মৈখু থাংদবা ইনর্জি শীজিন্নবা হেনগৎহন্নবা অমসুং লৈনুঙদগী ফংবা থাউগী মখা পোনবা হন্থহন্নবা পান্দম অমগা লোয়ননা, ঙসি প্রধান মন্ত্রী শ্রী নরেন্দ্র মোদীনা অসামগী গোলাঘাত্ত অসাম বাইওইথানোল প্লান্ত শঙ্গাখ্রে অমসুং নুমালিগর রিফাইনরি লিমিতেদ (এন আর এল) দা পোলিপ্রোপাইলিন প্লান্তগী উরেপ-উয়ুং তমখ্রে। থৌরম অদুদা মীয়ামদা ৱা ঙাংবদা, সরোদিয়া দুর্গা পুজা থৌরমদা অসামগী মীয়ামদা প্রধান মন্ত্রীনা য়াইফ পাউজেল পীখ্রে। অধ্যতিক্কী শক্নাইরবা শ্রীমান্ত সঙ্করদেবগী মপোক কুমওনগী মরুওইবা প্রধান মন্ত্রীনা শিংথাখি অমসুং শেংলবা গুরুজনশিংগী মফমদা ইকায়খুম্নবা উৎখি।
প্রধান মন্ত্রীনা হায়খি মহাক হৌখিবা নুমিৎ অনিনি অৱাং-নোংপোক্ত লৈরি অমসুং লমদম অসিদা মহাক্না লাকপা মতম খুদিংমক্ত, মহাক অখন্নবা মীনুংশি অমসুং থৌজালশিংগা লোয়ননা ওকখি। অসামগী শরুক অসিদা মহাক তরাম্না ওকখি অমসুং মসিগীদমক মীয়ামদা তৌবীমল খঙবা উৎচরি।
প্রধান মন্ত্রীনা হায়খি ঙসিগী নুমিৎ অসি চাউখৎলবা অসাম অমসুং চাউখৎলবা ভারত অমগী মাইকৈদা চৎলিবা খোঙচৎকী শিংথানিঙাই ওইরবা খুমাঙচাউশিনবা অমনি। ঙসি অসামগীদমক লুপা করোর ১৮,০০০ রোমগী প্রোজেকশিং লাউথোক্লে। ঙসি অয়ুক অঙনবদা, মহাক্না দারংদা লম্বী-থোঙ অমসুং হকশেলগা মরী লৈনবা প্রোজেকশিংগী উরেপ-উয়ুং তমখ্রে। হৌজিক লৈরিবা মফম অসিদা, মহাক্না ইনর্জিগা মরী লৈনবা প্রোজেকশিং শঙ্গারে অমসুং উরেপ-উয়ুং তম্লে অমসুং মসিনা চাউখৎপগী মাইকৈদা অসামগী লম্বী মখা তানা ফগৎহনগনি।
প্রধান মন্ত্রীনা হায়খি অসাম অসি ভারতকী ইনর্জিগী মপাঙ্গল হাপ্পা লমদম অমনি। অসামদগী পুথোরকপা পেত্রোলিয়মগী পোৎথোকশিংনা লৈবাক অসি চাউখৎহনবদা য়াম্না চাউনা মতেং পাংলি। মসিগী মপাঙ্গল অসি অনৌবা থাকশিংদা পুখৎনবা ঐখোয়গী সরকারনা থবক পায়খৎলি। মফম অসিদা য়ৌরক্ত্রিঙৈদা, অনকপদা মহাক্না অতোপ্পা থৌরম অমা শরুক য়াদুনা ৱাদগী বাইও-ইথানোল পুথোক্নবা অনৌবা প্লান্ত অমা মহাক্না শঙ্গাখ্রে অমসুং মসি অসামগী য়াম্না চাউথোকচনবা মচাক অমনি। ইথানোল প্লান্ত শঙ্গাবগা লোয়ননা, মহাক্না পোলিপ্রোপাইলিন প্লান্ত অমগী উরেপ-উয়ুংসু তমখ্রে। মহাক্না হায়খি প্রোজেকশিং অসিনা অসামদা উদ্যোগ চাউখৎপা হেনগৎহনগনি, রাজ্য অসিগী চাউখৎপা য়াংখৎহনগনি অমসুং লৌমীশিং অমসুং নহারোলশিংগী অনৌবা থবকশিং ফংহনগনি অমসুং মসিগীদমক মহাক্না মীয়ামদা হরাওবা ফোঙদোকখি।
প্রধান মন্ত্রীনা হায়খি হৌজিক ভারত মালেমদা য়াংনা চাউখৎলক্লিবা অচৌবা ইকোনোমি ওইরে। লৈবাক অসি চাউখৎলকপগা লোয়ননা, মৈ, গ্যাস অমসুং থাউগী দরকার ওইবসু হেনগৎলক্লি। হায়রিবা ইনর্জিশিং অসি ফংনবা ভারতনা মতম কয়াগী মমাঙদগী মপান লৈবাকশিংগী মখা পোন্দুনা লাক্লি, য়াম্লবা শুংদোক্ত্রিবা থাউ অমসুং গ্যাস পুশিল্লক্লি। মসিগী ফল ওইনা, লৈবাক অসিনা চহি অমদা মপান লৈবাকশিংদা লুপা করোর লাখ কয়া পীবা তারি, মসিনা মপান লৈবাকশিংদা থবক অমসুং শেন ফংবা হেনগৎহল্লে। ফিবম অসি অহোংবা পুরকপা দরকার ওইরে। লৈবাক অসিগী দরকার ওইবা ইনর্জি মশাগী ওক্নবা পুথোকচনবা লম্বীদা ভারত চৎপা হৌরে।
প্রধান মন্ত্রীনা হায়খি লৈবাক মনুংদা অনৌবা থাউ অমসুং গ্যাস লৈফমশিং খঙদোক্নবা ভারতনা থবক পায়খৎলি অমসুং অরোমদা লৈবাক অসিগী গ্রিন ইনর্জি পুথোকপগী চাংসু হেনগৎহল্লে। মহাক্না লাল কিলাদা ‘সমুদ্র মন্থন’ থবক পায়খৎনবা লাউথোকখ্রে। অখঙ-অহৈশিংগী মতুংইন্না ভারতকী সমুদ্রশিংদা থাউ অমসুং গ্যাস রিজার্বশিং মরাংকাইনা লৈরি হায়না ফোঙদোক্লি। লৈবাক চাউখৎনবগীদমক হায়রিবা লনশিং অসি লোক্নবা, নেসনেল দিপৱাতর এক্সপ্লোরেসন মিসন হৌদোক্লে। গ্রিন ইনর্জি অমসুং রিন্যুএবল পৱার পুথোকপগী লমদা ভারত য়াংনা খুমাঙচাউশিল্লে। চহি ১০ গী মমাঙদা, সোলার পৱার পুথোকপদা ভারত মনিংদা লৈরমখি। অদুবু ঙসিদি, সোলার পৱারদা মালেমগী মকোক থোঙবা লৈবাক ৫ গী মনুংদা ভারত য়াওরে।
প্রধান মন্ত্রীনা হায়খি থাউ অমসুং গ্যাসতা মখা পোনবা হন্থহন্নবা ভারতনা অতোপ্পা থাউশিং দরকার ওইরে। অসিগুম্বা মহুৎশীনবা য়াবশিংগী মনুংদা ইথানোল অমনি। ঙসি ৱাদগী ইথানোল শুংনবা অনৌবা প্লান্ত অমা শঙ্গারে অমসুং থবক অসিনা অসামগী লৌমীশিং অমসুং ত্রাইবেলশিংদা কান্নবা য়াম্না পীগনি। বাইও-ইথানোল প্লান্তদা ৱা মরাং কাইনা পীনবা থবক পায়খৎলে। ৱা থাবা লৌমীশিংদা সরকারনা মতেং পাংগনি অমসুং হকথেংননা ৱা লৈগনি। লমদম অসিদা ৱা চপখায়নবা অপীকপা য়ুনিতশিং লিংখৎকনি। সেক্তর অসিদা চহি অমদা লুপা করোর ২০০ চাদিং তৌগনি। প্লান্ত অসিনা লমদম অসিগী মীওই লিশিং কয়াদা কান্নবা পীগনি।
ভারতনা হৌজিক ৱাদগী ইথানোল পুথোক্লে হায়না ফোঙদোক্লদুনা, প্রধান মন্ত্রীনা হায়খি মদুদি মমাংঙৈ ওপোজিসনগী সরকার মতমদা, ৱা য়ানবা অসি চৈরাক ফংলম্মী। ত্রাইবেল ফুরুপশিংগী নোংমগী পুন্সিদা থাদোক্নবা য়াদ্রবা ৱাদা অথিংবা কয়া থমখি। হৌজিক পাল্লিবা সরকার অসিনা ৱা য়ানবদা থম্লম্বা অথিংবা লৌথোক্লে অমসুং ৱারেপ অসিনা হৌজিক অৱাং-নোংপোক্কী মীয়ামদা কান্নবশিং ফংহল্লে।
প্রধান মন্ত্রীনা হায়খি বক্কেতশিং, মগশিং, চৌক্রিশিং, তেবলশিং অমসুং য়োম্নবা মচাকশিং য়াওনা অসিগুম্বা প্লাস্তিক্কী পোৎলম কয়া মীয়াম্না পাক-শন্না শীজিন্নরি। পোৎথোকশিং অসি শাবদা পোলিপ্রোপাইলিন দরকার ওই, মসি য়াওদনা অনৌবা পুন্সি মহিং অমা ৱাখলনা শাগৎপদা য়াম্না ৱাগনি। কার্পেতশিং, থৌরিশিং, খাউশিং, ফাইবরশিং, মাক্সশিং, মেদিকেলগী খুৎলায়শিং অমসুং তেক্সতাইল শাবদা পোলিপ্রোপাইলিন শীজিন্নরিএ অমসুং ওতোমেতিপ সেক্তর অমসুং মেদিকেল অমসুং লৌউ-শিংউগী খুৎলায়শিংদা মরুওইবা থৌদাং অমা লৌরি। অসামনা অনৌবা পোলিপ্রোপাইলিন প্লান্ত অমা খুদোল ওইনা ফংলে। প্লান্ত অসিনা ‘মেক ইন অসাম’ অমসু ‘মেক ইন ইন্দিয়া’গী য়ুম্ফম মপাঙ্গল কনখৎহনগনি অমসুং লমদম অসিদা অতোপ্পা মেনুফেকচরিং উদ্যোগশিং ফগৎহনগনি। গমোসা, ইরি অমসুং মুগা সিল্কগীদমক অসাম মমিং চৎলি অমসুং হৌজিক রাজ্য অসি মশক তাকপদা পোলিপ্রোপাইলিনদগী শাবা তেক্সতাইলশিং য়াওরে।
প্রধান মন্ত্রীনা হায়খি অত্মনির্ভর ভারত কেম্পেন্দা লৈবাক অসি অচেৎপা থাজবা উৎলে অমসুং অসাম মসিগী মরুওইবা মফমশিংগী মনুংদা অমনি। অসামগী তৌবা ঙম্বদা অচেৎপা থাজবা থম্লি অমসুং লৈবাক্কী মরুওইবা থবক অমা- সেমিকন্দক্তর মিসনগীদমক রাজ্য অসি খল্লে। রাজ্য অসিগী থবক পাংথোকপা ঙম্বা গুনদগী মহাক্না অসামদা থাজবা থম্বনি অমসুং লোয়লম লৈঙাক মতমদা মীয়াম্না খঙনরমদবা অসামগী চা, অসামগী মীয়াম অমসুং লমদম অসিনা মালেমগী ব্রান্দ অমা ওইহল্লে। অনৌবা যুগ অসিদা, অত্মনির্ভর ওইনবা ভারতনা মরুওইবা পোৎশক অনি দরকার ওইরি-ইনর্জি অমসুং সেমিকন্দক্তরশিং। খোঙচৎ অসিদা অসামনা মরুওইবা থৌদাং অমা লৌরি।
প্রধান মন্ত্রীনা হায়খি বেঙ্ক কার্দশিং, মোবাইল ফোনশিং, কারশিং, এয়রক্রাফ অমসুং স্পেস মিসনশিংদা ইলেক্ত্রোনিক দিভাইস খুদিংমক্কী মনুংদা অপীকপা ইলেক্ত্রোনিক চিপ অমা য়াওরি। করিগুম্বা ভারতনা হায়রিবা পোৎথোকশিং অসি লৈবাক অসিদা শাজরবদি, লৈবাক অসিনা মশাগী চিপশিংসু শাগদবনি। থবক অসি পাংথোক্নবা, ভারতনা সেমিকন্দক্তর মিসন হৌদোক্লে অমসুং অসামনা থবক অসিগী মরুওইবা মফম অমা ওইরে। লুপা করোর ২৭,০০০ গী শেনফম অমা থাদদুনা, মোরিগাউন্দা সেমিকন্দক্তর ফেক্তরি অমা য়াংনা শাগৎলি। মসি অসামগী চাউথোকচবা অমনি।
প্রধান মন্ত্রীনা হায়খি লৈবাক অসিদা ওপোজিসন্না মতম শাংনা পানখি অমসুং অসামদা চহি কয়া সরকার পায়খি। হায়রিবা চহিশিং অদুদা, চাউখৎপগী খোঙজেল য়াম্না তপখি অমসুং অসামগী নাৎ অমসুং চৎনবীদা খুদোংচাদবা কয়া মায়োক্নখি। কেন্দ্র অমসুং রাজ্যগী মখোয়গী সরকারনা হৌজিক অসামগী মমাংঙৈগী শক্তম ফগৎহল্লে অমসুং মসিগা অনৌবা শক্তম অমগা পুনশিল্লে। অসাম অমসুং অৱাং-নোংপোক্ত ওপোজিসন্না তোখায় তাবগী ৱাখল্লোন, হিংশা অমসুং মুক্নবশিং পুরকখি অদুগা মখোয়গী দলনা অসাম চাউখৎপা অমসুং হেরিতেনা থল্লবা রাজ্য অমা ওইহল্লে। হৌজিক পাল্লিবা সরকার অসিনা অসামিজ লোল ক্লাসিকেল লোল অমগী থাক্ত পুখৎলে। অসাম সরকারনা অনৌবা ইজুকেসন পোলিসি য়াংনা চৎনবা অমসুং লাইরিক তম্বদা লমদম অসিগী লোল শীজিন্নবা হেনগৎহনবদা অপেনবা ফাওই।
প্রধান মন্ত্রীনা মখা তানা হায়খি, অৱাং-নোংপোক অমসুং অসামগী অথৌবা মপারিশিং ওপোজিসন্না ইকায়খুম্নবা উৎখিদে। লমদম অসিদা বীর লচিত বোরফুকনগুম্বা থৌনা ফরবা লান্মী কয়া পুথোকখি, অদুবু ওপোজিসন্না কৈদৌঙৈদা মহাক্না ফংফম থোকপা ইকায়খুম্নবা মহাক্না ফংখিদে। হৌজিক পাল্লিবা সরকার অসিনা লচিত বোরফুকনদা উৎফম থোকপা ইকায়খুম্নবা উৎলে। জাতিগী থাক্ত মহাক্কী ৪০০ শুবা মপোক কুমওন থৌরম পাংথোকখ্রে অমসুং লোল ১৩ দা মহাক্কী পুন্সি ৱারি ফোঙলে। মহাক্না জোরহাত্ত লচিত বোরফুকনগী অচৌবা মীতম অমা মাইখুম হাংদোকখ্রে। ওপোজিসন্না মীরাইরম্বা শক্নাইরবা মীওইশিং হৌজিক পাল্লিবা সরকার অসিনা মাঙলোমদা পুখৎলে।
প্রধান মন্ত্রীনা হায়খি সিবসাগরদা লৈবা পুৱারি ওইরবা রং ঘর মতম শাংনা মীরাইদুনা লাকখি অমসুং হৌজিক পাল্লিবা সরকার অসিনা মসি অমুক হন্না শেমজিল্লে। শ্রীমন্ত সঙ্করদেবকী পোক্নফম বাতাদ্রভা মালেম থাক্কী লমকোয়ফম অমা ওন্থোক্নবা সরকারনা থবক পায়খৎলি। বারানসীদা কাসি বিশ্বনাথ ধাম কমপ্লেক্স অমসুং উজ্জেনদা মহাকাল মহালোক শেমগৎগুম, অসামদা মা কমাখ্যা কোরিদোর অমসু শেমগৎলে।
প্রধান মন্ত্রীনা হায়খি মদুদি অসামগী ইনাকখুল্লবা নাৎ অমসুং পুৱারিগা মরী লৈনবা খুদমশিং অমসুং মফমশিং তুংগী মীরোলশিংগীদমক মখোয়গী সরকারনা ঙাক-শেল্লি। থবক অসিনা অসামগী নাৎ অমসুং চৎনবীদা কান্নবা পীবা খক নত্তনা রাজ্য অসিদা তুরিজমগী থবক পাকথোক-চাউথোকহল্লে। অসামদা তুরিজম চাউখৎলকপগা লোয়ননা, মসিনা নহারোলশিংদা থবক য়াম্না ফংহনগনি।
প্রধান মন্ত্রীনা হায়খি চাউখৎ-থৌরাংগী থবকশিং মরক্ত, আইন্না য়াদনা নারোন্দা চঙলকপগী খুদোংচাবা অমা অসামনা মায়োক্নরি। ওপোজিসনগী সরকার মতমদা, নারোন্দা চঙলকপশিংদা লম পীখি অমসুং আইন্না য়াদনা লম খোপচিনবশিং ঙাক-শেনখি। ভোৎ বেঙ্কগী রাজনিতিগীদমক ওপোজিসন্না অসামগী দেমোগ্রাফিক বেলেন্সদা অপনবা পীখি। অসাম সরকারগী মতেংগা লোয়ননা মখোয়গী সরকারনা ৱাথোক অসি থৱায় য়াওনা লোইশিল্লি। নারোন্দা চঙলকপশিংদগী সরকারনা অমুক হন্না লম লৌশিল্লে অমসুং লম দরকার ওইবা ত্রাইবেল ইমুংশিংদা লমগী পতাশিং পীরে। মিসন বসুন্ধারাগী মখাদা ইমুং লাখ কয়া লমগী পতাশিং ফংহনখিবদা অসাম সরকার থাগৎপা ফোঙদোক্লদুনা, প্রধান মন্ত্রীনা হায়খি অকক্নবা ত্রাইবেলশিংগী মফমশিংদা অহোম, কুচ রাজবংসি অমসুং গোর্খা ফুরুপশিংগী লমগী হকশিং ফংহল্লে অমসুং ঙাক-শেনগদবা কাংলুপশিংগী মনুংদা মখোয় য়াওরে। ত্রাইবেল ফুরুপশিংনা মায়োক্নখিবা পুৱারিগী অরানবশিং চুমথোক্নবা মখোয়গী দলনা থবক পায়খৎলে।
প্রধান মন্ত্রীনা হায়খি ঐখোয়গী সরকারগী চাউখৎপগী লাইৱাদি “নাগরিক দেবো ভাবা” নি, মসিগী ৱাহন্থোক্তি মীয়াম অৱাবা মায়োক্নহল্লোইদবনি নত্ত্রগা তঙাইফদবা থবকশিংগীদমক কোইচেন চেনহল্লোইদবনি। ওপোজিসন্না মতম শাংনা পাল্লিঙৈদা, লায়রবশিং মীরাইখি অমসুং মখোয়গী হকশিং মৎখি অমসুং মীখলদা মাইপাক্না অখন্নবা ফুরুপ অমা পেনহন্নবা লমজিংবা লৈঙাক লৈখি। মখোয়গী সরকারনা পেনহন্নবা হোৎনখিদে, লায়রবা মীওই নত্ত্রগা লমদম অমতা নাথৈদুনা থমখিদে। অসামদা লায়রবশিংগী য়ুম শাবগী থবক য়াংনা পায়খৎলি, হৌজিক ফাওবদা য়ুম লাখ ২০ হেন্না ফংহনখ্রে। অসামদা য়ুমথোং খুদিংদা তোতি ঈশিং ফংহন্নবা থবকসু য়াংনা পায়খৎলি।
প্রধান মন্ত্রীনা হায়খি মখোয়গী সরকারগী স্কিমশিংগী কান্নবশিং অসামগী চা বাগানশিংদা থবক তৌরিবা ইনাওশিং অমসুং ইচলশিংনা ফংলে। চা বাগানশিংদা থবক তৌরিবা শিন্মীশিংগী য়াইফনবা থবক পায়খৎপা হায়বসি সরকারগী মরুওইবা অমনি। নুপীশিংগী হকশেল অমসুং অঙাংশিংগী লাইরিক-লাইশুদা অখন্নবা মীৎয়েং থমদুনা, চা বাগানশিংদা থবক তৌরিবা নুপীশিং অমসুং অঙাংশিং মতং ফংলে। লমদম অসিদা মীরোনবীশিং অমসুং অঙাংশিং শিবগী চাং হন্থহন্নবা সরকারনা স্কিমশিং মপুংফানা পায়খৎলে। ওপোজিসনগী মতমদা, চা বাগানগী শিন্মীশিং তি কম্পেনি মেনেজমেন্তগী থৌজালগী মখা পোন্না লৈখি। মসিগী ওন্নবদা, ঐখোয়গী সরকারনা মখোয়গী য়ুম, মৈ অমসুং ঈশিং ফংহল্লে মখোয়গী হকশেল মরুওইনা লৌরে। হায়রিবা য়াইফ থৌরাংগী থবকশিং অসিগীদমক লুপা করোর কয়া চাদিং তৌরে।
প্রধান মন্ত্রীনা হায়খি অসামদা চাউখৎপগী অনৌবা যুগ অমা হৌরে অমসুং ললোন-ইতিক অমসুং তুরিজমগী মরুওইবা মফম অমা ওইনবা অসাম শেম-শারে। চাউখৎলবা অসাম অমা অমসুং চাউখৎলবা ভারত অমা শেমগৎনবা অপুনবা ৱারেপ অমা লৌরসি। ঙসিগী চাউখৎ-থৌরাংগী প্রোজেকশিং অসিগীদমক অমুক হন্না মীয়ামদা য়াইফ পাউজেল পীজরি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা অসামগী চীফ মিনিষ্টর শ্রী হিমান্ত বিশ্বা শর্মা, য়ুনিয়ন মিনিষ্টরশিং, শ্রী সর্বনন্দ সোনোৱাল অমসুং শ্রী হরদিপ সিংহ পুরি য়াওখি।
নুঙগীৱারোল
ঘোলাঘাতকী নুমালিগরদা, প্রধান মন্ত্রীনা নুমালিগর রিফাইনরী লিমিতেদ (এন.আর.এল.) দা অসাম বাইওইথানোল প্লান্ত শঙ্গাখ্রে। মসিগী পান্দমদি ক্লিন ইনর্জী প্রমোৎ তৌবা অমসুং ফোসিল ফ্যুএলশিংদা মখা পোনবা হন্থহনবনি।
প্রধান মন্ত্রীনা অসমগী পেত্রো কেমিকেল সেক্তরদা মশিং য়াম্লবা ভেল্যু এদিং অমা ওইগদবা নুমালীগর রিফাইনরী লিমিতেদ (এন.আর.এল.) দা পোলিপ্রোপিলিন প্লান্তকী উরেপ উয়ুংসু তমখি। মসিনা থবক ফংহনবগী খুদোংচাবসু পীরগনি অমসুং লমদম অসিগী অপুনবা খুন্নাইগী শেন-থুম চাউখৎপা পুরক্লগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
India has embarked on the path of becoming self-reliant in meeting its energy needs. pic.twitter.com/Wnm71e4VXM
— PMO India (@PMOIndia) September 14, 2025
Today, India ranks among the world's top 5 countries in solar power. pic.twitter.com/KE8iQju5ry
— PMO India (@PMOIndia) September 14, 2025
India needs two key things to become self-reliant - energy and semiconductors. Assam is playing a significant role in this journey. pic.twitter.com/9Qj5w7ai6n
— PMO India (@PMOIndia) September 14, 2025
Strengthening Assam's identity. pic.twitter.com/Bi6A7nP5Se
— PMO India (@PMOIndia) September 14, 2025
