মালেমগী অকোয়বগী ফিভমগী নুমিৎতা প্রধান মন্ত্রী শ্রী নরেন্দ্র মোদীনা উ পাম্বী থাবগী থৌরম অমদা শরুক য়াখি অমসুং দিল্লীগী ভগৱান মহাভীর ভনস্থলী পার্ক্তা 'এক পেদ মা কে নাম' থৌশিলবু মপাঙ্গল কনখৎহন্নবগীদমক্তা উ-চারা অমা থাখি।
শ্রী মোদীনা অরাবলী গ্রীন ৱাল প্রোজেক্তকী মখাদা অরাবলী রেঞ্জ অমুক হন্না উমং ওইহন্নবা মরুওইবা অদুসু পনখি।
গ্রহ অসিদা লৈরিবা খ্বাইদগী লিরবা অমা ওইরিবা অরাবলী রেঞ্জ অসি গুজরাত, রাজস্থান, হরিয়ানা অমসুং দিল্লীদা শন্দোক্লি হায়না প্রধান মন্ত্রীনা পনখি।
মহাক্না হায়খি মদুদি লমদম অসিদা অকোয়বগী ফিভমগী ওইবা শীংনবা কয়া মায়োক্নরি মসিবু সরকারনা কোকহন্নবা হোৎনরি।
শ্রী মোদীনা হায়খি মদুদি অরাবলী রেঞ্জ অমসুং মসিগী ৱাংমদা, মহৌশাদগী চৎনরক্লবা উ থাবগী পাম্বৈশিং শীজিন্নবগী মথক্তা, ঐখোয়না অনৌবা পাম্বৈশিং মরুওইনা অহাংবা মফম লৈতবা অর্বান অমসুং সেমি-অর্বান এরিয়াশিংদা পুক্নিং থৌগৎলগনি। প্লান্তেসনগী থবকশিং অসি জিও-তেগ তৌগনি অমসুং মেরি লাইফ পোর্তেলদা য়েংশিনগনি হায়না শ্রী মোদীনা মখা তাখি।
প্রধান মন্ত্রীনা লৈবাক অসিগী নহারোলশিংদসু খোঙজং অসিদা থৱায় য়াওনা শরুক য়ানবা অমসুং গ্রহ অসিগী গ্রীন কভর হেনগৎহনবদা মতেং পাংনবা হায়খি।
Xকী থ্রেদ অমদা প্রধান মন্ত্রীনা হায়;
"ঙসি, #WorldEnvironmentDayদা, ঐখোয়না #EkPedMaaKeNaam থৌশিল অসি অখন্নবা ত্রী প্লান্তেসন দ্রাইব অমগা লোয়ননা মপাঙ্গল কনখৎহল্লে। দিল্লীগী ভগৱান মহাভীর ভনস্থলী পার্ক্তা ঐনা উ-চারা অমা থাখি। মসি অরাবলী গ্রীন ৱাল প্রোজেক্ত - অরাবলী রেঞ্জদা উ পাম্বীশিং অমুক হন্না থাবগী ঐখোয়গী খোঙথাং অসিগী শরুক অমনি।"
"অরাবলী রেঞ্জ অসি গুজরাত, রাজস্থান, হরিয়ানা অমসুং দিল্লীদা লৈরিবা ঐখোয়গী গ্রহ অসিগী খ্বাইদগী অরিবা রেঞ্জ অমনি হায়বসি মীয়াম্না খঙনৈ। হৌখিবা চহি খরা অসিদা হায়রিবা রেঞ্জ অসিগা মরী লৈনবা অকোয়বগী ফিভমগী ওইবা শীংনবশিং অদু ময়েক শেংলে, অমসুং ঐখোয়গী সরকারনা মখোয়শিং অসি কোকহন্নবা হোৎনরি। ঐখোয়গী মীৎয়েং অসি হায়রিবা রেঞ্জ অসিগা মরী লৈনবা মফমশিং অসি নৌহৌননা শেমগৎপদা য়ুম্ফম ওই। ঐখোয়না মরী লৈনবা লোকেল এদমিনিস্ত্রেসনশিংগা লোয়ননা থবক তৌমিন্নগনি অমসুং ঈশিংগী সিস্তেম ফগৎহনবা, দস্ত স্তোর্মশিং লাকশিন্নবা, থার দিজর্তকী নোংপোক থংবা মায়কৈদা পাকথোক চাউথোকপা থিংবা অসিনচিংবা কয়াদা মীৎয়েং থম্লগনি।"
"অরাবলী রেঞ্জ অমসুং মসিগী ৱাংমদা, ত্রেদিস্নেল প্লান্তিং মেথদশিংগী মথক্তা, ঐখোয়না অনৌবা তেক্নিকশিং মরুওইনা অহাংবা মফম লৈতবা অর্বান অমসুং সেমি-অর্বান এরিয়াশিংদা পুক্নিং থৌগৎকনি। প্লান্তেসনগী থবকশিং অসি জিও-তেগ তৌগনি অমসুং মেরি লাইফ পোর্তেলদা য়েংশিনগনি। ঐহাক্না ঐখোয়গী লৈবাক অসিগী নহাশিংদা খোঙজং অসিদা শরুক য়ানবা অমসুং ঐখোয়গী গ্রহ অসিগী গ্রীন কভরদা মতেং পাংনবা হায়জরি।"
Today, on #WorldEnvironmentDay, we strengthened the #EkPedMaaKeNaam initiative with a special tree plantation drive. I planted a sapling at the Bhagwan Mahavir Vanasthali Park in Delhi. This is also a part of our effort to reforest the Aravalli range - the Aravalli Green Wall… pic.twitter.com/6mwbkQukPv
— Narendra Modi (@narendramodi) June 5, 2025
