খা অফ্রিকাগী জোহান্নেসবার্গধতা পাংথোক্লিবা জি-২০ লুচিংবশিংগী মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা অষ্ট্রেলিয়াগী প্রধান মন্ত্রী এন্থোনি অলবানিসগা উনখ্রে। লৈবাক অনিগী মরী ২০২০ দা কমপ্রেহেন্সিপ ষ্ট্রাতেজিক পার্তনরশিপতা পুখৎলবা মতুংদা হৌখিবা চহি ৫ দা ভারত অমসুং অষ্ট্রেলিয়াগী মরী চৎশিনহনবা অমসুং মখল মখা কয়া থোক্না মতেং পাংনবদা লুচিংবা অনিমক্না অপেনবা ফোঙদোকখ্রে। হন্দক ভারত্ত তেরোরিষ্টশিংনা খুৎ থারকখিবা অদুদা প্রধান মন্ত্রী অলবানিসনা অমতা ওইনা লেপখ্রে। তেরোরিজমগী মায়োক্ত মালেমগী ওইনা লান্থেংনরিবা অসি মপাঙ্গল কনখৎহন্নবা লুচিংবশিংনা ফোঙদোকখ্রে।
রাজনিতি অমসুং লাল্লোং, দিফেন্স অমসুং সেকুরিতি, ইনর্জি, ললোন-ইতিক অমসুং ইনভেষ্টমেন্ত, ক্রিতিকেল মিনরেলশিং, তেক্নোলোজি, চৎথোক-চৎশিন, লাইরিক-লাইশু অমসুং মীগা মীগা লৈনবা মরীশিং য়াওনা তোঙান তোঙানবা হিরমশিংদা লৈবাক অনি মতেং পাংনবা হেনগৎহন্নবা লম্বীশিং লুচিংবশিংনা খন্নখ্রে। লৈবাক অনিনা দরকার ওইবা লমদম লমদমগী অমসুং মালেমগী থৌদোক-ৱাথোকশিংগী মতাংদসু প্রধান মন্ত্রীশিংনা মখোয়গী ওইবা ৱাখল্লোনশিং ফোঙদোক্নখ্রে।
লৈবাক অনিগী মরীশিং খোঙজেল য়াংখৎনবা য়াম্না তোইনা অৱাংবা থাক্কী মীফমশিং পাংথোক্লিবা অসি লুচিংবা অনিমক্না খঙলে। ইন্দিয়া-অষ্ট্রেলিয়া কমপ্রেহেন্সিপ ষ্ট্রাতেজিক পার্তনরশিপ হেন্না ৱাংবা থাকশিংদা পুখৎনবা লুচিংবশিংনা মখোয়গী থাজবা অমুক হন্না পীখ্রে।
Had a very good meeting with PM Albanese of Australia. This year, the strategic partnership between our nations completes 5 years and these years have witnessed transformative outcomes that have deepened our cooperation.
— Narendra Modi (@narendramodi) November 21, 2025
During our talks today, emphasised three key sectors,… pic.twitter.com/SjPixu4iek
