প্রধান মন্ত্রীনা ঙসি দেবভূমি উত্তরাখন্দদা শ্রী কেদর্নাথ ধামগী থোঙ হাংদোকপগী শেংলবা থৌরমদা ইকায় খুম্নবা উৎলদুনা, হন্দক্কী চহি অসিগী চার্ধম য়াত্রা হৌদোকখ্রে। থৌরম অদুদা, প্রধান মন্ত্রীনা উত্তরাখন্দদা চৎকদৌরিবা ভক্ত খুদিংমক্তা ইখিবা চিথী অমগী খুত্থাংদা মহাক্কী থম্মোয়গী ওইবা ৱাখল্লোনশিং অদু ফোংদোকখি অমসুং মখোয়গী য়াইফনবা মহাক্কী য়াইফ-পাউজেল পীখি অমসুং থৌনিজখি।
থৌরম অসিগী স্পিরিচুৱলগী ওইবা মরুওইবা অদু পল্লদুনা শ্রী মোদীনা হায়খি মদুদি কেদর্নাথ ধাম অমসুং চার্ধামদা চৎপা অসি ভারতকী অচেৎপা থাজবা, অমত্তা ওইবগী থৌওং অমসুং ফজরবা কলচরগী ওইবা ত্রেদিসন অমনি। মহাক্না হায়খি মদুদি অসিগুম্বা খোঙচৎ অসিনা লৈবাক অসিগী লিশাংশিৎনা লেরক্লবা হেরিতেজ অমসুং স্পিরিচুৱল কন্সিয়সনেস অদুগী শক্তম অমা উৎলি।
প্রধান মন্ত্রীনা Xতা অসুম্না পোস্ত তৌখি:
“দেবভূমি উত্তরাখন্দগী শেংলবা লমদম অসিদা ঙসি শ্রী কেদর্নাথ ধামগী থোঙ অসি মপুং ফানা অমসুং মওং চুম্না ভক্ত পুম্নমক্কীদমক হাংদোক্লে।
কেদর্নাথ ধাম অমসুং চারধামগী খোঙচৎ অসি ঐখোয়গী থাজবা, অমত্তা ওইবগী থৌওং অমসুং ফজরবা কলচরগী ওইবা লাইনিং লাইশোনগী থৌরম অমনি। হায়রিবা খোঙচৎশিং অসিনা ঐখোয়দা ভারতকী লিশাং শিৎনা লৈরক্লবা চৎনবীগী শক্তমশু উবা ফংহল্লি।
হন্দক্কী চহি অসিগী চারধাম যাত্রা হৌদোকপগী থৌরমদা, উত্তরাখন্দদা লাক্কদৌরিবা ভক্ত পুম্নমক্কী মফমদা ঐহাক্না চিথি অমগী খুত্থাংদা ঐহাক্কী ৱাখল্লোনশিং অদুবু ইদুনা ফোংদোকচরি।
ঐহাক্না থৌনিজরি মদুদি বাবা কেদারনা ময়াম পুম্নমক্তা মহাক্কী থৌজাল পীনবীবা ওইরসনু অমসুং মায়ম পুম্নমক্কী খোঙচৎপু য়াইফনা ওইরসনু।
হর-হর মহাদেব!”
देवभूमि उत्तराखंड की पवित्र धरती पर आज श्री केदारनाथ धाम के कपाट पूरे विधि-विधान के साथ हम सभी श्रद्धालुओं के लिए खोल दिए गए हैं।
— Narendra Modi (@narendramodi) April 22, 2026
केदारनाथ धाम और चारधाम की यह यात्रा हमारी आस्था, एकता और समृद्ध परंपराओं का दिव्य उत्सव है। इन यात्राओं से हमें भारत की सनातन संस्कृति के दर्शन भी… pic.twitter.com/BYQItBsZi4
