ঙসি প্রধান মন্ত্রী শ্রী নরেন্দ্র মোদীনা বারানসীদা মীফম অমদা মশিং য়াম্লবা নুপীশিংদা ৱা ঙাংখ্রে, মফম অদুদা মহাক্না লুপা করোর লিশিং কয়াগী তোঙান তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে।
থৌরম অদুদা প্রধান মন্ত্রীনা হায়খি থৌরম অসি য়াম্না মরুওই। কাসি অসি মা শ্রিংগার গৌরী, মা অন্নপূর্ণা, মা বিশালাক্ষী, মা সংকথা, মা গঙ্গা য়াওনা ঈশ্বরগী শক্তিশিংগী মফম অমনি। মশিং য়াম্লবা নুপীশিং শরুক য়াবা অসিআন থৌরম অসি তশেংনা অশেংবা অমা ওইহল্লে। কাসিগী লমদম অসিদগী ঐনা কাসিগী ইমাশিং, ইচলশিং অমসুং ইচানুপীশিংদা কোক নোঞ্জরি।
নারী শক্তি অমসুং চাউখৎপা অনিমক হরাওবা ফোঙদোকপা থৌরম অমনি হায়না ফোঙদোক্লদুনা, প্রধান মন্ত্রীনা হায়খি মদুদি কাসি অমসুং অয়োধ্যাগী মরক্ত লম্বী-থোঙ ফগৎহনবগা লোয়ননা কাসিদা মখল খুদিংমক্কী চাউখৎ-থৌরাং কোনশিনবা প্রোজেকশিং শঙ্গারে। কাসিদগী পুনে অমসুং অয়োধ্যাদগী মুম্বাই য়ৌবা অমৃত ভারত ত্রেন অনি লমথাখ্রে, মহারাষ্ট্রাগী মীয়াম শেংলবা সহর অনি অসিদা য়ৌনবা অনৌবা খুদোংচাবশিং পীরে। মসিনা মখা তানা উত্তর প্রদেস অমসুং মহারাষ্ট্রাগী মরক্ত চৎথোক-চৎশিন ফগৎহনগনি, অয়োধ্যা ধাম অমসুং কাসি বিশ্বনাথ ধাম য়ৌনবা মীয়ামদা অতোপ্পা অনৌবা খুদোংচাবা অমা পীরগনি।
লৈবাক শেমগৎপদা নুপীশিংগী মরুওইবা থৌদাং পল্লদুনা, প্রধান মন্ত্রীনা হায়খি মদুদি নারী শক্তি অসি বিকসিত ভারতকী খ্বাইদগী কনবা য়ুম্বীনি। লৈবাক্কী য়াইফনবা মরুওইবা পান্দম অমা ফংনবা ঐনা অদোমগী বর নিজরি অমসুং মসিগী মরুওইবা পান্দমদি লোক সভা অমসুং ষ্টেৎ লেজিসলেতিপ এশেমব্লিশিংদা নুপীশিংগী সিত খাকপা থবক ওইনা পাংথোকপনি। অদোমগী সিত খাকপগী হক থবক ওইনা পাংথোক্নবা ঐনা পাংথোকপা য়াবা থবক খুদিংমক পাংথোক্তনা তোক্লোই হায়না ঐনা অদোমগী মফমদা থাজবা পীরি।
নুপীশিংদা শক্তি পীবগী মতাংদা প্রধান মন্ত্রীনা হায়খি মদুদি ইমুংদা নুপী অমা শক্তি পীবা মতমদা, অপুনবা ইমুং অসি ফগৎলকই, মসিনা খুন্নাই অমসুং লৈবাক মপাঙ্গল কনখৎহল্লি। ভারতকী নুপীশিং পুৱারিগী ওইবা অথিংবা কয়া মায়োক্নখি। মীরোল কয়াগী নুপীমচাশিংদা তৌবা ঙম্বা, দরকার ওইবা অমসুং লমচৎ-শাজৎকী মতাংদা ৱাহংশিং হংখি। অসিগুম্বা তাথি-তাওইনা তৌবা অসি কাসি খক্তগী নত্তে লৈবাক শীনবা থুংবগীনি। মসিগী অরানবা অসি খুন্নাইনা চৎনবী ওইহল্লে। হায়রিবা খুরৌ থাংবশিং অসি মশাগী ওইফম থোকপনি হায়না য়ানরি অমসুং মসি হোংদোক্কদবনি।
অরানবা মীৎয়েংশিং চুথোক্নবা মহাক্না হোৎনখিবা অদু নিংশিংলদুনা, প্রধান মন্ত্রীনা হায়খি মদুদি চহি ২৫ গী মমাঙদা মহাক্না গুজরাতকী চীফ মিনিষ্টর ওইরিঙৈদা, নুপীমচাশিংগী মরুওইবা স্কিম অনি মহাক্না হৌদোকখি, নুপীমচাশিং স্কুল কানবা অমসুং লোইশিন্নবা সালা প্রভেসোতসব অমসুং মখোয়গী ফিসগী মতেং পাংনবা মুখ্যমন্ত্রী কন্য কেলাবানি। মতম অদুদগী ঙসি ফাওবা, ঐখোয়গী সরকারগী থৌশিলশিংনা নুপীশিংগী য়াইফনবা খ্বাইদগী মরুওইনা লৌরি।
২০১৪ দগী পায়খৎলকখিবা অপুনবা য়াইফ-থৌরাংগী থবকশিং মচা খায়না পল্লদুনা, প্রধান মন্ত্রীনা হায়খি মদুদি তোইলেত করোর ১২ হেন্না শাখ্রে, ইচল করোর ৩০ হেনবগী বেঙ্ক একাউন্তশিং হাংদোকখ্রে, ইমুং করোর ২.৫ হেনবদা মৈ ফংহনখ্রে অমসুং ইমুং করোর ১২ হেনবদা তোতি ঈশিং ফংহনখ্রে। সুকন্যা সমৃদ্ধি যোজনা, মুদ্রা যোজনা, মাতৃ বন্দনা যোজনা, অমসুং আয়ুস্মান ভারতগুম্বা স্কিমশিং য়াওনা লৈবাক্কী চাউখৎ-থৌরাংগী ময়াইদা ইচলশিং অমসুং ইচানুপীশিং লৈরি। মরুওইবা স্কিম খুদিংমক্কী ময়াইদা ইচলশিং অমসুং ইচানুপীশিং থম্লে, ঐখোয়গী অশেংবা থবক্কী মমি তারে।
কাসিদা পায়খৎখিবা মাইপাক্লবা খোঙজং অমা পল্লদুনা, প্রধান মন্ত্রীনা হায়খি মদুদি চহি অনিগী মমাঙদা, থা অমা খক্তদা নুপীমচা ২৭,০০০ গী সুকন্যা সমৃদ্ধি একাউন্তশিং হাংদোকখি, লোয়ননা একাউন্ত অমমমদা লুপা ৩০০ হাপচিনখি। স্কিম অসিনা নুপীমচাশিংগী লাইরিক তম্বা ফগৎহল্লে লোয়ননা মুদ্রা য়োজননা মখোয়গী শেন্থোক লৈহল্লে অমসুং অহানবা ওইনা, পি.এম অৱাস য়োজনাগী খুৎথাংদা ইচল করোর কয়া মখোয়গী মিংদা লম রেজিষ্টার তৌখ্রে। ঙসিদিগী ঐখোয়গী ইমাশিং অমসুং ইচলশিং মখোয়গী য়ুমশিংগী মপু ওইরে।
প্রধান মন্ত্রীনা হায়খি মদুদি নুংঙাইহনবা অমসুং অশোই-অঙাম থোকহন্দবা অসিনা শক্তি পীবগী য়ুম্ফমনি। মমাঙদা উত্তর প্রদেসতা নুপীমচাশিং মখোয়গী য়ুমশিংদগী মপান থোকপা ফাওবা য়াম্না খুদোংথিনিঙাই ওইখি। নুপীশিংগী মথক্ত চৎথবা অরানবা থবকশিংদা অথুবা মতমদা ৱারেপশিং লৌদুনা, লোয়ননা নুপীশিংগী পুলিস ষ্টেসনশিং অমসুং কাউন্সেল্লিং সেন্তরশিং মখা তানা হেনগৎহন্দুনা ভারতীয় ন্যায় সংহিতানা অনৌবা থাজবা পীরে। ইচানুপীশিংদা অরানবা মীৎয়েং য়েংবা কনাগুম্বা অমা হৌজিক মখোয়গী মরাইবক করি ওইগনি হায়বা ফজনা খঙলে।
শেন-থুমগী শক্তি পীবগী মরুওইবা পল্লদুনা, প্রধান মন্ত্রীনা হায়খি মদুদি নুপীশিংগী শেন-থুম ফগৎহনবা মতমদা, ইমুংদা মখোয়গী খোঞ্জেল চপ মান্ননা মপাঙ্গল কল্লি। হৌখিবা চহি ১১ দা, নুপী করোর ১০ রোম সেল্ফ-হেল্প গ্রুপশিংগা শম্নখ্রে, মসিগী মনুংদা কাসিগী নুপী লাখ ১.২৫ রোম য়াওরি, লোয়ননা মনিংতম্না থবক তৌনবা লুপা লাখ কয়াগী মতেং পাংখ্রে। অসিগুম্বা থবকশিংনা, হৌজিক ফাওবদা নুপী করোর ৩ রোম লাখপতি দিদিশিং ওইখ্রে, মসিগী মনুংদা বারানসীদগী নুপী লিশিং কয়া য়াওরি।
প্রধান মন্ত্রীনা হায়খি মদুদি নুপীশিংগী ফিবম ফগৎহনবদা দাইরি সেক্তরনা অচৌবা থৌদাং লৌরি। বনাস দাইরিদা থবক তৌবা ইচল লাখ কয়া ঙসি বোনস ওইনা লুপা করোর ১০৬ ফংবদা থাগৎপা ফোঙদোকচরি। মখোয়গী থবক পাকথোক-চাউথোকহন্দুনা নুপীশিংগী কাসিগী দাইরিগী থবক হেনগৎহনগনি হায়বগী থাজবা থম্লি। মসি হৌবগা ঙাইরি, বারানসী চাউখৎলক্কনি, বনাস দাইরি চাউখৎকনি অমসুং মসিগী বোসনসু হেনগৎলক্কনি।
কমদৌনা সরকারনা নুপীশিং অহোংবা পুরকপা মীওইশিং ওইনা থম্লিবগে হায়বা ফোঙদোক্লদুনা, প্রধান মন্ত্রীনা হায়খি মদুদি মখোয় মশা-মরোমদোম লেপচবা ঙম্নবা অমসুং বিকসিত ভারত অমা শেমগৎনবা মখোয়গী লুচিংবা ওইনবা খোঙজংশিংগা লোয়ননা থবক কয়া পায়খৎলে। বেঙ্ক শখিশিংনা দিজিতেল পেমেন্তশিংগী থবক ফগৎহল্লে, ইন্সুরেন্স শখিশিংনা ইন্সুরেন্সকী থবকশিংদা মাংজিল থারি, কৃষি শখিশিংনা নেচরেল ফার্মিং য়োকখৎলি অমসুং নমো দ্রোন দিদিশিংনা লৌউ-শিংউদা দ্রোন শীজিন্নবগী থবক্ত মাঙজিল থারি। মখা তানা, লান্মী, নেভি, এয়র ফোর্স, সাইনিক স্কুলশিং অমসুং দিফেন্স একাদেমীশিংদা ইচানুপীশিংগী অনৌবা খুজোংচাবশিং লৈরে। নুপীশিংদা শক্তি পীবা হায়বসি ঐখোয়গী সরকারগী ওইনা, নুপীশিংগী ফিবম ফগৎহনবা অমসুং নুপীশিং হিংবদা লাইহনবনি।
প্রধান মন্ত্রীনা হায়খি মদুদি থৌশিল শেম্বা অমসুং লৈবাক্কী ওইবা ৱারেপ লৌবদা নুপীশিংগী অচৌবা থৌদাং লৈরি। নুপীশিং শরুক য়াবগী ৱাখলদা অনৌবা পর্লিয়ামেন্ত বিল্দিং শাখিবগী অচৌবা মরম অমনি। অনৌবা সংসদকী শঙলেন শারবা মতমদা অহানবা পায়খৎখিবা থবক ২০২৩ দা নারী শক্তি বন্দন এক্ত পাস তৌবনা ওইখি, চহি ৪০ গী মতুংদা নুপীশিংগী সিত চাদা ৩৩ খাকখি। অথুবা মতমদা আইন অসি চৎনহনবা হৌজিক মথৌ তারে।
হন্দক পাংথোকখিবা সংসদকী থবকশিংদা নিংবা কায়বা ফোঙদোক্লদুনা, প্রধান মন্ত্রীনা হায়খি মদুদি নুপীশিং বিধান সভা অমসুং সংসদ য়ৌবা ঙম্নবা সংবিধানগী এমেন্দমেন্ত অমা পুখৎখি, অদুবু মদু পাস তৌবা ঙমখিদে। অসাম, কেরলা, পুদুচেরি, বেঙ্গল অমসুং তামিল নাদুদা নুপীশিং মশিং য়াম্না ভোৎ থাদবদা অপেনবা ফাওই।
“নাগরিক দেবো ভবা”গী লাইৱাগা লোয়ননা মীয়ামগী য়াইফনবা সরকারনা পায়খৎলিবা থবকশিং পল্লদুনা, প্রধান মন্ত্রীনা হায়খি মদুদি লাইরিক-লাইশু, শেন তানবগী থবকশিং, অনা-লাইয়েং, ইথৈ পীবা অমসুং খুদোংচাদবশিং কোকহনবা অসি য়াম্না মরুওইবশিংনি। মসিগী ৱাখল্লোনগা লোয়ননা, মরুওইবা প্রোজেক কয়াগা লোয়ননা ঙসি কাসিগী চাউখৎ-থৌরাং পাকথোক-চাউথোক্লে। গঙ্গা মথক্ত শারিবা থোঙ অসিনা পুর্বাঞ্চলগী লম্বী-থোঙ ফগৎহনগনি।
হৌখিবা চহি ১০ দা কাসিনা অৱাং অমসুং নোংপোক ভারত্ত মরুওইবা হকশেলগী মফম অমা ওইরক্লিবা অসি পল্লদুনা, প্রধান মন্ত্রীনা হায়খি মদুদি ফমুং ৫০০ লৈবা মল্তি-সুপর স্পিসিএলিতি হোস্পিতাল অসিনা মখা তানা অনা-লাইয়েংগী থবক ফগৎহনগনি। ফমুং ১০০ গী ক্রিতিকেল কিয়ার ব্লোক অমগীসু উরেপ-উয়ুং তম্লে। মসিনা কাসিদা অরুবা অনাবশিং লাইয়েংনবা অচৌবা খুদোংচাবা অমা হেনগৎহল্লগনি।
প্রধান মন্ত্রীনা মখা তানা হায়খি মদুদি গঙ্গা শেংদোকপা, ঘাতশিং শেমগৎপা, সরকারগী বিল্দিংশিং শাবা, হারহুৱা অমসুং ভাৱানিপুরদা লৌমীশিংগী মহৈ-মরোং থম্ফমশিং শাবা, অহলশিংগী লৈফম অমসুং নুপীশিংগী হোষ্টেল শাবা য়াওনা থবক কয়া পায়খৎলে। প্রোজেকশিং অসিনা বারানসীগী মীয়ামদা হকথেংননা কান্নবশিং পীগনি অমসুং মীয়ামগী খনবা অমসুং মীয়াম য়াইফনবা চাউখৎ-থৌরাংগী ঐখোয়গী থবকশিংগী মমি তারে।
প্রধান মন্ত্রীনা হায়খি মদুদি কাসিগী হেরিতেচ অমসুং পুৱারি মপাঙ্গল কনখৎহন্নবা মখা তানা খোঙজং কয়া পায়খৎলি। সান্ত কবির স্থাল শেমগৎপা অমসুং নাগৱাদা সান্ত রবিদাস পার্ক অমুক হন্না শেমজিনবা অসি থবক অসিগী শরুকশিংনি। মসি ঐখোয়গী হেরিতেচ ঙাক-শেন্নবা অমসুং মপাঙ্গল কনখৎহন্নবা হৌজিক চৎথরিবা ঐখোয়গী খোঙজংগী শরুক্নি।
মহাক্কী ৱারোল লোইশিল্লকপদা, প্রধান মন্ত্রীনা কাসিগী মুৎপা নাইদ্রবা ফিবম অমসুং হৌজিক পায়খৎলিবা চাউখৎ-থৌরাংগী থবকশিংগী মরক্ত লৈরিবা মান্নবা অদু উৎখি। পায়খৎলিবা চাউখৎ-থৌরাংগী থবকশিংগীদমক য়াইফ পাউজেল পীবগা লোননা মখোয়না বর পীরকপগীদমক প্রধান মন্ত্রীনা তৌবীমল খঙবা উৎখি। প্রধান মন্ত্রীনা হায়খি মদুদি ঐখোয়গী কাসি মাঙহনবা ঙম্লোই অমসুং মখা তানা হিংলি, চাউখৎ-থৌরাংগী খোঙজং অসিসু মখা তানা ফজনা চৎথরি।
भारत को विकसित बनाने का मिशन अनवरत चल रहा है।
— PMO India (@PMOIndia) April 28, 2026
और जब मैं विकसित भारत की बात करता हूं... तो उसका सबसे मजबूत स्तंभ भारत की नारीशक्ति है: PM @narendramodi
कांशी के सांसद के तौर पर... देश के प्रधानमंत्री के तौर पर... मुझे देशहित के एक बड़े लक्ष्य की प्राप्ति के लिए आपका आशीर्वाद चाहिए।
— PMO India (@PMOIndia) April 28, 2026
और ये बड़ा लक्ष्य है- लोकसभा-विधानसभा में महिलाओं के लिए आरक्षण को लागू करना: PM @narendramodi
हमारी सरकार की नीतियों में निरंतर महिला कल्याण को सर्वोच्च प्राथमिकता दी गई है: PM @narendramodi
— PMO India (@PMOIndia) April 28, 2026
सुविधा और सुरक्षा का विश्वास देने के साथ-साथ... हमने बहनों की आर्थिक भागीदारी बढ़ाने पर बल दिया है: PM @narendramodi
— PMO India (@PMOIndia) April 28, 2026
