Releases 16th installment amount of about Rs 21,000 crores under PM-KISAN; and 2nd and 3rd installments of about Rs 3800 crore under ‘Namo Shetkari MahaSanman Nidhi’
Disburses Rs 825 crore of revolving fund to 5.5 lakh women SHGs across Maharashtra
Initiates distribution of 1 crore Ayushman cards across Maharashtra
Launches the Modi Awaas Gharkul Yojana
Inaugurates statue of Pandit Deendayal Upadhyay in Yavatmal city
Dedicates multiple road, rail and irrigation projects
“We take inspiration from Chhatrapati Shivaji”
“I have resolved to make every corner of India Viksit. Every particle of my body and every moment of my life is devoted to this resolution”
“Everything done in the last 10 years lays the foundations for the next 25 years”
“The poor are getting their deserved share today”
“Strengthening of the rural economy is imperative to the creation of Viksit Bharat”
“Pandit Deendayal Upadhyay is the inspiration figure of Antyodaya. His entire life was

প্রধান মন্ত্রী শ্রী নরেন্দ্র মোদীনা ঙসি মহারাস্ত্রাগী য়বতমালদা রেল, লম্বী অমসুং ইথৈগা মরী লৈনবা লুপা করোর ৪,৯০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং লৈবাক মীয়ামদা কৎথোকখ্রে। থৌরম অদুদা মহাক্না পি.এম কিষান অমসুং অতোপ্পা স্কিমশিংগী কান্নবশিংশু য়েন্থোকখি। প্রধান মন্ত্রীনা মহারাস্ত্রা শীনবা থুংনা অয়ুস্মান কার্দ করোর ১ য়েন্থোকপা হৌদোকখ্রে অমসুং ও.বি.সি কাংলুপকী বেনিফিসরিশিংগীদমক মোদী অৱাস ঘরকুল য়োজনা হৌদোকখ্রে। মহাক্না ত্রেন অসি লমথাখ্রে। প্রধান মন্ত্রীনা য়বতমাল সহরদা পন্দিৎ দীনদয়াল উপাধ্যায়গী মীতম অমা মাইখুম হাংদোকখ্রে। লৈবাক শীনবা থুংবগী মশিং য়াম্লবা লৌমীশিং থৌরম অসিদা শরুক য়াখি। 

তিনখিবা মীয়ামদা ৱা ঙাংবদা,  প্রধান মন্ত্রীনা ছত্রপতি সিবাজীগী লমদমদা কোক নোনখি অমসুং লমদম অসিগী মপারি বাবা অম্বেদকারগী মফমদা ইকায়খূম্নবা উৎখি। মহাক্না ২০১৪ দা ‘চাই পে চার্চা’গীদমক লাকপদা মীয়াম্না উৎখিবা থৌজালশিং অদু প্রধান মন্ত্রীনা নিংশিংখি। মহাক্না অমুক হন্না মীয়ামদগী বর নিখি। ইমাশিং অমসুং ইচলশিংনা থৌজাল পীবগীদমক মহাক্না তৌবীমল খঙবা উৎচরি।

 

ছত্রপতি সিবাজীনা পানখিবা চহি ৩৫০ মপুংফাখিবা পল্লদুনা, মহাক্না ফম্বাল তোংখিবা অদু প্রধান মন্ত্রীনা নিংশিংখি। প্রধান মন্ত্রীনা হায়খি লৈবাক্কী অপুনবা ৱাখল্লোন অমসুং মপাঙ্গলগীদমক মহাক্না মরুওইনা হোৎনখি অমসুং মসিগীদমক মহাক্কী পুন্সিগী অরোইবা তাঙ্কক ফাওবা থবক তৌখি। হৌজিক্কী সরকার অসিনা মহাক্কী ফিদমশিং ঙাক্লি অমসুং মীয়ামগী পুন্সিদা অওনবা পুরক্নবা মিসন অমদা থবক তৌরি। হৌখিবা চহি ১০দা পাংথোকখিবা থবক খুদিংমক্না মথং চহি ২৫গী য়ুম্ফম থোল্লে। মফম খুদিং বিকসিত ভারত ওইহন্নবা ঐনা ৱাশক লৌরে। ঐগী হকচাংগী শরুক খুদিংমক অমসুং ঐগী পুন্সিগী মিকুপ খুদিং মসিগী ৱাশক অসিগীদমক কৎথোক্লে।

প্রধান মন্ত্রীনা হায়খি সরকার অসিনা লায়রবা, নহারোল, নুপীশিং অমসুং লৌমীশিং মরুওইনা লৌরি। মরি অসিদা শক্তি পীবনা ইমুং খুদিংমক অমসুং খুন্নাই শীনবা থুংনা মপাঙ্গল কনগনি। ঙসিগী প্রোজেকশিং অসি মখোয় মরিদা শক্তি পীনবা ঙাক্তনি। লৌমীশিংগী ইথৈগী খুদোংচাবশিং, লায়রগী পাক্কাগী য়ূম, খুঙ্গংগী নুপীশিংগী শেন্থং অমসুং নহারোলশিংগী তুংগীদমক ইনফ্রাস্ত্রকচর য়াওরে।

মমাঙগী সরকারশিংগী মতমদা লৌমীশিং, ত্রাইবেলশিং অমসুং লায়রবশিংদা শেন্থং পীবদা খপহৌবগী থৌদোক্তা নুংঙাইতবা ফোঙদোক্লদুনা, প্রধান মন্ত্রীনা হায়খি ঙসি বত্তম অমা হেক নম্বদা পি.এম কিষান সম্মান নিধিগী লুপা করোর ২১,০০০ হেনবগী শেনফম য়েন্থোকখ্রে। মসি মোদী কি গরেন্তিগী খুদম অমনি। ঙসি লায়রবশিং মখোয়গী ফংফম থোকপা চাকথুং ফংলে।

 

মহারাস্ত্রাদা দবল ইঞ্জিন সরকারগী দবল গরেন্তিগী ৱাফম পল্লদুনা, প্রধান মন্ত্রীনা হায়খি মহারাস্ত্রা শীনবা থুংবগী লৌমী লাখ ৮৮রোমগী লুপা করোর ৩৮০০ গী শেনফম মহারাস্ত্রাগী লৌমীশিংনা তোখায়না ফংলে। পি.এম কিষান সম্মান নিধিগী মখাদা লৈবাক অসিগী লৌমী করোর ১১না লুপা করোর লাখ ৩ ফংলে। মসিগী মনুংদা মহারাস্ত্রাগী লৌমীশিংনা লুপা করোর ৩০,০০০ অমসুং য়বতমালগী লৌমীশিংনা মখোয়গী একাউন্তশিংদা লুপা করোর ৯০০ ফংলে। চুগী এফ.আর.পি কুইন্তল অমদা লুপা ৩৪০দা হেনগৎলে। কৈ শানবা মালেমদা খ্বাইদগী চাউবা স্কিম হন্দক ভারত মন্দপামদা হৌদোকখ্রে।

প্রধান মন্ত্রীনা হায়খি খুঙ্গংগী শেন্মিৎলোন ফগৎহনবা হায়বসি বিকসিত ভারত অমা শেম্নবা য়াম্না মরুওই। মখোয়দা শেন্থং পীদুনা খুঙ্গংদা লৈরিবা ইমুংশিংনা থেংনরিবা অৱাবশিং কোকহন্নবা সরকারনা থবক পায়ৎলে। মমাঙগী সরকারশিংগী মতমদা খুঙ্গংশিংদা ইকংগুম্বা ফিবমশিং থেংনদুনা থক্নবা নত্ত্রগা লৌ উনবা ঈশিং ফংখিদে। ২০১৪গী মমাঙদা ইমুং ১০০গী মনুংদা ইমুং ১৫ খক তোতি ঈশিং ফংখি। মীরাইবীরবা ইমুংশিং অয়াম্বা লায়রবা, দিলিতশিং অমসুং ত্রাইবেল ফুরুপশিংনি। ঈশিং তাংবদগী নুপীশিং খুদোংচাদবা কয়া মায়োক্নখি অমসুং মোদীনা ‘হর ঘর জল’গী গরেন্তি পীদুনা চহি ৪-৫গী মনুংদা ইমুং ১০০গী মনুংদা ইমুং ৭৫ তোতি ঈশিং ফংলে। মহারাস্ত্রাগী ওইনা তোতি ঈশিং ফংবা লাখ ৫০ ওইরম্বদগী হৌজিক করোর ১.২৫ য়ৌরে। মোদী কি গরেন্তি হায়বগী ৱাহন্থোক্তি থাজবশিং থবক ওইনা পাংথোকপগী গরেন্তি হায়বনি।

মতম কয়াগী মমাংদগী পন্দুনা লৈরক্লবা ইরিগেসন প্রোজেক ১০০গী মরমদা পল্লদুনা প্রধান মন্ত্রীনা হায়খি হৌখিবা চহি ১০দা হায়রিবা প্রোজেকশিংগী মনুংদা প্রোজেক ৬০ লোইশিনখ্রে। মহারাস্ত্রাগী ওইনা অসিগুম্বা প্রোজেক ২৬ পন্দুনা লৈরি। মখোয়গী ইমুংশিংনা ৱাবগী মরমশিং বিদরভাগী লৌমীশিংনা খঙগদবনি। হায়রিবা প্রোজেক ২৬ অসিগী মনুংদা ১২ সরকার অসিনা লোইশিল্লে অমসুং অতোপ্পা প্রোজেকশিংগীশু থবক পায়খৎলি। চহি ৫০গী মতুংদা নিলৱান্দে ধাম পরিয়োজনা লোইশিল্লে অমসুং কৃষ্ণ কোয়না অমসুং তেমভু প্রোজেকশিং অমসুং গোসিখুর্দ প্রোজেকশু চহি কয়া পন্দুনা লৈরক্লবা মতুংদা মঙাল উবা ফংলে। পি.এম কৃষি সিঞ্চাই অমসুং বালিরাজা সঞ্জিবিনি স্কিমগী মখাদা ঙসি বিদরভা অমসুং মরাথৱারাদা প্রোজেক ৫১ কৎথোক্লে।

 

খুঙ্গংশিংদা লাখপতি দিদি কয়া শেমগৎনবা মোদীগী গরেন্তিগী মতাং পল্লদুনা, প্রধান মন্ত্রীনা হায়খি নুপী করোর ১গী পান্দম হান্ননা ফংখ্রে অমসুং চহি অসিগী বজেত্তা লাখপতি দিদি করোর ৩ য়ৌহন্নবা পান্দম থম্লি। হেল্ফ-হেল্প গ্রপশিংদা থবক তৌরিবা নুপী করোর ১০ হেনবদা বেঙ্কতগী লুপা করোর লাখ ৮গী শেন্থং পীখ্রে অমসুং মহারাস্ত্রাগী নুপী লাখ কয়াদা কেন্দ্র সরকারনা লুপা করোর ৪০,০০০গী অখন্নবা ফন্দ অমা পীরে।

 

প্রধান মন্ত্রীনা হায়খি য়বতমালদা নুপীশিংদা ই-রিক্সোশিং য়েন্থোকখ্রে। থবক অসিগীদমদক মহারাস্ত্রাগী সরকার থাগৎচরি। নুপীশিং দ্রোন পাইলোতশিং ওইনা ত্রেনিং পীনবা সরকারনা নমো দ্রোন দিদি স্কিম পায়খৎলে অমসুং লৌউ-শিংউদা শীজিন্ননবা দ্রোনশিং পীরগনি।

 

ঙসি প্রধান মন্ত্রীনা য়বতমাল সহরদা পন্দিৎ দীনদয়াল উপাধ্যায়গী মীতম অমা মাইখুম হাংদোকখি। প্রধান মন্ত্রীনা হায়খি পন্দিৎ দীনদয়াল উপাধ্যায় এন্তয়োদয়াগী ইথিল পীবা শক্তমনি। মহাক্কী পুন্সি চুপ্পা লায়রবশিংগীদমক কৎথোকখি। হৌখিবা চহি ১০দা লায়রবশিংগীদমক কৎথোক্লবা প্রোজেক কয়া পায়খৎলে। লেম্না চেঙ পীবা অমসুং লেম্না লায়য়েংবগী স্কিমশিং য়াওনা স্কিম কয়া পায়খৎলে। মহারাস্ত্রাগী ইমুং করোর ১দা অয়ুস্মান কার্দশিং পীনবা কেম্পেন অমা ঙসিগী থৌরম অসিদা হৌদোক্লে। লায়রবশিংগী য়ুম শানবা ঙসি হৌদোক্লিবা স্কিম অসিগী মখাদা ও.বি.সি ইমুং লিশিং ১০ পাক্কাগী য়ুমশিং ফংলগনি।

প্রধান মন্ত্রীনা হায়খি কনা অমতনা য়েংশিনবীদ্রবশিং মোদীনা য়েংশিনবা খক নত্তনা মখোয়শু লাৎলি। খুৎহৈবশিং অমসুং হেন্দিক্রাফকী থবক শুরিবা মীওইশিংগীদমক লুপা করোর ১৩,০০০ গী পি.এম বিশ্বকর্মা য়োজনা পায়খৎলে অমসুং ত্রাইবেলশিংগীদমক লুপা করোর ২৩,০০০গী পি.এম জনমন য়োজনা হৌদোক্লে। মহারাস্ত্রাগী কাতকারি, কোলা অমসুং মাদিয়া য়াওনা ত্রাইবেল ফুরুপ কয়া পি.এম জনমন য়োজননা হিংবদা লাইহল্লগনি। কেম্পেন অসিনা লায়রবশিং, নহারোলশিং, লৌমীশিং অমসুং নহারোলশিংদা শক্তি পীগনি অমসুং মখা তানা নারী শক্তি মপাঙ্গল কনখৎহনগনি। মথং চহি ৫দা য়াংনা চাউখৎপা উদুনা বিদরভাগী ইমুং খুদিংমক হেন্না নুংঙাইবা পুন্সি অমা ফংলগনি।

 

থৌরম অদুদা শরুক য়াখিবশিংগী মনুংদা মহারাস্ত্রাগী রাজ্যপাল শ্রী রমেস বাইস, মহারাস্ত্রাগী চীফ মিনিস্তর শ্রী একনাথ সিন্দে, অমসুং মহারাস্ত্রাগী দিপুতি চীফ মিনিস্তরশিং শ্রী দেবেন্দ্র ফদনাবিস অমসুং শ্রী অজিৎ পৱার, এম.পিশিং, এম.এল.এশিং অমসুং মহারাস্ত্রা সরকারগী লেজিসলেতিপ কাউন্সিলগী মেম্বরশিং শরুক য়াখি। এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর শ্রী অর্জুন মুন্দা ভর্চুএল ওইনা শরুক য়াখি।

নুঙগীৱারোল

লৌমীশিংগী য়াইফনবা প্রধান মন্ত্রীনা থবক ওইনা পায়খৎপগী অতোপ্পা খুদম অমা ওইনা, য়বতমালদা পাংথোকপা মীয়ামগী থৌরম অমদা, দাইরেক্ত বেনিফিতস ত্রান্সফরগী খুৎথাংদা বেনিফিসরিশিংদা, প্রধান মন্ত্রী কিষান সম্মান নিধি(পিএম-কিষান)গী মখাদা লুপা করোর ২১,০০০ রোমগী ১৬শুবা ইন্সতোলমেন্তগী শেনফম য়েন্থোকখ্রে। মসিগী শেনফম অসিগা লোয়ননা, লৌমীশিংগী ইমুং করোর ১১ হেনবদা লুপা করোর ৩ হেনবগী শেনফম য়েন্থোকখ্রে।

প্রধান মন্ত্রীনা ‘নমো সেতকারি মহাসন্মান নিধি’গী মখাদা লুপা করোর ৩৮০০ রোমগী ২শুবা অমসুং ৩শুবা ইন্সতোলমেন্ত য়েন্থোকখ্রে অমসুং মহারাস্ত্রা শীনবা থুংবগী বেনিফিসরি লৌমী লাখ ৮৮ কান্নবা ফংগনি। স্কিম অসিনা মহারাস্ত্রাগী পি.এম কিষান সম্মান নিধি য়োজনাগী বেনিফিসরিশিংদা চহি অমদা লুপা ৬০০০গী অহেনবা শেনফম অমা পীরি।

 

প্রধান মন্ত্রীনা মহারাস্ত্রা শীনবা থুংবগী নুপীশিংগী সেল্ফ-হেল্প গ্রুপ লাখ ৫.৫ তা লুপা করোর ৮২৫ গী রিভোলভিং ফন্দ য়েন্থোকখ্রে। শেনফম অসি নেসনেল রুরেল লাইফলিহুদ মিসন(এন আর এল এম)গী মখাদা ভারত সরকারনা পীখিবা রিভোলবিং ফন্দগী মথক্তা পীবনি। সেল্ফ-হেল্প গ্রুপশিংগী মনুংদা ওন ওন্দুনা শেন শান্দোকপা পুক্নিং থৌগৎনবা অমসুং খুঙ্গংদা নুপীশিংনা মপু ওইবা মাইক্রো ইন্তরপ্রাইজশিং য়োকখৎতুনা লায়রবা ইমুংশিংগী চহিগী শেন্থোক হেনগৎনবা রিভোলবিং ফন্দ(আর এফ) পীবনি।

প্রধান মন্ত্রীনা মহারাস্ত্রা শীনবা থুংনা অয়ুস্মান কার্দ করোর ১ য়েন্থোকপগী থৌরম হৌদোকখি। মসি সরকারগী স্কিমশিং চাদা ১০০ থবক ওইনা পাংথোক্নবা প্রধান মন্ত্রীগী মঙলান মঙফাওন্নবা য়াইফ-থৌরাংগী স্কিমশিংগী বেনিফিসরিশিং য়ৌনবা অতোপ্পা খোঙথাং অমনি।

মহারাস্ত্রাগী ও.বি.সি বেনিফিসরিশিংগীদমক প্রধান মন্ত্রীনা মোদী অৱাস ঘরকুল য়োজনা হৌদোকখি। স্কিম অসিগী মখাদা শেনবা চহি ২০২৩-২৪ দগী শেনবা চহি ২০২৫-২৬ ফাওবা য়ুম লাখ ১০ শাগনি। প্রধান মন্ত্রীনা য়োজনা অসিগী বেনিফিসরি লাখ ২.৫ তা অহানবা ইন্সতোলমেন্তগী লুপা করোর ৩৭৫ য়েন্থোকখি।

প্রধান মন্ত্রীনা মহারাস্ত্রাগী মরাথাৱারা অমসুং বিদরভা লমদমদা কান্নবা পীগদবা তোঙান-তোঙানবা ইথৈ-লৌখোংগী প্রোজেকশিং লৈবাক্কী মীয়ামদা কৎথোকখি। প্রোজেকশিং অদু প্রধান মন্ত্রী কৃষি সিঞ্চাই য়োজনা(পি এম কে এস ৱাই) অমসুং বালিরাজা জল সঞ্জীবনি য়োজনা(বি জে এস ৱাই)গী মখাদা লুপা করোর ২৭৫০ হেন্না চঙনা পায়খৎপনি।

প্রধান মন্ত্রীনা মহারাস্ত্রাদা লুপা করোর ১৩০০ হেনবগী তোঙান-তোঙানবা রেল প্রোজেকশিং শঙ্গাখি। প্রোজেকশিংগী মনুংদা ৱার্ধা-কলাম্বা ব্রোদ গেজ লাইন(ৱার্ধা-য়বতমাল-নন্দেদ অনৌবা ব্রোদ গেল লাইন প্রোজেক্কী শরুক) অমসুং নিউ এস্তি-অমালনর ব্রোদ গেজ লাইন( অহমেদনাগর-বিদ-পার্লি অনৌবা ব্রোদ গেজ লাইন প্রোজেক্কী শরুক) য়াওরি। অনৌবা ব্রোদ গেজ লাইনশিংনা মরাথাৱারা অমসুং বিদরভা লমদমদা চৎথোক-চৎশিনগী ফিবম ফগৎহনগনি অমসুং খুন্নাই অমসুং শেন-থুম চাউখৎহনগনি।

 

থৌরম অদুদা প্রধান মন্ত্রীনা ভর্চুএল ওইনা ত্রেন অনি লমথাখি। মসিগী মনুংদা কলাম্বা অমসুং ৱার্ধা শম্নবা ত্রেন; অমসুং অমালনর অমসুং নিউ অস্তি শম্নবা ত্রেন য়াওরি। অনৌবা ত্রেন চেনবা অসিনা রেলদা চৎথোক-চৎশিনগী খুদোংচাবা হেনগৎহনগনি অমসুং লমদম অসিগী মহৈরোয়শিং, ললোনবশিং অমসুং নুমিৎ খুদিংগী চৎথোক-চৎশিন তৌরিবা মীওইশিংদা কান্নবা পীরগনি।

প্রধান মন্ত্রীনা মহারাস্ত্রদা লম্বীগী সেক্তর ফগৎহন্নবা তোঙান-তোঙানবা প্রোজেকশিং লৈবাক মীয়ামদা কৎথোকখি। প্রোজেকশিংগী মনুংদা এন.ঐচ-৯৩০গী ৱারোরা-ৱানি সেক্সন লেন মরি ওইহনবা; সাকোলি-ভান্দারা অমসুং সালাইখুর্দ-তিরোরা শম্নবা মরুওইবা লম্বীশিং ফগৎহন্নবা প্রোজেকশিং য়াওরি। হায়রিবা প্রোজেকশিং অসিনা চৎথোক-চৎশিনগী খুদোংচাবা হেনগৎহনগনি, চৎপগী মতম হন্থহনগনি, খুন্নাইগী শেন-থুমগী ফিবম ফগৎনগনি। প্রধান মন্ত্রীনা য়বতমাল সহরদা পন্দিৎ দীনদয়াল উপাধ্যায়গী মীতম অমা মাইখুম হাংদোকখি।

 

 

 

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How BrahMos can help India become Asia's key defence supplier

Media Coverage

How BrahMos can help India become Asia's key defence supplier
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government