প্রধান মন্ত্রী, শ্রী নরেন্দ্র মোদীনা ভারতকী হান্নগী উপ্প রাস্ত্রপতি শ্রী ভাইরোন সিংহ শেখৱতকী ১০০শুবা মপোক কুম্মোন্না লাকপদা ইকাই খুম্নবা উৎখ্রে। শ্রী মোদীনা হায়খি মদুদি ভাইরোন সিংহজিনা ভারতকী গনতন্ত্রগী মশক অসিবু হেন্না ফজহন্নবা হোৎনবদা অচৌবা থৌদাং লৌবীরম্মি অমসুং মহাক্কী মতম অসিবু পার্লিয়ামেন্তরী দিবেত অমসুং খন্ননৈনবা কয়াগী থাক ৱাংখৎনবা হোৎনবীরম্বগীদমক নীংশিংনরি। প্রধান মন্ত্রী মোদীনা মহাক্কা হান্নগী উপ্প রাস্ত্রপতি অসিগা লোইনখিবগী মতাং থাগৎখি।
X কী থ্রেদ পোস্ত অমদা প্রধান মন্ত্রীনা হায়খিঃ
"ঙসি অসি য়াম্না অখন্নবা নুমিৎ অমনি – মসি ইকাইখুম্ননিংঙাই ওইরবা লুচিংবা শ্রী ভাইরোন সিংহ শেখৱতজিগে ১০০শুবা মপোক নুমিৎনি। ভারতনা মতম চুপদা মহাক্কী লুচিং অমসুং লৈবাক শেমগৎনবগী হোৎনবীরম্বা কয়া অদু শীংথাদুনা লৈহৌরগনি। মহাক অসি রাজনিতী অমসুং তোঙান-তোঙানবা শিনফমদা লৈরিবা মীওই কয়ানা পাম্নবা মীশক অমনি।
মহাক্কা লোইনখিবা মীকুপ খরা লান্থোকচরি।
"ভাইরোন সিঙ্ঘজি অসি তুংলমচৎ উবা ঙম্বা হৈ শিংবা এদমিনিস্ত্রেতর অমনি। মহাক্না রাজস্থানবু অনৌবা থাক অমদা পুখৎতুনা অখন্নবা মুখ্য মন্ত্রী অমা ওইনা শক তাকখ্রে। মহাক্কী তোপ তোপ্পা মশক অমা হায়রবদি, মহাক্না রাজস্থানগী লাইরবা, লৌমী, নহাশিং অমসুং নুপীশিংগী পুন্সিবু হেন্না ফগৎহনবীরম্মি। মহাক্না খুঙ্গং চাউখৎনবা তোঙান-তোঙানবা খোঙথাং কয়া লৌখৎলম্মি। ভারতকী উপ্প রাস্ত্রপতি অমা ওইনা ভাইরোন সিংহজিনা গনতন্ত্রগী মশক অসিবু হেন্না ফজহন্নবা হোৎনবদা অচৌবা থৌদাং লৌবীরম্মি। মহাক্কী মতম অসিবু পার্লিয়ামেন্তরী দিবেত অমসুং খন্ননৈনবা কয়াগী থাক ৱাংখৎনবা হোৎনবীরম্বগীদমক নীংশিংনরি। মহাক্কী ফাগী পুবা মতৌনাক নীংশিংবদা নুঙাইহল্লি। ঐহাক্না ভাইরোন সিংহজিগা লোইনখিবগী মীকুপ কয়া অমা লৈ। মসিদা ঐহাক্না পার্তী ওর্গানাইজেসনগী থৌ পুরিঙৈ অমসুং 1990 এক্তা য়াত্রাগী মনুংসু য়াওরি। ঐহাক্না মহাক্কা হেক উন্নবা খুদিং, ঐহাক্না ঈশিং কনবা, লাইরবশিংবু চিংখৎপা অমসুং অহেনবা কয়া অমা তমজহৌই।
2001 দা ঐহাক্না গুজরাতকী মুখ্য মন্ত্রী ওইরকখি অমসুং চহি অমা লৈরবা মতুংদা, ভাইরোন সিংহজিনা ভারতকী উপ্প রাস্ত্রপতি ওইরে। চহিশিং অদুদা ঐহাকপু মহাক্না লেপ্পা লৈতনা শৌগৎপীরম্বগীদমক লাইবক ফৈ। মহাক্না 2005 কী ভাইব্রান্ত গুজরাত সম্মিত্তা থৌরমগী লৈতেং ওইনা শরুক য়াবীখি অমসুং মহাক্না গুজরাত্তা পায়খৎলিবা থবকশিংবু শীংথাবীখি।
মহাক্না আঙ্খ আ ধন্যা চে হায়বা ঐহাক্না ইজবা লাইরিক অমা ফোংবীরম্মি। থৌরম অদুগী শক্তম অমা লৈরি।
ঙসিদি ঐখোয়না ভাইরোন সিংহজিনা মঙবীরম্বা ঐখোয়গী লৈবাক অসিগী মঙলান অদুবু মঙফাওনহন্দনা ভারত মচা খুদিংমক্কী পুন্সিবু ফগৎহন্দুনা ভারতকী চাউখৎ খোঙজেলদা হেন্না মপাঙ্গল লৈনবা হোৎনরসি।"
Bhairon Singh Ji was a visionary leader and effective administrator. He distinguished himself as an excellent Chief Minister, taking Rajasthan to new heights of progress. What stood out was his emphasis on ensuring a better quality of life for the poor, farmers, youth and women…
— Narendra Modi (@narendramodi) October 23, 2023
I have countless memories of interacting with Bhairon Singh Ji. This included the times when I was working for the Party organisation and during the Ekta Yatra in the early 1990’s. Whenever I would meet him, I would learn so much about aspects like water conservation, poverty…
— Narendra Modi (@narendramodi) October 23, 2023
Today, we reiterate our commitment to realising the vision of Bhairon Singh Ji for our nation and to ensure that every Indian leads a life of dignity as well as receives numerous opportunities to shine and enrich India’s growth.
— Narendra Modi (@narendramodi) October 23, 2023
