প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা মহারাস্ত্রদা লুপা করোর 11,200 রোম ওইবা প্রোজেক্ত কয়ামরুম উরেপ-উয়ুং তমখ্রে, শঙ্গাখ্রে অমসুং মীয়ামদা কত্থোকখ্রে।
থৌরম অদুদা ৱা ঙাংলদুনা, প্রধান মন্ত্রীনা পুনেদা মহাক্না নুমিৎ নিনিগী মমাংদা পাংথোক্কদবা থৌরম অমা ৱেদর ফত্তবনা মরম ওইদুনা তোকখিবা অদু নীংশিংখি। ঙসিগী ভর্চুএল থৌরম অসিগীদমক তেক্নোলোজীগী ক্রেদিৎ পীরদুনা মহাক্না হায়খি মদুদি মশক নাইবা মীওইশিংগী ইথিলগী লমদম অসিনা মহারাস্ত্রগী চাউখৎ-থৌরাংগী অনৌবা চেপ্তর অমা উবা ফংলি। শ্রী মোদীনা ঙসি দিস্ত্রিক্ত কোর্তদগী স্বারগেৎ ফাওবগী পুনে মেত্রো সেক্সন শঙ্গাবগী থৌরম অমসুং পুনে মেত্রো ফেজ-1গী স্বারগেৎ-কাত্রাজ এক্সতেন্সনগীদমক উরেপ উয়ুং তম্বগী থৌরম অদু পনখি। মহাক্না ভীদেৱাদাদা ক্রান্তিজ্যোতি সাবিত্রিবাই ফুলেগী অহানবা নুপীমচাশিংগী স্কুলগী মেমোরিএলগী উরেপ উয়ুংসু তমখি অমসুং পুনেদা ইজ ওফ লিভিং হেনগৎহন্নবা খোঙজেল য়াংনা খুমাং চাউশিল্লকপদা নুংঙাইবা ফোংদোকখি।
সহর অসিদা দাইরেক্ত এয়র কন্নেক্তিবিতী লৈহন্নবা সোলাপুর এয়রপোর্তকী উরেপ উয়ুং তম্বগী থৌরম পল্লদুনা প্রধান মন্ত্রীনা হায়খি, "ভগৱান ভিত্থলগী ভক্তশিংনা ঙসি অখন্নবা খুদোল অমা ফংলে।" হৌজিক লৈরিবা এয়রপোর্ত অসি অপগ্রেদেসন তৌবগী থবক লোইরবা মতুংদা তর্মিনেল কেপাসিতী হেনগৎখ্রে অমসুং পেসেঞ্জরশিংগীদমক অনৌবা সর্বিসশিং অমসুং ফেসিলিতীশিং শেমখ্রে মসিনা ভগবান ভিথলগী ভক্তশিংগী খুদোংচাবসু হেনগৎহল্লে হায়না মহাক্না হায়খি। মহাক্না মখা তানা হায়খি মদুদি এয়রপোর্ত অসিনা বিজিনেস, ইন্দস্ত্রী অমসুং তুরিজমদা চাউখৎপদা শাহৌ পীরগনি। ঙসিগী চাউখৎ থৌরাংগী প্রোজেক্তশিং অসিগীদমক মহারাস্ত্রগী মীয়ামদা নুংঙাইবা ফোংদোকখি।
পুনেগুম্বা সহরশিংবু চাউখৎপা অমসুং অর্বান দিবেলপমেন্তগী মফম অমা ওইহনবগী তঙাইফদবা অদু পল্লদুনা প্রধান মন্ত্রীনা হায়খি, “ঙসি মহারাস্ত্রদা অনৌবা ৱারেপশিংগা লোয়ননা অচৌবা পান্দমশিং থম্বা মথৌ তাই”। মহাক্না পুনেগী চাউখৎ-থৌরাং অমসুং মীশিং হেনগৎলকপগী প্রেসরগী মতাংদা পল্লদুনা, প্রধান মন্ত্রীনা হায়খি মদুদি চাউখৎ-থৌরাং অমসুং কেপাসিতী হেনগৎহন্নবা খোঙথাংশিং হৌজিক লৌখৎপা মথৌ তাই। পান্দম অসি ফংনবগীদমক, হৌজিক লৈরিবা রাজ্য সরকার অসিনা পুনেগী পব্লিক ত্রান্সপোর্ত অসি মোদর্নাইজ তৌনবা অমসুং সহর অসি পাকথোক চাউথোক্লকপগা লোয়ননা কন্নেক্তিবিতী হেনগৎহন্নবা থবক পায়খৎলি হায়না প্রধান মন্ত্রীনা ফোংদোকখি।
প্রধান মন্ত্রীনা হায়খি মদুদি পুনে মেত্রোগী মতাংদা খন্ন-নৈনবা অসি 2008দা হৌখিবনি অদুবু মসিগী য়ুম্ফম অসি 2016দা মহাক্কী সরকারনা খোঙজেল য়াংনা ৱারেপ লৌখিবদগী হৌখিবনি। মসিগী মহৈ ওইনা, ঙসিদি পুনে মেত্রো অসি খোঙজেল য়াংখৎলক্লি অমসুং পাকথোক চাউথোক্লি হায়না প্রধান মন্ত্রীনা হায়খি। ঙসিগী প্রোজেক্তশিংগী মতাংদা পল্লদুনা শ্রী মোদীনা হায়খি মদুদি নাকল অমরোমদা দিস্ত্রিক্ত কোর্ত্তগী স্বারগেৎ ফাওবগী পুনে মেত্রো সেক্সন হৌদোক্লে, অদুগা নাকল অমরোমদা স্বারগেৎদগী কাত্রাজ লাইন ফাওবগীদমক উরেপ উয়ুংসু তমখ্রে। মহাক্না চহি অসিগী মার্চ থাদা রুবি হোল ক্লিনিকতগী রামৱাদী ফাওবদা মেত্রো সর্বিস হৌদোকখিবা অদু নীংশিংখি। থুনা ৱারেপ-লৌবা অমসুং অপনবশিং লৌথোকপনা মরম ওইদুনা পুনে মেত্রো পাকথোক চাউথোকহন্নবগীদমক 2016দগী হৌজিক ফাওবদা পায়খৎলিবা থবকশিংবু প্রধান মন্ত্রীনা থাগৎপা ফোংদোকখি। হৌজিক লৈরিবা সরকার অসিনা পুনেদা মেত্রোগী অনৌবা নেৎৱার্ক অমা শেমগৎলে হায়না মহাক্না ফোংদোকখি। মমাংগী সরকারনা চহি 8দা মেত্রোগী স্তোল অমখক্তমক শেমগৎপা ঙমখি।
শ্রী মোদীনা মহারাস্ত্রগী চাউখৎপা পুরক্নবা দিবেলপমেন্ত-দ্রিভন গবর্নান্সকী মরুওইবা অদু পল্লদুনা মহাক্না হায়খি মদুদি মসিগী কন্তিন্যুতী অসিদা অশোয়বা অমহেক্তনা রাজ্য অসিগীদমক অচৌবা মাংজবা অমা ওইহল্লগনি। মহাক্না মেত্রো ইনিসিএতিবশিংদগী হৌরগা মুম্বাই-অহমদাবাদ বুলেৎ ত্রেন অমসুং লৌমীশিংগীদমক মরুওইবা ইরিগেসন প্রোজেক্তশিং, দবল-ইঞ্জিন লৈঙাক অসি লাক্ত্রিঙৈ মমাংদা থিন্থদুনা লৈরমখিবা তোঙান-তোঙানবা পন্দুনা লৈরিবা প্রোজেক্তশিংগী মতাংদা পনখি।
প্রধান মন্ত্রীনা মতমদুগী মুখ্য মন্ত্রী দেবেন্দ্র ফদনবিসকী মতমদা কনসেপ্তচুএলাইজ তৌখিবা ওরিক সিতীগী মরুওইবা শরুক অমা ওইরিবা বিদকিন ইন্দস্ত্রিএল এরিয়াগী মতাংদা পনখি। দিল্লী-মুম্বাই ইন্দস্ত্রীএল কোরিদোরদা লৈবা প্রোজেক্ত অসি খুদোংচাদবা কয়া থেংনখি অদুবু মুখ্য মন্ত্রী একনাথ শিন্দেগী লুচিংবা দবল-ইঞ্জিন সরকারগী লুচিং মখাদা অমুক হন্না হিংগৎহনখি। শ্রী মোদীনা বিদকিন ইন্দস্ত্রীএল নোদ অসি লৈবাক মীয়ামদা কত্থোকপগী থৌরমদা শরুক য়াখি। মসিনা লমদম অসিদা শেল থাদবা অমসুং থবক ফংহন্নবা অচৌবা খুদোংচাবা কয়া লৈ হায়না মহাক্না ফোংদোকখি। “একর 8,000দা বিদকিন ইন্দস্ত্রীএল এরিয়া শেমগৎলকপগা লোয়ননা মহারাস্ত্রদা লুপা করোর লিশিং কয়াগী ইনভেস্তমেন্ত লাক্কনি, মসিনা নহা লিশিং কয়াগীদমক থবক ফংহল্লগনি," হায়না প্রধান মন্ত্রীনা ফোংদোকখি। ইনবেস্তমেন্তকী থোংদা থবক ফংহন্নবা মন্ত্র অসি ঙসি মহারাস্ত্রগী নহারোলশিংগী মরুওইবা পাঙ্গল অমা ওইরক্লি হায়না মহাক্না অকনবা ৱাফম থমখি। শ্রী মোদীনা অমুক হন্না হায়খি মদুদি মোদর্নাইজেসন অসি লৈবাক অসিগী মরুওইবা ভেল্যুশিংদা য়ুম্ফম ওইগদবনি। মহাক্না হায়খি মদুদি ভারতনা মোদর্নাইজেসন অমসুং দিবেলপমেন্ত তৌরগনি অমসুং মসিগী মপুং ওইবা হেরিতেজ অসি মাংলোমদা চংশিল্লগনি। তুংলমচৎকীদমক শেম-শারবা ইনফ্রাস্ত্রকচর অমসুং সেক্সন খুদিংমক্তা চাউখৎ-থৌরাংগী কান্নবা ফংহনবা অনিমক মহারাস্ত্রগীদমক চপ মান্ননা মরু ওই হায়না মহাক্না ফোংদোকখি। খুন্নাইগী শরুক খুদিংমক্না লৈবাক অসিগী চাউখৎ-থৌরাংদা শরুক য়াবা মতমদা মসি তশেংনা ওইথোকপা ঙমগনি হায়না মহাক্না ফোংদোকখি।
খুন্নাইগী অহোংবা পুরকপদা নুপীশিংগী লুচিংবগী মরুওইবা থৌদাং অদু প্রধান মন্ত্রীনা ফোংদোকখি। মহাক্না মহারাস্ত্রগী নুপীশিংদা শক্তি পীনবগী লেগেসী, মরুওইনা অহানবা নুপীগী স্কুল হাংদুনা নুপীশিংগী এজুকেসনগীদমক খোঙজং হৌদোকখিবা সাবিত্রিবাই ফুলেগী থৌনা অদুবু অসি ইকাই খুম্নখি। প্রধান মন্ত্রীনা সাবিত্রিবাই ফুলে মেমোরিএলগীদমক উরেপ উয়ুং তমখি। মসিদা স্কিল দিবেলপমেন্ত সেন্তর, লাইব্রেরী অমসুং অতৈ তঙাই ফদবা ফেসিলিতীশিং য়াওগনি। শ্রী মোদীনা থাজবা থমখি মদুদি মেমোরিএল অসিনা সোসিএল রিফোর্ম মুভমেন্তবু তুং কোইনা ইকায় খুম্নবা উৎকনি অমসুং তুংগী মীরোলশিংদা ইথিল পীরগনি।
ভারত, মরুওইনা মহৈ-মশিং তম্বগী খুদোংচাবা ফংবদা, অমসুং নুপীশিংগীদমক মহৈ-মশিং তম্বগী থোঙ হাংদোকপগীদমক সাবিত্রিবাই ফুলেগুম্বা মীৎয়েং শানবা মীওইশিংবু থাগৎপা ফোংদোকখি। প্রধান মন্ত্রীনা হায়খি মদুদি লৈবাক অসিনা নীংতম্বা ফংলবসু, মমাংগী ৱাখল্লোন অদু মপুং ফানা থাদোক্নবা হোৎনখি। মহাক্না মমাংগী সরকারশিংনা সেক্তর কয়াদা নুপীশিংগী খুদোংচাবা অদু অথিংবা থম্লম্বা অদু পনখি। মহাক্না হায়খি মদুদি স্কুলশিংদা তোইলেৎকুম্বা তঙাই ফদবা ইনফ্রাস্ত্রকচর লৈতবনা নুপীমচাশিংগী স্কুল তোকপগী চাং ৱাংখৎহল্লগনি। শ্রী মোদীনা হায়খি মদুদি হৌজিক লৈরিবা সরকার অসিনা সাইনিক স্কুলশিংদা নুপীশিং এদমিসন তৌবা অমসুং আর্মদ ফোর্সেসতা নুপীশিংগী থৌদাং লৌবা য়াওনা মতমগা চুনদ্রিবা সিস্তেমশিং অদু ত্রান্সফোর্ম তৌখ্রে অমসুং মীরোনবী নুপীশিংনা মখোয়গী থবক তোকপগী ৱাফমসু খন্নখ্রে। প্রধান মন্ত্রীনা স্বচ্ছ ভারত অভিয়ানগী মরুওইবা ইম্পেক্তকী মতাংদা পনখি। মসিগী খ্বাইদগী চাউবা কান্নবা ফংলবশিংদি ওপন দিফিকেসনগী অৱাবা মায়োক্নরিবা অসি নুপী অমসুং ইচানুপীশিংনি হায়না মহাক্না হায়খি। মহাক্না হায়খি মদুদি স্কুলগী সেনিতেসন ফগৎলকপনা নুপীমচাশিংগী স্কুল তোকপগী চাং হন্থহল্লে। শ্রী মোদীনা নুপীশিংগী সেফতীগীদমক অকনবা আইনশিং অমসুং ভারতকী দিমোক্রেসিগী থৌওংশিংদা নুপীশিংনা লুচিংবা ঙমহন্নবা নারী শক্তি বন্দন অধিনিয়মগী মতাংদা পনখি। সেক্তর খুদিংমক্কী থোঙ ঐখোয়গী ইচানুপীশিংগীদমক্তা হাংদোকপা মতমদা, লৈবাক অসিগী চাউখৎপগী অশেংবা থোঙ হাংদোকপা ঙমগনি হায়না শ্রী মোদীনা হায়খি। মহাক্না থাজবা থমখি মদুদি সাবিত্রিবাই ফুলে মেমোরিএলনা ৱারেপশিং অসিদা অমসুং নুপীশিংগী শক্তি লৈহন্নবা কেম্পেন অসিদা অহেনবা ইনর্জী পীগনি।
মহাক্কী ৱারোল লোইশিল্লদুনা, প্রধান মন্ত্রীনা লৈবাক অসিবু চাউখৎপগী মায়কৈদা লমজিংবদা মহারাস্ত্রগী মরুওইবা থৌদাং অদুদা মহাক্কী থাজবা অদু অমুক হন্না ফোংদোকখি অমসুং মহাক্না হায়খি, "ঐখোয়না পুন্না ভিকসিৎ মহারাস্ত্র, ভিকসিৎ ভারত"গী পান্দম অসি ফংলগনি”।
মহারাস্ত্রগী রাজ্যপাল শ্রী সি.পি. রাধাকৃষ্ণন, মহারাস্ত্রগী মুখ্য মন্ত্রী শ্রী একনাথ শিন্দে, মহারাস্ত্রগী উপ মুখ্য মন্ত্রীশিং শ্রী দেবেন্দ্র ফদনবিস অমসুং শ্রী অজিৎ পৱার অমসুং অতোপ্পা মকোক থোংবা মীওইশিংসু থৌরম অদুদা শরুক য়াখি।
বেকগ্রাউন্দ
প্রধান মন্ত্রীনা পুনে মেত্রো রেল প্রোজেক(ফেজ-1) লোইশিল্লকপা ওইনা দিস্ত্রিক কোর্ত্তগী স্বারগেৎ ফাওবগী পুনে মেত্রো সেক্সন শঙ্গাখ্রে। দিস্ত্রিক কোর্ত্তগী স্বারগেৎ ফাওবগী লৈনুংগী শরুক অসি লুপা করোর 1,810 রোম চংনা শেমগৎপনি। মখা তানা, লুপা করোর 2,955 রোম চংনা পুনে মেত্রো ফেজ-1গী স্বারগেৎ-কাত্রাজ এক্সতেন্সনগী প্রধান মন্ত্রীনা উরেপ-উয়ুং তমখ্রে। খা-থংবা মাইকৈদা শেম্লিবা রুত অসি চাউরাক্না কিমি 5.46 রোম লৈনুংদা ওইগনি অমসুং মসিদা স্তেসন অহুম হায়বদি মার্কেত য়ার্দ, পাদ্মবতি অমসুং কাত্রাজ লৈগনি।
মহারাস্ত্রগী ছত্রপতি শম্বাজিনগরদগী খাদা কিমি 20 রোম থাপ্না, ভারত সরকারগী নেসনেল ইন্দস্ত্রিএল কোরিদোর দিবলপমেন্ত প্রোগ্রামগী মখাদা একর 7.855 পাক-চাউবা লম অমদা শেমগৎপা বিদকিন ইন্দস্ত্রিল এরিয়া প্রধান মন্ত্রীনা লৈবাক মীয়ামদা কতথোকখ্রে। দিল্লি মুম্বাই ইন্দস্ত্রিএল কোরিদোরগী মখাদা শেমগৎপা প্রোজেক অসিনা মরাথৱারা লমদমদা অচৌবা শেন-থুমগী মফম অমা ওইরগনি। তাঙ্কক অহুম থোক্নবা শেমগৎনবা অপুনবা শেনফম লুপা করোর 6,400 হেনবগী প্রোজেক অসি ভারত সরকারনা অয়াবা পীখ্রে।
প্রধান মন্ত্রীনা সোলাপুর এয়রপোর্ত শঙ্গাগনি অমসুং মসিনা সোলাপুরদা লমকোয়বা মীওইশিং ললোনবশিং অমসুং শেন থাদবা মীওইশিং চৎথোক-চৎশিনগী খুদোংচাবা হেন্না ফগৎহল্লগনি। সোলারপুগী হৌজিক লৈরিবা তর্মিনেল অসি অমুক হন্না শেমগৎপদগী চহি অমদা পেসেঞ্জর লাখ 4.1 রোম চৎথো-চৎশিন তৌবা ঙমহল্লগনি।
Click here to read full text speech
पुणे शहर में Ease of Living बढ़ाने का हमारा जो सपना है, मुझे खुशी है कि हम उस दिशा में तेज गति से आगे बढ़ रहे हैं: PM @narendramodi pic.twitter.com/CjvIApFHyo
— PMO India (@PMOIndia) September 29, 2024
आज भगवान विट्ठल के आशीर्वाद से उनके भक्तों को भी स्नेह उपहार मिला है।
— PMO India (@PMOIndia) September 29, 2024
सोलापुर को सीधे एयर-कनेक्टिविटी से जोड़ने के लिए एयरपोर्ट को अपग्रेड करने का काम पूरा कर लिया गया है: PM @narendramodi pic.twitter.com/eB7SxwgGB3
भारत आधुनिक हो... भारत का modernisation भी हो... लेकिन हमारे मूलभूत मूल्यों के आधार पर हो: PM @narendramodi pic.twitter.com/GnTTE6T7B7
— PMO India (@PMOIndia) September 29, 2024
सावित्रीबाई फुले जैसी विभूतियों ने बेटियों के लिए बंद शिक्षा के दरवाजों को खोला: PM @narendramodi pic.twitter.com/8207xK7L7b
— PMO India (@PMOIndia) September 29, 2024
