য়োর এক্সিলেন্সী, রাস্ত্রপতি প্রবোৱো,
ঐখোয়গী লৈবাক অনিমক্কী মশক নাইবা দেলিগেৎশিং,
মীদিয়াগী মরুপশিং,
খুরুমজরি!
সলামত সিয়াং!
অহানবদা, ঐহাক্না ঐহাক্কী মরুপ, রাস্ত্রপতি প্রবোৱোবু মীয়োক মীচান ফবা মতৌ উৎতুনা তরাম্না ওকপিবগীদমক ঐহাক্না থম্মোয় শেংনা থাগৎপা ফোংদোকচরি।
হৌখিবা চহিদা, ঐখোয়না রাস্ত্রপতি প্রবোৱোবু ভারতকী রিপব্লিক দেগী থৌরমদা অথোইবা মীথুংলেন ওইনা তরাম্না ওকপগী ইকায় খুম্নবা ফংখি। ঙসি, মহাক্না বর্তন তৌরক্তুনা কৌবদগী ঐহাক্না ইন্দোনেসিয়াদা লাকপচবা অসিদা য়াম্না নুংঙাইবা ফাওই।
ঙসি অয়ুক, ইন্দোনেসিয়াগী খ্বাইদগী ৱাংবা মনা অসি মীনুংশি অমসুং ইকায় খুম্নবগা লোয়ননা ফংজবা অসিদা ঐহাক্না য়াম্না চাউথোকচবা ফাওই। মসিগী ইকায় খুম্নবা অসি ভারত মচা করোর কয়াগীনি। মসিনা ইন্দোনেসিয়াগী মীয়ামগী অফবা ইথিল অদু উৎলি অমসুং ভারত অমসুং ইন্দোনেসিয়াগী মরক্তা লৈবা পুৱারী ওইরবা অমসুং মতম শাংনা লৈরক্লবা মরুপ মপাং ওইবগী মরী অদুবু ইকায় খুম্নবা ওইরি। ঐহাক্না ইন্দোনেসিয়াগী রাস্ত্রপতি প্রবোৱো, ইন্দোনেসিয়াগী সরকার অমসুং ইন্দোনেসিয়াগী মীয়াম্বু অসিগুম্বা মশক নাইবা ইকায় খুম্নবা অসিগীদমক ঐহাক্কী থম্মোয়দগী তৌবিমল খঙবা ফোংদোকচরি।
মরুপশিং,
হৌখিবা চহিশিং অসিদা ভারত অমসুং ইন্দোনেসিয়াগী মরক্তা লৈনরিবা মরীদা অনৌবা ইনর্জী, হেন্না চাউনা থাজনবা অমসুং স্ত্রেতেজিক ওইনা হেন্না চেৎশিনবগী ওইবা মরী অমা লৈনরি।
২০১৮দা লিংখৎখিবা ঐখোয়গী কম্প্রিহেন্সিব স্ত্রেতেজিক পার্তনরশিপ অসিনা ঙসি অনৌবা অৱাংবা থাক্তা য়ৌরে। ঐখোয়না দিবেলপমেন্ত, সেক্যুরিতী, তেক্নোলোজী, কলচর অমসুং এজুকেসন য়াওনা কোওপরেসনগী লম খুদিংমক্তা চাউনা খুমাং চাউশিল্লি।
ঐহাক্না থাজবা থম্লি মদুদি ঙসি অসি ভারত-ইন্দোনেসিয়া পার্তনরশিপকী অনৌবা সনাগী পন্দুপ অমগী অহৌবনি। অনৌবা পন্দুপ অসিনা ২১শুবা চহি চাগী মালেম অমসুং মীওইবা খুন্নাইদা য়াম্না চাউনা অমসুং অফবা শাফু অমা পীগনি।
মরুপশিং,
ঐখোয়গী লৈবাক অনিগী মরক্তা থাজবা হেনগৎলকপনা ঙাকশেল, সেক্যুরিতী অমসুং মেরিতাইম দোমেনদা ঐখোয়গী মতেং পীনবা হেনগৎহল্লি। ঙসি ঐখোয়না দিফেন্স এক্সচেঞ্জ, দিজাস্তর মেনেজমেন্ত অমসুং ইন্দস্ত্রীএল কোওপরেসনদা মতেং পীনবা হেনগৎনবা য়ানখি।
ঐখোয়গী কোস্ত গার্দ অনিমক্না হৌজিক্তি ভারত মহাসাগরদা মেরিতাইম সেফতী অমসুং সেক্যুরিতী হেনগৎহন্নবা পুন্না থবক তৌমিন্নগনি। নক্নবা সমুদ্রগী লৈবাক অনি ওইনা ঐখোয়না ব্লু ইকোনোমী, পোর্ত দিবেলপমেন্ত অমসুং সমুদ্রগী ললোন-ইতিক্তা ঐখোয়গী মতেং পীনবা হেনগৎহন্নবা ৱারেপ লৌরে।
মরুপশিং,
ভারত অমসুং ইন্দোনেসিয়া অনিমক্কী ওইনা লায়রবা মুত্থৎপা অমসুং নাগরিক খুদিংমক্তা কান্নবা ফংহন্নবা থবক পায়খৎপা অসি খ্বাইদগী মরুওই। ঐখোয়না ইন্দোনেসিয়াগা মিদ-দে মিল স্কিম অমসুং পব্লিক দিস্ত্রিব্যুসন সিস্তেমগা মরী লৈনবা ঐখোয়গী এক্সপিরিয়েন্স অমসুং সোলুসনশিং শিয়র তৌখ্রে। হৌজিক ঐখোয়না মসিগী কোওপরেসন অসি মথংগী থাক্তা পুখৎলি।
হেল্থ সেক্তরদা ঐখোয়গী কোওপরেসন অসিনা ঐখোয়গী লৈবাক অনিমক্তা ক্বালিতী লৈবা হেল্থকেয়র সর্ভিসশিং ফংহনবদা চাউনা তেংবাংগনি। ঙসি লোইশিনখিবা য়ান-ৱারোল অসিনা ইন্দোনেসিয়াগী মীয়ামদা ভারতকী ক্বালিতী লৈবা অমসুং মমল হোংবা হিদাক-লাংথকশিং ফংহনবদা মতেং পাংগনি।
ঐখোয়না ইন্দোনেসিয়াগী দোক্তরশিং অমসুং হেল্থকেয়র প্রোফেস্নেলশিংগী কেপাসিতী বিল্দিংদা মতেং পাংগনি। ভারত্তা দিবেলপ তৌবা মরুশিংগী সপ্লাইনা ইন্দোনেসিয়াগী ফুদ সেক্যুরিতী হেন্না মপাঙ্গল কনখৎহল্লগনি। মসিগী মথক্তা, ঐখোয়না তুংকোইনা চৎনগদবা লৌউ-শিংউ অমসুং এগ্রো-তেক্নোলোজীগী খ্বাইদগী ফবা থৌওংশিং অমনা অমদা শিয়র তৌনগনি।
মরুপশিং,
২১শুবা চহিচা অসি তেক্নোলোজীনা লমজিংবা চহিচা অমনি। ভারত অমসুং ইন্দোনেসিয়া অনিমক অসি মখোয়গী নহারোলশিংগী ইনর্জীনা পাৱর পীবা লৈবাকশিংনি। ঐখোয়গী নহাশিং অসি তেক্নোলোজীগীদমক্তা মহৌশানা অপাম্বা অমা লৈ।
ঙসি ঐখোয়না ঐখোয়গী নহারোলশিংগী মরক্তা আর্তিফিসিএল ইন্তেলিজেন্স, তেলিকম্ম্যুনিকেসন অমসুং দিজিতেল পব্লিক ইনফ্রাস্ত্রকচরগুম্বা লমশিংদা তেক্নোলোজী কোওপরেসন মপাঙ্গল কনখৎহন্নবা মরুওইবা য়ান-ৱারোল অমা ৱারোইশিন পুরকখ্রে। ঐখোয়গী লৈবাক অনিগী স্তার্ত-অপ ইকোসিস্তেমশিংগী মরক্তা মখা তানা মতেং পীননবা ঐখোয়না য়ানখি।
ঐখোয়না ইন্দোনেসিয়াদা মমিং লৈরবা ইন্দিয়ন ইন্সতিত্যুৎ ওফ মেনেজমেন্ত (আই.আই.এম.) বেঙ্গলোরগী ওভরসিস কেম্পস অমা লিংখৎলগনি। মসিনা আসিয়ান লমদমগী নহাশিংদা চাউনা কান্নবা পীগনি।
স্পেস সেক্তরদা ঐখোয়গী কোওপরেসন অসি চহি তরাগী খুজিং কয়াগী থাজবা অমসুং পার্তনরশিপকী মখা পোল্লি। মপাঙ্গল কনবা য়ুম্ফম অসিদা য়ুম্ফম ওইদুনা, ঐখোয়না ঙসি স্পেস সেক্তরদা পুন্না রিসর্চ, তেক্নোলোজী শিয়র তৌবা অমসুং কেপাসিতী বিল্দিং তৌবা ঙম্নবা মরু ওইবা ৱারেপশিং লৌখ্রে।
মরুপশিং,
ঙসিগী মালেম অসিদা, তেক্নোলোজীদা "সপ্লাই চেন রেসিলিয়েন্স" অসি য়াম্না মরু ওইরক্লি। ঐখোয়না ক্রিতিকেল মিনরেলশিং অমসুং স্তীলগী লমশিংদা সপ্লাই চেনগী রেসিলিয়েন্স মপাঙ্গল কনখৎহন্নবা মরুওইবা য়ান-ৱারোল অমগী ৱারোইশিন পুরকখ্রে। মসিগীসু মথক্তা, ঐখোয়গী কম্পনীশিংনা স্তেনলেস স্তীল অমসুং রিয়র আর্থ মেগনেৎশিংদা পার্তনরশিপকী অনৌবা তাঙ্কক অমা হৌরে।
মরুপশিং,
পিপল-তু-পিপলগী মরী অসি ঐখোয়গী মরীগী খ্বাইদগী চাউবা মপাঙ্গল ওইরি। ভারতকী য়ুনিফাইদ পেমেন্ত ইন্তরফেস (য়ু.পি.আই.) অসি ইন্দোনেসিয়াগী পেমেন্ত সিস্তেমগা অথুবা মতমদা পুনশিন্নরগনি হায়বা অসিদা ঐখোয়না হরাওবা ফাওই। মসিনা ঐখোয়গী লৈবাক অনিগী মরক্তা ইজ ওফ দুইং বিজিনেস অমসুং ইজ ওফ ত্রেভেল অনিমক হেন্না ফগৎহল্লগনি।
মরুপশিং,
হয়েং রাস্ত্রপতি প্রবোৱোগা লোয়ননা য়োজ্ঞাকর্ত্তা প্রম্বানন লাইশঙগী কঞ্জর্বেসন প্রোজেক্ত হৌদোকপদা শরুক য়াবগী খুদোংচাবা ঐহাক্না ফংলগনি। চহি লিশিং অমা হেল্লবা প্রম্বানন লাইশঙ অসি ভারত অমসুং ইন্দোনেসিয়াগী মান্নবা কলচরেল হেরিতেজগী মতম চুপ্পগী ওইবা খুদম অমনি।
ঐখোয়গী লৈবাক অনিমক্না গুরুদেব রবীন্দ্রনাথ তেগোরগী পুৱারী ওইরবা ইন্দোনেসিয়া খোঙচৎকী চহি চাম্মা শুবা কুমওনসু য়াম্না চাউনা পাংথোক্কনি। ইন্দোনেসিয়াগী লৈবাক শেমগৎপগী শিংথানিংঙাই ওইবা খোঙচৎ অসি মীৎয়েং শানবা এজুকেতর অমসুং ভারতকী অহানবা এজুকেসন মন্ত্রী, কি হজার দেৱান্তারাগী থৌদাং য়াম্না লৈ। মহাক্কী এজুকেস্নেল ফিলোসোফী অসি গুরুদেব তেগোরগী ৱাখল্লোনশিংনা য়াম্না ইথিল পীখি। অসিগুম্লবা ৱাখল্লোন অমসুং চৎনবীগী মগুন অসি শকখঙনবা, ভারত অমসুং ইন্দোনেসিয়ানা চহি ১০০ শুরকপা অসিবু "তেগোর-দেৱান্তারা চহিগী কলচরেল অমসুং এজুকেস্নেল দিপ্লোমেসী" হায়না পাংথোক্কনি।
মরুপশিং,
দিমোক্রেসীগী মগুনশিং অমসুং য়ুনিতী ইন দাইভর্সিতীগী মগুনশিং অসি মতম কয়াদগী ভারত অমসুং ইন্দোনেসিয়াগী মপাঙ্গল ওইদুনা লাক্লি। ঙসি ঐখোয়গী লৈবাক অনিগী ইলেক্সন কম্মিসনশিংগী মরক্তা খুৎয়েক পীনখিবা য়ান-ৱারোল অসিনা ঐখোয়গী দেমোক্রেতিক কোওপরেসন অসি হেন্না মপাঙ্গল কনখৎহল্লগনি।
মরুপশিং,
ভারত অমসুং ইন্দোনেসিয়ানা মালেমগী ইসুশিংদা মখোয়গী মতেং পীনবা মখা তানা হেনগৎলক্লি। ইন্দো-পেসিফিক্কী মতাংদা ঐখোয়গী মীৎয়েং অসিদা মপাঙ্গল কনবা সিনর্জি অমা লৈরি। ভারতনা মতম পুম্নমক্তা আসিয়ানগী সেন্ত্রেলিতীদা অখন্নবা মরুওইবা পীরি।
মালেমগী তংদু-লৈতাদবা থোক্লিবা মতম অসিদা ভারতনা দাইলোগ অমসুং দিপ্লোমেসীগী থৌদাং অসি হান্নদগী হেন্না মরু ওইরক্লি হায়না থাজৈ। পেলেস্তাইনগী ৱাফমদা ঐখোয়না লৈবাক অনিগী সোলুসন অমসুং তুং কোইনা শান্তি লৈহন্নবা হোৎনবা অদু মখা তানা শৌগৎলি।
মরুপশিং,
হৌজিক ঐখোয়গী লৈবাক অনিগী ওইনা সনাগী চহিচা অমা থোংজিলদা ঙাইদুনা লৈরে।
ঐখোয়গী পুৱারী অসি মান্নবা কলচরেল হেরিতেজ অমদা য়ুম্ফম ওইরি, ঐখোয়গী হৌজিক্কী মতম অসি অমনা অমদা থাজবা থম্বদা য়ুম্ফম ওই, অমসুং ঐখোয়গী তুংলমচৎ অসি পুন্না চাউখৎপা হায়বসিনা তাকই।
ঐহাক্না থাজবা থম্লি মদুদি ঐখোয় পুন্না ইন্দোনেসিয়াগী 'ইমাস'কী মঙলান অমসুং 'ভিক্সিৎ ভারত' অমা শেমগৎনবা ঐখোয়গী ৱারেপ অদু মপুং ফাহনগনি।
অদোমবু হন্না-হন্না থাগৎচরি।
आज सुबह, मुझे बहुत स्नेह के साथ इंडोनेशिया का सर्वोच्च सम्मान भी दिया गया है।
— PMO India (@PMOIndia) July 7, 2026
ये सम्मान कोटि-कोटि भारतवासियों का है... इंडोनेशिया के लोगों की भावनाओं का है, भारत और इंडोनेशिया के ऐतिहासिक और आत्मीय संबंधों का है।
मैं प्रेसिडेंट प्रबोवो जी, इंडोनेशिया की सरकार और यहां की जनता का…
2018 में बनी हमारी Comprehensive Strategic Partnership आज एक नई उड़ान ले रही है।
— PMO India (@PMOIndia) July 7, 2026
हम Development, security, technology, culture और education... हर क्षेत्र में महत्वपूर्ण कदम बढ़ा रहे हैं।
मुझे विश्वास है, आज से भारत-इंडोनेशिया साझेदारी का एक सुनहरा अध्याय शुरू होगा: PM…
हमारे देशों के बीच बढ़ता विश्वास हमारी रक्षा, सुरक्षा और maritime सहयोग को मजबूत कर रहा है।
— PMO India (@PMOIndia) July 7, 2026
आज हमने defence exchange, disaster management और industrial सहयोग बढ़ाने पर सहमति बनाई: PM @narendramodi
आज हुए agreement से भारत की high-quality और किफायती दवाइयां इंडोनेशिया के नागरिकों को और सहजता से उपलब्ध होंगी।
— PMO India (@PMOIndia) July 7, 2026
हम इंडोनेशिया के doctors और healthcare workers की capacity building में भी योगदान देंगे: PM @narendramodi
भारत में develop किए गए गेहूं के बीज की supply से, इंडोनेशिया की food security और मजबूत होगी।
— PMO India (@PMOIndia) July 7, 2026
हम एक दूसरे के साथ sustainable farming और agro-technology में best practices भी साझा करेंगे: PM @narendramodi
आज के युग में, technology की supply chain resilience बहुत मायने रखती है।
— PMO India (@PMOIndia) July 7, 2026
Critical minerals और steel के क्षेत्र में supply chain को अधिक मजबूती देने के लिए भी अहम समझौता हुआ है।
हमारी companies के बीच stainless steel और rare-earth magnet को लेकर साझेदारी की नई शुरुआत हो रही है:…
हमें बहुत खुशी है कि भारत की UPI इंडोनेशिया के payment system के साथ integrate होने जा रही है।
— PMO India (@PMOIndia) July 7, 2026
इससे Ease of Doing Business और Ease of Travel, दोनों को ही बल मिलेगा: PM @narendramodi
कल, राष्ट्रपति प्रबोवो के साथ मुझे, योग्याकार्ता में प्रम्बानन मंदिर के conservation project को launch करने का सौभाग्य मिलेगा।
— PMO India (@PMOIndia) July 7, 2026
एक हजार वर्ष से भी अधिक पुराना प्रम्बानन मंदिर... भारत और इंडोनेशिया की साझा सांस्कृतिक विरासत का प्रतीक है: PM @narendramodi
हम दोनों देश...गुरुदेव रवीन्द्रनाथ टैगोर की ऐतिहासिक इंडोनेशिया यात्रा का शताब्दी वर्ष धूम-धाम से मनाएंगे।
— PMO India (@PMOIndia) July 7, 2026
इंडोनेशिया की विकास यात्रा में महान शिक्षाविद और यहां के पहले शिक्षा मंत्री देवान्तरा जी का अहम योगदान रहा है।
शिक्षा को लेकर उनके विचारों पर गुरुदेव टैगोर की सोच का गहरा…
वैश्विक उथल-पुथल के इस दौर में भारत का मानना है कि dialogue और diplomacy की भूमिका, पहले से कहीं अधिक महत्वपूर्ण हो गई है।
— PMO India (@PMOIndia) July 7, 2026
Palestine के विषय पर, हम Two-State Solution और long-term peace का समर्थन करते हैं: PM @narendramodi
