QuoteIndian institutions should give different literary awards of international stature : PM
QuoteGiving something positive to the society is not only necessary as a journalist but also as an individual : PM
QuoteKnowledge of Upanishads and contemplation of Vedas, is not only an area of spiritual attraction but also a view of science : PM

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা জয়পুরদা প্রতিকা গেৎ শঙ্গাখ্রে। প্রধান মন্ত্রীনা প্রতিকা গ্রুপ চীয়র্মেন শ্রী গুলাব কোথারিনা ইবা সম্বাদ উপনিশদ অমসুং অক্ষ্যত্রা লাইরিকসু ফোংখি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি গেৎ অসিনা রাজস্থানগী নাৎ উৎলি অমসুং লমদম অসিগী অমসুং মালেমগী লমকোইবশিংগী পুক্নীং চিংশিনবা মফম অমা ওইরগনি।

লাইরিক অনিসিগী মতাংদা পল্লদুনা প্রধান মন্ত্রীনা হায়খি মদুদি, লাইরিক অনিসি ভারতকী নাৎ অমসুং ৱাংঙুলোল তাকপা ওইগনি অমসুং অইবনা খুন্নাই অসিবু ৱাখল লৌশিং লৈহন্নবা হোৎনবদা অচৌবা থৌদাং অমা লৌরি।

|

প্রধান মন্ত্রীনা নীংশিংখি মদুদি অহল ওইরবা নীংতম লান্মী খুদিংমক্না লাইরিক ইবদা পুক্নীং লুপ্পম্মি অমসুং মখোয়গী অইবশিংনা মীয়াম্বু লমজিংবীরি।

মহাক্না প্রতিকা গ্রপ্পু মখোয়না ভারতকী নাৎ, সভ্যাতা অমসুং মগুনশিং ঙাক্তুনা থম্বীবগীদমক থাগৎপা ফোংদোকখি।

প্রধান মন্ত্রীনা প্রতিকা গ্রুপ হৌদোকপীরম্বা শ্রী কর্পুর চন্দ্র কুলিশনা জর্নেলিজমদা হোৎনবীরম্বা কয়াগীদমক থাগৎপা ফোংদোকখি অমসুং অকোনবগীসিনা খুন্নাইদা বেদগী লৌশিং কয়া শন্দোক্নবা হোৎনরিবসিগীদমক শিংথাখি।

শ্রী কুলিশকী পুন্সি অমসুং মতম পল্লদুনা প্রধান মন্ত্রীনা হায়খি, জর্নেলিস্ত খুদিংমক্না অফবা ৱাখল্লোন অমগা লোইননা থবক তৌগদবনি। মহাক্না হায়খি মদুদি তশেংনমক মীপুম খুদিংমক্না খুন্নাই অসিদা করিগুম্বা খরা খুদোল তম্বা ঙম্নবগীদমক অফবা মওংদা থবক তৌগদবনি।

লাইরিক অনিসিবু পল্লদুনা প্রধান মন্ত্রীনা হায়খি মদুদি ভেদদা পল্লিবশিং অসি মতম পুম্বদা মমল লৈদুনা লৈরগনি অমসুং মখোয় অসি মীওইবা খুন্নাই পুম্বগীনি। মহাক্না উপনিশদ সম্বাদ অমসুং অকশর য়াত্রা অসি পাক শন্না পানবা ওইসনু হায়না ফোংদোকখি।

ঐখোয়গী অনৌবা মীরোন্না মরুওইবা লৌশিং কয়াদগী লাপ্না লৈতনবগীদমক প্রধান মন্ত্রীনা পুক্নীং চিংশিনখি। মহাক্না ভেদ অমসুং উপনিশদশিং অসি সিপিরিচুএল নোলেজগী মগুন য়াওরবা খক্তা নত্তনা সাইন্তিফিক নোলেজ অমসুনি হায়খি।

|

প্রধান মন্ত্রীনা স্বচ্ছ ভারত অভিয়ান্না লাইনা কয়াদগী ঙাকথোক্নবগীদমক লাইরবশিংদা অমাংশঙ পীবীবগী তঙাইফদবশিংগী মতাংদা থমখি। মহাক্না মমা ওইবীশিং অমসুং ইচল ইচে কয়াবু মৈখুদগী কনবীগদৌরিবা উজ্জ্বালা স্কিমগী মতাংদা অমসুং য়ুম্থোং খুদিংদা থক্নবা ঈশিং পীগদৌরিবা জল জীবন মিসনগী মতাংদা ঙাংখি।

ভারতকী মীদিয়াবু মীয়ামগীদমক কত্থোকপগা লোইননা হোৎনরিবশিং অসিদা অমসুং মখোয়না কোরোনাগী মতাংদা মীয়াম ৱাখল তাহন্নবগীদমক হোৎনরিবশিং অসিগীদমক শিংথারদুনা প্রধান মন্ত্রীনা হায়খি মদুদি মখোয়না সরকারগী থৌরাং কয়া মীয়ামদা শন্দোক্লি অমসুং অশোইবা কয়া তাকপীরি।

|

মীদিয়াশিংনা "ভোকেল ফোর লোকেল"দা মরুওইবা থম্লিবা "আত্মনির্ভর ভারত"পু মরিল চুমহল্লি হায়না হরাওবা ফোংদোকখি। মহাক্না মিৎয়েং অসিবু পাকচাউনা খঙহন্নবা শন্দোকপা তঙাইফদে হায়না পুক্নীং চিংশিনখি। ভারতকী লোকেলগী পোত্থোকশিং অসি মালেমগী থাক্তা পুখৎলি অদুগা ভারতকী খোঞ্জেল অসি মালেম শিনবা থুংনা তাহনগদবনি হায়না ফোংদোকখি।

মালেম অসিনা হৌজিক্তি ভারতনা হায়রকপা ৱাদা পুক্নীং চঙনা তারে হায়না পনখি। অসিগুম্বা ফিবমসিদা ভারতকী মীদিয়াসু মালেমগী থাক্তা লৈবা মথৌ তারে। ভারতকী ইন্সতিত্যুৎশিংনা মালেমগী থাক্তা লৈবা মীথোই-মীহেন ওইরক্লবশিংবু লিতরেরী এৱার্দ পীদুনা ইকাই খুম্নগদবনি।

প্রধান মন্ত্রীনা প্রতিকা গ্রুপ্পু শ্রী কার্পুর চন্দ্র কুলিশপু ইকাই খুম্নবা ওইনা ইন্তর্নেসনেল জর্নেলিজম এৱার্দ পীবা হৌখিবগীদমক হরাওবা ফোংদোকখি। 

Click here to read full text of speech

Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
‘Operation Sindoor’s success driven by technology, Make in India in defence’: PM Modi praises Karnataka youth

Media Coverage

‘Operation Sindoor’s success driven by technology, Make in India in defence’: PM Modi praises Karnataka youth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 10 আগস্ট, 2025
August 10, 2025

From Metro to Defense PM Modi’s Decade of National Advancement