প্রধান মন্ত্রী শ্রী নরেন্দ্র মোদীনা ঙসি লাওসতা পাঙথোকপা ASEAN-India সম্মিতকী সাইদলান্সতা জাপানগী নৌনা প্রাইম মিনিস্তর ওইখ্রবা H.E. মিস্তর সিগেরু ইসিবাগা নাকল অনিগী ওইবা মীফম অমা পাঙথোকখ্রে।
প্রধান মন্ত্রীনা প্রাইম মিনিস্তর ইসিবাগী মফমদা মহাক্কী অনৌবা থৌদাংগীদমক নুংঙাইবা ফোঙদোকখি অমসুং জাপানবু অনৌবা থাক অমদা পুখৎপদা মায় পাক্নবা য়াইফ-পাউজেল পীখি। ভারতনা মাগী থাজরবা মরূপ অমসুং স্ত্রেতেজিক পার্ত্নর ওইরিবা জাপানগা লৈনরিবা মরীদা খ্বায়দগী ৱাংবা প্রাইওরিতী মখা তানা পীখিগনি হায়না মহাক্না ফোঙদোকখি।
লুচিংবা অনিনা, ত্রেদ অমসুং ইনভেস্তমেন্ত, ইনফ্রাস্ত্রকচর দিভেলপমেন্ত, দিফেন্স অমসুং সিক্যুরিতী, সেমিকন্দক্তর, স্কিলিং, কলচর অমসুং মীগা মীগগী লৈনরিবা মরী য়াওনা তোঙান তোঙানবা হীরমশিংদা তেংবাংনবগী ফীভম হেনগৎহন্দুনা ইন্দিয়া-জাপান স্পিসিএল স্ত্রেতেজিক এন্দ গ্লোবেল পার্ত্নরসিপ হেন্না মপাঙ্গল কনখৎহন্নবা ফিরেপ লৌমিন্নখি।
লুচিংবা অনিনা ভারত অমসুং জাপান অসি ইং-তপ্পা, শাফবা, অমসুং নুংঙাই য়াইফবা ইন্দো-পেসিফিক রীজনগীদমক তৎন-থানবা য়াদ্রবা খোঙবুনি হায়বা ৱাফম থম্নরদুনা হায়রিবা পান্দম অসি ফংনবগীদমক পুন্না থবক তৌমিন্ননবা ফিরেপ নৌহৌননা লৌমিন্নখি।
লুচিংবা অনিনা মথঙগী ইন্দিয়া-জাপান এনুএল সম্মিৎকীদমক খৌরাংনা ঙাইনরি।
