ব্রাজিলগী রিও দে জেনিরোদা নবেম্বর ১৯,২০২৪ দা পাংথোকখিবা জি-২০ মীফমগী নাকলদা ভারতকী প্রধান মন্ত্রী শ্রী নরেন্দ্র মোদীনা চিলিগী রাস্ত্রপতি গাব্রিয়েল বোরিক ফোন্ত উনখ্রে। হন্দক্কী অসিনা লুচিংবা অনি উনবা অহানবনি।
লুচিংবা অনিনা লৈবাক অনিগী মরীশিং খন্নখ্রে অমসুং মতেং পাংনবা হেনগৎহন্নবা তোঙান-তোঙানবা হিরমশিং মশক খঙদোক্লে। দিজিতেল পব্লিক ইনফ্রাস্ত্রকচর, অনা-লায়েং, আই.তি, সাইন্স অমসুং তেক্নোলোজি, স্পেস, রিন্যুএবল ইনর্জি অমসুং দিফেন্সকী লমদা ভারতকী শক্তি প্রধান মন্ত্রীনা পাউদমখ্রে অমসুং হায়রিবা হিরমশিং অসিদা লৈবাক অসিনা খঙবশিং শরুক য়ানবা ভারতনা থৌরাং তৌদুনা লৈরি হায়না ফোঙদোকখ্রে।
মরুওইবা মিনরেলশিংগী হিরমদা মতেং পাংনবা হেনগৎহনবা অমসুং লৈবাক অনিমক কান্নবা ফংনবা পুন্না থবক তৌমিন্নবা হায়না নাকল অনিনা য়ানরে। ইন্দিয়া-চিলি প্রিফেরেন্সিএল ত্রেদ এগ্রিমেন্ত (পি তি এ) পাকথোক-চাউথোক্লবা মতুংদা মখা তানা ললোন-ইতিক্কী মরীশিং ফগৎলকপদা লুচিংবা অনিনা অপেনবা ফোঙদোকখ্রে অমসুং মখা তানা পি.তি.এ পাকথোক-চাউথোক্নবা খুদোংচাবশিং মশক খঙদোকপা হায়না য়ানরে। চিলিগী ইন্দস্ত্রিশিং মতেং শৌগৎনবা ভারতনা মখা তানা অফবা মখলগী অমসুং মমল হোংবা ফার্মাসিউতিকেলগী পোৎথোকশিং, ইঞ্জিনিয়ারিংগী পোৎলমশিং, ওতোমোবাইলশিং অমসুং কেমিকেলশিং পীনবা প্রধান মন্ত্রীনা ফোঙদোকখ্রে।
লাইরিক-লাইশু, নাত অমসুং মমাংঙৈগী লৌশিংগী লমশিংদা মতেং পাংনবগী ওইথোকপশিংগী মতাংদা লুচিংবশিং খন্নখ্রে। মখা তানা পাউ ফাউনবা অমসুং হৌজিক লৈবাক অনি মতেং পাংনরিবা অসি মখা তানা ফগৎহনবা হায়না মখোয়না য়ানখ্রে।
Met the President of Chile, Mr. Gabriel Boric Font in Rio de Janeiro. India’s ties with Chile are getting stronger across various sectors. Our talks focused on how to deepen relations in pharmaceuticals, technology, space and more. It is gladdening to see Ayurveda gaining… pic.twitter.com/9TxtrbXnb1
— Narendra Modi (@narendramodi) November 19, 2024
Me reuní con el Presidente de Chile, el Sr. Gabriel Boric Font en Río de Janeiro. Los lazos de la India con Chile se están fortaleciendo en varios sectores. Nuestra conversación se centró en cómo profundizar las relaciones en los sectores farmacéuticos, tecnológicos y espaciales,… pic.twitter.com/Vj8Fng943E
— Narendra Modi (@narendramodi) November 19, 2024
