প্রধান মন্ত্রী, শ্রী নরেন্দ্র মোদীনা ঙসি নই দিল্লীদা পাঙথোকপা নিউজ ৯ গ্লোবেল সম্মিত্তা ৱা ঙাংখ্রে। সম্মিত অসিগী নুংগী ৱাখল্লোন্দি ‘ইন্দিয়া: পোইজ ফোর দি বিগ লীপ’ হায়বসিনি।
তিল্লিবা মীয়ামদা ৱা ঙাংলদুনা, প্রধান মন্ত্রীনা তিভি ৯গী রিপোর্তিং তীমনা ভারতকী খেন্নবা মতৌগী মহুৎ শিল্লি হায়খি। মখোয়গী লোল ময়ামগী পাউগী ফম্পাক্না তিভি ৯বু ভারতকী মশক মচু নাইরবা মীয়ামগী লৈঙাক্কী মহুৎ শিল্লি হায়না প্রধান মন্ত্রীনা হায়খি।
প্রধান মন্ত্রীনা সম্মিত অসিগী থীম – ‘ইন্দিয়া: পোইজ ফোর দি বিগ লীপ’ হায়বসিদা ৱাফম কয়া থমখি, অমসুং অচৌবা খোঙকাপ অমা হায়বসি কনাগগুম্বা অমদা পুক্নিং লুপচবা অমসুং মথুম মরাং হৌবতনা থল্লবা মতমদা চোংবা ঙমগদৌরিবনি হায়খি। থীম অসিনা ভারতকী মশাদা থাজবা থম্লিবা অমসুং চহি ১০গী লোঞ্চপেদ অমা শেম্লিবসিনা পীরিবা মঙলান চাউবা মতৌসিবু উৎলি হায়না মহাক্না হায়খি। চহি ১০সিদা ৱাখল্লোন, মশাদা থাজবা অমসুং অফবা লৈঙাক্লোন্না অওনবা পুরক্লিবা অসিগী মরুওইবা মচাকশিং ওইদুনা লাক্লি হায়না প্রধান মন্ত্রীনা হায়খি।
প্রধান মন্ত্রীনা ভারতকী মরাইবক্তা কম্মিসন সিতিজন্না ময়ায়দা থম্লিববু ফোঙদোকখি। মায়থিবগী ৱাখল্লোন্না মায় পাকপা ঙম্লোয় হায়বা ৱাফম থম্লদুনা, মসিগী পরিংদা ভারতনা ৱাখল্লোন্দা পুরক্লিবা অহোংবা অমসুং চোঙলিবা খোঙকাপ অসি তশেংনা অঙকপগী মশক্নি হায়না মহাক্না হায়খি। পি.এম. মোদীনা মমাগী লুচিংবশিংনা উৎলম্বা ফত্তবা মীৎয়েঙশিং, অমদি লৈরম্লিবা শেঞ্জা থুমজা, সস্কাম, পোলিসী পেরালাইসিস অমসুং লৈবাকসিগী য়ুম্ফম শুম চাহনখিবা শাগৈগী রাজনিতীবু নীংশিংখি। প্রধান মন্তচ্রীনা মসিদগী হোংলকখিবা অমসুং ভারতনা মালেমগী মকোক থোংবা শেন্মিৎলোন ৫গী মনুংদা চঙলকখিববু পনখি। “২১শুবা চহিচাগী ভারতনা অপীকপা ৱাখল খনদে। ঐখোয়না তৌরিবা খুদিংদা, ঐখোয়না খ্বায়দগী ফবা অমসুং খ্বায়দগী চাওবদু তৌই। মালেম অসিনা অঙকপগা লোয়ননা ভারতকা চৎমিন্নবগী কান্নবা উবা ফংলি”, হায়না মহাক্না হায়খি।
হৌখিবা চহি ১০দা ফংবা ঙমখিবশিংবু ২০১৪গী মমাঙগী চহি তরাগা চাংদম্নদুনা, প্রধান মন্ত্রীনা এফ.দি.আই.দা রেকোর্দ ওইনা য়ু.এস. দ,লর বিলিয়ন ৩০০দগী য়ু.এস. বিলিয়ন ৬৪০দা হেনগৎলকখিবা, ভারতকী দিজিতেল য়াওল, ভারতকী কোবিদ ভেক্সিন্দা থমখিবা থাজবা অমসুং মীয়াম্না লৈঙাক্তা থাজবা হেনগৎলকপগী খুদম ওইরিবা লৈবাকসিগী খাজনা থিবা মীশিং হেনগৎলকপগী ৱাফমশিং পনখি। লৈবাকসিদা লৈরিবা মুচুএল ফন্দ ইনভেস্তমেন্তকী মরমদা ৱা ঙাংলদুনা, প্রধান মন্ত্রীনা ২০১৪দা মীয়াম্না লুপা করোর লাখ ৯ থাদখি অদুগা ২০২৪দা মশিং য়াম্না হেনগৎলক্তুনা লুপা লাখ করোর ৫২ য়ৌরে হায়বা ৱাফম পাউদমখি। “মসিনা মীয়ামগী মফমদা লৈবাক অসি মপাঙ্গলগা লোয়ননা মাঙদা চঙশিল্লি হায়বা উৎলি”, হায়রদুনা “মশাদা অমসুং লৈঙাক্তা থম্লিবা থাজবগী চাং মান্নরে”, হায়না প্রধান মন্ত্রীনা মখা তাখি।
প্রধান মন্ত্রীনা লৈঙাক্কী থবক্কী মওং মতৌ অমসুং লৈঙাক্লোন্না হোংলক্লিবা অসিগী মরমশিংনি হায়খি। “লৈঙাক্কী ওফিসশিং পরৈ চেনবা মফম ওইদ্রে, লৈবাক মীয়ামগী মরুপ ওইরে”, হায়না মহাক্না ফোঙদোকখি।
প্রধান মন্ত্রীনা হায়রিবা খোঙকাপ চাউনা চোংলিবা অসিগীদমক গিয়র শিনবা মথৌ তাখি হায়খি। মহাক্না দেকেদ কয়া পন্দুনা লৈরম্লবা অমসুং লৈঙাক অসিনা লোইশিনখিবা উত্তর প্রদেশকী সর্য়ু কেনেল প্রোজেক্ত, মহারাস্ত্রগী সর্দার সরোবর য়োজনা, অমসুং কৃষ্ণ কোইনা পরিয়োজনানচিংবা মতম কুইনা পন্দুনা লৈরম্বা প্রোজেক্তশিং খুদম ওইনা পীখি। প্রধান মন্ত্রীনা ২০০২দা উরেপ উয়ুং তমখিবা অদুবু ২০১৪ ফাওবা লোইশিন্দনা লৈরম্বা অতল তনেলগী মরমদা মীয়ামগী পুক্নিং চিংশিনখি, অমদি থবক অদুবু লোইশিন্দুনা ২০২০দা শঙ্গাখিবা অদু লৈঙাক অসিননি হায়খি। মহাক্না ১৯৯৮দা কম্মিসন তৌখিবা অদুবু চহি ২০গী মতুংদা ২০১৮দা লোইশিনখিবা অসামগী বোগিবীল থোংবু, ২০০৮দা কম্মিসন তৌখিবা অদুগা চহি ১৫গী মতুংদা ২০২৩দা লোইশিনখিবা ইস্তর্ন দেদিকেতেদ ফ্রৈত কোরিদোরবুসু খুদম ওইনা পীখি। “অসিগুম্বা পন্দুনা লৈরম্বা প্রোজেক্ত চা কয়া হৌজিক্কী লৈঙাক অসিনা ২০১৪দা লৈঙাক চুপ্লি পায়রক্লবা মতুংদা লোইশিনখি”, হায়না মহাক্না মখা তাখি। প্রধান মন্ত্রীনা প্রগতীগী মখাদা অচৌবা প্রোজেক্তশিং চাং নাইনা য়েংশিনবনা পীরিবা শাফুগী মরমদসু শন্দোক্না তাকখি অমসুং হৌখিবা চহি ১০সিদা লুপা লাখ করোর ১৭কী ওইগদবা প্রোজেক্তশিং মেকানিজম অসিগী মখাদা য়েংশিনখি হায়না পাউদমখি। প্রধান মন্ত্রীনা অতল সেতু, পার্লিয়ামেন্ত বিল্দিং, জম্মু এইম্স, রাজকোৎ এইম্স, আই.আই.এম. সম্বলপুর, ত্রিচী এয়রপোর্তকী অনৌবা তর্মিনেল, আই.আই.তি. ভিল্লাই, গোৱা এয়রপোর্ত, লক্সদ্বীপ ফাওবগী সমুদ্র ইরোন্নুংগী কেবল, বরানসীগী বনস দেরী, দ্বার্কা সুদর্সন সেতুনচিংবা থুনা লোইশিনখিবা প্রোজেক্ত খরা খুদম ওইনা পীখি। হায়রিবা প্রোজেক্ত পুম্নমক অসিগী উরেপ উয়ুং প্রধান মন্ত্রীনা তমখিবনি অমসুং মহাক্না মখোয়বু লৈবাক্কী মফমদসু কত্থোকখি। “নীংবা চেৎলবা অমসুং খাজনা থীরিবশিংগী শেন্ফমবু ইকায়খুম্নরবা মতমদতা লৈবাক অসিনা মাঙদা চঙশিনবা ঙমগদৌরিবনি অমসুং অচৌবা খোঙকাপ চোংনবগীদমক শেম শাগদৌরিবনি”, হায়না মহাক্না মখা তাখি।
প্রধান মন্ত্রীনা চয়োল অমখক্কী থবক থৌরমশিং পুথোক্তুনা পায়খৎলিবা থবক থৌরমশিংগী পাক চাউববু উৎখি। আই.আই.তি., আই.আই.এম. অমসুং আই.আই.আই.তি.গুম্বা হাইয়র এজুকেসন ইন্সতিত্যুৎ দজন কয়াগা লোয়ননা জম্মুদগী ফেব্রুৱারী ২০দা মহৈ মশিংগী লমদা চাউনা মাঙদা চঙশিনখিবা, ফেব্রুৱারী ২৪দা মহাক্না রাজকোত্তগী এইম্স ৫ মীয়ামদা কত্থোকখিবা অমসুং ঙসি অয়ুক অমৃৎ সস্তেসসন ৫০০ হেনববু নৌনা শেমগৎপা য়াওনা প্রোজেক্ত ২০০০ হেনবা পায়খৎখিববু মহাক্না পনখি। থৌওং অসি মথংগী নুমিৎ নিনিদা মহাক্না স্তেত অহুমদা চৎপা মতমদসু মখা চত্থগনি হায়না মহাক্না পাউদমখি। “ঐখোয় অহানবা, অনিসুবা অমসুং অহুমশুবা য়াওলদা খোঙজেল তপখি, হৌজিক্তি ঐখোয়না মালেম অসিবু মরিশুবা য়াওলদা লমজিংগদবনি”, হায়না প্রধান মন্ত্রীনা হায়খি।
মহাক্না লৈবাক্কী খোঙজেলগী অকুপ্পা ৱারোলশিং থম্লদুনা মখা তাখি। মহাক্না নুমিৎ খুদিংগী অনৌবা কলেজ ২, চয়োল খুদিংগী অনৌবা য়ুনিভর্সিতী অমমম, নুমিৎ খুদিংগী পেতেন্ত ৫৫ অমসুং ত্রেদমার্ক ৬০০, নুমিৎ খুদিংগী মুদ্রা লোন লাখ ১.৫, নুমিৎ খুদিংগী স্তার্তঅপ ৩৭, লুপা করোর লিশিং ১৬কী নুমিৎ খুদিংগী য়ু.পি.আই. ত্রাঞ্জেক্সন, নোংমদা অনৌবা জন ঔসধী কেন্দ্র ৩, নুমিৎ খুদিং লম্বী কিলোমিতর ১৪ শেম্বা, নুমিৎ খুদিং এল.পি.জি. কন্নেক্সন লিশিং ৫০ পীবা, সেকেন্দ খুদিংগী তোতি ঈশিং কন্নেক্সসন অমমম পীবা অমসুং নুমিৎ খুদিং মীওই লিশিং ৭৫না লায়রবগী পনখৈগী ৱাংমদা থোরকপনচিংবা ফীগরশিং পীখি।
লৈবাকসিগী পোত্থোক শীজিন্নবগী মওং মতৌগী হন্দক্তা ফোঙখিবা রিপোর্ত অমা পল্লদুনা, প্রধান মন্ত্রীনা হৌজিক ফাওবদা লায়রবগী চাং অসি দিজিত অমদা হন্থরক্লে হায়বা ৱাফম থমখি। দেতাগী মতুং ইন্না, কঞ্জুম্পসনগী চাং অসি তোঙান তোঙানবা পোৎলমশিং অমসুং সর্ভিসশিংদা শেল চাদিং তৌবগী মীয়ামগী মতিং হেনগৎলকপগা লোয়ননা দেকেদ অমগী মমাঙদা লৈরম্বা চাংদগী শরুক ২.৫ হেনগৎলে হায়না মহাক্না ফোঙদোকখি। “হৌখিবা চহি ১০সিদা, খুঙ্গংদা লৈরম্বা কঞ্জুম্পসন ময়োল্লমশিংদা লৈবা চাংদগী য়াম্না হেন্না হেনগৎলক্লে। মসিনা তাক্লিবদি, খুঙ্গংগী মীয়ামগী শেন্মিৎলোনগী মতিক হেনগৎলক্লি, মখোয়দা চাদিং তৌনবা শেল হেন্না লৈরে হায়বনি”, হায়না মহাক্না হায়খি।
প্রধান মন্ত্রীনা লৈঙাক অসিনা ইনফ্রাস্ত্রকচর খুঙ্গংগী মথৌ তাবশিং মাঙদা থম্লগা শেমগত্তুনা হেন্না ফবা কন্নেক্তিবিইতী, অনৌবা থবক পীবগী খুদোংচাবশিং অমসুং নুপীশিংগী শেন্থোক হেনগৎহনবা ঙম্লে হায়খি। “ভারত্তা অহানবা ওইনা, চীঞ্জাক্তা চৎপা চাদিং অপুনবা চাদিংগী চাদা ৫০দগী হেন্না তারে। হায়বদি, লৈজবা পাঙ্গল পুম্বা চীঞ্জাক লৈবদা শীজিন্নরম্বা ইমুং অদুনা ঙসিদি ইমুংদুগী মীওইইশিংনা অতোপ্পা পোৎলমশিংদা শেল চাদিং তৌবা ঙম্লে হায়বদি”, হায়না প্রধান মন্ত্রীনা মখা তাখি।
মমাঙগী লৈঙাক্না শীজিন্নরম্বা ভোত বেঙ্ক রাজনিতীগী মচৎপু পল্লদুনা, প্রধান মন্ত্রীনা ভারতনা হৌখিবা চহি ১০সিদা শেঞ্জা থুমজা লোইশিন্দুনা অমসুং চাওখৎপগী কান্নবশিং চাং মান্ননা য়েন্থোক্তুনা অৱাৎ অপাগী ৱাখল্লোন থুগাইখ্রে হায়বা ৱাফম থমখি। “ঐখোয়না অৱাৎ অপাগী রাজনিতীগী মহুত্তা সেচুরেসনগী লৈঙাক্লোন্দা থাজবা থম্মি”, হায়না পি.এম. মোদীনা খোঙদোকখি। “ঐখোয়না তুস্তিকরনগী মহুত্তা মীয়ামগী সন্তুস্তি (অপেনবা) পুরক্নবগী লম্বীবু খনখি।”মসিনা হৌখিবা দেকেদ অসিদা লৈঙাক অসিগী লাইৱা ওইদুনা লাকখি হায়না প্রধান মন্ত্রীনা হায়খি। “মসি সবকা সাথ সবকা বিকাসনি”, হায়না প্রধান মন্ত্রীনা লৈঙাক অসিনা ভোত বেঙ্ক রাজনিতীবু পর্ফোর্মেন্সকী পোলিতিক্সতা ওন্থোক্লে হায়বা ৱাফম থম্লদুনা ফোঙদোকখি। মোদী কী গরেন্দী ভেহিকলবু পল্লদুনা, প্রধান মন্ত্রীনা ঙসি লৈঙাক অসিনা য়ুমথোঙ খুদিং চৎলি অমসুং বেনিফিসরীশিংদা খুদোংচাবশিং ফংহল্লি হায়খি। “সেচুরেসন্না মিসন অমা ওইরক্লবা মতমদা, খেন্নবা মীৎয়েঙগী ৱাফম অমত্তা লৈতে”, হায়না পি.এম. মোদীনা ফোঙদোকলখি।
অরিবা শিংনবশিং ৱাখৈনবা লৈঙাক অসিনা লৌখিবা মরুওইবা ফিরেপশিংবু পল্লদুনা “ঐখোয়গী লৈঙাক অসিনা লৈবাক্না মাঙদা হায়বা ৱাখল্লোনবু মরুওইনা লৌদুনা মাঙদা থমদুনা চৎলি”, হায়না প্রধান মন্ত্রীনা ফোঙদোকখি। মহাক্না আর্তিকল ৩৭০ মুত্থৎখিবা, রাম মন্দির শাখিবা, ত্রিপল তলাক থুপচিনখিবা, নারী শক্তি বন্দন অধিনিয়ম, ৱন রেঙ্ক ৱন পেন্সন, অমসুং চীফ ওফ দিফেন্স স্তাফকী ফম শেমখিববুসু পুথোকখি। লৈঙাক অসিনা লৈবাকপু মাঙদা থমবা হায়বা ৱাখল্লোন্দা লোইশিন্দনা থম্লম্বা থবক পুম্নমক লোইশিনখি হায়বা ৱাফম মহাক্না থমখি।
প্রধান মন্ত্রীনা ভারতপু ২১শুবা চহিচাগীদমক শেম শাবগী মথৌ তাবা ৱাফম থমখি অমসুং থুনা খুমাঙ চাওশিল্লিবা থৌরাংশিংগী মতাঙদা ফোঙদোকখি। “স্পেসতগী হৌরগা সেমিকন্দক্তর ফাওবা, দিজিতেলদগী দ্রোন ফাওবা, এ.আই.দগী ক্লীন ইনর্জী ফাওবা, ৫জিদগী ফিন্তেক ফাওবদা, ভারতনা ঙসি মালেমগী মাঙজিল থাদুনা চৎলি”, হায়না মহাক্না হায়খি। মহাক্না ভারতকী চাওখৎলক্লিবা মতিকপু মালেমগী ওইনা দিজিতেল পেমেন্তকী খ্বায়দগী চাউবা শাফু অমা ওইনা, ফিন্তেক এদোপ্সন রেত্তা খ্বায়দগী খোঙজেল য়াঙনা চাওখৎলক্লিবা লৈবাক, থাগী খা থংবা পোলদা রোভর অমা তাহনখিবা অহানবা লৈবাক, সোলার ইন্সতোল্দ কেপাসিতীগী লমদা মালেমগী মাঙজিল থাবা লৈবাকশিংগী মনুংদা অমা, ৫জি নেতৱর্ক পাকথোক চাউথোকহনবদা য়ুরোপ্পু তুংওইনরম্লবা, সেমিকন্দক্তর সেক্তরদা থুনা খুমাঙ চাওশিল্লক্লিবা অমসুং গ্রীন হায়দ্রোজেনগুম্বা তুংগী থাউশিংগী লমদা খোঙলৈ থুনা চাওখৎলক্লিবা লৈবাক অমা ওইনা তাকখি।
মহাক্কী ৱারোল লোইশিল্লদুনা, “ঙসি ভারতনা মাগী তরং তরংবা তুংলমচৎকী মায়কৈদা কন্না হোৎনরি। ভারত অসি তুংলমচৎকী ওইবা মতৌনি। ঙসি মীপুম খুদিংমক্না হায়নরি – ভারতনা তুংলমচৎনি,” হায়না প্রধান মন্ত্রীনা হায়খি। মহাক্না মথংগী চহি ৫গী মরুওইবা ৱাফমদসু মীয়ামগী পুক্নিং চিংশিনখি। ভারতকী মতিংবু অহুমশুবা তর্মদা অনৌবা পন্দোল য়ৌনা পুখৎনবা থম্লিবা থাজববু মহাক্না অমুক হন্না খোঙফম চেৎশিনহনখি অমসুং মথংগী চহি ৫ অসি চাওখৎপগী চহিইশিং ওইহন্নবা পাউজেল পীখি অমসুং ভিক্সিত ভারতগী ভারতকী খোঙচৎপুসু থাগৎখি।
अगर आज दुनिया को लगता है कि भारत एक बड़ा लीप लेने के लिए तैयार है, तो उसके पीछे 10 साल का एक पावरफुल लॉन्चपैड है: PM @narendramodi pic.twitter.com/xISt7XKmsN
— PMO India (@PMOIndia) February 26, 2024
आज 21वीं सदी के भारत ने छोटा सोचना छोड़ दिया है।
— PMO India (@PMOIndia) February 26, 2024
आज हम जो करते हैं, वो Best और Biggest होता है: PM @narendramodi pic.twitter.com/taHqD35nVy
भारत के लोगों का सरकार और व्यवस्था पर भरोसा बढ़ रहा है: PM @narendramodi pic.twitter.com/VsdK9Cx6vc
— PMO India (@PMOIndia) February 26, 2024
आज 21वीं सदी के भारत ने छोटा सोचना छोड़ दिया है।
— PMO India (@PMOIndia) February 26, 2024
आज हम जो करते हैं, वो Best और Biggest होता है: PM @narendramodi pic.twitter.com/taHqD35nVy
भारत के लोगों का सरकार और व्यवस्था पर भरोसा बढ़ रहा है: PM @narendramodi pic.twitter.com/VsdK9Cx6vc
— PMO India (@PMOIndia) February 26, 2024
सरकार के दफ्तर आज समस्या नहीं, देशवासियों के सहयोगी बन रहे हैं: PM @narendramodi pic.twitter.com/ldvBMG94Tc
— PMO India (@PMOIndia) February 26, 2024
भ्रष्टाचार पर लगाम लगाकर हमने ये सुनिश्चित किया है कि विकास का लाभ भारत के हर क्षेत्र को समान रूप से दिया जाए: PM @narendramodi pic.twitter.com/F9bkkBXZP5
— PMO India (@PMOIndia) February 26, 2024
भ्रष्टाचार पर लगाम लगाकर हमने ये सुनिश्चित किया है कि विकास का लाभ भारत के हर क्षेत्र को समान रूप से दिया जाए: PM @narendramodi pic.twitter.com/F9bkkBXZP5
— PMO India (@PMOIndia) February 26, 2024
हमारी सरकार Nation First के सिद्धांत को सर्वोपरि रखते हुए आगे बढ़ रही है: PM @narendramodi pic.twitter.com/MFoADsERXM
— PMO India (@PMOIndia) February 26, 2024
21वीं सदी के भारत को अपने आने वाले दशकों के लिए भी हमें आज ही तैयार करना होगा: PM @narendramodi pic.twitter.com/Nz5fmKvY5d
— PMO India (@PMOIndia) February 26, 2024
India is the Future. pic.twitter.com/bmgfDu8T3M
— PMO India (@PMOIndia) February 26, 2024
