প্রধান মন্ত্রী শ্রী নরেন্দ্র মোদীনা রসিয়াগী রাস্ত্রপতি ঐচ.ই. মিস্তর ভ্লাদিমির পুতিন্না ঙরাং ভারত মান্দাপম, ন্যু দিল্লীদা উনখ্রে। মহাক্কী ৱারোল পীরদুনা, প্রধান মন্ত্রীনা রাস্ত্রপতি পুতিন, ভারত অমসুং মপাল লৈবাক্কী লুচিংবশিং অমসুং ইকাই খুম্নরবা মীথুংলেন পুম্নমকপু থাগৎপা ফোংদোকখি। ইন্দিয়া-রসিয়া বিজিনেস ফোরম অসি রাস্ত্রপতি পুতিননা থৌরম অসিদা শরুক য়ানবা মীহুৎ কাংবু অমা পুরকখিবা অসিনা মরু ওইবা খোংথাং অমনি হায়না মহাক্না ফোংদোকখি। মহাক্না মীফম অদুদা শরুক য়ারিবা পুম্নমকপু থম্মোয় শেংনা তরাম্না ওকপগী ৱাফম থমখি অমসুং মখোয়গী মরক্তা লৈবা অসি য়াম্না নুংঙাইবা তাঙ্কক অমনি হায়না ফোংদোকখি। শ্রী মোদীনা ফোরম অসিদা শরুক য়াবা অমসুং মহাক্কী মমল য়াম্লবা ৱাখল্লোনশিং শেয়র তৌবগীদমক্তা মহাক্কী মরুপ রাস্ত্রপতি পুতিনবু থাগৎপা ফোংদোকখি। বিজিনেসকীদমক্তা লায়থোক্লবা অমসুং থাজবা য়াবা মেকানিজমশিং শেমগৎলি হায়না মহাক্না অকনবা ৱাফম থমখি। ভারত অমসুং য়ুরেশিয়ন ইকোনোমিক য়ুনিয়নগী মরক্তা ফ্রী ত্রেদ এগ্রীমেন্ত অমগী মতাংদা খন্ন-নৈনবা হৌখ্রে হায়নসু মহাক্না পনখি।
কেন্দ্রগী মন্ত্রী শ্রী পিয়ুশ গোয়ালনা হায়খিবগুম্না অমসুং রাস্ত্রপতি পুতিননা মাংলোমদা লৈরিবা ওইথোকপা য়াবশিং অদুগী মতাংদা পনখিবগুম্না, ভারত অমসুং রসিয়ানা অতেনবা মতমগী মনুংদা য়াম্না চাউনা পান্দম থম্লিবা পান্দমশিং অদু ফংবা ঙমগনি হায়না শ্রী মোদীনা ফোংদোকখি। মহাক্না হায়খি মদুদি ললোন-ইতিক নৎত্রগা দিপ্লোমেতিক ওইগেরা, পার্তনরশিপ অমা হেক্তগী য়ুম্ফমদি নাকল অনিগী থাজনবনি, অমসুং ভারত-রসিয়াগী মরীশিংগী খ্বাইদগী চাউবা মপাঙ্গল অসি থাজনবা অসিদা লৈ হায়না মহাক্না অকনবা ৱাফম থমখি। মহাক্না হায়খি মদুদি থাজবা অসিনা পুন্না হোৎনবদা লমজিং-লমতাক পীরি অমসুং অনৌবা মঙলানশিং অমসুং আশাশিং পুথোকপদা ইথিল পীনবা লোঞ্চ পেদ ওইনা মথৌ তৌরি। প্রধান মন্ত্রীনা হৌখিবা চহিদা রাস্ত্রপতি পুতিন অমসুং মহাক্না 2030 ফাওবদা লৈবাক অনিগী মরক্তা ত্রেদ বিলিয়ন 100গী পান্দম অদুদগী হেন্নবা ৱারেপ লৌখিবা অদু নীংশিংখি। অদুবু রাস্ত্রপতি পুতিনগা লোয়ননা মহাক্না হৌখিবা খন্ন-নৈনখিবা অদুদা অমসুং উবা ফংলিবা পোতেন্সিএল অদু য়েংলগা, 2030 ফাওবা ঙাইবগী তঙাইফদবা লৈরোই হায়বসি ময়েক শেংলে হায়না মহাক্না পনখি। ভারত অমসুং রসিয়ানা মসিগী পান্দম অসি মতমগী মাংওইননা ফংনবা হোৎনদুনা মাংলোমদা চংশিল্লি হায়না মহাক্না অকনবা ৱাফম থমখি। মহাক্কী থাজবা অসি হেন্না মপাঙ্গল কনখৎলক্লি। শ্রী মোদীনা মখা তারদুনা হায়খি মদুদি তারিফ অমসুং নন-তারিফগী অথিংবশিং হন্থহল্লে। মহাক্না অকনবা ৱাফম থমখি মদুদি হোৎনরিবশিং অসিগী অশেংবা পাঙ্গল অসি বিজিনেস লিদরশিংদা লৈরি। মখোয়গী ইনর্জী, ইন্নোবেসন অমসুং এম্বিসন অসিনা ভারত অমসুং রসিয়াগী তুংলমচৎ শেমগৎলি হায়না মহাক্না ফোংদোকখি।
হৌখিবা চহি 11 অসিদা, ভারত্তা হোংলকপগী খোঙজেল অমসুং পাক-চাউবগী চাং অসি মমাংদা অমুক্তা ওইখিদ্রি হায়না পল্লদুনা, শ্রী মোদীনা হায়খি মদুদি রিফোর্ম, পর্ফোর্ম অমসুং ত্রান্সফোর্মগী ৱাখল্লোনগী মতুং ইন্না, ভারতনা মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা খোঙজেল য়াংনা চংশিল্লি। চহি 11গী রিফোর্মগী খোঙচৎ অসিগী মনুংদা, ভারতনা কন্না হোৎনখি অমসুং লেপখিদে, মমাংদগী হেন্না মপাঙ্গল কনখৎতুনা অমসুং অচৌবা থাজবা অমসুং থৌনাগা লোয়ননা মাগী পান্দমগী মায়কৈদা মাংলোমদা চংশিল্লি হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি ইজ ওফ দুইং ব্যুজিনেস প্রমোৎ তৌনবা GSTদা ন্যু জেনরেসন রিফোর্মশিং অমসুং কমপ্লাইন্সশিং হন্থহনখ্রে। মহাক্না হায়খি মদুদি দিফেন্স অমসুং স্পেস অসি প্রাইবেৎ সেক্তরগীদমক হাংদোক্লে, মসিনা অনৌবা খুদোংচাবশিং লৈহল্লে, অমসুং সিভিল ন্যুক্লিয়র সেক্তরদসু অনৌবা খুদোংচাবশিংগী থোঙ হাংলি হায়না মহাক্না হায়খি। মহাক্না হায়খি মদুদি মসি এদমিনিস্ত্রেতিব রিফোর্মশিং খক্তা নত্তে অদুবু ৱারেপ অমা খক্তনা লমজিংবা মাইন্দসেৎ রিফোর্মশিংনি - বিক্সিত ভারত।
হৌখিবা নুমিৎ নিনি অসিদা কান্নবা অমসুং কান্নরবা খন্ন-নৈনবগী থৌরম অমা পাংথোকখ্রে হায়না প্রধান মন্ত্রীনা হায়খি। মীফম অসিদা ভারত-রসিয়াগী কোওপরেসনগী লম পুম্নমক শরুক য়াখিবদা মহাক্না নুংঙাইবা ফোংদোকখি। মীফম অসিদা শরুক য়ারিবা মীওইশিংগী ৱাখল্লোন অমসুং হোৎনরিবশিং অদুগীদমক মহাক্না থাগৎপা ফোংদোকখি। মহাক্না হায়খি মদুদি কোওপরেসন অসি মখা তানা মপাঙ্গল কনখৎহন্নবা, ৱাখল্লোন কয়া অমা পুখৎখি। শ্রী মোদীনা হায়খি মদুদি লোজিস্তিক্স অমসুং কনেক্তিবিতীগী লমদা, রাস্ত্রপতি পুতিন অমসুং মহাক্না কনেক্তিবিতীগী মপুং ফাবা পোতেন্সিয়েল অদু মঙফাওনহনবদা মরুওইবা পীখি। মখোয়না INSTC অমসুং চেন্নাই-ভ্লাদিভোস্তোক কোরিদোর য়াওনা অৱাংথংবা সমুদ্রগী লম্বীগুম্বা প্রোজেক্তশিং খুমাং চাউশিলহন্নবা অচেৎপা ৱাফম থমখি। অথুবদা ত্রান্সিৎকী মতম হন্থহন্নবা, মমল হন্থহন্নবা অমসুং ললোন-ইতিক্কীদমক্তা অনৌবা কৈথেলশিং হাংদোক্নবা হোৎনগনি। মহাক্না হায়খি মদুদি দিজিতেল তেক্নোলোজীগী পাৱরনা, কস্তম, লোজিস্তিক্স অমসুং রেগ্যুলেতরী সিস্তেমশিং অসি ভর্চ্যুএল ত্রেদ কোরিদোর অমগী খুত্থাংদা শম্নহনবা ঙমগনি। মসিনা কস্তম ক্লিয়রেন্স হেন্না থুনা পাংথোকপা ঙমগনি, পেপরৱার্ক হন্থহল্লগনি অমসুং কার্গোগী চৎথোক-চৎশিনদা অপনবা লৈহল্লরোই।
শ্রী মোদীনা হায়খি মদুদি মেরিন প্রদক্তশিংদা, রসিয়ানা হন্দক্তা দাইরী অমসুং মেরিন প্রদক্তশিং এক্সপোর্ত তৌনবা ইলিজিবল ওইরিবা ভারতকী কম্পেনীশিংগী লিস্ত অদু পাকথোক চাউথোকহনখ্রে। মসিনা ভারতকী এক্সপোর্তরশিংগীদমক অনৌবা খুদোংচাবশিং শেমগৎলি। মহাক্না হায়খি মদুদি ভারতকী অৱাংবা থাক্কী মেরিন প্রদক্তশিং, ভেল্যু এদেদ সীফুদ অমসুং প্রোসেস তৌরবা চিঞ্জাক অসি মালেমগী ওইনা য়াম্না পাম্নরি। কোল্দ চেন লোজিস্তিক্সতা জোইন্ত ভেঞ্চরশিং অমসুং তেক্নোলোজী পার্তনরশিপশিং, দীপ-সী ফিশিং অমসুং মতমগা চুনবা ফিশিং হারবোরশিং অসিনা ভারতকী পোত্থোকশিংগী অনৌবা কৈথেলশিং হাংদোকপগা লোয়ননা রসিয়াগী দোমেস্তিক দিমান্দ ফংহনবা ঙমগনি।
প্রধান মন্ত্রীনা পনখি মদুদি ওতোমোবাইল সেক্তরদা, ভারত অসি ঙসি অৱাংবা মমলগী অমসুং ইফিসিএন্ত ওইবা EV তু হ্বীলরশিং অমসুং CNG মোবিলিতী সোলুসনশিংদা মালেমগী লুচিংবা অমা ওইরে, অদুগা রসিয়া অসি এদভান্স মেতরিএলশিং পুথোকপা মরুওইবা লৈবাক অমনি। লৈবাক অনিমক্না পুন্না EV মেনুফেকচরিং, ওতোমোতিব কম্পোনেন্তশিং অমসুং শেয়র মোবিলিতীদা মতেং পাংমিন্নবা ঙমগনি। মসিনা দোমেস্তিক ওইবা মথৌ তাবশিং ফংহল্লগনি অমসুং গ্লোবেল সাউথ, মরু ওইনা আফ্রিকাগী চাউখৎ থৌরাংদা মতেং পাংগনি।
প্রধান মন্ত্রীনা মখা তানা ফার্মাগী লমদা ভারতনা মালেমগী খ্বাইদগী ৱাংবা মগুন লৈবা হিদাক-লাংথকশিং মমল হোংনা সপ্লাই তৌরি হায়না ফোংদোকখি। মসিনা 'ফার্মাসি ওফ দি ৱার্ল্দ'গী মিংথোল ফংহল্লি। লৈবাক অনিমক্না জোইন্ত ভেক্সিন দিবেলপমেন্ত, কেন্সর থেরাপী, রেদিও-ফার্মাস্যুতিকেল্স অমসুং API সপ্লাই চেনশিংদা তেংবাং পীনবা য়াই, মসিনা হেল্থকেয়র সেক্যুরিতী হেনগৎহনগনি অমসুং অনৌবা ইন্দস্ত্রীশিং য়োকখৎকনি।
তেক্সতাইলগী মতাংদা শ্রী মোদীনা হায়খি মদুদি ভারতনা মহৌশাগী ফাইবরদগী তেক্নিকেল তেক্সতাইল ফাওবগী অচৌবা কেপাসিতী লৈরি। দিজাইন, হন্দিক্রাফ্ত অমসুং কার্পেৎকী লমদা মালেম্না শকখঙনরি। অদুগা রসিয়ানা পোলিমর অমসুং সিন্থেতিক রো মেতরিএলগী মরুওইবা প্রদ্যুসর অমনি। মসিনা লৈবাক অনিমকপু রেসিলিয়েন্ত তেক্সতাইল ভেল্যু চেন অমা শেমগৎপা ঙমহল্লি। মহাক্না মখা তাখি মদুদি কোওপরেসনগী অসিগুম্বা খুদোংচাবশিং অসি ফর্তিলাইজর, সেরামিক, সিমেন্ত মেনুফেকচরিং অমসুং ইলেক্ত্রোনিক্সতা লৈরি।
সেক্তর খুদিংমক্তা তেংবাং পীনবা হেনগৎহনবদা মেনপাৱর মোবিলিতীনা মরুওইবা থৌদাং লৌরি হায়না পল্লদুনা প্রধান মন্ত্রীনা হায়খি মদুদি ভারত অসি মালেমগী "স্কিল কেপিতেল" অমা ওইরক্লি। তেক্নোলোজী, ইঞ্জিনীয়রিং, হেল্থকেয়র, কন্সত্রক্সন অমসুং লোজিস্তিক্সকী লমদা ভারতকী নহা ওইরিবা তেলেন্তশিংনা মালেমগী মথৌ তাবশিং মপুং ফাহনবা ঙম্মি হায়না মহাক্না ফোংদোকখি। শ্রী মোদীনা হায়খি মদুদি রসিয়াগী দেমোগ্রাফিক অমসুং ইকোনোমিক প্রাইওরিতীশিং য়েংলগা, পার্তনরশিপ অসিনা লৈবাক অনিমক্কীদমক য়াম্না কান্নগনি। মহাক্না হায়খি মদুদি ভারতকী হৈশিংবা মীওইশিংদা রসিয়াগী লোল অমসুং সোফত স্কিলশিংদা ত্রেনিং পীদুনা, লৈবাক অনিমক্কী শেয়র ওইবা চাউখৎপা য়াহল্লগদবা রসিয়া-রেদী ৱার্কফোর্স পুন্না শেমগৎপা ঙমগনি।
লৈবাক অনিগী নাগরিকশিংগীদমক তুরিস্ত ভিজাগী মতাংদা মরুওইবা ৱারেপশিং লৌখ্রে হায়না পল্লদুনা, প্রধান মন্ত্রীনা হায়খি মদুদি মসিনা তুরিজমদা খুমাং চাউশিলহল্লগনি, তুর ওপরেতরশিংগীদমক অনৌবা ললোন-ইতিক্কী খুদোংচাবশিং লৈহল্লগনি অমসুং থবক ফংহন্নবা লম্বীশিং হাংদোক্লগনি।
ভারত অমসুং রসিয়ানা কো-ইন্নোবেসন, কো-প্রদক্সন, অমসুং কো-ক্রিয়েসনগী অনৌবা খোঙচৎ অমদা পুন্না চংশিল্লি হায়না পল্লদুনা শ্রী মোদীনা হায়খি মদুদি পান্দম অসি লৈবাক অনিগী ত্রেদ হেনগৎহনবতা নত্তনা মালেমগী শিংনবশিংগীদমক্তা তুংকোইনা চৎনবা য়াবা সোলুসনশিং শেমদুনা মীওইবা খুন্নাইগী য়াইফনবা হোৎনবনি। প্রধান মন্ত্রীনা মরুওইবা পীখি মদুদি ভারত অসি রসিয়াগা লোয়ননা খোঙচৎ অসিদা খোঙজেল য়াংনা চৎমিন্ননবা মপুং ফানা শেম-শারি। মহাক্না হায়খি, "লাক্লো, মেক ইন ইন্দিয়া, পার্তনর ৱিথ ইন্দিয়া অমসুং পুন্না, ঐখোয় মালেমগীদমক শেমগৎলসি।" মহাক্না রাস্ত্রপতি পুতিন অমসুং শরুক য়ারিবা পুম্নমক্তা থাগৎপা ফোংদোক্লদুনা ৱারোল পীবা লোইশিনখি।
