প্রধান মন্ত্রী শ্রী নরেন্দ্র মোদীনা ফিৎ ইন্দিয়া মুবমেন্তকী অহানবা চহী কুমোন্দা ভিদিও কনফরেন্সিংগী থোংদা ঙসি এজ এপ্রোপ্রিএৎ ফিৎনেস প্রোতোকোল হৌদোকখ্রে।
থৌরম অসিদা শীনখিবা ফিৎ ইন্দিয়া দাইলোগকী মনুংদা শ্রী মোদীনা তোঙান-তোঙানবা শান্নখোৎনবা মীওইশিংগা ৱারী শানখি। ভর্চুএল দাইলোগ অদু কেজুএল অমসুং ইনফোর্মেল ওইনা পাঙথোকখি, মসিদা শরুক য়ারিবশিংনা প্রধান মন্ত্রীদা মখোয়গী পুন্সিদা থেংনরকপশিং অমসুং মখোয়না হকচাং ফনা লৈনবগী লাইৱা তমখি।
প্রধান মন্ত্রীনা দেবেন্দ্র ঝাঝারিয়া, পেরালিম্পিক গোল্দ মেদালিস্ত, জেব্লিন লংবা অসিগা শানখিবা ৱারী
প্রধান মন্ত্রীনা শ্রী দেবেন্দ্রবু তোঙান-তোঙানবা মালেমগী পেরালিম্পিক ইভেন্তশিংদা ভারতকী মিংচৎ পুরকখিবগীদমক থাগৎপা ফোংদোকখি। মহাক্না দেবেন্দ্রদা মহাক্কী খুদোংচাদবা শীংনবশিংবু করম্না মাই পাকখিবগে অমসুং মহাকপু মালেমগী শক্নাইরবা এথলেৎ অমা করম্না ওইরকখিবনো হায়না হংখি।
দেবেন্দ্র ঝাঝরিয়ানা মৈ চিংখিবদগী মখুৎ নাম্মা তৎখিবগী পুন্সিগী অৱাবা তাংকক্কী মতাং অমসুং মহাক্কী অপোকপীনা চুম্নগী অঙাং অমগুম্না অদুমক হিংদুনা হকচাং ফনবগী মাইকৈদা পুশিনবীরকপগী ৱারী তমখি।
প্রধান মন্ত্রীনা হন্দক্তা নৌনা মহাক্কী পাম্বোম শোকপদা করি তৌখিবগে অমসুং শান্নখোয়ৎনবদগী পোথারগে হায়না লেপ্লুবা ৱারেপ করম্না মাইথিবা পীখবগে হায়না হংবগী পাউখুম ওইনা দেবেন্দ্র ঝাঝরিয়ানা খুমখি মদুদি কনাগুম্বা অমনা ৱাখলগী অমসুং হকচাংগী শীংনবা লাকপা মীকুপ্তা অহানবদা মশাদা থাজবা অমা থম্বা তাই হায়খি।
মহাক্না হকচাং শাজেল খরা উৎখি অমসুং অশোকপা অমগী মতুংদা তৌগদবা শাজেলগী মতাংদা খন্ন-নৈনখি।
প্রধান মন্ত্রীনা পেরালিম্পিক গোল্দ মেদালিস্ত অমনা অসিগুম্বা ইথিল পীনিংঙাই ওইবা থবক অসি পায়খৎলম্বগীদমক থাগৎখি অমসুং অমসুং চহী ৮০ শুরবী মহাক্কী মমানা হকচাং ফনা হৌজিক ফাওবা লৈবগীদমক ইকাই খুম্নবা ফোংদোকখি।
প্রধান মন্ত্রীনা অফসান অশিক, ফুৎবোল্লরগা শানবা ৱারী
জম্মু অমসুং কাশ্মিরদগী গোল কীপ্পর অসিনা মমা অমসুং ইমুং পুবী অমগী থৌদাং লৌরিবনা হায়খি মদুদি নুপী খুদিংমক্না মশা মউ ফনা লৈবা হায়বসি তঙাইফদবা অমনি। এম.এস. ধোনীগী ইং তপ্না থৌ পাংথোকপগী মওং মতৌনা মহাকপু করম্না ইথিল পীখিবগে হায়বগী মতাংদা নৈনখি অমসুং মহাক্না অয়ুক খুদিংগী হিরি কোন্দুনা ইং তপ্না অমসুং ফিজেৎ কাইদনা লৈনবা হোৎনৈ হায়না পাউদমখি।
প্রধান মন্ত্রীনা য়াম্না ইংবা মফম অমা ওইবনা জম্মু অমসুং কাশ্মিরগী মহৌশাদগী লৈজরকপা হকচাং ফনা লৈনবগী লম্বী লৈব্রা হংখি। অফসান্না মখোয়না ত্রেক্কিং চৎপনা মখোয়গী হকচাং করম্না ফগৎহনবগে হায়বদু খন্নখি। মহাক্না মসিমসু হায়খি মদুদি জম্মু অমসুং কাশ্মিরগী মীওইশিং অসি অৱাংবা অলতিত্যুদতা হিংবনা মখোয়দা থবোম্বীগী কেপাসিতী হেন্না চাউই হায়খি অমসুং মসিনা মখোয়না হকচাং শাজেল তৌবা মতমদা মখোয়দা নিংশা হোনবগী অৱাবা লৈতে হায়খি।
অফসান্না গোল কীপ্পর অমা ওইনা হকচাং ফনা অমসুং হকচাং নৌনা লৈতবা য়াদবগী মতাংদসু তমখি।
প্রধান মন্ত্রীগা মিলিন্দ সোমন, এক্তর, মোদেলগা শানখিবা ৱারী
মিলিন্দ সোমনবু 'মেদ ইন ইন্দিয়া মিলিন্দ' হায়না কৌরদুনা প্রধান মন্ত্রীনা হায়খি মদুদি মহাক্না মহাক্কী মশাগী ওইবা মওংদা মেক ইন ইন্দিয়াগী ভোকেল সপ্পোর্তর ওইরি হায়না ফোংদোকখি। মিলিন্দ সোমন্না হায়খি মদুদি ফিৎ ইন্দিয়া মুবমেন্তনা মীয়ামদা ৱাখল তাহল্লি, মখোয়না হৌজিক্তি মখোয়গী হকচাং অমসুং ৱাখলগী পাঙ্গল খঙজরে। মহাক্না মহাক্কী অপোকপীগী হকচাংগী মতাংদা ঙাংখি। সোমন্না হায়খি, মমাংঙৈ মতমদদি অয়াম্বা মীশিং অসি হকচাং ফনা লৈরম্মি অমসুং মখোয়না খুঙ্গংশিংদা ঈশিং শোক্নবগীদমক কিলোমিতর ৪০-৫০ ফাওবা খোংনা চৎলম্মি। অদুবু হৌজিক্তি শহরশিংদা তেক্নোলোজী লৈরবনা মরম ওইদুনা ঐখোয়না কয়া লেঙ ওৎপা ৱাৎলবা পুন্সি মহিং অমা হিংলি, মসিনা ঐখোয়দা লাইনা কয়া পোকহল্লি।
প্রধান মন্ত্রীনা হায়খি মদুদি হকচাং ফবা হায়বসি চহী লৈতে অমসুং মিলিন্দ সোমনগী অপোকপীবু চহী ৮১ শুরবা ফাওবদা পুস অপ তৌদুনা হকচাং ফনা লৈবগীদমক থাগৎপা ফোংদোকখি।
মিলিন্দ সোমন্না হায়খি মদুদি কনাগুম্বা অমনা মখোয়দা লৈজবা অমা হেক্তা শীজিন্নদুনা হকচাং ফনা লৈবা য়াই, মসিদা চঙলিবসি মখোয়গী থাজবা অমসুং করিগুম্বা অমা তৌবদা পুকচেল তিংবদুখক্নি।
মিলিন্দনা প্রধান মন্ত্রীদা মীনা চৈরকপা মতমদা করম্না পাউখুম পীবগে হায়না হংবদা, প্রধান মন্ত্রীনা খুমখি মদুদি মপুং ফানা কত্থোকপা, মীপুম খুদিংমকপু মতেং পাংগে খনবগা লোইননা থবক পায়খৎপা অমসুং ইথৌদাং মশক খঙবনা ৱাখলদা অৱাবা পোকহন্দে হায়খি। প্রধান মন্ত্রীনা হায়খি মদুদি চাংদম্নবনা অফবা ৱাখল পোকহল্লি, অদুবু কনাগুম্বা অমনা অতোপ্পগা চাংদম্নবগী ইশাগা শিংনজগদবনি হায়খি।
প্রধান মন্ত্রীগা রুজুতা দিৱেকর, ন্যুত্রিসনিস্তকা শানখিবা ৱারী
রুজুতানা মমাংঙৈগী চাবা থকপগী মওং মতৌদা হঞ্জিনবগী মরুওইবগী মতাংদা ফোংদোকখি হায়বদি হৱাই, চাক অমসুং ঘী চাবগী হৈনবী। মহাক্না হায়খি মদুদি করিগুম্বা ঐখোয়না লমদম অসিদা শাজবা পোৎচৈ চারবদি, ঐখোয়গী লৌমীশিং অমসুং ঐখোয়গী লমদম অসিগী শেন্মিৎলোন্দা কান্নবা পীগনি। ভোকেল ফোর লোকেলগী ৱাখল্লোন অসি য়াম্না মরুওই হায়খি।
মহাক্না মালেমগী ওইনা চৎনরক্লিবা করম্না ঘী শাগদগে হায়বগী মতাংদা অমসুং মচুগা শঙ্গোমগগী কান্নবগী মতাংদা ঙাংখি।
দিৱেকরনা ঐখোয়গী হকচাং অমসুং ৱাখলদা অকাইবা পীবা চীঞ্জাকশিং থাদোক্নবগী মতাংদা ফোংদোকখি। লম খুদিংমক্কী মখোয়গী ওইবা অখন্নবা চীঞ্জাক লৈজৈ অমসুং য়ুমদা থোংবা চীঞ্জাক হায়বসিনা মতম চুপ্পদা অফবা ওই। করিগুম্বা ঐখোয়না অয়োম্বা অমসুং প্রোসেস তৌরবা চীঞ্জাক থাদোক্লবা অমসুং য়ুমদা শেমজবা চীঞ্জাক চারিবমখৈ কান্নবা কয়া অমা ঐখোয়না উবা ফংগনি।
প্রধান মন্ত্রীনা স্বামি শিবধ্যানম সরস্বতিগা শানবা ৱারী
স্বামি শিবধ্যানম সরস্বতিনা হায়খি মদুদি ময়াম্না হায়নবা ফজরবা ৱাফম সর্ব্জন হিতাএ, সর্বজন সুখাএ হায়বদি মীয়ামগী য়াইফবনা পুম্নমক্কী নুংঙাইবনি হায়বসিদগী পুক্নিং ইথিল ফংখিবনি হায়রি।
মহাক্না গুরুশিংগী মতাংদা হায়খি অমসুং মখোয়দগী লৌহৌবা ইথিলনা য়োগাগী মরুওইবা শন্দোক্নবগী মতাংদা পনখি। মহাক্না মহৈরোইশিংগী হকচাং অমসুং ৱাখলদা মীৎয়েং চঙবা অরিবা ওজা-তুংইনবা গুরুকুলগী লম্বী অমসুং মেথদকী মতাংদা পনখি।
মহাক্না য়োগাবু শাজেল অমখক নত্তনা পুন্সিগী লম্বী অমনি হায়না ফোংদোকখি, মসি গুরুকুলগী মতমদগী হৌনা লৈরক্লবনি।
প্রধান মন্ত্রীনা হোংলক্লিবা পুন্সিগী মওং অসিদা য়োগাবুসু অহোংবা অমা পুরক্নবগী মতাংদা ফোংদোকখি।
প্রধান মন্ত্রীনা ভিরাৎ কোলিগা শানখিবা ৱারী
প্রধান মন্ত্রীনা ভিরাৎ কোলিগা লোইননা মহাক্কী ফিৎনেস রুতিনগী মতাংদা খন্নখি। ভিরাৎনা হায়খি মদুদি ৱাখলগী পাঙ্গল হায়বসি হকচাংগী পাঙ্গলগা লোইননা চৎলি।
প্রধান মন্ত্রীনা দিল্লীগী মমিং লৈরবা চোলে ভাতুরে মতৌ করম্না থাদোকখিবগে হায়না হংবা মতমদা ভিরাৎনা দাইৎকী কাংলোন চুম্না য়ুমদা চম্না থোংজবা চাক্লেন্না হকচাং ফবা হেলহনলি হায়খি।
শ্রী মোদীনা কেলোরী ইন্তেক করম্না খল কাইদনা থমগদগে হায়বগী মতাংদা খন্নখি। ভিরাৎনা হায়খি মদুদি চাশিনখিবা চীঞ্জাকশিং অসি তুমহন্নবা হোৎনবদা হকচাংদা মতম খরা পীবা মথৌ তাই হায়খি। প্রধান মন্ত্রীনা য়োয়ো তেস্তকী মতাংদা পুথোকখি অমসুং হকচাং ফবগী নাৎ অমা শাগৎপগী তঙাইফদবা ফোংদোকখি। ভিরাৎনা হায়খি মদুদি মরাং কাইনা তুম্বা, চীঞ্জাক অমসুং হকচাং ফবনা চয়োল অমগী মনুংদা হকচাং কনখৎহনবা য়াই হায়না প্রধান মন্ত্রীনা চোকথবা ফাওদব্রা হায়না হংবদা খুমখি।
প্রধান মন্ত্রীনা মুকুল কানিৎকর, এজুকেসনিস্তকা শানবা ৱারী
মুকুল কানিৎকরনা হায়খি মদুদি হকচাং ফবা হায়বসি হকচাং খক্কী নত্তনা ৱাখল অমসুং খুন্নাইগী ৱাখল্লোন অমসুনি। মহাক্না হকশেলগী নাৎ অমা শাগৎপগী তঙাইফদবা ফোংদোকখি। মহাক্না প্রধান মন্ত্রীবু সুর্যা নমস্কারগী পাউখোল্লোই ওইবীবগীদমক থাগৎচখি। মহাক্না ভগবৎগিতাবু হকচাং ফবা অনীগী মরক্তা খন্ন-নৈনবনি হায়না ফোংদোকখি।
মহাক্না প্রধান মন্ত্রীবু নেসনেল এজুকেসন পোলিসী – ২০২০দা ফিৎনেসপু করিক্যুলমদা হাপ্পীবগীদমক অমসুং মীপুম খুদিংমকপু ফিৎ ইন্দিয়াগীদমক পুক্নিং থৌগৎপগীদমক থাগৎপা ফোংদোকখি। মহাক্না হায়খি মদুদি ফিৎনেস হায়বসি মন (ফীলিং), বুদ্ধি (নোলেদজ) অমসুং ভাবনা (থোৎস)কী পুনশিন্নবদুবুনি হায়খি।
প্রধান মন্ত্রীনা অরোইবদা হায়খিবা ৱারোল
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ফিৎ ইন্দিয়া দাইলোগনা চহী কাংলুপ খুদিংমক্কী হকচাং ফনবগী মতাংদা মীৎয়েং চংখি অমসুং মসিনা হকচাং ফনবা হোৎনবগী মাইকৈ খুদিংমক্তা থৌদাং লৌরি।
শ্রী মোদীনা লৈবাক অসিদা ফিৎনেস্কী মোবিলাইজেসন ফিৎ ইন্দিয়া মুবমেন্ত হেক হৌদোকখিবা মতুংদগী চাউনা তৌরি হায়না ফোংদোকখি। হকশেল অমসুং দকচাং ফবা হায়বসিগী মতাংদা পাঙথোকপা এৱেয়রনেসকী চাং লেপ্পা লৈতনা হেনগৎলক্লি অমসুং শরুক য়াবগী চাংসু হেনগৎলক্লি। মহাক্না য়োগা, শাজেল, চৎপা, চেনবা, হকচাং ফবা চীঞ্জাক চাবা, হকচাং ফবা পুন্সি মহিং হায়বসি ঐখোয়গী ৱাখলদা নপ্তুনা লৈরবা পোৎশক অমা ওইরে হায়না হরাউবা ফোংদোকখি। মহাক্না হায়খি মদুদি ফিৎ ইন্দিয়া মুবমেন্তনা কোরোনা মনুংদা অথিংবা কয়া লৈরবসু মসিগী ইথিল অমসুং চুন্নবগী চাং উৎখ্রে।
প্রধান মন্ত্রীনা হায়খি মদুদি হকচাং ফনা লৈবা হায়বসি কনাগুম্বা খরনা খল্লিবসিগুম্না অরুবা থবক্তি ওইদে। লমচৎ খরা নাইরবা অমসুং খরখক্তং কন্না হোৎনবা মতমদা ঐখোয়না মতম চুপ্পদা হকচাং ফনা লৈবা য়াগনি। মহাক্না 'হকচাং ফনবগীদমক, নোংমগী মনুংদা পুংখাই অমগী ফিৎনেস দোজ' হায়বা লাইৱা অসি পীখি। মহাক্না মীপুম খুদিংমক্তা য়োগা তৌনবা, বেদ্মিন্তন, তেন্নিস নত্ত্রগা ফুৎবোল, করাতে, নত্ত্রগা কবাদ্দি মিনিৎ ৩০ খক ওইরবসু নুমিৎ খুদিংগী শাননবা হায়জখি। মহাক্না হায়খি মদুদি ঙসিদি য়ুথ মন্ত্রালয় অমসুং হকশেল মন্ত্রালয়না অপুনবা ওইনা ফিৎনেস প্রোতোকোল ফোংখ্রে।
প্রধান মন্ত্রীনা হায়খি মদুদি ঙসিদি হকচাং ফবগী মরমদা পাঙথোকপা এৱেয়রনেস অসি মালেম ফুগাইনা চৎলে। ৱর্ল্দ হেল্থ ওর্গনাইজেসন – হুনা দাইৎ, হকচাং শাজেল অমসুং হকশেলগী মালেমগী ওইবা লাল্লোং অমা য়াৎখ্রে। মখোয়না হকচাং শাজেলগী মরমদা মালেমগী রিকমেন্দেসন অমসু থোকখ্রে। ঙসিদি ওস্ত্রেলিয়া, জর্মনি, ব্রিতেন অমসুং য়ূ.এস.কুম্বা লৈবাক কয়ানা হকচাং ফনবগী অনৌবা পান্দম কয়া শেমদুনা মদু ফংনবা হোৎননরি। পাক চাউবা কেম্পেন কয়াসু অসিগুম্বা লৈবাকশিং অসিদা চত্থরি অমসুং লৈবাক মচা কয়ানা নুমিৎ খুদিংগী শাজেল তৌবদা শরুক য়ানরি।
