Share
 
Comments
গঙ্গা এক্সপ্রেসৱেনা মীরুত, হাপুর, বুলন্দশহর, অমরোহা, সমভল, বদানয়ু, শাহজহানপুর, হরদোই, উন্নাও, রায়বরেলী, প্রতাপগর অমসুং প্রয়াগরাজ ফাওরগা চৎকনি
হয়েংগী নুমিৎ অসি থৱাই কৎখিবগী নুমিৎ তারিবা পন্দিৎ রাম প্রসাদ বিস্মিল, অশফাক উল্লাহ খান, থাকুর রোশন সিংহদা ইকাই খুম্নবা উৎখ্রে
“গঙ্গা এক্সপ্রেসৱেনা য়ু.পি.দা চাউখৎপগী অনৌবা থোংশিং হাংদোক্লগনি”
য়ু.পি. পুম্বনা পুন্না চাউখৎমিন্নরবদা লৈবাক অসি খুমাং চাওশিন্নগনি। মরম অদুনা দবল ইঞ্জিন সরকার অসিগী মীৎয়েং অসি য়ু.পি.গী চাউখৎ-থৌরাংদা ওইরি
“সরকার অসিগী অহানবা মীৎয়েংদি চাউখৎ-থৌরাংগী কান্নবশিং অদু সমাজ অসিদা নাথৈদুনা থম্বীরবা অমসুং শোত্থরবা মীওই খুদিংমক্তা ফংহনবনি। হায়রিবা চপ মান্নবা ৱাখল্লোন অসি ঐখোয়গী লৌউ-শিংউগী থৌরাং অমসুং লৌমীশিংগা মরী লৈনবা থৌরাংশিংদসু মমি তারি”।
য়ু.পি.গী মীয়াম্না –য়ু.পি. প্লস য়োগী, বহুৎ হে উপয়োগী –য়ু.পি.ৱাই.ও.গি.আই. হায়না ঙাংনরি।

প্রধান মন্ত্রী শ্রী নরেন্দ্র মোদীনা উত্তর প্রদেশকী শহজহানপুরদা গঙ্গা এক্সপ্রেসৱেগী উরেপ উয়ুং তমখ্রে। থৌরম অদুদা শরুক য়াখিবশিংগী মরক্তা উত্তর প্রদেশকী মুখ্য মন্ত্রী শ্রী য়োগী অদিত্যনাথ, কেন্দ্রগী মন্ত্রী বি.এল. ভর্মাসু য়াওরি। 

মীতিন অদুদা ৱা ঙাংবা অদু প্রধান মন্ত্রীনা কাকোরি থৌদোক্কী ইহৌরোই ওইরিবশিং রাম প্রসাদ বিস্মিল, অশফাক উল্লাহ খান অমসুং রোশন সিংহদা ইকাই খুম্নবা উৎলদুনা হৌদোকখি। মফম অদুগী লোন্দা ৱা ঙাংলদুনা প্রধান মন্ত্রীনা নীংতম ইহৌগী কবীশিং ওইখিবা দামোদর স্বারুপ ‘বিদ্রোহি’, রাজ বহাদুর বিকল অমসুং অগনিভেশ শুকলাদা ইকাই খুম্নবা উৎখি। “ হয়েং অসি পন্দিৎ রাম প্রসাদ বিস্মিল, অশফাক উল্লাহ খান অমসুং রোশন সিংহগী নীংতম ঈহৌদা থৱাই কৎখিবা নুমিৎনি। ব্রিতিশ শাসনবু শীংনখিবা শহজহানপুরগী মপারী অহুম অসি দিসেম্বর ১৯দা থৌরি য়ান্দুনা হাৎখি। ভারতকী নীংতম্বগীদমক মখোয়গী থৱাই কৎখিবা অসিগুম্বা হীরোশিং অসিগী ঐখোয়দা অচৌবা লমন অমা তোনশিঞ্জরে” হায়না প্রধান মন্ত্রীনা ফোঙদোকখি।     

ইমা গঙ্গা অসি অফবা অমসুং চাউখৎপা খুদিংমক্কী হৌরকফম অমনি হায়না প্রধান মন্ত্রীনা ফোঙদোকখি। ইমা গঙ্গানা নুংঙাইবা খুদিংমক খুৎশিন্নরগা অৱাবা খুদিংমক লৌশিনবী। মসিগা মান্ননা গঙ্গা এক্সপ্রেসৱে অসিনা য়ু.পি.গী চাউখৎ থৌরাংগী অনৌবা থোংশিং হাংদোক্লগনি। এক্সপ্রেসৱেগী নেতৱর্কশিং, অনৌবা এয়রপোর্ত অমসুং রেলৱেজকী রুতশিংগী মতাংদা পল্লদুনা মসি রাজ্য অসিদা কান্নবা পীগদবা হীরম মঙাগী হৌরকফমনি হায়না প্রধান মন্ত্রীনা ফোঙদোকখি। অহানবা কান্নগদবা হীরম –মীয়ামগী মতম কনবা। অনিশুবা কান্নগদবা হীরম- মীয়ামগী খুদোংচাবা হেনগৎহনবা অমসুং হিংবা লাইথোকহনবা। অহুমশুবা কান্নগদবা হীরম- য়ু.পি.গী রিসোর্সশিং নীয়ম চুম্না শিজিন্নবা। মরিশুবা কান্নগদবা হীরম – য়ু.পি. তৌবা ঙম্বা হেনগৎহনবা। মঙাশুবা কান্নগদবা হীরম – য়ু.পি.দা হীরম খুদিংমক্তা নুঙাই য়াইফবা পুরকপা।    

ঙসি য়ু.পি.দা শরিবা মতম চুনরবা ইনফ্রাস্ত্রকচরশিং অসিনা রিসোর্সশিং মতৌ করম্না নীয়ম চুম্না শিজিন্নবগে হায়বদু তাক্লি হায়না প্রধান মন্ত্রীনা ফোঙদোকখি। মমাংদা মীয়ামগী শেল অসি করম্না শীজিন্নরম্বগে হায়বদু অদোম্না ময়েক শেংনা উবীরম্লগনি। অদুবু ঙসিদি উত্তর প্রদেশকী শেলশিং অসি উত্তর প্রদেশকী চাউখৎ থৌরাংদা শিজিন্নরি হায়না প্রধান মন্ত্রীনা ফোঙদোকখি। য়ু.পি. পুম্বনা পুন্না চাউখৎমিন্নরবদা লৈয়াক অসি খুমাং চাউশিনগনি হায়না প্রধান মন্ত্রীনা ফোঙদোকখি। মতম অদুনা দবল ঈঞ্জিন সরকার অসিগী মীৎয়েং অসি য়ু.পি.গী চাউখৎ- থৌরাংদনি। ‘সবকা সাথ, সবকা বিকাস, সবকা বিস্বাস অমসুং সবকা প্রয়াসকী মন্ত্রা অসিগা লোয়ননা ঐখোয়না য়ু.পি. অসি চাউখৎনবা পুকচেল শেংনা থবক কয়ামরুম পাইখৎলি হায়না মহাক্না ফোঙদোকখি। প্রধান মন্ত্রীনা চহি মঙাগী মমাংদা ফীভম অসিগী মতাংদা মীৎয়েং চংখি। “রাজ্য অসিগী মফম খরখক্তা নত্তনা অতোপ্পা শহরশিং অমসুং খুঙ্গংশিংদা মৈ ফংলমদে। দবল ইঞ্জিন সরকার অসিনা  য়ু.পি.দা ইলেক্ত্রিসিতী কন্নেক্সন লেম্না চাউরাক্না লাখ ৮০ পীবতা নত্তনা মমাংগা য়েংনবদা জিলা খুদিংমক্তা ইলেক্ত্রিসিতী মরাং কায়না পীরি” হায়না মহাক্না মখা তাখি। লাইরবা মীওই লাখ ৩০ হেনবনা পক্কা য়ুম ফংখ্রে অমসুং মসিগী কেম্পেন অসি মমিং পানখৎখ্রবা মীওই খুদিংমক কভর তৌদ্রিফাওবা মখা চত্থখিগনি হায়না মহাক্না ফোঙদোকখি। শহজহানপুরদসু পক্কা য়ুম লিশিং ৫০ শাখ্রে।   

অহানবা ওইনা দলিতশিং, খুদোংচাবা ফংদ্রবশিং অমসুং শোত্থরবশিংগী চাউখৎহন্নবা অহানবা ওইনা মহাক্না অঙম্বা থাক্তা মীৎয়েং চংল্লি হায়না মহাক্না ফোঙদোকখি। মহাক্না মখা তারদুনা হায়খি “সরকার অসিগী অহানবা মীৎয়েংদি চাউখৎ-থৌরাংগী কান্নবশিং অদু সমাজ অসিদা নাথৈদুনা থম্বীরবা অমসুং শোত্থরবা মীওই খুদিংমক্তা ফংহনবনি। হায়রিবা চপ মান্নবা ৱাখল্লোন অসি ঐখোয়গী লৌউ-শিংউগী থৌরাং অমসুং লৌমীশিংগা মরী লৈনবা থৌরাংশিংদসু মমি তারি”।

প্রধান মন্ত্রীনা লৈবাক অসিগী হেরিতেজ অমসুং লৈবাক অসিগী চাউখৎ-থৌরাংগী ওইবা থবক পাইখৎপদা নীংঙমদবা পোক্লিবা ৱাখল্লোন অসিবু চৈখি। মহাক্না হায়খি অসিগুম্বা মীওইশিং অসিনা লায়রবা অমদি মীচম মীয়ামবু মখোয়গী মখা পোন্না হিংহনবা পামখি। “মীওইশিং অসিনা কাশীদা বাবা বিশ্বনাথকী অচৌবা ধাম অমা শাবদা নুংঙাইতবা পোকই। মীওইশিং অসিনা অয়োধ্যদা ভগৱান শ্রী রামগী অচৌবা লাইশঙ অমা শাবদা নুংঙাইতবা পোকই। মীওইশিং অসিনা গঙ্গাজীগী লুনানবগী কেম্পেন চত্থবদা নুংঙাইতবা পোকই। মীওইশিং অসিমক্তা অকি-অখঙ পীরিবা মকোকশিংগী মায়োক্তা আর্মীনা এক্সন লৌৎপদা ৱাহং হঙলি। মসিগী মীওইশিং  অসিনা ভারতকী বিজ্ঞানিকশিংনা ভারত্তা শাজবা কোরোনা ভেক্সিনবু মীয়াম্না চীংনবা পোকহল্লি”, হায়না প্রধান মন্ত্রীনা ফোঙদোকখ্রে। মহাক্না হন্দক্তা য়াইফবা পুরক্তুনা অহোংবা লাকখিবা রাজ্য অসিদা হান্না লৈরবা ফত্তবা লো এন্দ ওর্দরগী ফীভম অদু নীংশিংখ্রে। প্রধান মন্ত্রীনা য়ু.পি.ৱাই.ও.জি.আই.গী ফোর্ম্যুলেসন পীখি – য়ু.পি. প্লস য়োগী বহুৎ হে উপয়োগী (য়াম্না কান্নৈ)।

এক্সপ্রেসৱে অসি শানবগী ঈথিল অসি লৈবাক পুম্বদা কন্নেক্তিবিতী খোংজেল য়াংনা শেমগৎনবা প্রধান মন্ত্রীগী মংলান অদুদগী লাকপনি। কি.মি. ৫৯৪ শাংবা লেন তরুক্কী এক্সপ্রেসৱে অসি লুপা করোর ৩৬,২০০কী মথক্তা চংনা শাগনি। মীরুৎতা লৈবা বিজাউজী খুঙ্গং মনাক্তগী হৌরগা এক্সপ্রেসৱে অসিনা প্রয়াগরাজকী জুদপুর দন্দু খুঙ্গংগী মনাক ফাওবা কোনশিনগনি। মসিনা মীরুৎ, হাপুর, বুলন্দশহর, অমরোহা, সম্ভল, বদানয়ু, শাহজহানপুর, হরদোই, উন্নাও, রায়বরেলী, প্রতাপগর অমসুং প্রয়াগরাজ ফাওদুনা চৎকনি। থবক লোইরবা মতুংদা মসি উত্তর প্রদেশকী নোংচুপ অমসুং নোংপোক থংবা লমদমশিং শম্নহন্দুনা রাজ্য অসিগী খ্বাইদগী শাংবা এক্সপ্রেসৱে ওইরগনি। শাহজহানপুরগী এক্সপ্রেসৱেদা এয়র ফোর্সকী প্লেনশিংগী ইমর্জেন্সী তেক ওফ অমসুং লেন্দিং তৌবদা মতেং পাংনবা কিমি ৩.৫ শাংবা এয়র স্ত্রিপ অমসু শারগনি। এক্সপ্রেসৱে অসিগা থংননা ইন্দস্ত্রিএল কোরিদোর অমসু শানবা প্রপোজ তৌখ্রে।

এক্সপ্রেসৱে অসিনা ইন্দস্ত্রিএল চাউখৎহন্নবা, ললোন-ইতিক, লৌউ-শিংউ, তুরিজম অসিনচিংবা য়াওনা তোঙান-তোঙানবা সেক্তরশিংদা ইনোৎ হাপ্লগনি। মসিনা লমদম অসিগী খুন্নাই অমসুং শেন্মীৎলোন চাউখৎহনবদা চাউনা থৌগৎলগনি।

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
Indian real estate market transparency among most improved globally: Report

Media Coverage

Indian real estate market transparency among most improved globally: Report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 5 জুলাই, 2022
July 05, 2022
Share
 
Comments

Country celebrates Digital India Week, as citizens agree that digital India initiatives have revolutionised the lives of common people.

With PM Narendra Modi Ji's mantra of Sabka Saath Sabka Prayas India achieves complete vaccination of 90% of its adult population