নুপীশিংগী ফিবম ফগৎনবা অমসুং শেন-থুমগী খুদোংচাবশিং ফংহন্নবা মহাক্না থাজবা পীখিবগী মতুংইন্না, ঙসি প্রধান মন্ত্রী শ্রী নরেন্দ্র মোদীনা হরিয়ানাগী পানিপত্তা লাইফ ইন্সুরেন্স কোওপরেসন ওফ ইন্দিয়াগী ‘বিমা শখি য়োজনা’ হৌদোকখ্রে। থৌরম অদুদা মহাক্না মহারানা প্রতাপ হোর্তিকলচর য়ুনিভর্সিতি, করনালগী মেন কেম্পসকী উরেপ-উয়ুং তমখ্রে। থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি ঙসি ভারতনা নুপীশিংদা শক্তি পীনবা মাইকৈদা অতোপ্পা অকনবা খোঙথাং অমা থাংজিল্লে। মশিং ৯ অসি ঐখোয়গী অরিবা লাইরিকশিংগী মতুংইন্না অফবনি হায়না খন্নবগা লোয়ননা ঙসি অসি থা অমগী ৯শুবা নুমিৎনি অমসুং নব রাত্রি মনুংদা লাৎনবা নব দুর্গাগী শক্তম ৯ গা মরী লৈনৈ। ঙসি নারী শক্তি ইরাৎপা নুমিৎ অমশুনি।
প্রধান মন্ত্রীনা হায়খি দিশেম্বর ৯ দা, কন্সতিয়েন্ত এশেমব্লিগী অহানবা মীফম পাংথোকখি অমসুং ঙসি লৈবাক অসিনা সংবিধান চৎনবা হৌখিবগী চহি ৭৫ শুবা থৌরম পাংথোকপা মতমদা, নুমিৎ অসিনা ঐখোয়দা থোং মান্নবা অমসুং চাউখৎপগী ইথিল পীরে।
মালেমদা ইথিক্স অমসুং লাইনিংগী লৌশিং পীখিবা অচৌবা লমদম অমনি হায়না হরিয়ানা থাগৎলদুনা, প্রধান মন্ত্রীনা হায়খি হৌজিক কুরুক্ষেত্রদা ইন্তরনেসনেল গীতা জয়েন্তি মহোৎসবশু পাংথোক্লি। মহাক্না গীতাগী লমদম অসিদা ইকায়খুম্নবা উৎখি অমসুং হরিয়ানাগী মীয়ামদা য়াইফ-পাউজেল পীখি। লৈবাক অপুনবগী খুদম অমা ওইরিবা ‘এক হেন তু সেফ হেন’গী লাইৱা শীজিন্নবগীদমক শ্রী মোদীনা হরিয়ানাগী মীয়াম থাগৎপা ফোঙদোকখি।
হরিয়ানাগা মহাক্কা লৈনবা অচেৎপা মরীশিং ফোঙদোক্লদুনা, থংন থংননা অহুমলকশুবা ওইনা সরকার পায়নবা মখোয় খল্লকপগীদমক প্রধান মন্ত্রীনা হরিয়ানাগী মীয়াম থাগৎপা ফোঙদোকখি। মহাক্না হায়খি নৌনা শেম্লবা রাজ্য সরকার অসি শেম্বদা ঙাইবা ওইরবশু মাইকৈ খুদিংমক্তগী থাগৎপা ফোঙদোরক্লি। সরকার শেম্লবা মতুংদা নহারোল লিশিং কয়া শেঞ্জা-থুমজ তৌদনা থবক ফংবা লৈবাক অসিনা উবা ফংলে। লৈবাক অসিগী নুপীশিং থবক পীনবা মহাক্না বিমা শখি য়োজনা হৌদোক্লে অমসুং মসিগীদমক হরাওবা ফোঙদোকচরি।
চহি খরগী মমাংদা পানিপত্তগী বেতি বচাউ, বেতি পরাউ খোঙজং হৌদোকখিবা অদু নিংশিংলদুনা, প্রধান মন্ত্রীনা হায়খি মসিনা হরিয়ানা অমসুং লৈবাক শীনবা থুংনা কান্নবা অমা পীরে। হরিয়ানা খক্তদা, হৌখিবা চহি ১০ দা ইচানুপী লিশিং কয়াগী থৱায়শিং কনবা ঙম্লে। চহি ১০ গী মতুংদা, ইচলশিং অমসুং ইচানুপীশিংগীদমক ঙসি পানিপত্তগী বিমা শখি য়োজনা হৌদোক্লে। পানিপত অসি নুপীশিংগী থৌনাগী খুদম অমা ওইরে। ২০৪৭ ফাওবগী মনুংদা চাউখৎলবা ভারত অমা ওইহন্নবা মাইকৈদা ভারতনা চঙশিল্লিবা অসিগী মতাংদা, প্রধান মন্ত্রীনা হায়খি ১৯৪৭ দগী ঙসি ফাওবদা, কাংলুপ অমসুং লমদম খুদিংমক্কী থৌনানা ভারত মসিগী থাক অসিদা পুখৎলকপনি। অদুবু ২০৪৭ ফাওবগী মনুংদা চাউখৎলবা ভারত অমগী পান্দম ফংনবা ভারতনা থৌনাগী অনৌবা হৌরকফম কয়া দরকার ওইরি। অৱাং-নোংপোক ভারত অসি অসিগুম্বা থৌনাগী হৌরকফম অমনি। নুপীশিংগী সেল্ফ হেল্প গ্রুপশিং, ইন্সুরেন্স সখি, বেঙ্ক শখি, এগ্রিকলচরেল শখিগী মওংদা ভারতকী নারী শক্তি অসি থৌনাগী অতোপ্পা মরুওইবা হৌরকফম ওইরি অমসুং মসিনা চাউখৎলবা ভারতকী ৱারেপকী ইনোৎ হাপকনি।
প্রধান মন্ত্রীনা হায়খি নুপীশিংগী ফিবম ফগৎনবা, মাঙলোমদা চঙশিন্নবা মখোয়দা খুদোংচাবা মরাংকাইনা ফংহনবা অমসুং মখোয়গী লম্বীদা থেংনবা অপনবা খুদিংমক লৌথোকপা য়াম্না মরুওই। নুপীশিংদা শক্তি পীবা মতমদা, লৈবাক অসিগীদমক খুদোংচাবশিংগী অনৌবা থোংশিং হাংদোক্লে। নুপীশিং চঙবা য়ারমদবা থবক কয়া সরকারনা চঙবা য়াহল্লে। ঙসি ভারতকী ইচানুপীশিং লালফমশিংদা শীজিন্নরে। মশিং য়াম্লবা ভারতকী ইচানুপীশিং ফাইত্তর পাইলোতশিং ওইরে, পুলিস ওইরে অমসুং কোর্পোরেত কম্পেনি কয়াগী লুচিংবশিং ওইরে। লৈবাক অসিদা লৌমীশিং অমসুং শা-ষন লোইবশিংগী নুপীশিংনা লমজিংবা প্রদুসর এসোসিএসন নত্ত্রগা কোওপরেতিপ সোসাইতি ১২০০ লৈরি। শান্নবদগী হৌরগা লাইরিক-লাইশু ফাওবগী লমদা হিরম খুদিংমক্ত নুপীশিং মাঙলোমদা চঙশিল্লি। মীরোলবীশিংগী ছুতি চয়োল ২৬ তা হেনগৎহনবদগী ইচানুপী লাখ কয়া কান্নবা ফংলে।
প্রধান মন্ত্রীনা হায়খি চহি কয়া কন্না হোৎনরক্তুনা ঙসি হৌদোকখিবা বিমা শখি য়োজনা অসিগী য়ুম্ফম থোনখিবনি। নিংতম্বা ফংলবা চহি ৬০ গী মতুংদা নুপী অয়াম্বা বেঙ্ক একাউন্ত হাংখিদে অমসুং নুপীশিং বেঙ্ককী থবকশিংদগী লাপ্না লৈখি। জন ধন য়োজনাগী মখাদা নুপী করোর ৩০গগী একাউন্তশিং হাংদোকপা অসিদা চাউথোকচবা ফাওরি। ইমুং অমগী দাইত্ব লৈবা মীওইশিংগী খুৎথাংদা গ্যাসকী সবসিদি য়ৌনবা মহাক্কী সরকারনা নুপীশিংগী জন ধন একাউন্তশিং হাংদোক্লে। কিষান কলয়ান নিধি, সুকনয়া সমরিধি য়োজনা, মশাগী য়ুম ফানবা ফন্দশিং, হোকরশিংগী দুকান হাংদোক্নবা ফন্দশিং,মুদ্রা য়োজনাগুম্বা স্কিমশিংগী শেন ত্রান্সফর তৌবদা জন ধন য়োজনানা মতেং পাংলে। খুঙ্গং খুদিংমক্ত বেঙ্কগী খুদোংচাবশিং ফংহনবদা নুপীশিংনা অচৌবা থৌদাং অমা লৌরি। বেঙ্ক একাউন্তশিং লৈতবা মীওইশিং হৌজিক বেঙ্ক শখি ওইনা খুঞ্জাশিংগা বেঙ্কগা শম্নহল্লে। কমদৌনা বেঙ্ক অমদা শেন তুংশিনগনি, কমদৌনা লোন লৌগনি হায়বা বেঙ্ক শখিশিংনা মীয়ামদা তম্বীবা হৌরে অমসুং ঙসি বেঙ্ক শখি লাখ কয়ানা খুঙ্গংশিংদা থবক কয়া পাংথোক্লে।
প্রধান মন্ত্রীনা হায়খি মমাঙদা ভারতকী নুপী লাখ কয়া ইন্সুরেন্স য়াওখিদে। ঙসিদি নুপী ইন্সুরেন্স এজেন্তশিং নত্ত্রগা বিমা শখি লাখ কয়া শেমগৎনবা খোঙজং হৌরে। হৌজিক নুপীশিংনা ইন্সুরেন্সগুম্বা সেক্তরশিং পাকথোক-চাউথোকনবদা মাংজিল থারগনি। বিমা শখি য়োজনাগী মখাদা নুপী লাখ ২ থবক পীনবা পান্দম থম্লে। ক্লাস তেন পাস তৌরবা নপীশিং ত্রেনিং পীগনি অমসুং বিমা শখি য়োজনাগী মখাদা চহি অহুম শেনগী মতেং পাংগনি। ইন্সুরেন্স সেক্তরগা মরী লৈনবা দেতাগী মতুংইন্না এল.আই.সি এজেন্ত অমনা থা অমদা লুপা লিশিং ১৫ রোম তানবা ঙম্মী। ঐখোয়গী বিমা শখিশিংনা চহি অমদা লুপা লাখ ১.৭৫ হেন্না তান্দুনা ইমুংগী অহেনবা শেন্থোক লৈহল্লগনি। বিমা শখিশিংনা শেন তানবগী মথক্ত, ভারত্ত মীওই খুদিংমক ইন্সরেন্স য়াওহনবা হায়বা অসিনা পান্দম ওইরগনি। মসি সোসিএল সেকুরিতিগী দরকার ওই অমসুং মখোঙদগী হৌনা লায়রবা মুৎথৎনবা মথৌ তাই। বিমা শখিশিংনা মীওই খুদিংমক ইন্সুরেন্স য়াওহন্নবা পান্দম মপাঙ্গল কনখৎহনগনি।
প্রধান মন্ত্রীনা হায়খি লনাই মীওই অমা ইন্সুরেন্স য়াওবদা কান্নবা য়াম্না ফংগনি। সরকারনা প্রধান মন্ত্রী জিবন জয়তি বিমা অমসুং প্রধান মন্ত্রী সুরক্ষা বিমা য়োজনা থবক ওইনা পায়খৎলে। হায়রিবা স্কিমশিং অসিগী মখাদা য়াম্না পীকপা প্রিমিয়ম অমগী মখাদা লুপা লাখ ২গী ইন্সুরেন্স অমা ফংহল্লে। কৈদৌঙৈদা ইন্সুরেন্সকী ৱাখল খল্লমদবা লৈবাক অসিগী মীওই করোর ২০ হেন্না ইন্সুরেন্স য়াওরে। হায়রিবা স্কিম অনি অসিগী মখাদা লুপা করোর লিশিং ২০ রোমগী ক্লেম পীখ্রে। অফবা থবক অমা ওইনা, লৈবাক অসিগী ইমুং কয়াদা সোসিএল সেকুরিতি পীনবা বিমা শখিশিংনা থবক তৌগনি।
হৌখিবা চহি ১০ অসিদা ভারতকী খুঙ্গংগী নুপীশিংগীদমক অওনবা পুরকপা থৌশিল কয়া থবক ওইনা পায়খৎলে। বিমা শখি, বেঙ্ক শখি, কৃষি শখি, পাসু শখি, দ্রোন দিদি, লাখপতি দিদি হায়রিবা মিংথোলশিং অসি তাবদা ইচম চম্বা ঙাক্তনি অদুবু মখোয়না ভারতকী মরাইবক অহোংবা পুরক্লে। মসিনা নুপীশিংগী শক্তি পীরবা অসি য়েংলগা ভারতকী সেল্ফ হেল্প গ্রুপগী খোঙজং অসি পুৱারিদা সনাগী ময়েক্না ইদুনা লৈহৌরগনি। খুঙ্গংগী শেন্মিৎলোন্দা অহোংবা পুরক্নবা সরকারনা সেল্ফ হেল্প গ্রুপশিং অচৌবা পাম্বৈ অমা ওইনা শীজিন্নরে অমসুং হৌখিবা চহি ১০ দা নুপীশিংগী সেল্ফ হেল্প গ্রপশিং মতেং পাংনবা লুপা করোর লাখ ৮ হেন্না থাদখ্রে।
লৈবাক শীনবা থুংনা সেল্ফ হেল্প গ্রুপশিংদা থবক তৌরিবা নুপীশিং থাগৎলদুনা, প্রধান মন্ত্রীনা হায়খি মালেমদা ভারত খ্বাইদগী চাউবা অহুমশুবা ইকোনোমি ওইনবা মখোয়না থবক শুরি। মসিদা খুন্নাই, কাংলুপ অমসুং ইমুং খুদিংগী নুপীশিং শরুক য়ারি অমসুং নুপী খুদিংমক মসিদগী খুদোংচাবশিং ফংলি। সেল্ফ হেল্প গ্রুপকী ইহৌনা খুন্নাই নুংশিননা হিংমিন্নবা অমসুং খুন্নাইগী অচুম্বশু মপাঙ্গল কনখৎহল্লে। সেল্ফ হেল্প গ্রুপশিংনা নুপী অমগী শেন্থোক হেনগৎহনবা খক নত্তনা, ইমুং অমগী অমসুং খুঙ্গং পুম্নমক্কী থাজবা হেনগৎহল্লে। লাখপতি দিদি করোর অহুম শেম্নবা মহাক্না লাল কিলাদগী লাউথোকখি অমসুং হৌজিক ফাওবা লৈবাক শীনবা থুংনা লাখপতি দিদি করোর ১.১৫ হেন্না শেম্লে। হায়রিবা নুপীশিং অসিনা চহি অমদা লুপা লাখ অমা হেন্না তাল্লে। ভারত সরকারগী নমো দ্রোন দিদি য়োজনাদগী লাখপতি দিদি কেম্পেন্না মতেং য়াম্না ফংলে। নমো দ্রোন দিদি স্কিমনা লৌউ-শিংউ অমসুং নুপীশিংগী পুন্সিশিংদা অওনবা পুরক্লে।
প্রধান মন্ত্রীনা হায়খি লৈবাক অসিদা অনৌবা লৌউ অমসুং মহৌশাগী লৌউগী মরমদা মীয়ামদা খঙহন্নবা কৃষি শখি লিশিং কয়া ত্রেনিং পীখ্রে। কৃষি শখি লিশিং ৭০ হেন্না সর্তিফিকেতশিং ফংখ্রে অমসুং হায়রিবা কৃষি শখিশিং অসিনাচহি অমদা লুপা লিশিং ৬০ হেন্না তানবা ঙম্লে। ঙসি পাশু শখি লাখ ১.২৫ হেন্না শা-ষন লোইবগী মরমদা মীয়ামদা খঙহন্নবা খোঙজংগী শরুক অমা ওইরে। মখোয় থবক ফংনবগী পাম্বৈ অমা ওইবা খক নত্তনা মীওইবগী অচৌবা থবক অমা পাংথোক্লে। কৃষি শখিশিংনা তুংগী মীরোলশিংগীদমক মালেম অসি কন্নবা থবক তৌবা খক নত্তনা, মহৌশাগী লৌউগী মতাংদা ৱাখল তাহনদুনা লৈবাক-লৈহাও অমসুং ঐখোয়গী লৌমীশিংগী থবক তৌরি। শা-ষনশিংগী থবক তৌদুনা ঐখোয়গী পাশু শখিশিংনা অফবা থবক অমা পাংথোক্লি।
প্রধান মন্ত্রীনা হায়খি লৈবাক অসিগী ইচলশিং অমসুং ইমাশিংদগী থৌজাল কয়া ফংলে। হৌখিবা চহি ১০ অসিদা মহাক্কী সরকারনা তোইলেত করোর ১২ হেন্না শাদুনা তোইলেত লৈতবা ইমুংশিংগী নুপীশিংগী মতেং পাংলে। হৌখিবা চহি ১০ দা গ্যাসনা চাক থোংদবা নুপীশিংদা গ্যাস কন্নেক্সন করোর কয়া পীখ্রে। নুপীশিংদা তোতি ঈশিং অমসুং পাক্কাগী য়ুমশিং ফংহনখ্রে। বিধান সভা অমসুং লোক সভাদা নুপীশিংগী সিত চাদা ৩৩ খাক্নবা লেজিসলেসন পাস তৌরে। অসিগুম্বা পুকচেল শেংবা থবকশিং পায়খৎলবা মতমদা ইমাশিং অমসুং ইচলশিংগী থৌজাল ফংগনি।
প্রধান মন্ত্রীনা হায়খি কেন্দ্র অমসুং রাজ্য সরকারশিংনা লৌমীশিংগী য়াইফনবা থবক কয়া পায়খৎলি। অহানবা তার্ম অনিদা, হরিয়ানাগী লৌমীশিংনা এম.এস.পি ওইনা লুপা করোর লাখ ১.২৫ হেন্না ফংখ্রে। হরিয়ানাদা অহুমলকশুবা ওইনা সরকার শেম্লবা মতুংদা ফৌ, মিল্লেত অমসুং মুং থাবা লৌমীশিংদা এম.এস.পি ওইনা লুপা করোর লিশিং ১৪ পীখ্রে। ইকংনা শোকহল্লবা লৌমীশিংদা মতেং পাংনবা লুপা করোর ৮০০ হেন্না পীখ্রে। গ্রিন রিভোলুসন্দা হরিয়ানানা মাংজিল থানবা হোৎনবদা চৌধুরি চরন সিংহ য়ুনিভর্সিতিনা অচৌবা থৌদাং অমা লৌখি। হোর্তিকলচরগী লমদা হরিয়ানা লুচিংবা অমা ওইনবা মহারানা প্রতাপ য়ুনিভর্সিতিগী থৌদাং মরুওইগনি। ঙসি মহারানা প্রতাপ য়ুনিভর্সিতিগী মেন কেম্পসকী উরেপ-উয়ুং তম্লে অমসুং মসিনা য়ুনিভর্সিতি অসিদা তম্লিবা নহারোলশিংদা অনৌবা খুদোংচাবশিং পীরগনি।
ৱারোল লোইশিল্লকপদা, প্রধান মন্ত্রীনা হায়খি কেন্দ্র অমসুং রাজ্যদা লৈরিবা সরকারশিংনা মখোয়গী অহুমশুবা তার্মদা শরুক অহুম হেন্না য়াংনা থবক তৌদুনা রাজ্য অসিগী চাউখৎপা খোঙজেল য়াংলগনি। হরিয়ানাদা নুপীশিংনা লৌরিবা থৌদাংনা মখা তানা হেন্না মপাঙ্গল কনগনি হায়বগী থাজবা থম্লি।
থৌরম অদুদা শরুক য়াখিবশিংগী মনুংদা হরিয়ানাগী রাজ্যপাল শ্রী বন্দারু দত্তাত্রেয়া, হরিয়ানাগী চীফ মিনিস্তর শ্রী নায়াব সিংহ সাইনি, ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন, হাওসিং অমসুং অর্বান এফেয়ার্স অমসুং পৱারগী য়ুনিয়ন মিনিস্তর শ্রী মনোহর লাল, কোওপরেসনগী রাজ্য মন্ত্রী শ্রী কৃষ্ণন পাল অমসুং অতোপ্পা শক্নাইরবশিং য়াওখি।
নুঙগীৱারোল
লাইফ ইন্সুরেন্স কোর্পোরেসন ওফ ইন্দিয়া (এল আই সি) গী খোঙথাং অসিনা ক্লাস তেন পাস তৌবা চহি ১৮-৭০গী নুপীশিংদা শক্তি পীনবা পান্দম থম্লি। মখোয়না ফাইনান্সিএল লিতরেসি অমসুং ইন্সুরেন্সকী মতাংদা এৱেরনেস পীনবা অহানবা চহি অহুমগী ওইনা স্পেসিএলাইজ ত্রেনিং অমসুং স্তাইপেন্দ ফংলগনি। ত্রেনিং ফংলবা মতুংদা, মখোয়না এল.আই.সিগী এজেন্ত ওইনা থবক তৌবা য়াই অমসুং গ্রেজুএৎ বীমা সখীনা এল.আই.সিদা দিবেলপমেন্ত ওফিসরগী থৌদাং লৌনবগীদমক ক্বালিফাই ওইবগী খুদোংচাবা ফংগনি। প্রধান মন্ত্রীনা বিমা শখি ওইগদৌরিবা মীওইশিংদা এপোইন্তমেন্ত সর্তিফিকেৎশিংসু য়েন্থোকখ্রে।
মেন কেম্পস অমসুং রিজনেল রিসর্চ স্তেসন তরুক, একর ৪৯৫দা পাক চাউগনি, মসিদা লুপা করোর ৭০০ হেন্না চংগনি। য়ুনিভর্সিতী অসিদা গ্রেজুয়েত অমসুং পোস্ত-গ্রেজুয়েত স্তদিজগীদমক হোর্তিকলচরগী কোলেজ অমা অমসুং হোর্তিকলচরগী দিসিপ্লিন ১০ কোনশিনবা স্কুল মঙা লৈগনি। মসিনা ক্রোপ দাইভর্সিফিকেসন অমসুং হোর্তিকলচরগী তেক্নোলোজীশিং শেমগৎনবা মালেমগী থাক্কী রিসর্চ তৌবদা মতেং পাংগনি।
মেন কেম্পস অমসুং রিজনেল রিসর্চ স্তেসন তরুক, একর ৪৯৫দা পাক চাউগনি, মসিদা লুপা করোর ৭০০ হেন্না চংগনি। য়ুনিভর্সিতী অসিদা গ্রেজুয়েত অমসুং পোস্ত-গ্রেজুয়েত স্তদিজগীদমক হোর্তিকলচরগী কোলেজ অমা অমসুং হোর্তিকলচরগী দিসিপ্লিন ১০ কোনশিনবা স্কুল মঙা লৈগনি। মসিনা ক্রোপ দাইভর্সিফিকেসন অমসুং হোর্তিকলচরগী তেক্নোলোজীশিং শেমগৎনবা মালেমগী থাক্কী রিসর্চ তৌবদা মতেং পাংগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज भारत साल 2047 तक विकसित होने के संकल्प के साथ चल रहा है: PM @narendramodi pic.twitter.com/OavyWvhuY5
— PMO India (@PMOIndia) December 9, 2024
नारी को सशक्त करने के लिए बहुत आवश्यक है कि उन्हें आगे बढ़ने के खूब अवसर मिलें, उनके सामने से हर बाधा हटे: PM @narendramodi pic.twitter.com/98KyMMpSW1
— PMO India (@PMOIndia) December 9, 2024
आज लाखों बेटियों को बीमा एजेंट...बीमा सखी बनाने का अभियान शुरु हो रहा है: PM @narendramodi pic.twitter.com/lgimI3qlEX
— PMO India (@PMOIndia) December 9, 2024
