ঙসি অসামগী বারপেতাদা লৈবা কৃষ্ণগুরু সেবাশ্রমদা, মালেমদা শান্তি পুরক্নবা পাংথোকপা কৃষ্ণগুরু একনাম অখন্দা কির্তন্দা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদী ৱা ঙাংখ্রে। মালেমদা শান্তি পুরক্নবা কৃষ্ণগুরু একনাম অখন্দা কির্তন অসি কৃষ্ণগুরু সেবাশ্রমদা জনুৱারিদগী ৬তগী হৌদুনা থা অমা চুপ্না চৎথরকপা কির্তন অমনি।
থৌরম অদুদা ৱা ঙাংবদা প্রধান মন্ত্রীনা হায়খি কৃষ্ণগুরু একনাম অখন্দা কির্তন অসি থা অমা চুপ্না চৎথরকপনি। থায়না ভারত্তা লৌশিং, থবক অমসুং মীওইবা খুন্নাইগী মরমদা ভারতকী অরিবা চৎন-লোনশিং কৃষ্ণগুরুজিনা শন্দোক্লম্বা অদু হৌজিক ফাওবা মখা চৎথরি। গুরু কৃষ্ণ প্রেমান্দ প্রভুজিগী ঈশ্বরগা মান্নবা থবকশিং অমসুং মহাক্কী ভক্তশিংনা পাংথোক্লম্বা থবকশিং অদু মসিগী চিংলেম্লবা থৌরম অসিদা ময়েক শেংনা উবা ফংলে।
কৃষ্ণগুরুজিনা চহি ১২ খুদিংগী পাংথোক্লম্বা অখন্দ একনাম জাপগী মতাংদা প্রধান মন্ত্রীনা হায়খি অসিগুম্বা স্পিরিচুএল ওইবা থৌরমশিং মরুওইবা থৌদাং অমা ওইনা পাংথোকপা হায়বসি ভারতকী চৎনবীনি। অসিগুম্বা থৌরমশিং অসিনা লনাই অমসুং খুন্নাইদা থৌদাং পাংথোক্নবগী ৱাখল্লোন অদু অমুক হন্না নিংশিংহল্লে। হৌখিবা চহি ১২গী থৌদোকশিং নৈন্নবা, হৌজিক্কী মতম নৈন্নবা অমসুং তুংগী থৌরাং তৌনবা মীয়াম পুনবনি। ব্রাহ্মাপুত্রা তুরেলদা পাংথোকপা কুম্ভ, পুসকারম, তামিল নাদুগী কুম্বাকোনামদা পাংথোকপা মহামাহাম, ভাগবান মহামাস্তকাবিসেকা, নিলাকুরিনজিন লৈ শাৎ অসি চহি ১২ খুদিংগী থোকপা থৌদোকশিংনি।একনাম অখন্দা কির্তন্না মালেমদা অৱাং-নোংপোক্কী হেরিতেচ অমসুং স্পিরিচুএল ওইবা ৱাখল্লোনশিং খঙহনখি।
প্রধান মন্ত্রীনা হায়খি কৃষ্ণগুরুজি থোইদোক হেন্দোকপা লৌশিং, স্পিরিচুএলগী মঙাল অমসুং তোপ-তোপ্পা থৌদোকশিং অদুনা ঐখোয় খুদিংমক্কী থৌনাগী হৌরকফম অমা ওইরি। মহাক্কী পাউতাকশিংগী মতুংইন্না, থবক নত্ত্রগা মীওই অমা চাউবা নত্ত্রগা পীকপা লৈতে। মীওই খুদিংমক্কা(সবকা সাথ)লোয়ন্না মীওই খুদিংমক্কী চাউখৎ-থৌরাং(সবকা বিকাস) পায়খৎপা হায়বা ৱাখল্লোন অসিগা লোয়ন্না লৈবাক অসিগী মীয়াম য়াইফনবা লৈবাক অসিনা থবক পায়খৎলে। খ্বাইদগী হেন্না তোল্লবা অমসুং মীরাইবীরবশিংগীদমক মরুওইবা মীৎয়েং চংলে। মতম কুইনা মীরাইদুনা লাক্লবা অসাম অমসুং অৱাং-নোংপোক্কী রাজ্যশিং ঙসিদি মীৎয়েং চংলে।
চহি অসিগী বজেতকী মতাংদা প্রধান মন্ত্রীনা হায়খি শোৎথরিবশিংদা মরুওইবা মীৎয়েং চংবা হায়বসি বজেত অসিগী মরুওইবা পান্দম্নি। অৱাং-নোংপোক্কী শেন্মিৎলোন্দা তুরিজম্না মরুওইবা থৌদাং লৌরি অমসুং লমদম অসিগী লমকোয়ফম ৫০ শেমগৎনবা চহি অসিগী বজেত্তা শেনফম খাক্লে। গঙ্গা বিলাস ক্রুইজ অথুবা মতমদা অসাম য়ৌরক্লগনি। ভারতকী হেরিতেচকী খ্বাইদগী মমল য়াম্লবা লন-থুমশিং তুরেলশিংগী মপান্দা লৈরি।
প্রধান মন্ত্রীনা হায়খি কৃষ্ণগুরু সেবশ্রম্না খুৎহৈবশিংগী থবক কয়া পাংথোক্লমখি অমসুং মমাঙঙৈগী স্কিলশিং চাউখৎহন্নবা লৈবাক অসিনা পুৱারিগী ওইনা থিজিনবগী থবক লৈবাক অসিনা পাংথোক্লে অমসুং হৌখিবা চহি খর অসিদা খুৎহৈবশিংগা মালেমগী কৈথেলশিংগা শম্নহল্লে। ৱা অসি আইনগী মতুংইন্না উ অমনি হায়না লৌরম্বদগী হৌজিক নাপী ওইনা লৌরে, মসিনা ৱাগী ললোন-ইতিক্কী খুদোংচাবা কয়া হেনগৎহল্লে। বজেত্তা খন্নখিবা ‘য়ুনিতি মোল’না মখোয়গী পোৎথোকশিং উৎনবা অসামগী লৌমীশিং, খুৎহৈবশিং অমসুং নহারোলশিং মতেং পাংলগনি। মখোয়গী পোৎথোকশিং অদু অতোপ্পা রাজ্যশিং অমসুং অচৌবা লমকোয়ফমশিংদা লৈগদবা য়ুনিতি মোলশিংদা থমগনি।
মহাক্না গামোসা পাম্বা অদু পল্লদুনা প্রধান মন্ত্রীনা হায়খি মসিদা অসামগী নুপীশিংগী থবক কন্না শুবা অমসুং হৈশিংবা অদু য়াওরে। গামোসা পাম্নবা হেনগৎলক্লে অমসুং মীয়ামগী অপাম্বশিং পীবা ঙম্নবা সেল্প হেল্প গ্রুপশিং থোরক্লে। হায়রিবা সেল্প হেল্প গ্রুপশিং মতেং পাংনবা বজেত্তা শেনফম খাক্তুনা থম্লে।নুপীশিংগী শেন্থোক্না মখোয় শক্তি পীনবা পাম্বৈ অমা ওইনা, ‘মহিলা সম্মান সেভিং সর্তিফিগেদ’ স্কিম হৌদোক্লে।শেন থমজিনবা মতমদা নুপীশিংনা শেন্দোই ৱাং ফংগনি। পি.এম অৱাস য়োজনাগী শেনফম লুপা করোর লিশিং ৭০দা হেনগৎলে অমসুং স্কিম অসিগী মখা শাবা য়ুম অয়াম্বগী মমিং নুপীশিংগী মমিংদা লৈরে। চহি অসিগী বজেত অসিদা অৱাং-নোংপোক রাজ্যশিং হায়বদি অসাম, নাগালেন্দ, মেঘলয়গী নুপীশিংগী খুদোংচাবা কয়া য়াওরে অমসুং মখোয়গীদমক অনৌবা খুদোংচাবা কয়া পীরগনি।
কৃষ্ণগুরুগী পাউতাকশিং পল্লদুনা, প্রধান মন্ত্রীনা হায়খি কনাগুম্বা অমনা মতম পুম্নমক্তা মশাগী থৱায়গী সেবা তৌগদবনি। লৈবাক অসি চাউখৎনবা সরকারনা পায়খৎলিবা তোঙান-তোঙানবা স্কিমশিংগী থৱায় অসি খুন্নাইগী শক্তি অমসুং মীয়াম শরুক য়াবনা ওইরি। ঙসি পাংথোক্লিবা অসিগুম্বা হায়রিবা সেবা যজ্ঞ অসিনা লৈবাক অসিগী থৌনা অমা ওইরক্লি। মীয়াম্না শরুক য়াবদগী শ্বাছ ভারত, দিজিতেল ইন্দিয়া অমসুং অতোপ্পা স্কিমশিং মাইপাক্লে। বেতি বচাউ বেতি পরাউ, পোসান অভিয়ান, খেলো ইন্দিয়া, ফিত ইন্দিয়া, য়োগ অমসুং অয়ুর্বেদা মাইপাকহনবদা কৃষ্ণগুরু সেবশ্রম্না মরুওইবা থৌদাং লৌখি।
প্রধান মন্ত্রীনা হায়খি খুৎহৈবশিংগীদমক লৈবাক অসিনা পি.এম বিশ্বর্কমা কাউসাল য়োজনা পায়খৎপা হৌরে। মমাংঙৈগী খুৎহৈবশিংগী হৈথোই-শিংথোইবা হেনগৎহন্নবা হৌজিক লৈবাক অসিনা অহানবা ওইনা থবক পায়খৎলে। স্কিম অসি মীয়ামদা খঙহন্নবা কৃষ্ণগুরু সেবশ্রম্না থবক পায়খৎপীয়ু। শ্রী অন্নাগী ‘প্রাসাদা’ শেম্নবা হন্দক শ্রী অন্না হায়না মমিং থোল্লবা কোর্স গ্রেন অসি মীয়ামদা খঙহন্নবা প্রধান মন্ত্রীনা সেবশ্রমদা হায়জখি। সেবশ্রমগী চেফোঙশিংগী খুৎথাংদা নিংতম লান্মীশিংগী ৱারি কয়া তুংগী মীরোলশিংদা খঙহন্নবশু প্রধান মন্ত্রীনা মখোয়দা হায়জখি। মহাক্কী লোইশিল্লকপগী ৱারোলদা প্রধান মন্ত্রীনা হায়খি মসিগী অখন্দ কির্তন অসি চহি ১২গী মতুংদা পাংথোকপা মতমদা ঐখোয়না চাউখৎলবা ভারত অমা উবা ফংলগনি।
নুঙগীৱারোল
কুমজা ১৯৭৪দা অসামগী বারপেতাগী নাসাত্রাদা পরমগুরু কৃষ্ণগুরু ঈশ্বরনা কৃষ্ণগুরু সেবশ্রম লিংখৎখি। মহাক মমিং চৎলবা বৈষ্ণব সাধু শ্রী সঙ্করদেবগী ভক্ত মহাবৈষ্ণব মনোহরদেবকী মপানশুবা চাদা-নাওদানি। মালেমদা শান্তি পুরক্নবা কৃষ্ণগুরু একনাম অখন্দা কির্তন অসি জনুৱারি ৬তগী থা অমা চুপ্না কৃষ্ণগুরু সেবশ্রমদা চৎথরকপনি।
कृष्णगुरु जी ने विश्व शांति के लिए हर 12 वर्ष में 1 मास के अखंड नामजप और कीर्तन का अनुष्ठान शुरू किया था।
— PMO India (@PMOIndia) February 3, 2023
हमारे देश में तो 12 वर्ष की अवधि पर इस तरह के आयोजनों की प्राचीन परंपरा रही है। pic.twitter.com/rpOGp2FB3U
आज विकास की दौड़ में जो जितना पीछे है, देश के लिए वो उतनी ही पहली प्राथमिकता है। pic.twitter.com/h8Rh64PpVp
— PMO India (@PMOIndia) February 3, 2023
पूर्वोत्तर की इकॉनमी और प्रगति में पर्यटन की एक बड़ी भूमिका है। pic.twitter.com/r1vOw9QBob
— PMO India (@PMOIndia) February 3, 2023
बीते 8-9 वर्षों में देश में गोमोशा को लेकर आकर्षण बढ़ा है, तो उसकी मांग भी बढ़ी है। pic.twitter.com/hLaapBHUL7
— PMO India (@PMOIndia) February 3, 2023
देश की कल्याणकारी योजनाओं की प्राणवायु, समाज की शक्ति और जन भागीदारी है। pic.twitter.com/eqZZ269ifD
— PMO India (@PMOIndia) February 3, 2023
2023 में भारत की पहल पर पूरा विश्व मिलेट ईयर भी मना रहा है।
— PMO India (@PMOIndia) February 3, 2023
मिलेट यानी, मोटे अनाजों को अब एक नई पहचान दी गई है।
ये पहचान है- श्री अन्न। pic.twitter.com/3mj6toUEGy
