তিয়াঞ্জিন্দা পাংথোক্লিবা সংহাই কোওপরেসন ওর্গনাইজেসনগী নাকলদা, ঙসি প্রধান মন্ত্রী শ্রী নরেন্দ্র মোদীনা ম্যান্মারগী ষ্টেৎ সেকুরিতি এন্দ পিছ কম্মিসনগী চিয়ার্মেন, সেনিয়র জেনেরেল মিন ওং লাইং উনখ্রে।
লৈবাক অসিগী য়ুম্লোন্নবনা অহানবা থৌশিল, এক্ত ইষ্ট অমসুং ইন্দো-পেসিফিক থৌশিলশিংগী শরুক অমা ওইনা ভারতনা ম্যান্মারগা লৈনবা মরীশিং লুম্না লৌবা অদু প্রধান মন্ত্রীনা ফোঙদোকখ্রে। লুচিংবা অনিনা লৈবাক অনিগী মরীশিং হন্না য়েংশিনখ্রে অমসুং চাউখৎ-থৌরাং, দিফেন্স অমসুং সেকুরিতি, ঙমখৈ শেন্নবা অমসুং ঙমখৈদা ললোন-ইতিক্কী ৱাফমশিং য়াওনা লৈবাক অনি মতেং পাংনবগী তোঙান তোঙানবা হিরমশিং খুমাঙ চাউশিন্নবা লম্বীশিং খন্নখ্রে। প্রধান মন্ত্রীনা হায়খি মদুদি হৌজিক পায়খৎলিবা লম্বী-থোংগী প্রোজেকশিং খুমাঙ চাউশিনবা অসিনা লৈবাক অনিগী মীয়াম মরক্ত উনবা হেনগৎহনগনি অমসুং ভারতকী এক্ত ইষ্ট থৌশিলগী পান্দম ওইনা লমদম অসিদা পুন্না থবক তৌমিন্নবা অমসুং পুনশিনবা হেনগৎহনগনি।
মরী লৈনবা খুদিংমক শরুক য়াদুনা নিয়ম চুম্নবা ম্যান্মারদা মীখল পাংথোক্কনি হায়বগী থাজবা প্রধান মন্ত্রীনা ফোঙদোকখি। ম্যান্মারনা লুচিংবা অমসুং ম্যান্মারনা মপু ওইবা শান্তিগী থবকশিং ভারতনা শৌগৎপা মহাক্না ফোঙদোকখি অমসুং শান্তিগী ৱারি শানবা অমসুং খন্ন-নৈনবনা মাঙলোমদা চঙশিন্নবা অমতা ঙাইরবা লম্বীনি হায়না ফোঙদোকখি।
ম্যান্মারগী চাউখৎ-থৌরাংগী দরকার ওইবা খুদিংমক মতেং পাংনবা ভারতনা থৌরাং তৌদুনা লৈরিবা অদু প্রধান মন্ত্রীনা অমুক হন্না পনখি।
Senior General Min Aung Hlaing and I held talks in Tianjin. Myanmar is a vital pillar of India’s Act East and Neighbourhood First Policies. We both agreed that there is immense scope to boost ties in areas like trade, connectivity, energy, rare earth mining and security. pic.twitter.com/Sxs32TsiTK
— Narendra Modi (@narendramodi) August 31, 2025
ကျွန်ုပ်သည် ဗိုလ်ချုပ်မှူးကြီး မင်းအောင်လှိုင်နှင့် တီယန်ကျင်းမြို့တွင် တွေ့ဆုံဆွေးနွေးခဲ့ကြပါသည်။မြန်မာနိုင်ငံသည် အိန္ဒိယနိုင်ငံ၏ အရှေ့နှင့် ထိတွေ့ဆက်ဆံရေးမူဝါဒ နှင့်အိမ်နီးချင်းဦးစားပေးရေးမူဝါဒ များ၏ အရေးပါတဲ့ မဏ္ဍိုင်တစ်ခု ဖြစ်ပါတယ်။ ကုန်သွယ်ရေး၊ ချိတ်ဆက်ဆောင်ရွက်ရေး၊… pic.twitter.com/xjn6ozMEXE
— Narendra Modi (@narendramodi) August 31, 2025
