ঙসি খা অফ্রিকাগী জোহান্নেসবার্গতা প্রধান মন্ত্রী শ্রী নরেন্দ্র মোদী আই.বি.এস.এ লুচিংবশিংগী মীফম শরুক য়াখ্রে। মীফম অদু খা অফ্রিকাগী রাষ্ট্রপতি সাইরিল রামাফোসানা য়ুম্বু ওইবনি অমসুং ব্রাজিলগী রাষ্ট্রপতি লুইজ ইনাসিও লুলা দা সিলভা শরুক য়াখি।
মীফম অদুদা প্রধান মন্ত্রীনা হায়খি ঙসিগী আই.বি.এস.এ লুচিংবশিংগী মীফম অসি পুৱারি ওইরবা অমসুং মতম চারবা অনিমক্নি। অফ্রিকাগী অহানবা জি-২০ মীফম অসি গ্লোবেল সাউথকী লৈবাকশিংনা মথং মথং জি-১০গী প্রসিদেন্ত ওইরকপগী অরোইবনি। হৌখিবা চহি অহুমদা আই.বি.এস.এ লৈবাক অহুমনা জি-২০ গী প্রসিদেন্ত ওইখ্রে। হায়রিবা মীফম অহুম অদুদা, মীওইবদা য়ুম্ফম ওইবা চাউখৎ-থৌরাং, মালেমগী লুপশিং অমুক হন্না শেমদোকপা অমসুং তুংকোইনা চৎনবা য়াগদবা চাউখৎ-থৌরাংগুম্বা মরুওইবা থবক কয়া ঐখোয়না পায়খৎলে।
প্রধান মন্ত্রীনা হায়খি আই.বি.এস.এ অসি লৈবাক অহুমগী লুপা অমা খক নত্তে; মসি মহাদেস অহুম, অচৌবা গনতন্ত্রগী শক্তি অহুম, অচৌবা ইকোনোমি অহুম শম্ননবা মরুওইবা মফম অমনি। মসি খেন্নবা, গুনশিং শরুক য়ামিন্নবা অমসুং মান্নবা অনিংবশিংনা মশক তাকপা মরা চেৎপা মরী অমসুনি।
প্রধান মন্ত্রীনা হায়খি মদুদি মালেমগী লুপশিং অসি ২১ শুবা চহিচাগী অশেংবা শক্তমশিংদগী য়াম্না লাপখ্রে হায়বা ঐখোয় লৈবাক অহুম্না য়ানরে। ঐখোয় লৈবাক অহুম অসি য়ু.এন সেকুরিতি কাউন্সিলগী লেংদ্রবা মেম্বর অমতা ওইদ্রি। মালেমগী লুপশিং অসি ঙসিগী মালেমগী মহুৎশীনবা নত্তে হায়বা মসিনা নাখৈ শেংনা তাক্লে। মরম অদুনা, লুপশিংগী অওনবা পুরকপা হায়বসি মখা তানা খনগদবা হিরম ওইদ্রে, তঙাইফদবা অমা ওইরে হায়না মালেম শীনবা থুংবদা আই.বি.এস.এনা অমতা ওইনা পাউজেল অমা পীগদবনি।
তেরোরিজম থেংনবগী মতাংদা, প্রধান মন্ত্রীনা হায়খি তেরোরিজম থেংননবা, ঐখোয় পুন্না থবক তৌমিন্নদুনা মাঙলোমদা চঙশিনগদবনি। অসিগুম্বা অরুবা ৱাফম অমদা ময়াইদা লেপ্পগী মফম অমত লৈতে। মালেমগী শান্তি অমসুং নুংঙাই য়াইফবা পুরক্নবা, হিরম অসিদা ঐখোয়না অপুনবা থবক অমা পায়খৎকদবনি। মীওইবা চাউখৎহনবদা তেক্নোলোজিনা মরুওইবা থৌদাং অমা লৌরি। মরুওইনা দি.পি.আই অমসুং আর্তিফিসিএল ইন্তিলিজেন্স য়াওনা, মরুওইবা অমসুং নৌনা থোক্লকপা তেক্নোলোজিশিংদা আই.বি.এস.এনা মরুওইবা থৌদাং অমা লৌবা ঙমগনি। য়ু.পি.আইগুম্বা দিজিতেল পব্লিক ইনফ্রাষ্ট্রকচর, কোৱিনগুম্বা হেল্থ প্লেতফোর্মশিং, সাইবরসেকুরিতি ফ্রেমৱার্কশিং অমসুং নুপীশিংনা লমজিংবা তেক্নোলোজিগী থবকশিং লৈবাক অহুমগী মরক্ত শরুক য়ামিন্ননবা ঐখোয়না “আই.বি.এস.এ দিজিতেল ইন্নোবেসন এল্লাইন্স” লিংখৎপা য়াগনি।
প্রধান মন্ত্রীনা হায়খি অশোই-অঙাম লৈতবা, মরম চাবা অমসুং মীওইবগী য়াইফনবা এ.আইগী নিয়মশিং শেম্নবা আই.বি.এস.এনা মতেং পাংগদবনি। মথং চহিদা ভারত্ত পাংথোক্কদৌরিবা এ.আই ইম্পেক্ত সম্মিৎতা শরুক য়ানবা মহাক্না আই.বি.এস.এ লুচিংবশিংদা চেপাউ পীখি।
প্রধান মন্ত্রীনা হায়খি তুংকোইনা চাউখৎনবগীদমক, লৈবাক অহুমগী চাউখৎপদা আই.বি.এস.এনা অমনা অমগী মতেং পাংনবা খক নত্তনা, মসিনা মালেম শীনবা থুংবগী খুদম অমা ওইগনি। মিল্লেতশিং নত্ত্রগা মহৌশাগী লৌউ-শিংউগী থবকশিং, অমাং-অতা মায়োক্নবা নত্ত্রগা গ্রিন ইনর্জি, মহৌশাগী হিদাক-লাংথকশিং নত্ত্রগা হেল্থ সেকুরিতি ওইবা য়াই, হিরম খুদিংমক্ত ঐখোয়গী পাঙ্গল পুনশিনবনা মালেমগী য়াইফবা পুরক্কনি।
প্রধান মন্ত্রীনা হায়খি মসিগী ৱাখল্লোন অসিগা লোয়ননা ঐখোয়না আই.বি.এস.এ ফন্দ লিংখৎলে। মসিগা মতেংগা লোয়ননা, ঐখোয়না হৌজিক ফাওবদা, লৈবাক ৪০ দা প্রোজেক ৫০ রোম লোইশিনখ্রে। লাইরিক-লাইশু, হকশেল, নুপীশিংদা শক্তি পীবা অমসুং সোলার ইনর্জিগুম্বা হিরমশিংদা লমদম অসিগী মীয়ামগী দরকার ওইবদা য়ুম্ফম ওইদুনা প্রোজেকশিং অদু পায়খৎপনি। মসিগী থবক অসি মখা তানা ফগৎনবা, ঐখোয়না ক্লাইমেত রেসিলিয়েন্ত এগ্রিকলচরগী আই.বি.এস.এ ফন্দ লিংখৎপা য়াগনি। প্রধান মন্ত্রীগী মপুংফাবা ৱারোল মফম অসিদা ফংগনি [here]।
During the G20 Summit in Johannesburg, President Lula of Brazil, President Ramaphosa of South Africa and I held a leaders' meeting of IBSA, a forum which reflects our enduring commitment to strengthening the voice and aspirations of the Global South. IBSA is no ordinary grouping.… pic.twitter.com/s2oKfEEYXN
— Narendra Modi (@narendramodi) November 23, 2025
Ours is a bond that is heartfelt, carrying with it diversity, shared values and shared aspirations. All three IBSA nations have held the G20 Presidency in the last three years and have used this opportunity to further the human centric agenda.
— Narendra Modi (@narendramodi) November 23, 2025
Highlighted a few suggestions to deepen IBSA cooperation:
— Narendra Modi (@narendramodi) November 23, 2025
IBSA must send a unified message to the world that institutional reform is no longer optional…it is now essential.
It is a reality that global institutions are far removed from the realities of the 21st century. This…
