বা লায়নাশিং ঙাকপদা শীজিন্নগনি। চয়োল অসিদা নেপালদা য়াম্লবা হিদাক-লাংথকশিং অমসুং তিকাশিং থাখ্রে। মসিনা থালাসেমিয়া অমসুং সিক্কল সেল লায়না লায়েংবদা কান্নবা পীগনি। মীওইবগী মতেংবগী মতাং লাকপদা, ভারতনা মতম পুম্নমক্ত মাঙজিল থাগনি অমসুং তুংদশু দরকার ওইরকপদা মাঙজিল থাগনি।
মরুপশিং,
মহৌশাগী অমাং-অতা থেংননবা খ্বাইদগী মরুওইবা অসি অদোম মীকুপ-নাহুম শিংনা লৈবা অসিনি। অদোমগী মোবাইলদা অখন্নবা এপ্প অমা হাপতুনা হৌজিক অদোম মীকুপ-নাহুম শিংনা লৈবা য়ারে। মসিগী মমিং সাচেত কৌই অমসুং মহৌশাগী ওইবা অমাং-অতা অমদা অদোম চপতুনা লৈখিবদা এপ্প অসিনা অদোম কনগনি। সাচেত এপ্প অসি ভারতকী নেসনেল দিজাস্তার মেনেজমেন্ত ওথোরিতিনা পুথোকপনি। ঈশিং চাউবা, নোংলৈ নুংশিৎ, লৈবাক নিংখাইবা, সুনামি, লান্মৈ চাকপা, উন নিংখাইবা অমসুং ব্রাজ তাবদা, অদোম ৱেদর দিপার্তমেন্তদগী খ্বাইদগী নৌবা পাউশিং ফংগনি। অখন্নবা থবক অমনা সাচেত এপ্প অসিনা লম লমগী লোল কয়াদা পাউশু পীরি। অদোম এপ্প অসিগী কান্নবা লৌগদবনি অমসুং অদোম্না থেংনবা থৌদোকশিং ঐখোয়দা শরুক য়াবীয়ু।
মরুপশিং,
ঙসি মালেম শীনবা থুংবা ভারতকী হৈশিংবা থাগৎনরে। মালেম্না ভারত্ত য়েংলিবা মীৎয়েং ভারতকী নহারোলশিংনা হোংহল্লে অমসুং লৈবাক অসিগী তুংলমচৎ অসিগুম্না তৌগদবনি হায়বা লৈবাক অমগী নহারোলশিংগী অপাম্বা অসিনা উৎলে। ঙসি ভারতকী নহারোলশিং সাইন্স, তেক্নোলোজি অমসুং ইন্নোবেসন্দা মাঙলোমদা চঙশিল্লি। মমাঙদা চাউখৎতবগী অমসুং অতোপ্পা মরম কয়াগী খঙনরম্বা লমদমশিং, নহারোলশিংনা খুদমশিং পীদুনা ঐখোয়দা অনৌবা থাজবা পীরে। ছতিসগরগী দান্তেৱারাদা সাইন্স সেন্তর অমা লিংখৎতুনা মীওই খুদিংমক্কী পুক্নিং চিংশিল্লে। মতম খরগী মমাঙদা, হিংগীদমক মমিং চৎলম্বা দান্তেৱারা, সাইন্স সেন্তর অসিনা অঙাংশিং অমসুং মখোয়গী মমা-মপাশিংগী অনৌবা থাজবা অমা ওইরে। সাইন্স সেন্তর অসিদা অঙাংশিং নুংঙাইরে। অনৌবা মেছিনশিং শাবদগী হৌরগা তেক্নোলোজি ফাওবা খুদিংমক মখোয়না সেন্তর অসিদগী হৌজিক তম্লে।
মখোয়না ৩-দি প্রিন্তরশিং অমসুং রোবোত কারশিংগী মরমদা তম্নবা খুদোংচাবা ফংলে। মতম খরগী মমাঙদা, ঐনা গুজরাত সাইন্স সিতিদা সাইন্স গেল্লারিশিং শঙ্গাখ্রে। হায়রিবা গেল্লারিশিং অসিনা অনৌবা সাইন্সগী খুদোংচাবশিংগী শক্তম অমা উৎখি অমসুং সাইন্সনা ঐখোয়গীদমক থবক কয়া য়াম্না পাংথোকপা ঙম্বগে হায়বা উৎখি। গেল্লারিশিং অসিদা অঙাংশিং য়াম্না হরাওরে হায়বা ঐ খঙলে। সাইন্স অমসুং ইন্নোবেসন পাম্নবা হেনগৎলকপা অসিনা শোইদনা ভারত অনৌবা থাকশিং য়ৌবা ঙমগনি।
মরুপশিং,
ঐখোয়গী লৈবাক্কী অচৌবা মপাঙ্গলদি ঐখোয়গী মীয়াম করোর ১৪০, মখোয়গী থবক ঙম্বা, মখোয়গী খাংবা কনবগী শক্তি অসিনি। মীওই করোর কয়া খোঙজং অমা শরুক য়াবদা, মসিগী কান্নবা য়াম্না ফংই। মসিগী খুদম ‘এক পের মা কে নাম’ অসিনি- খোঙজং অসি ঐখোয়বু পোকপীরিবা ইমাংগী মিংদা অমসুং মহাক্কী তম্পাক্ত ঐখোয়বু য়োকপীরিবা মালেম ইমাগী মিংদা পাংথোকপনি। লাক্লিবা জুন ৫, মালেমগী ইনভাইরোনমেন্ত দে অসিদা খোঙজং অসি চহি অমা মপুংফারে। চহি অসিগী মনুংদা, খোঙজং অসিগী মখাদা, লৈবাক শীনবা থুংনা ইমাগী মিংদা উ পাম্বী করোর ১৪০ হেন্না থাখ্রে। ভারতকী থবক অসি উবদা, লৈবাক অসিগী ৱাংমদা লৈরিবা মীয়াম্না মখোয়শু মখোয়গী মমাগী মিংদা উ পাম্বীশিং থারে।
মরুপশিং,
উশিংনা অইংবা ফংহল্লি হায়বা ঐখোয় পুম্নমক্না খঙলে… ঐখোয়না উগী মরুমদা হাংচিৎ লাংই। অদুবু ঐগী পুক্নিং চিংশিনবা অতোপ্পা মরী লৈনবা পাউ অমা ঐ তারে। হৌখিবা চহি খর অসিদা, গুজরাতকী অহমেদবাদ সহরদা উ লাখ ৭০ হেন্না থাখ্রে। হায়রিবা উশিং অসিনা অহমেদবাদগী অশংবা শরুক হেনগৎহল্লে। লোয়ননা সবরমাতি তুরেলদা রিভর ফ্রন্ত শেমগৎপদগী ঈশিং লৈবা মফমশু হেনগৎলে অমসুং হৌখিবা চহি খর অসিদা মালেমগী শাবা হেনগৎলকপা কোকহন্নবা হোৎনরিবা অচৌবা সহরশিংগী মনুংদা অহমেদবাদ অমা ওইরে হায়না পাউ খরদা হায়রি। অহমেদবাদতা থাখিবা উশিং অদুনা মফম অসি নুংঙাইনবা মরুমশিং ফংহল্লে। অইং-অশাগী খল হোংলকপা থেংননবা অমসুং অদোমগী অঙাংশিংগী তুংগী য়াইফনবা অমসুং মালেমগী হকশেলগী ফিবম ফনা থম্নবা উ পাম্বীশিং থানবা ঐনা অদোমগী মফমদা হায়জরি। এক পের মা কে নাম।
মরুপশিং,
মমাঙঙৈগী হায়নবা অমা লৈরি. ‘নিংবু নিংলবদি লম্বী অমা লৈগনি’। করিগুম্বা অনৌবা অমা পাংথোক্নবা ঐখোয়না ৱারেপ লৌরবদি, ঐখোয় শোইদনা ঐখোয়গী পন্থুংফম য়ৌগনি। অদোম চীংদা হৌবা এপ্পল ময়াম অমা চারম্লগনি। করিগুম্বা অদোম কর্নাতকাদা হৌবা এপ্পল মহাও তংলবরা হায়না হংবদা, অদোম অঙকপা ফাওগনি। মহৌশানা, এপ্পলশিং চীং খক্তদা হৌবনি হায়না ঐখোয়না খল্লি। অদুবু কর্নাতকাগী বাগালকোত্ত লৈবা শ্রী সাইল তেলি জিনা তম্পাক্ত এপ্পলশিং থারে। মহাক্কী কুলালি খুঙ্গংদা, ৩৫ দিগ্রিগী মথক্ত শাবা মফমদা উহৈ পানবা হৌরে। তশেংনা, শ্রী সালি তেলি লৌ উবা পামজখি অমসুং মহাক এপ্পল থানবা হোৎনখি অমসুং মহাক মাইপাক্লে। ঙসিদি মহাক্না এপ্পল পাম্বী কয়া থারে অমসুং মখোয় য়োনবগী শেন য়াম্না ফংলে।
মরুপশিং,
অদোম কিন্নাউরি এপ্পলগী মমিং তারম্লগনি। এপ্পলশিংগীদমক মমিং চৎলিবা কিন্নাউরিদা সেফ্রোন পুথোকপা হৌরে। মহৌশানা হিমালচলদা সেফ্রোন য়াম্না থাদে। অদুবু হৌজিক কিন্নাউরগী ফজরবা শঙ্গলা ভেল্লিদা সেফ্রোন থাবা হৌরে। অসিগুম্বা খুদম অমা কেরলাগী ৱেনাদনা ওইরে।
মফম অসিদা মাইপাক্না সেফ্রোন হৌরে। ৱেনাদতা সেফ্রোন অসি লৈবাক্ত হৌবা নত্তে, মসি এরোপোনিক্স তেক্নিক্কী মতেংনা থাবনি। মসিগা মান্নবা অঙকপা অমা লিতচি পুথোকপদা থেংনরে। লিতচি অসি বিহার, নোংচুপ বেঙ্গল নত্ত্রগা ঝারখন্দদা হৌবনি হায়বা ঐখোয়না তাই। অদুবু হৌজিক লিতচি অসি খা ভারত অমসুং রাজস্থান্দশু হৌরে। তামিল নাদুগী তিরু বিরা অরাসু কোফি থাবনি। মহাক্না কোদাইকনালদা লিচিত থাখি অমসুং চহি ৭ গী মতুংদা পাম্বীশিং উহৈ পানবা হৌরে। লিতচি থাবা মাইপাকপা অসিদগী মফম অদুগী অতোপ্পা লৌমীশিংশু পুক্নিং থৌগৎলে। রাজস্থান্দা জিতেন্দ্র সিংহ রানাৱাতনা লিতচি থাবদা মাইপাক্লে। হায়রিবা খুদমশিং অসি পুক্নিং থৌগৎনিঙাইনি। করিগুম্বা ঐখোয়না অনৌবা খর পাংথোক্নবা ৱারেপ লৌরবদি অমসুং অৱাবা মায়োক্নবা ঙম্লবদি, ওইথোক্তবশিং ফাওবা ওইথোকপা ঙমগনি।
মরুপশিং,
ঙসি অসি এপ্রিলগী অরোইবা নোংমাইজিংনি। নুমিৎ খরগী মতুংদা মে হৌরগনি। ঙসি ঐনা অদোম চহি ১০৮ গী মতুংদা পুগনি। ১৯১৭ গী এপ্রিল অমসুং মে থা অনি অসিদা, লৈবাক অসিদা নিংতম্বা পুরক্নবা অঙকপা লানফম অমা মায়োক্নখি। বৃতিসকী মীওৎ-মীনৈ মতোল লোমখি। লায়রবশিং, তোল্লবশিং অমসুং লৌমীশিং ওৎপা খম থেংখি। লৈহাও লৈরবা বিহারদা বৃতিসনা নমদুনা লৌমীশিং ইন্দিগো থাহনখি। ইন্দিগো থাবদগী লৌমীশিংগী লৌবুক লমহাং ওইখি অদুবু বৃতিস সরকারনা করিশু খনখিদে। অসিগুম্বা ফিবম অমদা, ১৯১৭ দা গান্ধীজি বিহারগী চম্পারনদা থুংলখি।
গান্ধীজিনা লৌমীশিংদা হায়খি- ঐখোয়গী লম মাঙশিল্লক্লে, ঐখোয়গী চানবা মহৈ-মরোংশিং ফংদ্রে। লৌমী লাখ কয়াগী অৱাবশিংদগী গান্ধীজিগী ৱাখলদা ৱারেপ অমা লৌখি। মসিদগী পুৱারি ওইরবা চম্পারনগী সত্যগ্রহ হৌদোকখি। চম্পারন সত্যগ্র অসি বাপুগী ভারত্ত পাংথোকপা অহানবা চাংয়েংনি। বাপুগী সত্যগ্রহদা বৃতিস লৈঙাক নিকখি। লৌমীশিং নমদুনা ইন্দিগো থাহনবা আইন অদু বৃতিসনা ককখি। মসিগী মাইপাকপা অসিনা নিংতম ইহৌদা অনৌবা থাজবা পীখি।
নিংতম্লবা মতুংদা লৈবাক অসিগী অহানবা রাস্ত্রপতি ওইখিবা, সত্যগ্রহ অসিদা য়াম্না মতেং পাংখিবা বিহারগী অতোপ্পা মপারি অমা অদোম খঙলমগনি। শক্নাইরবা মীওই অদু দোক্তর রাজেন্দ্র প্রসাদনি। মহাক্না চম্পারন সত্যগ্রহগী মরমদা লাইরিক অমা ইখি… নহারোল কয়া মহাক্কী লাইরিক পাখি। ইনাওশিং অমসুং ইচলশিং, নিংতম ইহৌগী মুৎপা নাইদ্রবা পন্দুব কয়া এপ্রিল থা অসিগা শাগোন্নরি। গান্ধীজিগী দান্দি মার্চ এপ্রিল ৬ দা লোইশিনখি। খোঙচৎ অসি মার্চ ১২ দগী হৌখি অমসুং নুমিৎ ২৪ পাংথোক্তুনা বৃতিস নিকহনখি। এপ্রিল থাদা জাল্লিয়ানৱালা বাগ মীহাৎ থোকখি। মসিদা তাখিবা ঈ অদু হৌজিক ফাওবা পঞ্জাবগী লৈহাওদা লৈরি।
মরুপশিং,
নুমিৎ খরনিগী মতুংদা, মে ১০ দা, অহানবা নিংতম ইহৌগী চহি ১০০ শুবা থৌরম পাংথোক্লগনি। মসিনা নিংতম্নবগী অহানবা লানফম ওইখি অমসুং তুংদা নিংতম লান্মী মিল্লিয়ন কয়াগী মৈরা অমা ওইখি।
এপ্রিল ২৬ দা, ১৮৫৭ লালহৌগী অথৌবা বাবু বীর কুনৱার সিংহগী ১০০শুবা লৈখিদবা কুমওন থৌরম ঐখোয়না পাংথোক্লি। বিহারগী শক্নাইরবা নিংতম লান্মী অসিদগী লৈবাক শীনবা থুংনা ইথিল পীখি। ঐখোয়না অসিগুম্বা নিংতম লান্মী লাখ কয়াগী মুৎপা নাইদ্রবা ইথিলশিং হিহন্দুনা থম্লি। ঐখোয়না মখোয়দগী ফংবা থৌনা অদুনা অমৃতকালগী ঐখোয়গী থৌনাদা অনৌবা মপাঙ্গল হাপ্লে।
মরুপশিং,
মন কি বাতকী শাংলবা খোঙচৎ অসিদা, থৌরম অসিদা অদোমগা অচেৎপা মরী অমা লৈনরে। মন কি বাতকী খুৎথাংদা লৈবাক অসিগী মীয়াম্না মাইপাকশিং অতোপ্পশিংদা খঙহনবা পাম্মী। মথংগী থাদা, ঐখোয় অমুক হন্না উনগনি অমসুং হিরম কয়াদা, ফজরবা চৎনবীশিং অমসুং লৈবাক অসিগী অনৌবা মাইপাকপশিংগী মরমদা ৱারি শানগনি। মখোয়গী কৎথোকপা অমসুং থবক শুবগী থৌনাগা লোয়ননা খুন্নাইদা অহোংবা পুরক্লিবা মীওইশিংগী মরমদা ঐখোয়না খঙগনি। মতম পুম্নমক্ত, অদোমগী ৱাখলশিং অমসুং পাউতাকশিং ঐখোয়দা থাবীরকউ। অদোম থাগৎচরি, খুরুমজরি।
The perpetrators and conspirators of this attack will be served with the harshest response: PM @narendramodi during #MannKiBaat pic.twitter.com/mjF5ezrtes
— PMO India (@PMOIndia) April 27, 2025
In the war against terrorism, the unity of the country, the solidarity of 140 crore Indians, is our biggest strength: PM @narendramodi during #MannKiBaat pic.twitter.com/WI5BlQFDQG
— PMO India (@PMOIndia) April 27, 2025
There is a deep anguish in my heart. The terrorist attack that took place in Pahalgam on the 22nd of April has hurt every citizen of the country: PM @narendramodi in #MannKiBaat pic.twitter.com/oAmct2pZOF
— PMO India (@PMOIndia) April 27, 2025
Dr. K. Kasturirangan Ji's selfless service to the country and contribution to nation building will always be remembered: PM @narendramodi during #MannKiBaat pic.twitter.com/h2FzD5xaxf
— PMO India (@PMOIndia) April 27, 2025
Today, India has become a Global Space Power. #MannKiBaat pic.twitter.com/0oJliacysa
— PMO India (@PMOIndia) April 27, 2025
We are very proud of all those who participated in Operation Brahma: PM @narendramodi in #MannKiBaat pic.twitter.com/lXuubTALo0
— PMO India (@PMOIndia) April 27, 2025
Whenever it comes to serving humanity, India has always been and will always be at the forefront. #MannKiBaat pic.twitter.com/whLG6VWWO7
— PMO India (@PMOIndia) April 27, 2025
SACHET App for disaster preparedness. #MannKiBaat pic.twitter.com/ntWYM8N44R
— PMO India (@PMOIndia) April 27, 2025
Growing curiosity for science and innovation amongst youth will take India to new heights. #MannKiBaat pic.twitter.com/sWAHzpZfcV
— PMO India (@PMOIndia) April 27, 2025
#EkPedMaaKeNaam initiative shows the power of collective action. #MannKiBaat pic.twitter.com/cK9gTpktFU
— PMO India (@PMOIndia) April 27, 2025
A noteworthy effort in Karnataka to grow apples. #MannKiBaat pic.twitter.com/TDiuBUEbcg
— PMO India (@PMOIndia) April 27, 2025
Champaran Satyagraha infused new confidence in the freedom movement. #MannKiBaat pic.twitter.com/5kbGkzrM8G
— PMO India (@PMOIndia) April 27, 2025
