প্রধান মন্ত্রী শ্রী নরেন্দ্র মোদীনা কেরলমগী চাউখৎ-থৌরাং য়াঙখৎহন্নবা কেরলমগী অৱাংবা থাক্কী প্রোজেক্ত কয়া হৌদোক্নবগীদমক ঙসি কোচিদা চৎখ্রে। ইনভেস্তমেন্তকী পাক চাউবা অদু পল্লদুনা, প্রধান মন্ত্রীনা চাউরাক্না লুপা করোর ১১,০০০গী ইনিসিয়েতিবশিংগী উরেপ উয়ুং তমখি, মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি কোচিদা লাকপা অসি মতম পুম্নমক্তা য়াম্না নুংঙাইবা থৌরম অমা ওই। মহাক্না হায়খি, “প্রোজেক্তশিং অসিগীদমক ঐহাক্না কেরলমগী মীয়ামদা থম্মোয় শেংনা নুংঙাইবা ফোংদোকচরি।“
প্রধান মন্ত্রীনা হায়খি মদুদি ঙসি কোচি রিফাইনরীদা পোলিপ্রোপাইলিন য়ুনিৎকী উরেপ উয়ুং তম্বগী পান্দম অসি পেত্রোলিয়ম সেক্তরবু মপাঙ্গল কনখৎহন্নবনি। য়ুনিৎ অসিনা পেকেজিং, তেক্সতাইল অমসুং মেদিকেল দিভাইস ইন্দস্ত্রীশিং মতেং পাংনবা চহিগী ওইনা তন লাখ মরিগী পোত্থোক পুথোকপা ঙমগনি হায়না পানরি। ফেসিলিতী অসিগী স্ত্রেতেজিক ওইবা মরুওইবা অদু পল্লদুনা, শ্রী মোদীনা হায়খি, “আত্মনির্ভর ভারত অমা শেমগৎনবা, ‘মেক ইন ইন্দিয়া’গীদমক, পেত্রোলিয়ম সেক্তর পাকথোক চাউথোকহনবা অসি তঙাইফদে।“
মালেমগী মেনুফেকচরিং অমসুং তেক্নোলোজী হাব অমা ওইনা ভারতকী থাক অদু মপাঙ্গল কনখৎহন্নবা খোঙথাং অমদা, প্রধান মন্ত্রীনা এ.আই. অমসুং সেমিকন্দক্তরশিংদা লৈবাক্কী খুমাং চাওশিল্লকপা অসি সস্তেনেবল ইনর্জীগী হেনগৎলক্লিবা দিমান্দগা মরী লৈনহনখি। শ্রী মোদীনা হায়খি, কেরলামনা সোলর পাৱর জেনরেসনগী লমদা খুমাং চাউশিলহন্নবা পান্দম থমদুনা, ঙসি ৱেস্ত কালদাদা মেগাৱাৎ ৫০গী ফ্লোতিং সোলর প্রোজেক্ত অমগী উরেপ উয়ুং তম্বগী থৌরম পাংথোকখ্রে। শ্রী মোদীনা হায়খি মদুদি কেরলমদা ঈশিং মরাং কায়না লৈবনা, রাজ্য অসিদা ফ্লোতিং সোলর পাৱরগী লমদা অচৌবা পোতেন্সিএল লৈ। গ্রীনর ওইবা তুংলমচৎকী মায়কৈদা অহোংবা পুরকপগী মতাংদা পল্লদুনা শ্রী মোদীনা হায়খি, “সোলর পাৱর জেনরেসনদা কেরলামনা হেন্না মাংলোমদা চংশিনবা অসি ঐখোয়গী হোৎনবনি।“
প্রধান মন্ত্রীনা অমৃত ভারত স্তেসন স্কিম অমসুং রেলৱেজ ইলেক্ত্রিফিকেসনগী খুত্থাংদা রিজনেল কনেক্তিবিতীদা চাউনা খুমাং চাউশিল্লকপগী মতাংদসু খংহনখি। শোরানুর জঙ্কসন, কুত্টিপুরম অমসুং চাংগানাসরীদা অনৌবা পলক্কদ-পোলাচী ত্রেন সর্বিসকা লোয়ননা মোদর্নাইজেসনগী থবকশিং পায়খৎপনা কেরলা অমসুং তামিল নাদুগী মীয়ামগী ত্রেভেল এক্সপরিয়েন্সদা অহোংবা পুরক্লগনি। নেস্নেল বজেৎনা লোকেল গ্রোথতা পীরিবা ইম্পেক্ত অদু পল্লদুনা শ্রী মোদীনা হায়খি, “ঙসি মালেম অসিনা ভারতপু মোদর্ন ইনফ্রাস্ত্রকচরদা ইনবেস্তমেন্ত তৌবগীদমক থাগৎলি।“
লম্বীগী ইনফ্রাস্ত্রকচরগী মতাংদা, প্রধান মন্ত্রীনা হায়খি মদুদি কোঝিকোদে বাইপাস য়াওনা অনৌবা লেন তরুক্কী প্রোজেক্তশিং অমসুং অঝিক্কল পোর্ততা হেন্না ফবা কনেক্তিবিতীনা মতৌ করম্না চৎথোক-চৎশিন তৌবদা চংবা মতম অমসুং লম্বীগী শাংবা হন্থহল্লগনি। প্রোজেক্তশিং অসিনা কেরলমগী লৌমীশিংদা কান্নবা পীগনি। মসিনা তুরিজম অমসুং অতৈ ইন্দস্ত্রীশিংদা ইনোৎ পীরগনি হায়না শ্রী মোদীনা হায়খি।
ইনফ্রাস্ত্রকচরদা থাদরিবা শেল খুদিংমক্না নহারোলশিংগীদমক পাক-শন্না থবক ফংহন্নবা কেতালাইজর অমা ওইগনি হায়না মহাক্কী ৱারোল লোইশিল্লদুনা প্রধান মন্ত্রীনা অমুক হন্না হায়খি। শ্রী মোদীনা মল্তি-সেক্তোরেল প্রোজেক্তশিং অসি রাজ্য অসিগী চাউখৎপা তুংলমচৎকীদমক তঙাই ফদবা বিল্দিং ব্লোকশিংনি হায়না মহাক্কী থাজবা ফোংদোকখি। লমদম অসিগী চাউখৎ-থৌরাংগীদমক মহাক্কী অচেৎপা ফিরেপ অদু অমুক হন্না ফোংদোক্লদুনা শ্রী মোদীনা মখা তাখি, “মহাক্না থাজবা থম্লি মদুদি প্রোজেক্তশিং অসিনা ‘ভিক্সিত কেরলম’গীদমক ঐখোয়গী ৱারেপ অদু মপুং ফাহন্নবদা মরুওইবা থৌদাং অমা লৌগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आत्मनिर्भर भारत बनाने के लिए, मेक इन इंडिया के लिए पेट्रोलियम सेक्टर का विस्तार बहुत आवश्यक है।
— PMO India (@PMOIndia) March 11, 2026
आज कोच्चि रिफाइनरी में पॉली-प्रोपाइलीन यूनिट के शिलान्यास के पीछे भी यही लक्ष्य है: PM @narendramodi
आज दुनिया आधुनिक इंफ्रास्ट्रक्चर पर हो रहे निवेश के लिए भारत की प्रशंसा करती है।
— PMO India (@PMOIndia) March 11, 2026
इस वर्ष जो केंद्र सरकार का बजट आया है... उसमें भी इंफ्रास्ट्रक्चर के लिए रिकॉर्ड फंड रखा गया है।
इंफ्रास्ट्रक्चर पर हो रहे इस निवेश का बहुत अधिक फायदा केरलम् को मिल रहा है: PM @narendramodi
