প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা গুজরাতকী ভালসাদ জিলাদা শ্রীমদ রাজচন্দ্র মিসন, ধরমপুরগী তোঙান-তোঙানবা প্রোজেকশিং শঙ্গাখ্রে অমসুং উরেপ-উয়ুং তমখ্রে। থৌরম অদুদা শরুক য়াখিবা মীওইশিংগী মনুংদা গুজরাতকী চীফ মিনিস্তর শ্রী ভুপেন্দ্রভাই পতেল য়াওখি।
মীয়ামদা ৱা ঙাংবদা, প্রধান মন্ত্রীনা হায়খি হোস্পিতাল প্রোজেকশিং অসিনা নুপীশিং অমসুং খুন্নাইগী লায়রবা কাংলুপশিংগী অফবা থবক কয়া পাংথোক্লগনি। শ্রীমদ রাজচন্দ্র মিসনগী মীয়ামগী য়াইফনবা থবক তৌবগী ৱাখল্লোন অদু মহাক্না থাগৎখি।
মিসন অসিগা মহাক্কা মতম শাংনা লোইনরকপগী থৌদোকশিং নিংশিংলদুনা মখোয়গী শিংথানিংঙাই ওইরবা থবকশিং প্রধান মন্ত্রীনা থাগৎলদুনা হায়খি ঙসিগী অজাদি কা অমৃত মহোৎসবকী মতম অসিদা মসিগী থৌদাং পাংথোকপগী থৌনা অসি তঙাইফদবনি। গুজরাতকী খুঙ্গংদা অনা-লায়য়েংগী লমদা পুজয়া গুরুদেবগী লমজিং মখাদা শ্রীমদ রাজচন্দ্র মিসন্না শিংথানিংঙাই ওইরবা থবকশিং পাংথোকপদা প্রধান মন্ত্রীনা হরাওবা ফোঙদোকখি। মহাক্না হায়খি অনৌবা হোস্পিতাল অসিনা লায়রবশিংগী য়াইফনবা মিসনগী পান্দম অদু মপাঙ্গল কনখৎহল্লে। মসিগী হোস্পিতাল অমসুং রিছার্স সেন্তর অসিনা মীওই খুদিংমক্তা মমল হোংবা অফবা হকশেলগী খুদোংচাবশিং ফংহনগনি। মসিনা ‘অমৃত কাল’দা মশা-মউ ফবা ভারতকী অমগী পান্দম অদু ফংনবা থৌনা হাপ্লগনি।
প্রধান মন্ত্রীনা অমুক হন্না হায়খি, অজাদি কা অমৃত মহোৎসব অসিদা, ভারত মীনাই ওইরম্বদগী কোকহন্নবা হোৎনখিবা, লৈবাক অসিগী মচাশিং লৈবাক অসিনা নিংশিংলি। মখোয়না পাংথোকখিবা অচৌবা থবকশিংনা লৈবাক অসিগী পুৱারিগী শরুক অমা ওইখিবা মীওইশিংগী মনুংদা শ্রীমদ রাজচন্দ্র জি অমনি। মহাত্মা গান্ধীনা শ্রীমদ রাজচন্দ্রজি ইকায়খুম্নবা উৎখিবা অদু প্রধান মন্ত্রীনা পাউদমখি। শ্রীমদকী থবকশিং মখা চৎথবগীদমক মহাক্না শ্রী রাকেস জি থাগৎপা ফোঙদোখি।
প্রধান মন্ত্রীনা হায়খি নুপীশিং, ত্রাইবেল, শোৎথরবা কাংলুপশিং শক্তি পীনবা মখোয়গী পুন্সি কয়া কৎথোক্লিবা অসিগুম্বা মীওইশিংনা লৈবাক অসিগী অচুম্বা ৱাখল্লোন হিংহন্দুনা থম্লি। সেন্তর ফোর এক্সলেন্স ফোর ৱুমেন লিংখৎনবা থবক অসি অচৌবা খোঙথাং অমনি হায়না পল্লদুনা প্রধান মন্ত্রীনা হায়খি লাইরিক-লাইশু অমসুং স্কিলশিং তম্বীদুনা নুপীমচাশিং শক্তি পীনবা শ্রীমদ রাজচন্দ্র জিনা কন্না হোৎনখি। চহি য়াম্না নৌরিঙৈদগী হৌনা নুপীশিং শক্তি পীনবা শ্রীমদনা অকনবা ৱাফম ফোঙদোকখি। অজাদি কা অমৃত মহোৎসব অসিদা লৈবাক অসিদা নুপীগী থৌনা অসি জাতিগী থৌনা ওইনা মাঙলোমদা পুখৎলকপা অসি ঐখোয় পুম্নমক্কী থৌদাংনি।
প্রধান মন্ত্রীনা হায়খি মখোয় মাঙলোমদা চংশিনবদা অপনবা পীরিবা, ইচলশিং অমসুং ইচানুপীশিংনা মায়োক্নরিবা অৱাবা খুদিংমক কোকহন্নবা কেন্দ্র সরকারনা হোৎনরি। ঙসি ভারতনা পায়খৎলিবা হকশেলগী থৌশিল অসিদা ঐখোয়গী অকোয়বদা লৈরিবা থৱায় পানবা খুদিংমক য়াওহল্লি। মীওইবশিংগী খক নত্তনা শা-ষনশিংগীশু য়াওনা লৈবাক শীনবা থুংনা তিকা থাবগী খোঙজং অমা ভারতনা পায়খৎলি।
প্রোজেক্কী মতাংদা
ভালসাদকী ধরমপুরদা শারিবা শ্রীমদ রাজচন্দ্র হোস্পিতালগী শেনফম চাউরাক্না লুপা কোতি ২০০ রোম্নি। অফবা মখলগী অনা-লায়য়েংগী মচাক-মথুমশিং লৈগদবা ফমুং ২৫০গী মল্তিস্পিসিএলিতি হোস্পিতাল অসিনা খা থংবা গুজরাত লমদমদা লৈরিবা মীয়ামদা মালেম থাক্কী অৱাংবা থাক্কী অনা-লায়য়েংগী খুদোংচাবশিং ফংহনগনি।
ফমুং ১৫০গী শ্রীমদ রাজচন্দ্র এনিমেল হোস্পিতাল অসি চাউরাক্না লুপা কোতি ৭০ চংনা শাগদবনি। মসিদা অৱাংবা থাক্কী খুদোংচাবশিং অমসুং কৎথোক্লবা ভেতেরিনারি দোক্তরশিং অমসুং এন্সিলারি স্তাফ কাংবু অমা লৈগনি। হোস্পিতাল অসিদা শা-ষনশিং লায়য়েংনবা অমসুং মশা-মউ ফনা থম্নবা অফবা লায়য়েংগী খুদোংচাবা ফংগনি।
শ্রীমদ রাজচন্দ্র সেন্তর ওফ এক্সলেন্স ফোর ৱুমেন অসি লুপা কোতি ৪০ চংনা শাগদবনি। সেন্তর অসিদা পোথাফম, মশা-মরোমদোম ফগৎনবা সেসনশিংগী ক্লাসরুমশিং অমসুং শান্নফমশিং লৈগনি। মসিনা ত্রাইবেল নুপী ৭০০ হেন্না থবক পীগনি অমসুং তুংদা মীওই লিশিং কয়া হিংনবা লম্বী পীগনি।
मुझे हमेशा बहुत खुशी होती है कि पूज्य गुरुदेव के नेतृत्व में श्रीमद् राजचंद्र मिशन, गुजरात में ग्रामीण आरोग्य के क्षेत्र में प्रशंसनीय कार्य कर रहा है: PM @narendramodi
— PMO India (@PMOIndia) August 4, 2022
आज़ादी के अमृत महोत्सव में देश अपनी उन संतानों को याद कर रहा है, जिन्होंने भारत को गुलामी से बाहर निकालने के लिए प्रयास किए।
— PMO India (@PMOIndia) August 4, 2022
श्रीमद् राजचंद्र जी ऐसे ही संत थे जिनका एक विराट योगदान इस देश के इतिहास में है: PM @narendramodi
श्रीमद् राजचंद्र जी तो शिक्षा और कौशल से बेटियों के सशक्तिकरण के बहुत आग्रही थे।
— PMO India (@PMOIndia) August 4, 2022
उन्होंने बहुत कम आयु में ही महिला सशक्तिकरण पर गंभीरता से अपनी बातें रखीं: PM @narendramodi
देश की नारीशक्ति को आज़ादी के अमृतकाल में राष्ट्रशक्ति के रूप में सामने लाना हम सभी का दायित्व है।
— PMO India (@PMOIndia) August 4, 2022
केंद्र सरकार आज बहनों-बेटियों के सामने आने वाली हर उस अड़चन को दूर करने में जुटी है, जो उसे आगे बढ़ने से रोकती है: PM @narendramodi
आज भारत स्वास्थ्य की जिस नीति पर चल रहा है उसमें हमारे आसपास के हर जीव के आरोग्य की चिंता है।
— PMO India (@PMOIndia) August 4, 2022
भारत मनुष्य-मात्र की रक्षा करने वाले टीकों के साथ ही पशुओं के लिए भी राष्ट्रव्यापी टीकाकरण अभियान चला रहा है: PM @narendramodi
