খুরুমজরি!
রাজ্য সভাগী ইকাই খুম্নরবা চিয়রমেন অমদি লৈবাক অসিগী উপ-রাস্ত্রপতি, ভেনকাইয় নাইদু জি, লোক সভাগী ইকাই খুম্নরবা স্পিকর, শ্রী ওম বির্লা জি, রাজ্য সভাগী ইকাই খুম্নরবা দিপুতী চিয়রমেন, শ্রী হরিবন্স জি, লোক সভা অমদি রাজ্য সভাদা লৈরিবা ওপোজিসনগী লিদরশিং, অমদি প্রোগ্রাম অসিদা ঐখোয়গী ইরক্তা শরুক য়াবিরিবা অতোপ্পা মশক নাইরবা মীওইশিং, চিং লেম্লবি নুপীশিং অমদি চিং লেম্লবা নুপাশিং!
ঙসি অসি ঐখোয়গী পার্লিয়ামেন্তরী সিস্তেমদা য়াম্না মরু ওইবা অতোপ্পা চেপ্তরনি৷
ঙসিদি, লৈবাক অসিনা সন্সদ তি.ভি.গী মওংদা কম্ম্যুনিকেসন অমদি দাইলোগকী অসিগুম্বা মেদিয়ম অমা ফংলি৷ মসিনা লৈবাক্কী দিমোক্রেসী অমদি প্রজাগী মীহুৎশিংগী অনৌবা খোল্লাউ অমা ওইনা মথৌ তৌরগনি৷
মসিগী ৱাখল্লোন অসিবু তশেং-তশেংবদা ওন্থোকখিবা তীম অসিদা অমদি নখোয় পুম্নমক অফবতা ওইরসনু হায়না ঐনা য়াইফ-মঙ্গোল পীরি৷ ঐখোয়গী ইকাই খুম্নরবা স্পিকরনসু ফোংদোকখ্রে মদুদি ঙসি অসি দূর্দরশনগী চহি ৬২ মপুং ফারকপা নুমিৎনি৷ মসি য়াম্না শাংবা খোঙচৎ অমনি৷ মসিগী খোঙচৎ অসি মাই পাক্নবা হোৎনবদা মীওই কয়া অমনা অচৌবা থৌদাং লৌখ্রে৷ দূর্দরশনবু চলাইরিবা মীওই পুম্নমকপুসু ঐনা থাগৎপা ফোংদোকচরি৷
মরুপশিং,
অহোংবা থুনা-থুনা লাক্লিবা মতমশিং অসিদা, মেদিয়া অমদি তি.ভি. চেনেলশিংগী থৌদাংসু য়াম্না থুনা থুনা হোংলক্লি৷ ২১শুবা চহি চা অসিনা কম্ম্যুনিকেসন অমদি দাইলোগকী খুৎথাংদা অওনবা অমা পুরক্লি৷ অসিগুম্বা ফিভম অমদা, ঐখোয়গী পার্লিয়ামেন্তগা চৎমিন্নরিবা চেনেলশিং অসিসু অসিগুম্বা মোদর্ন সিস্তেমশিং অসিগী মতুং ইন্না মখোয় মশাবু ত্রান্সফোর্ম তৌজবা অসি মহৌশাগুম ওইরক্লি৷
ঙসি, সন্সদ তি.ভি.গী মওংদা অনৌবা অমা হৌদোরক্লিবা অসি ঐ য়াম্না নুংঙাই৷ সন্সদ তি.ভি.না মহাক্কী অনৌবা শকলোন অদু সোসিএল মেদিয়া অমদি ও.তি.তি. প্লেতফোর্মশিংদসু ফংহল্লগনি অমসুং মশাগী ওইবা এপ লৈজরগনি হায়নসু ঐঙোন্দা ফোংদোরকখ্রে৷ মসিগা লোইননা, ঐখোয়গী পার্লিয়ামেন্তরী দাইলোগ অসি মোদর্ন তেক্নোলোজীগা কন্নেক্ত তৌবা খক্তা নত্তনা মসিনা প্রজা মীয়ামদা য়ৌহনবগী চাংসু হেনগৎহল্লগনি৷
ঙসি সেপ্তেম্বর ১৫দা, দেমোক্রেসীগী মালেমগী নুমিৎকা তামিন্নবা অসিসু য়াম্না নুংঙাইবা অমনি৷ অমদি, দেমোক্রেসীগী মতাংদা লাকপা মতমদা, ভারতকী থৌদাং অসি অদুক্কীম তিক য়াম্মী৷ ভারত অসি দেমোক্রেসীগী মমানি৷ ভারতকী দেমোক্রেসী অসি সিস্তেম অমা খক্তা নত্তে, মসি ৱাখল্লোন অমনি৷ ভারত্তা লৈরিবা দেমোক্রেসী অসি কন্সতিত্যুস্নেল স্ত্রকচর অমা খক্তা নত্তে, মসি স্পিরিত অমনি৷ ভারত্তা লৈরিবা দেমোক্রেসী অসি কন্সতিত্যুসনশিংগী সেক্সনশিংগী কল্লোক্সন অমা খক্তা নত্তে, মসি ঐখোয়গী লাইফ স্ত্রিমনি৷ মরম অদুনা, মালেমগী দেমোক্রেসী নুমিৎতা সন্সদ তি.ভি. লোঞ্চ তৌরকপা অসিনা মসিদা অদুম মরী লৈনহল্লি৷
অমবু ওইরবসু, ভারত্তা লৈরিবা ঐখোয় পুম্নমক্না ঙসি অসি ইঞ্জিনিয়রশিংগী নুমিৎসু পাংথোক্লি৷ মসিগী নুমিৎ, এম. বিসবেসবরয় জিগী মপোক নুমিৎ অসি ভারতকী হোৎনবা কল্লবা অমদি স্কিল নিংথিনা হৈরবা ইঞ্জিনিয়রশিংদা দেদিকেত তৌরি৷ তি.ভি.গী মালেমদা, ও.বি. ইঞ্জিনিয়রশিং, সাউন্দ ইঞ্জিনিয়রশিং অমদি গ্রাফিক দিজাইনিংদা য়াওরিবা মীওইশিং, পেনেলিস্তশিং, স্তদিও দাইরেক্তরশিং, কেমেরাগী মীওইশিং, ভিদিও ইদিতরশিং অমদি প্রোফেস্নেল কয়া অমনা ব্রোদকাস্ত মাই পাক্না তৌরি৷ ঙসি, ঐনা সন্সদ তি.ভি. য়াওনা লৈবাক অসিগী তি.ভি. চেনেল পুম্নমক্তা থবক তৌরিবা ইঞ্জিনিয়রশিংদা খন্ননা থাগৎলি৷
মরুপশিং,
ঙসি, লৈবাক অসিনা মহাক্কী মনিং-মখা তম্বা চহি ৭৫ মপুং ফারকপগী পাংথোক্লিবা মতম অসিদা, ঐখোয়দা হৌখিবগী মিংচৎ অমদি তুংগী রিজোলুসনশিং অদু লৈ৷মসিগী এরিয়া অনিমক্তা মেদিয়াগী অচৌবা থৌদাং অমনি লৈ৷ মেদিয়ানা স্বচ ভারত অভিয়নগুম্বা তোপিক অমা পুথোরকপা মতমদা, মদু প্রজা মীয়ামদা অদুক্কী মতিক য়াম্না থুনা শন্দোকই৷ নিংতম্বগী অমিৃত মহোতসবতা লৈবাক মীয়াম্না হোৎনরিবশিং অসি মেদিয়ানা উৎথোক্তুনা অফবা থবক অমা তৌবা ঙম্লগনি৷ খুদম ওইনা হায়রবদা, তি.ভি. চেনেলশিংনা নিংতম ইহৌগী ইপিসোদ ৭৫ প্লান তৌবা ঙমগনি অমদি দোকুমেন্তরীশিং শেম্বা ঙমগনি৷ খবরশিংনা অমিৃত মহোতসবকা মরী লৈনবা সপ্লিমেন্তশিং ফোংবা ঙমগনি৷ দিজিতেল মেদিয়ানা ক্বুইজশিং অমদি কম্পিতিসনশিংগুম্বা আইদিয়াশিংগী খুৎথাংদা নহাশিং অসি দাইরেক্লি কন্নেক্ত তৌবা ঙমগনি৷
সন্সদ তি.ভি.গী তীম অসিনা মসিগী দাইরেক্সন অসিদা প্রোগ্রাম কয়া অমা প্লান তৌখ্রে হায়নসু ঐঙোন্দা খঙহল্লকখি৷ হায়রিবা প্রোগ্রামশিং অসিনা অমিৃত মহোতসবকী স্পিরিত অসি প্রজা মীয়ামদা য়ৌহনবদা অচৌবা থৌদাং লৌরগনি৷
মরুপশিং,
নখোয় পুম্নমক কম্ম্যুনিকেসনগী ফিল্দদা ক্রেতিব ওইরবা মীওই ঙাক্তনি৷ "কন্তেন্ত ইস কিং" হায়না মখোয়না য়াম্না তোইনা হায়৷ ঐগী এক্সপরিয়েন্স অসি নখোয়দা ঐনা সেয়র তৌবা পাম্মী৷ ঐগী এক্সপরিয়েন্সতি “কন্তেন্ত ইস কন্নেক্ত”হায়বা অসিনি৷ মসিনা হায়নিংলিবা অদুদি, নখোয়দা অফবা কন্তেন্ত লৈবা মতমদা, মীয়াম্না মশা মতোম্তা নখোয়বু থিরক্কনি৷ মসি মেদিয়াদা এপ্লাই তৌরবদি, ঐখোয়গী পার্লিয়ামেন্তরী সিস্তেমদসু চপ মান্ননা এপ্লিকেবল ওইগনি৷ মদুগী মরমদি পার্লিয়ামেন্তদা পোলিতিক্স খক্তা লৈবতা নত্তনা, পোলিসী মেকিংসু লৈ৷
পার্লিয়ামেন্তনা সেসন ফম্লিঙৈ মতমদা, তোঙান তোঙানবা হিরমশিংগী মতাংদা দিবেতশিং পাংথোকই, অমদি নহাশিংনা তমগদবা কয়া অমসু লৈরি৷ঐখোয়গী লৈবাক অসিনা ইকাই খুম্নরবা মেম্বরশিংবু য়েংলি হায়বসি মখোয়না খঙলকপা মতমদা, মসিনা পার্লিয়ামেন্ত মনুংদা অফবা থবক, হেন্না ফবা দিবেতশিং পাংথোক্ননবগীদমক মখোয়বু পুক্নিং থৌগৎলি৷ মসিনসু পার্লিয়ামেন্তগী প্রদক্তিবিতীসু হেনগৎহল্লগনি, অমদি পব্লিক ইন্তরেস্ত ৱার্কশিংসু হেন্না মমিং লৈরগনি৷
মরম অদুনা, প্রজা মীয়াম্না হাউসকী প্রোসিদিংশিংগা কন্নেক্ত তৌবা অসি য়াম্না মরু ওই,লৈবাক অসিগী মফম অমদা হেক্তা লৈরবসু, মখোয় অসি হাউসকী এক্তিবিতীশিংগী শরুক অমা ওইগদবনি৷ মরম অদুনা, সন্সদ তি.ভি.না প্রজা মীয়াম মরু ওইনা নহাশিংগী ইন্তরেস্ত য়েংলগা মহাক্কী প্রোগ্রামশিং অসি দিজাইন তৌরগনি৷ মসিগীদমক, লোনদা মীৎয়েং চংলগনি; ইন্তরেস্তিং অমদি এনগেজিং পেকেজশিং তঙাই ফদবা ওইরক্লগনি৷
খুদম ওইনা, পার্লিয়ামেন্তদা ঙাংলিবা ইতিহাসিক ওইরবা ৱারোলশিং হাইলাইত তৌবা য়ারগনি৷ আর্থ লৈরবা অমদি লোজিকেল দিবেতশিংগা লোইননা, করিগুম্বদা য়াম্না নোক্নিংবা থৌদোকশিংসু শন্দোকপা য়ারগনি৷ তোঙান তোঙানবা এম.পি.শিংনা তৌরিবা থবক অদু প্রজা মীয়াম্না নৈনবা য়ানবগীদমক এম.পি.শিংগী মরমদা ই-পাউসু সেয়র তৌবা য়ারগনি৷ এম.পি. কয়া অমনা তোঙান তোঙানবা ফিল্দশিংদা থাগৎনিংঙাই ওইরবা থবকশিং তৌরি৷ হায়রিবা থবকশিং অসি নখোয়না পল্লবদি, মখোয়গী অপাম্বা অমদি থৱাই য়াওবা অসিসু হেনগৎলক্লগনি অমদি পোজিতিব পোলিতিক্স অসিদগী অতোপ্পা প্রজা মীয়ামগী মীহুৎশিংনসু থৌনা ফংলগনি৷
মরুপশিং,
অমিৃত মহোতসবতা ঐখোয়না লৌখৎপা য়াবা অতোপ্পা মরু ওইবা তোপিক অদুদি ঐখোয়গী কন্সিতিত্যুসন অমদি সিবিল দ্যুতীনি! লৈবাক অসিগী প্রজাশিংগী দ্যুতীশিংগী মতাংদা লেপ্প-লৈতনা এৱার্নেস শন্দোকপগী তঙাই ফদবা অমা লৈ৷ মসিগী এৱানেস অসিগীদমক মেদিয়া অসি ইফেক্তিব ওইবা মেদিয়ম অমনি৷ অসিগুম্বা প্রোগ্রাম কয়া অমদা লোইননা সন্সদ তি.ভি. অসি লাক্লিবনি হায়না ঐঙোন্দা হায়রক্লি৷
হায়রিবা প্রোগ্রামশিং অসিদগী ঐখোয়গী নহাশিংনা ঐখোয়গী দেমোক্রেতিক ইন্সতিত্যুসনশিং, মখোয়গী মথৌশিং অমদি সিবিল দ্যুতীশিংগী মরমদা খঙবা ঙম্লগনি৷ মতৌ অসিগুম্না, ভারতকী দেমোক্রেসী অসি মমুৎ তানা খঙহনবদা মতেং পাংগদৌরিবা ৱার্কিং কম্মিতীশিংগী, লেজিস্লেতিব ৱার্ক্কী তহাই ফদবা , অমদি লেজিস্লেচরশিং মথৌ তৌবগী ই-পাউ কয়া অমা ফংহল্লগনি৷
সন্সদ তি.ভি.না গ্রাসরূত দেমোক্রেসী ওইনা মথৌ তৌরিবা পঞ্চায়তশিংগী মরমদা প্রোগ্রামশিং শেম্লক্কনি হায়না ঐনা খল্লি৷ হায়রিবা প্রোগ্রামশিং অসিনা ভারতকী দোমোক্রেসীদা অনৌবা ইনর্জী অমা, অনৌবা কন্সিয়র্সনেস অমা পীরগনি৷
মরুপশিং,
ঐখোয়গী পার্লিমেন্ত, তোঙান তোঙানবা পোলিতিকেল পার্তীশিং, ঐখোয়গী মেদিয়া, ঐখোয়গী ইন্সতিত্যুসনশিং পুম্নমক্কী মখোয়গী ওইবা থবক্কী তোঙান তোঙানবা স্ফেয়রশিং লৈ৷ অদুবু লৈবাক অসিগী রিজোলুসনশিং অসি ফংনবা হোৎনবদা ঐখোয় পুন্না হোৎনমিন্নবা দরকার ওই৷
ঐখোয় পুম্নমত্না ঐখোয়গী তোঙান তোঙানবা রোলশিং অসি লৌদুনা সেয়র রিজোলুসনশিংগা লোইননা চংশিনলক্লগনি, অমদি অনৌবা ভারত অমা ওইহন্নবগী মংলান অদু মংফাওনহল্লগনি হায়না ঐনা থাজৈ৷
মসিগী থাজবা অসিগা লোইননা, মসি রবি কাপুরগী দোমেন নত্তবনা মরম ওইরগা মহাকপু ঐনা থাগৎপসু পাম্লি৷ অদুবু মহাক্না মতৌ করম্না মালেম অসিগী মফম পুম্নমক্তা লৈরিবা মীয়ামগা তাথোক-তাশিন তৌখিবগে, মখোয়দগী করম্না গাইদেন্স তৌখিবগে, করম্না ৱাখল্লোনশিং ফংখিবগে অমদি সন্সদ তি.ভি. শেমখিবগে হায়বসি মহাক্না ঐঙোন্দা হায়রকখিবা মতমদা, ঐবু তশেং-তশেংনা শুমহৎখি৷ রবি অমদি মহাক্কী তীম পুম্নমকপু ঐনা থাগৎলি৷ নখোয় পুম্নমক হন্না হন্না থাগৎলি অমদি য়াইফ-মঙ্গোল পীরি!
থাগৎচরি!
