প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশকী ছতরপুর জিলাদা লৈবা গর্হা খুঙ্গংদা ভগেশ্বর ধাম মেদিকেল এন্দ সাইন্স রিসর্চ ইন্সতিত্যুৎকী উরেপ-উয়ুং তমখ্রে। অতেনবা মতমগী মনুংদা বুন্দেলখন্দদা অনিরক শুবা ওইনা লাকপা ফংজবা অসি মহাক্কী লাইবক ফবনি ফোংদোক্লদুনা শ্রী মোদীনা হায়খি মদুদি স্পিরিচুএল সেন্তর ভগেশ্বর ধাম অসি অথুবা মতমদা হেল্থ সেন্তর অমসু ওইরগনি। মহাক্না মখা তারদুনা হায়খি মদুদি ভগেশ্বর ধাম মেদিকেল এন্দ সাইন্স রিসর্চ ইন্সতিত্যুৎ অসি লম একর 10 চাউবা মফম অমদা শাগনি অমসুং ফমুং 100গী ফেসিলিতী অমা অহানবা তাঙ্কক্তা শাবা লোইশিনগনি। মহাক্না অফবা থবক অসিগীদমক শ্রী ধিরেন্দ্র শাস্ত্রিবু থাগৎপা ফোংদোকখি অমসুং বুন্দেলখন্দ মীয়ামদা মহাক্না য়াইফ মঙ্গোল পীখি।
প্রধান মন্ত্রীনা হায়খি মদুদি মতম অসিদা লাইনীংবু করেম্নবা রাজনিতীগী লুচিংবশিংগী কাংলুপ অমা লৈরে অমসুং মখোয়না মীয়ামবু তোখাই-তোখাই তাহনবদা শরুক য়ারি। মহাক্না মখা তারদুনা হায়খি তানফম অসিদা মপালগী শাফুদগী অসিগুম্বা মীওই খরদা লোয়ননা লৈবাক অমসুং লাইনীংবু মপাঙ্গল শোন্থহনবদা মতেং ফংলি। মহাক্না মখা তারদুনা হায়খি হিন্দু লাইনীং চৎপা মীওইশিং অসি তোঙান-তোঙানবা মওংদা মতম কয়াগী মমাংদগী লৈরক্লবনি। প্রধান মন্ত্রীনা হায়খি ঐখোয়গী থাজবা, চৎনবীশিং অমসুং মন্দিরশিংদা লেপ্পা লৈতনা এতেক্তশিং চত্থরক্লি অমসুং মসিগী ইলিমেন্তশিং অসিনা ঐখোয়গী সন্তশিং, নাৎ অমসুং প্রিন্সিপলশিংদসু এতেক্তশিং চত্থরি। মখোয়না ঐখোয়গী কুহ্মৈশিং, চৎনবী অমসুং লাইশোন-তিনশোনদা তার্গেৎ তৌরি অমসুং ঐখোয়গী লাইনীং অমসুং নাৎকী মশাগী খুমাং চাউশিল্লক্লিবা মওং মতৌ অসিবু মীংচৎ থিনবা হোৎনরি। শ্রী মোদীনা মখোয়গী পান্দম অসি ঐখোয়গী খুন্নাই অসিবু তোখাই-তোখাই তাহনবা অমসুং অপুনবগী শক্তম থুগাইবনি হায়খ্রে। হীরম অসিদা মহাক্না মতম কয়াগী মমাংদগী লৈবাক অসিদা অপুনবগী মন্ত্রগী মতাংদা এৱেরনেস শন্দোক্লিবা শ্রী ধরেন্দ্র শাস্ত্রিনা হোৎনরিবশিং অদু পনখি। শ্রী মোদীনা শ্রী ধিরেন্দ্র শাস্ত্রিনা কেন্সর ইন্সতিত্যুৎকী শক্তমদা খুন্নাই অমদি মীওইবা জাতিগী য়াইফনবা অতোপ্পা ৱাশক অমগা লৌখি হায়না লাউথোকখি। মসিগা লোয়ননা ভগেশ্বর ধামদা ঈশ্বরদা থাজবা, য়োকখৎপিবা অমসুং হকচাং ফবা পুন্সিগী থৌজালশিং হৌজিক ফংলগনি হায়না মহাক্না মখা তাখি।
“ঐখোয়গী লাইশঙশিং, মোনাস্ত্রীশিং অমসুং শেংলবা মফমশিংনা থৌনিবগী মফমশিং অমসুং সাইন্তিফিক অমদি সোসিএল থোৎ অনিমক্কী মফমশিং ওইনা মথৌ অনি তৌরি”, হঅয়না ফোংদোক্লদুনা প্রধান মন্ত্রীনা হায়খি মদুদি ঐখোয়গী ঋশিশিংনা ঐখোয়দা আয়ুর্বেদ অমসুং য়োগগী বিজ্ঞানশিং পীরমখি, মসি হৌজিক মালেমনা মশখ খঙনরি। মহাক্না হায়খি মদুদি অতোপ্পগী শেবা তৌবা হায়বা থাজবা অমসুং মখোয়গী অৱাবা কোকহনবা হায়বা অসি তশেংবা ধর্মনি। মহাক্না ‘নারায়নদা নারা” অমসুং “থৱায় পানবা পুম্নমক্তা শিবা” হায়বা ৱাখল্লোনশিংগা লোয়ননা থৱায় পানবা পুম্নমক্কী শেবা শেবা তৌবগী ঐখোয়গী চৎনবী অদু ফোংদোকখি। মীওই করোর কয়ানা শরুক য়ারিবা, স্নান তৌরিবা অমসুং ঋশিশিংদগী থৌজালশিং ফংলিবা লোইশিল্লক্কদৌরবা মহাকুম্ভগী মরমদা পাকশন্না খন্ন-নৈনরিবা অসি পল্লদুনা শ্রী মোদীনা মসিবু “মহা কুম্ভগী অপুনবগী শক্তম” হায়না থাগৎখি অমসুং সেনিতেসন ৱার্করশিং অমসুং পুলিস ওফিসরশিংবু মখোয়না কত্থোকপগা লোয়ননা থবক তৌবগীদমক থাগৎপা ফোংদোকখি। মহাক্না হায়খি মদুদি মহাকুম্ভ মনুংদা ‘মেত্র মহা কুম্ভ’ অমসু পাংথোক্লি, মসিদা মীৎয়েং কয়া চংনদ্রবসু মসিদা মীৎকী চেক-অপ লাখ অনি হেন্না পাংথোকখি, মীওই লাখ অমা মখাইরোমনা লেম্না লায়েং অমসুং অনোকশিং ফংখি অমসুং মীওই লিশিং তরাতরুক্না কেতরেক্ত অমসুং অতৈ সর্জরীশিংগীদমক তোঙান-তোঙানবা অনা লায়েংশঙশিংদা রিফর তৌখ্রে। প্রধান মন্ত্রীনা ঐখোয়গী সন্তশিংগী লমজিং মখাদা লোয়ননা দোক্তর অমদি ভোল্যুন্তীয়র লিশিং কয়ানা মশাগী ওইজবা থাদোকপগা লোয়ননা মহা কুম্ভ মনুংদা হেল্থ অমসুং সর্ভিস-রিলেতেদ ইনিসিএতিব কয়া মরুম পাংথোকখিবা অদু শকখঙখি। কুম্ভদা শরুক য়াখিবশিংনা খোঙথাংশিং অসিবু থাগৎনরকখি হায়না মহাক্না ফোংদোকখি।
প্রধান মন্ত্রীনা ভারত শিনবা থুংবদা অচৌবা অনা লায়েংশঙশিং চল্লাইবদা ধর্মগী ওইবা ইন্সতিত্যুসনশিংগী থৌদাং অদু পনখি। মহাক্না হায়খি মদুদি হেল্থ এন্দ সাইন্স রিসর্চ ইন্সতিত্যুৎ কয়া অসি রিলিজিয়স ত্রস্তশিংনা চল্লাইরি, লায়রবা মীওই করোর কয়াদা লায়েং অমসুং শেবা ফংহল্লি। মহাক্না হায়খি মদুদি বুন্দেলখন্দগী চিত্রাকুতকী ভগৱান রামগা শাগোন্নরিবা শেংলবা তীর্থ য়াত্রাগী মফমশিং অসি মীমান্নদ্রবা মীওইশিং অমসুং অনাবা কয়াগী শেবা তৌরিবা অচৌবা মফম অমনি। মহাক্না ভগেশ্বর তাম অসিনা হকশেলগী থৌজালশিং পীবগী মতিক ময়াই লৈরবা চৎনবীদা অনৌবা পন্দুপ অমা হাপচিনবদা নুংঙাইবা ফোংদোকখি। মহাক্না নুমিৎ নিনিগী মতুং, মহাশিবরাত্রিনা লাকপদা ইচানুপী 251গী লুহোংবগী থৌরম অমসু পাংথোক্কনি হায়না লাউথোকখি। প্রধান মন্ত্রীনা ভগেশ্বর ধামবু মসিগী অফবা থবক অসিগীদমক থাগৎখি অমসুং নৌনা লুহোংগদৌরিবা নুপা-নুপীশিং অমদি ইচানুপীশিংদা অফবা পুন্সি অমগীদমক নুংঙাইবা ফোংদোকখি অমসুং থৌজালশিং পীখি
বেদদগী “শারিরামধ্যম খালু ধর্ম সধনম” ঐখোয়গী হকচাং অমসুং হকশেল অসি ঐখোয়গী লাইনীং, নুংঙাইবা অমসুং মায়পাকপা ফংনবগী মরু ওইবা পাম্বৈ অমনি হায়না পল্লদুনা প্রধান মন্ত্রীনা হায়খী মদুদি লৈবাক অসিনা মঙোন্দা শেবা তৌনবা খুদোংচাবা অমা পীখিবা মতমদা মহাক্না ‘সবকা সাথ, সবকা বিকাস’কী মন্ত্র অসিনা সরকারগী ফিরেপ ওইহনখি। মহাক্না হায়খি মদুদি ‘সবকা সাথ, সবকা বিকাস’কী অচৌবা য়ুম্ফম অসি ‘সবকা ইলাজ, সবকো আরোগ্য’ হায়বনি, মসিগী ৱাহন্থোক্তি হেল্থকেয়র ফোর ওল হায়বনি অমসুং তোঙান-তোঙানবা থাকশিংদা লাইনাশিং ঙাকথোকপদা মীৎয়েং থমখি। স্বচ্ছ ভারত অভিয়ানগী মখাদা তোইলেৎশিং শারিবা অসিগী মতাংদা শ্রী মোদীনা হায়খি মদুদি তোইলেৎশিং শাবনা হাইজিনিক ওইদবা মওং-মতৌশিংদগী থোরকপা অনাবশিং হন্থহনবা ঙম্লে। মহাক্না য়ুমদা তোইলেৎশিং লৈবনা অনাবা লায়েংদা তৌবা চাদিংদগী লুপা লিশিং কয়া তুংশিনবা ঙমহল্লে হায়বা স্তদী অমগী মতাংদা পনখি।
প্রধান মন্ত্রীনা হায়খি মদুদি মখোয়গী সরকারনা 2014দা শক্তি পাইদ্রিঙৈ মতমদা লৈবাক অসিগী লায়রবশিংনা অনাবা অদুদগী অনা লায়েংদা চংগদবা শেনফম অদুনা হেন্না অকিবা পোক্নরম্মি অমসুং ইমুং অমদা অরুবা অনাবা অমা নারকপনা ইমুং পুম্নমক অৱাফমদা থাহল্লম্মি। মহাক্না হায়খি মহাকসু লায়রবা ইমুং অমদগী লাকপনা অসিগুম্বা অৱাবশিং অসু উবা ফংখি অমসুং অনা লায়েংদা চংবা শেনফমশিং হন্থহন্নবা অমসুং মীয়ামগীদমক শেল তুংশিনবা ঙমহন্নবা ফিরেপ লৌখি। সরকারগী স্কিমশিংদা লায়রবা মীওই অমত্তা চিত্থবা তৌদনবা মাগী ফিরেপ অদু অমুক হন্না ফোংদোক্লদুনা শ্রী মোদীনা অনা লায়েংগী চাদিংগৌ পোৎলুম হন্থহনবা অসি য়াম্না মরু ওই হায়খি অমসুং লায়রবা মীওই খুদিংমক্না আয়ুশ্মান কার্দকী খুত্থাংদা লুপা লাখ 5 ফাওবগী লেম্না লায়েং ফংহন্নবা প্রোভিজন পীরি হায়খি। মহাক্না মসি শাদ্রিবা মীওইশিংনা অথুবদা শানবা হায়খি।
আয়ুশ্মনা কার্দ অসি লায়রবা, মিদ্দল-ক্লাস নত্রগা ইনাক খুনবা ইমুং ওইরবসু হৌজিক চহি 70গী মথক্তা লৈবা অহল ওইরবা মীওইশিংদা লেম্না লায়েং ফংহন্নবা পীরি হায়রদুনা শ্রী মোদীনা হায়খি কার্দশিং অসি শেল অমত্তা চংদনা ওনলাইনদগী লৌবা য়ারে অমসুং আয়ুশ্মান কার্দকীদমক কনাগুম্বনা শেল থিবা তৌরোইদবনি অমসুং কনাগুম্বনা শেলগী দিমান্দ তৌরক্লবদি মদু রিপোর্ত তৌনবা হায়খি। প্রধান মন্ত্রীনা হায়খি মদুদি লায়েং কয়াদি হোস্পিতালদা এদমিসন তৌবগী মথৌ তাতে মরমদি থারিবা হীদাক অদু পুদুনা য়ুমদা চৎখিবা য়াই। হীদাকশিংদা চংবা শেল হন্থহন্নবা লৈবাক শিনবা থুংবদা জন ঔশাধি কেন্দ্র 14,000 হেন্না হাংদোকখ্রে, মসিনা হোংনা হীদাকশিং ফংহল্লি হায়না মহাক্না মখা তাখি। মহাক্না হায়খি মদুদি কিদনীগী অনাবা অসি মরু ওইবা হকচাংগী অনাবা অমনি মসিদা লেপ্পা লৈতনা দাইলাইসিস তৌবা মথৌ তারি অমসুং লেম্না দাইলাইসিস তৌবা য়াহল্লিবা জিলা 700 হেনবদা দাইলাইসিস সেন্তর 1,500 হেন্না হাংদোকখ্রে। প্রধান মন্ত্রীনা মীয়ামদা মখোয়গী খঙনা-চান্নবশিংদা সরকারগী স্কিমশিংগী মরমদা এৱেরনেস পীনবা অমসুং কনাগুম্বা অমত্তনা মসিগী কান্নবশিং ফংহৌদবা তৌদনবা হায়খি।
“কেন্সর অসি মফম খুদিংমক্তা মরু ওইবা সমস্যা অমা ওইরক্লি; সরকার, খুন্নাই অমসুং ঋশিশিংনা কেন্সরগী মায়োক্তা থেংনবদা অমত্তা ওইনা পুনশিনগদবনি” হায়না শ্রী মোদীনা ফোংদোকখি। মহাক্না কনাগুম্বা অমনা কেন্সর নারে হায়না খঙলকপদা খুঞ্জাশিংনা মায়োক্নরিবা খুদোংচাবশিং অদু পনখি। মহাক্না হায়খি ঙন্না খঙদোকপা ঙমদবা অমসুং অরুম হৌবা অমসুং অনাবগীদমক হোম রেমেদীশিং লৌবা অসিনা দাইগনোসিস থিন্থহন্দুনা অনাবা হেঞ্জিনহল্লি। প্রধান মন্ত্রীনা মীওই কয়ানা দিল্লী অমসুং মুম্বাই খক্তদা লায়েংফম লৈ হায়না খঙবগা লোয়ননা কেন্সর নারে খঙবদা ইমুংগী মীওইশিংনা ফাওরিবা অকিবা অমসুং ৱাখল ৱাবা অদু পনখি। মহাক্না হায়খি সরকারনা শীংনবশিং অসি কোকহন্নবা খোঙথাংশিং লৌখৎলি হায়খি, মসিদা চহি অসিগী বজেৎতা কেন্সর থেংননবা লাউথোকখিবা কয়া য়াওখি। মহাক্না মখা তারদুনা হায়খি মহাক্না কেন্সরগী হীদাকশিং অসি হেন্না হোংনা ফংহন্নবা হোৎনখি অমসুং মথংগী চহি অহুমদা জিলা খুদিংমক্তা কেন্সর দেকেয়র সেন্তরশিং হাংদোক্নবসু লাউথোকখি। সেন্তরশিং অসিনা দাইগনোস্তিক অমসুং রেস্পাইৎ কেয়র অনিমক ফংহনগনি। শ্রী মোদীনা হায়খি মদুদি দিস্ত্রিক্ত হোস্পিতালশিংদা অমসুং লোকেল নেচরহুদশিংদা লৈরিবা মেদিকেল সেন্তরশিংদা লায়েং লায়না ফংহন্নবা কেন্সর ক্লিনিক হাংদোক্লে।
কেন্সরদগী চেকশিন্নবা অমসুং কেন্সরদগী ঙাকথোকপগী মরু ওইবা অদু পল্লদুনা প্রধান মন্ত্রীনা হায়খি মদুদি ঙন্না খঙদোকপা অসি য়াম্না মরু ওই মরমদি কেন্সর অসি শন্দোকখ্রবদি লাকশিনবা অৱাবা ওই। মহাক্না হায়খি চহি 30গী মথক্কী মীওই পুম্নমক স্ক্রীন তৌনবা হৌজিক কেম্পেন চত্থরিবা অমসুং মসিদা মীপুম খুদিংমক্না শরুক য়াবীয়ু। মহাক্না করিগুম্বা চীংনরবদি খুদক্তা কেন্সর স্ক্রীনিং তৌবগী তঙাই ফদবা অদু ফোংদোকখি। কেন্সরগী মতাংদা মরিক চুম্বা ইপাউগী মরু ওইবা অদু পল্লদুনা মসি লৌনগনবা লাইনা অমা নত্তে অমসুং শোক্না-শম্নবদা শন্দোক্তে হায়রদুনা শ্রী মোদীনা বিরি, চুরুপ, ক্বা, হীদাক মনা অমসুং মরু-মরাইশিং শীজিন্নবনা কেন্সরগী খুদোংথিবা হেনগৎহল্লি হায়খি অমসুং পোৎলমশিং অসিদগী লাপ্না লৈনবা হায়খি। মহাক্না মীপুম খুদিংমক্তা মখোয়গী হকচাং অমসুং হকশেল চেকশিন্না থম্নবা অমসুং লায়থোকপা তৌদনা মীৎনা শিংনা চেকশিল থৌরাংশিং অসি লৌখৎনবা হায়খি।
মীয়ামগী শেবা তীনবা মহাক্না কত্থোক্লিবা অদু পল্লদুনা শ্রী মোদীনা মহাক্না লুপা করোর কয়ারোমগী প্রোজেক্তশিং শঙ্গাখিবা অমসুং উরেপ-উয়ুং তমখিবা মহাক্কী ছতরপুরগী খোঙচৎ অদু পনখি। মহাক্না হায়খি মদুদি বুন্দেলখন্দদা সরকার অমসুং লুচিংবা কয়া দিকেদ কয়া অসিদা লাকখ্রবসু পন্দুনা লৈরকখিবা লুপা করোর 45,000গী কেন-বেতৱা লিঙ্ক প্রোজেক্ত অসি হাপচিনখিবগী মতাংদা ফোংদোকখি। শ্রী মোদীনা হায়খি লমদম অসিদা লেপ্পা লৈতনা ঈশিং তাক্লি অমসুং মমাংগী সরকার অমত্তনা মাগী ৱাশকশিং থুংহনখিবা লৈখ্রব্রা হায়না ৱাহং তৌখি। মহাক্না হায়খি মদুদি মীয়ামগী থৌজালশিং ফংলবা মতুংদা খক্তা থবক অসি হৌখি। মহাক্না থক্না ঈশিংগী অৱাবা কোকহনবদা খোঙজেল য়াংনা খুমাং চাউশিল্লি। জল জীবন মিসন, নত্ত্রগা হর ঘর জল প্রোজেক্তকী মখাদা বুন্দলখন্দ শিনবা থুংনা খুঙ্গংশিংদা তোতি ঈশিং ফংহল্লি হায়না মহাক্না মখা তাখি। মহাক্না হায়খি হৌজিক লৌখৎলিবা খোঙথাংশিং অসিনা লৌমীশিংনা মায়োক্নরিবা অৱাবশিং কোকহল্লে অমসুং মখোয়গী ইনকম হেনগৎহল্লে, সরকারনা অয়ুক নুমিদাং চোকথবা লৈতনা হোৎনরি হায়খি।
বুন্দেলখন্দগী চাউখৎ-থৌরাংগীদমক নুপীদা শক্তি পীবা মরু ওই হায়রদুনা শ্রী মোদীনা লাখপতি দিদি অমসুং দ্রোন দিদিগুম্বা থৌশিলশিং হৌদোকখিবা অমসুং নুপী করোর 3 লাখপতি দিদি ওইহন্নবা লাউথোকখিবা অদু পনখি। মহাক্না হায়খি নুপীশিংবু দ্রোন পাইবগী ত্রেনিং পীরি, মসি বুন্দেলখনদা ঈথৈ-লৌখোংগী ঈশৈনা লৌবুক্তা য়ৌরক্লবা মতমদা মনা মশিংদা হীদাক চাইবদা শীজিন্নরগনি। প্রধান মন্ত্রীনা খোঙথাংশিং অসিনা বুন্দলখন্দ চাউখৎহনবদা শাহৌ পীরগনি।
প্রধান মন্ত্রীনা স্বমিত্বা য়োজনাগী মখাদা খুঙ্গংশিংদা দ্রোন তেক্নোলোজী চাউনা শিজিন্নদুনা লম মরিক চুম্না ওনবা ঙমহনখি অমসুং অচুম্বা লেন্দ রেকোর্দশিং পীখি। মহাক্না হায়খি মধ্য প্রদেশতা মসিগী থৌশিল অসি মায়পাক্না ইমপ্লিমেন্ত তৌদুনা মীয়াম্না দোক্যুমেন্তশিং অসি হৌজিক শিজিন্নদুনা বেঙ্কশিংদগী লোনশিং লায়না লৌবা ঙমহল্লে, শেনফম অসি ললোন-ইতিক তৌবদা শিজিন্নদুনা মীয়ামগী ইনকম হেনগৎহল্লি।
ৱারোল পীবা লোইশিল্লদুনা প্রধান মন্ত্রীনা হায়খি কেন্দ্র অমসুং রাজ্যদা লৈরিবা সরকারশিংনা চোকথবা লৈতনা হোৎনরিবশিং অসিনা বুন্দলখন্দবু চাউখৎপগী অনৌবা পনখৈশিং য়ৌবা ঙমহল্লি। মহাক্না বুন্দলখন্দনা চাউখৎপগী লম্বীদা মখা তানা চংশিল্লগনি হায়না আশা তৌখি অমসুং মীপুম খুদিংমক্তা য়াইফ মঙ্গোল পীখি।
থৌরম অদুদা মধ্য প্রদেশকী রাজ্যপাল, শ্রী মঙ্গুভাই ছগনভাই পতেল, মধ্য প্রদেশকী মুখ্য মন্ত্রী, শ্রী মোহন য়াদব অমদি অতৈ দিগনিতরীশিংনা শরুক য়াখি।
বাকগ্রাউন্দ
মধ্য প্রদেশকী ছতরপুর জিলাগী গর্হা খুঙ্গংগী ভগেশ্বর ধাম মেদিকেল এন্দ সাইন্স রিসর্চ ইন্সতিত্যুৎ অসি পুন্সিগী লম পুম্নমক্তগী লাকপা মীয়ামদা অফবা হেল্থকেয়র সর্ভিসশিং ফংহন্নবা শারি। লুপা করোর 200 হেনবা কেন্সর হোস্পিতালনা শোত্থরবা কেন্সর নাবা মীওইশিংদা লেম্না লায়েং ফংহনগনি অমসুং মসিদা স্তেৎ-ওফ-দি-আর্ত মেছিনশিং থমগনি অমসুং স্পেসিএলিস্ত দোক্তরশিং লৈগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
हमारे मंदिर, हमारे मठ, हमारे धाम... ये एक ओर पूजन और साधन के केंद्र रहे हैं तो दूसरी ओर विज्ञान और सामाजिक चेतना के भी केंद्र रहे हैं: PM @narendramodi
— PMO India (@PMOIndia) February 23, 2025
हमारे ऋषियों ने ही हमें आयुर्वेद का विज्ञान दिया।
— PMO India (@PMOIndia) February 23, 2025
हमारे ऋषियों ने ही हमें योग का वो विज्ञान दिया, जिसका परचम आज पूरी दुनिया में लहरा रहा है: PM @narendramodi
जब देश ने मुझे सेवा का अवसर दिया, तो मैंने ‘सबका साथ, सबका विकास’ के मंत्र को सरकार का संकल्प बनाया।
— PMO India (@PMOIndia) February 23, 2025
और, ‘सबका साथ, सबका विकास’ के इस संकल्प का भी एक बड़ा आधार है- सबका इलाज, सबको आरोग्य: PM
