শ্ৰী কেদাৰনাথ ধামৰ উদ্বোধন তথা চাৰিধাম যাত্ৰাৰ শুভাৰম্ভ প্ৰধানমন্ত্ৰীৰ

এই বছৰৰ চাৰিধাম যাত্ৰাৰ আৰম্ভণি উপলক্ষে দেৱভূমি উত্তৰাখণ্ডত শ্ৰী কেদাৰনাথ ধামৰ দুৱাৰ মুকলিৰ পবিত্ৰ অনুষ্ঠানত প্ৰধানমন্ত্ৰীয়ে আজি গভীৰ শ্ৰদ্ধা প্ৰকাশ কৰে। এই উপলক্ষে, প্ৰধানমন্ত্ৰীয়ে এই যাত্ৰাৰ বাবে উত্তৰাখণ্ড ভ্ৰমণ কৰা সকলো ভক্তক সম্বোধন কৰি এখন পত্ৰৰ জৰিয়তে তেওঁৰ আন্তৰিক অনুভূতি বিনিময় কৰাৰ লগতে তেওঁলোকৰ কল্যাণৰ বাবে শুভেচ্ছা আৰু প্ৰাৰ্থনা জনায়।

এই অনুষ্ঠানৰ আধ্যাত্মিক গুৰুত্বৰ ওপৰত আলোকপাত কৰি শ্ৰী মোদীয়ে উল্লেখ কৰে যে কেদাৰনাথ ধাম আৰু চাৰিধাম যাত্ৰা হৈছে ভাৰতৰ স্থায়ী বিশ্বাস, একতা আৰু সমৃদ্ধ সাংস্কৃতিক পৰম্পৰাৰ এক ঐশ্বৰিক উদযাপন। তেওঁ গুৰুত্ব আৰোপ কৰি কয় যে এনে তীৰ্থযাত্ৰাই দেশৰ চিৰন্তন ঐতিহ্য আৰু আধ্যাত্মিক চেতনাৰ এক আভাস প্ৰদান কৰে।

প্ৰধানমন্ত্ৰীয়ে এক্স-ত পোষ্ট কৰিছেঃ

"আজি দেৱভূমি উত্তৰাখণ্ডৰ পবিত্ৰ ভূমিত, শ্ৰী কেদাৰনাথ ধামৰ দুৱাৰমুখ আমাৰ সকলো ভক্তৰ বাবে সম্পূৰ্ণ ৰীতি-নীতিৰে মুকলি কৰা হৈছে।

কেদাৰনাথ ধাম আৰু চাৰিধামৰ এই ভ্ৰমণ হৈছে আমাৰ বিশ্বাস, একতা আৰু সমৃদ্ধ পৰম্পৰাৰ এক ঐশ্বৰিক উদযাপন। এই ভ্ৰমণে আমাক ভাৰতৰ চিৰন্তন সংস্কৃতিৰ এক আভাস দিয়ে।

এই বছৰ চাৰিধাম যাত্ৰা আৰম্ভ হোৱা উপলক্ষে মই উত্তৰাখণ্ডলৈ অহা সকলো ভক্তলৈ এখন পত্ৰৰ জৰিয়তে মোৰ অনুভূতি প্ৰকাশ কৰিছো।

বাবা কেদাৰে সকলোৰে ওপৰত তেওঁৰ আশীৰ্বাদ অব্যাহত ৰাখক আৰু আপোনাৰ ভ্ৰমণ শুভ হওক। হৰ-হৰ মহাদেৱ!"

देवभूमि उत्तराखंड की पवित्र धरती पर आज श्री केदारनाथ धाम के कपाट पूरे विधि-विधान के साथ हम सभी श्रद्धालुओं के लिए खोल दिए गए हैं।

केदारनाथ धाम और चारधाम की यह यात्रा हमारी आस्था, एकता और समृद्ध परंपराओं का दिव्य उत्सव है। इन यात्राओं से हमें भारत की सनातन संस्कृति के दर्शन भी… pic.twitter.com/BYQItBsZi4

— Narendra Modi (@narendramodi) April 22, 2026