প্রধান মন্ত্রী শ্রী নরেন্দ্র মোদীনা জনুৱারী 9, 2024দা গান্ধীনগরদা মোজাম্বিক রিপব্লিক্কী রাস্ত্রপতি H.E. ফিলিপ জেসিন্তো ন্যুসীগা উনখ্রে।
প্রধান মন্ত্রী শ্রী মোদীনা মোজাম্বিক্কী দিবেলপমেন্তকী মথৌ তাবশিংদা মতেং পাংনবগীদমক মহাক্কী ফিরেপ ফোংদোকখি। লুচিংবা অনিনা ঙাকশেল, কাউন্তর তেরোরিজম, ইনর্জী, হকশেল, ত্রেদ & ইনভেস্তমেন্ত, লৌউ-শিংউ, ৱাতর সেক্যুরিতী, মাইনিং, কেপাসিতী বিল্দিং অমসুং মেরিতাইমগী তেংবাং পীনবা য়াওনা নাকল অনিগী ওইবা মরীশিং মখা চৎথনবগী থৌওংশিংগী মতাংদা কান্নরবা ৱারী-ৱাতাই পাংথোকখি। প্রধান মন্ত্রীনা ফোংদোকখি মদুদি লৈবাক অনিনা বিজিনেস, কলচর অমসুং মীগা মীগগী মরক্তা লৈনরিবা মরীদা ইনোৎ হাপ্নবগীদমক এয়র কনেক্তিবিতী হেনগৎহনবগী মতাংদা থবক তৌবা য়াই।
রাস্ত্রপতি ন্যুসীনা অফ্রীকান য়ুনিয়ন (AU)বু G-20দা য়াওহনখিবগীদমক প্রধান মন্ত্রীদা থাগৎপা ফোংদোকখি। লুচিংবা অনিনা UN য়াওনা ফম্বাক কয়াদা তেংবাং পীনবগী মতাংদসু খন্ন-নৈনখি।
প্রধান মন্ত্রীনা জনুৱারী অমসুং নবেম্বর 2023দা ভোইস ওফ দ গ্লোবেল সাউথ সমিৎতা রাস্ত্রপতি ন্যুসীনা শরুক য়াখিবা অদুবু শিংথাখি।
রাস্ত্রপতি ন্যুসীনা তোঙান তোঙানবা দিবেলপমেন্ত প্রোজেক্তশিং অমসুং কেপাসিতী বিল্দিং প্রোগ্রামশিংগা লোইননা মেরিতাইম সেক্যুরিতীগী লমদা তেংবাং পীবীবগীদমক ভারতপু থাগৎখি।
লুচিংবা অনিনা পাও ফাওনদুনা লৈনবা অমসুং লৈবাক অনিগী মরক্তা অৱাংবা থাক্কী পোলিতিকেল কন্তেক্তশিংগী খোঙজেল ঙাক্তুনা থম্বদা য়ানবা ফোংদোক্নখি।
Glad to have met President Filipe Nyusi of Mozambique in Gujarat. The meeting was made special by the fact that he has an old association with the state, having studied a course at @IIMAhmedabad.
— Narendra Modi (@narendramodi) January 9, 2024
Our talks focused on defence, trade, energy, cultural linkages and more. pic.twitter.com/Ykg3tNRylO
