ঙসি প্রধান মন্ত্রী শ্রী নরেন্দ্র মোদীনা কাজান্দা ১৬শুবা ব্রিক্স মীফম নাকলদা রুসিয়াগী রাস্ত্রপতি ব্লাদিমির পুতিন উনখ্রে। হন্দক্কী অসিনা চহি অসিদা মখোয় অনিরকগুবা ওইনা উনবনি। লুচিংবা অনি জুলাই ২০২৪ দা ২২শুবা চহিগী মীফমগীদমক মোস্কোদা উনখ্রে।
১৬শুবা ব্রিক্স মীফম শরুক য়ানবা মহাক খঙহল্লকপগীদমক প্রধান মন্ত্রীনা রাস্ত্রপতি পুতিন থাগৎপা ফোঙদোকখি। রুসিয়ানা ব্রিক্সকী ময়াই তাংবল লৌবদা মহাক্না থাগৎপা ফোঙদোকখি অমসুং লৈবাক অসিনা মালেমগী লুপশিং, তুংকোইনা চৎনবা য়াগদবা চাউখৎ-থৌরাং ফগৎহন্নবা অমসুং মালেমগী ওইবা লৈঙাক্লোন্দা অহোংবা পুরক্নবা রসিয়ানা হোৎনবগীদমক মহাক্না থাগৎপা ফোঙদোকখি। রাজনিতি, শেন-থুম, ঙাক-শেন, ইনর্জি অমসুং মীগা-মীগা লৈনবা মরীশিং য়াওনা তোঙান-তোঙানবা হিরমশিংদা লৈবাক অনি মতেং পাংনরিবা অসিগী ফিবম লুচিংবা অনিনা হন্না য়েংশিনখি। নবেম্বর ২০২৪ দা নিউ দিল্লিদা পাংথোক্কদৌরিবা, ললোন-ইতিক, শেন-থুম অমসুং নাতকী ওইবা থবকশিংগী ইন্দিয়া-রুসিয়া ইন্তর-গভর্নমেন্তেল মীফমশিং মখোয়না তরাম্না ওকখি।
ব্রিক্স য়াওনা মালেমগী লুপশিংদা ভারত-রুসিয়া থবক তৌমিন্নরিবা অসিগী মতাংদা লুচিংবশিংনা মখোয়গী ওইবা ৱাফমশিং ফোঙদোক্নখি। হৌজিক য়ুক্রেন্দা লান চৎথরিবা অসি য়াওনা লৈবাক অনিনা দরকার ওইবা লমদম-লমদমগী অমসুং মালেমগী ওইবা ৱাফমশিংদা মখোয়গী ওইবা অনিংবা ৱাফমশিং ফোঙদোক্নখি। মুক্নরিবশিং ৱারোইশিন পুরক্নবা ৱারি শান্নবা অমসুং কুতনিতিগী পাম্বৈশিং শীজিন্ননবা প্রধান মন্ত্রীনা অমুক হন্না ফোঙদোকখি।
লৈবাক অনিগী মরক্তা লৈনরিবা স্পিসিএল অমসুং প্রিভিলেজ স্ত্রাতেজিক পার্তনরশিপ মখা তানা মপাঙ্গল কনখৎহনবা হায়না মখোয়না য়ানখ্রে অমসুং মসিনা মালেমগী তম্বা ঙমদবা ফিবমশিংদা খুদোংচাদবা কয়া মায়োক্নবা ঙম্বা অমসুং মখা তানা চাউখৎলকপা অদু উৎলে।
২৩শুবা চহিগী মীফম শরুক য়ানবা মথং চহিদা ভারত্তা লাক্নবা প্রধান মন্ত্রীনা রাস্ত্রপতি পুতিন্দা চেবাউ পীখ্রে।
Had an excellent meeting with President Putin. The bond between India and Russia is deep-rooted. Our talks focussed on how to add even more vigour to our bilateral partnership across diverse sectors. pic.twitter.com/5KCjqSO0QS
— Narendra Modi (@narendramodi) October 22, 2024
Провел прекрасную встречу с президентом Путиным. Отношения между Индией и Россией имеют глубокие корни. Во время переговоров сосредоточились на дальнейшем укреплении двустороннего партнерства в различных отраслях. pic.twitter.com/gOi3qT4Q9v
— Narendra Modi (@narendramodi) October 22, 2024
