প্রধান মন্ত্রী শ্রী নরেন্দ্র মোদীনা মহাক্কী নুমিৎ নিনিগী বঙ্গলাদেশ খোঙচৎকী অনিশুবা নুমিৎতা তুঙিপারাদা লৈবা বঙ্গবন্ধু শৈখ মুজিবুর রাহমনগী সমাধিদা শ্রদ্ধাঞ্জলী কৎখ্রে। হায়রিবা অসি মফম অসিদা লমকোইবা মীরমগী লুচিংবা অমা নত্ত্রগা সরকারগী মকোক থোংবা অমনা বঙ্গবন্ধু সমাধি কম্প্লেক্সতা ইকাই খুম্নবা উৎপা অসি অহানবনি। প্রধান মন্ত্রী শ্রী নরেন্দ্র মোদীনা পুৱারী ওইরবা থৌরম অসি নিংশিংনবা বোকুল উ-পাম্বী থাখি। মহাক্কা ফম মান্নবা বঙ্গলাদেশকী প্রধান মন্ত্রী শৈখ হাসিনাগা লোয়ননা মহাক্কী মনাওনুপী শৈখ রেহনাশু থৌরম অসিদা শরুক য়াখি।
প্রধান মন্ত্রীনা সমাধি কম্প্লেক্সতা লৈবা লমকোইবশিংগী লাইরিক্তা সহিশু তোখি। মহাক্না অসুম্না ইখি মদুদি, “বঙ্গবন্ধুগী পুন্সিনা বঙ্গলাদেশকী মীয়ামগী মখোয়গী হক, মখোয়গী চৎনবী অমসুং ফীদম ঙাক্নবা নিংতম লানগী খুদম অমনি”।
