প্রধান মন্ত্রী, শ্রী নরেন্দ্র মোদীনা ঙসি মুম্বাইদা তোঙান-তোঙানবা চাউখৎ-থৌরাংগী থৌশিলশিং শঙ্গাখ্রে, কত্থোকখ্রে অমসুং উরেপ-উয়ুং তমখ্রে। প্রধান মন্ত্রীনা পি.এম. স্বনিধি য়োজনাগী মখাদা বিনিফিসরী লাখ অমা হেনবগী অয়াবা পীখিবা লোনগী ত্রান্সফর তৌবসু হৌখ্রে। প্রোজেক্ত অসিদা মুম্বাই মেত্রো রেল লাইনশিং ২এ অমসুং ৭ জাতিদা কত্থোকপা, ছত্রপতি শিবাজী মহারাজ তর্মিনস নৌবা শেমগৎপা অমসুং সিৱেজ ত্রীৎমেন্ত প্লান্ত তরেৎকী উরেপ-উয়ুং তম্বা, হিন্দুহৃদয়সম্রাত বালাসাহেব থাকরে আপলা দৱাখানা ২০ শঙ্গাগবা অমসুং মুম্বাইদা লম্বী কিলোমিতর ৪০০ রোমগী লম্বী কংক্রিত ওনহনবগী প্রোজেক্তসু হৌবা য়াওরি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসিগী প্রোজেক্তশিং অসিনা মুম্বাই হেন্না ফবা মেত্রোপোলিতেন অমা ওইহবদা অচৌবা থৌদাং লৌরগনি অমসুং বেনিফিসরীশিং অমসুং মুম্বাইদা লৈরিবা মীয়ামদা নুংঙাইবা ফোঙদোকখি। ভারত্তা মমাংঙৈগী মতমদা লাইরবগী মতাংদা ঙাক্তা খন্নরম্বা অমসুং মালেমদগী তেংবাং লৌবা অসি খক্তনা লম্বী ওইরমখিবা মতম অদু নীংশিংলদুনা হায়, “মসি নীংখা তম্লবা মতুংদা ভারতনা মাগী থৌনানা মাগী মঙলানশিংবু তাইবং মঙফাওনহনবা ঙম্বা অহানবনি”। মহাক্না ভারতকী ফিরেপতা মালেমনা থাজবা উৎলকপা মসিনা অহানবনি হায়নসু ফোঙদোকখি। প্রধান মন্ত্রীনা হায়খি মদুদি ভারত মচাশিংনা চাউখৎপা ভারত অমা খৌরাংনা ঙাইরি, ভারতকীদমক চপ মান্নবা থাজবা অসি মালেমদা উবা ফংলে। মসিগী পোজিতিবিতী অসি ভারতনা মাগী মতিক-ময়াইশিং অফবা মওংদা শীজিন্নবা ঙম্বা অসিনা মরম ওইরগনি হায়না প্রধান মন্ত্রীনা ফোঙদোকখি। প্রধান মন্ত্রীনা হায়খি, “ঙসি ভারত্তা অমুক্তা উখিদ্রিবা থাজবনা থল্লে। ছত্রপতি শিবাজি মহারাজতগী ইথিল লৌরি, দবল-ইঞ্জিন সরকারদা ‘সুরজ’ অমসুং স্বারাজ’কী ৱাখল্লোন ময়েক শেংনা উবা ফংই”।
প্রধান মন্ত্রীনা লৈবাক অমদি প্রজা করোর কয়াদা চৈথেং পীখিবা স্কেমগী চহিচা অদু নীংশিংখি। প্রধান মন্ত্রীনা হায়, “ঐখোয়না মসিগী ৱাখল্লোন অসিদা অহোংবা পুরকখি অমসুং ঙসি ভারতনা তুংগীদমক খনবা ৱাখল্লোন অমসুং মোদর্ন এপ্রোচকা লোয়ননা মাগী ফিজিকেল অমসুং সোসিএল ইনফ্রাস্ত্রকচরদা চাদিং তৌরি”। মহাক্না মখা তারদুনা হায় অমরোমদা হাউসিং, তোইলেৎস, ইলেক্ত্রিসিতী, ঈশিং, চাকথোং গ্যাস, লেম্না মেদিকেলগী লায়েং পীবা, মেদিকেল কোলেজশিং, এম্স, আই.আই.তি., অমসুং আই.আই.এম. অসি খোঙজেল য়াংনা চাউখৎলক্লি। নাকল অমদনা মোদর্ন কন্নেক্তিবিতীদসু চপ মান্নবা শাহৌ পীরি। মহাক্না হায়, “ঙসিগী মথৌ তাবশিং অমসুং তুংলমচৎকী ওইথোকপা য়াবশিং, অনিমক্তা থবক পাইখৎলি”। মহাক্না হায় অৱাবা মতম অসিদা ভারতনা প্রজা করোর ৮০দা লেম্না রাশন পীরি অমসুং ইনফ্রাস্ত্রকচর শেমগৎপদা অমুক্তা ওইখিদ্রিবা মওংদা ইনভেস্তমেন্তশিং তৌরি। মহাক্না মখা তারদুনা হায়, “মসিনা ঙসিগী ভারতকী ফিরেপ তাক্লি অমসুং বিক্ষিৎ ভারত অমগী ৱাখল্লোন মমি তারি”।
প্রধান মন্ত্রীনা বিক্ষিৎ ভারত শেম্বদা সহরশিংগী থৌদাংগী মতাংদা ফোঙদোকখি। মহাক্না হায় মদুদি অমৃত কাল মনুংদা মহারাস্ত্রগী সহর কয়ানা ভারতকী চাউখৎপদা শাহৌ পীরগনি। মহাক্না হায়, “মরম অসিনা তুংলমচৎকীদমক মুম্বাইবু শেম শাবা অসি দবল-ইঞ্জিন সরকারগী মরু ওইবা মীৎয়েংশিংগী মনুংদা অমা ওইরিবনি”। শ্রী মোদীনা মুম্বাইগী মেত্রো অসি খুদম ওইনা পীখি অমসুং হায়খি মদুদি২০১৪দা মধম্বাইদা মেত্রো রুৎ কিমি ১০-১১ লৈরমখি, দবল ইঞ্জিন সরকারগা লোয়ননা মেত্রোদা অনৌবা স্পীদ অমসুং স্কেল ফংখি, মুম্বাইনা মেত্রো নেৎৱার্ক কিমি ৩০০গী মাইকৈদা খোঙজেল য়াংনা চংশিল্লি।
প্রধান মন্ত্রীনা হায়খি মদুদি ইন্দিয়ন রেলৱেজকী খুমাং চাউশিন্নবগীদমক লৈবাক শিনবা থুংবদা মিসন মোদতা থবক পাইখৎলি অমসুং মসিদগী মুম্বাই মেত্রো অমসুং লোকেল ত্রেনশিংনা কান্নবসু ফংলি। মহাক্না হায়খি মদুদি দবল ইঞ্জিন সরকারনা রিসোর্স লৈবা মীওইশিং খক্তানা ফংলমখিবা এক্সপরিয়েন্স অদু মীয়ামদা চপ মান্নবা এদভান্স সর্ভিসশিং, লুনানবা অমসুং চৎথোক-চৎশিন তৌবগী খোঙজেল অসি ফংহন্নবা খোঙথাংশিং লৌখৎলি। প্রধান মন্ত্রীনা হায়খি মসিগী ফল ওইনা ঙসি রেলৱে স্তেসনশিং অসি এয়রপোর্তশিংগুম্না শেমগৎলি অমসুং ভারতকী খ্বাইদগী অরিবা রেলৱে স্তেসনশিংগী মনুংদা অমা ওইরিবা ছত্রপতি মহারাজ তর্মিনস অসি থৌশিল অসিগী শরুক ওইনা নৌনা শেমগৎলগনি অমসুং ২১শুবা চহিচাগী ভারতকী ঙান্থোইরিবা খুদম অমা ওইনা শেমগৎলগনি। মপুং ওইবা পান্দমদি মীচম মীয়ামগীদমক হেন্না ফবা সর্ভিসশিং ফংহনবনি অমসুং চৎথোক-চৎশিন তৌবদা লাইথোকহনবনি। মহাক্না মখা তারদুনা হায় রেলৱে স্তেসন অসি রেলৱেজকা মরী লৈনবা সর্ভিসকা খক্তদা ওইররোই অদুবু মসিনা মলতিমোদেল কন্নেক্তিবিতীগীদমক হব অমা ওইনসু মথৌ তৌরগনি। অসিগুম্বা মলতিমোদেল কন্নেক্তিবিতী হবশিং অসি সহর খুদিংমক্তা শেমগৎলগনি হায়না ফোঙদোক্লদুনা প্রধান মন্ত্রীনা হায়খি, “বস, মেত্রো, তেক্সি নত্ত্রগা ওতো ওইরবসু চৎথোক-চৎশিন তৌবগী পাম্বৈ পুম্নমক, রুফ অমগী মখা পুরক্লগনি অমসুং চৎথোক-চৎশিন তৌরিবশিংদা অপনবা লৈতনা কন্নেক্তিবিতী ফংহল্লগনি”।
প্রধান মন্ত্রীনা হায়খি মদুদি মুম্বাই লোকেলগী তেক্নোলোজিকেল চাউখৎপশিং, মেত্রো নেৎৱার্কশিং পাকথোক চাউথোরকপা, ভন্দে ভারত ত্রেনশিং অমসুং বুল্লেৎ ত্রেনদগী হেন্না খোঙজেল য়াংবা এদভান্স কন্নেক্তিবিতীগা লোয়ননা মুম্বাইগী সহরনা চহি খরা অসিদা অনৌবা শক্লোন অমা ফংলগনি। প্রধান মন্ত্রীনা হায়খি, “লাইরবা শিন্মীশিংদগী হৌরগা স্তাফ অমসুং দুকানদারশিং অমসুং অচৌবা বিজিনেস তৌরিবা মপুশিংগীদমক মুম্বাইদা লৈবা অসি মীপুম খুদিংমক্তা খুদোংচাহল্লগনি”। মহাক্না হায়খি মদুদি মুম্বাইদা য়ুমলোন্নরিবা জিলাশিংদগী লাকপা অসি হৌজিক্তি লায়রগনি। প্রধান মন্ত্রীনা কোস্তেল রোদ, ইন্দু মিল্স স্মারক, নবী মুম্বাই এয়রপোর্ত, ফ্রাঞ্চ হরবর লিঙজকগুম্বা প্রোজেক্তশিংগী মতাংদসু ফোঙদোকখি অমসুং অসিগুম্বা প্রোজেক্তশিং অসিনা মুম্বাইদা অনৌবা শক্তি পীরগনি। মহাক্না হায় ধরবি পুনরবিকাসগুম্বা প্রোজেক্তশিং অমসুং ওল চৌল দিবেলপমেন্তশিং অমুক হন্না হৌরি অমসুং শীংথানীংঙাই ওইবা মাইপাকপা অসিগীদমক শ্রী একনাথ শিন্দে অমসুং মহাক্কী তীমবু থাগৎখি। প্রধান মন্ত্রীনা মুম্বাইদা লম্বীশিং ফগৎহন্নবা ঙসি পাইখৎখিবা থবকশিংগী মতাংদসু পনখি অমসুং মসিনা দবল ইঞ্জিন সরকারনা লৌখিবা ফিরেপ অদু তাক্লি হায়না ফোঙদোকখি।
প্রধান মন্ত্রীনা হায়খি মদুদি ভারতকী সহরশিংদা মপুং ফানা অহোংবা পুরক্নবগীদমক থবক পাইখৎলি। পোলুসন অমসুং লুনানবা অসিগুম্বা সহরদা থেংনবা সমস্যা মখল কয়া মরুমগী সোল্যুসনশিং পুথোক্লি। ইলেক্ত্রিক মোবিলিতী ইনফ্রাস্ত্রকচর, বাইওফ্যুল বেজ ত্রান্সপোর্ত সিস্তেম, হাইদ্রোজেন ফ্যুলদা মীৎয়েং থম্বা মিসন মোদ, ৱেস্ত-তু-ৱেল্থ মুফমেন্ত অমসুং তুরেল নানহন্নবা ৱাতর ত্রীৎমেন্ত প্লান্তশিং অসি মাইকৈ অসিদা পাইখৎপা খোঙথাংশিংনি। সহরশিং শেমগৎনবগীদকল কেপাসিতী অমসুং পোলিতিকেল ৱিলগী অৱাৎপা অমত্তা লৈতে। অদুবু মুম্বাইগুম্বা সহর অমদা চাউখৎ থৌরাং পুরকপা ঙমদ্রি, মতম অসিদা লোকেল বোদীনসু খোঙজেল য়াংনা চাউখৎহন্নবা চপ মান্ননা মরু ওইবা মীৎয়েং চংখি। মরম অসিনা মুম্বাই চাউখৎহনবদা লোকেল অর্বান বোদীনা মরু ওইবা থৌদাং লৌরি হায়না প্রধান মন্ত্রীনা ফোঙদোক্লদুনা মেত্রোপোলিতেনদা শেল থাদবা অসি নীংথিনা শীজিন্নবা মথৌ তাই হায়খি। মহাক্না চাউখৎ থৌরাংদা রাজনিতী য়াওশিনবা তৌদনবা চেকশিনৱা থমখি। মহাক্না স্বনিধিগুম্বা মমাংগী স্কিমশিংনা লাইনা অমদি কোল্লাতরেল য়াওনা স্ত্রীৎ ভেন্দর লাখ ৩৫দা কান্নবা পীখিবা অসিগী মহারাস্ত্রদা বেনিফিসরী লাখ ৫ লৈজরবসু মসিদা রাজনিতীগী ওইবা মরমশিংনা মমাংদা অপনবা থোকহনখি। মসিগীদমক মহাক্না কেন্দ্রগী মহারাস্ত্র অমদি মুম্বাইদা সিনক্রোনাইজেসন তৌবা সিস্তেম অমা লৈহন্দুনা নীংথিনা কোওর্দিনেসন পীবগী মথৌ তাবা লৈ হায়খি। স্বনিতি অসি লোন স্কিম অমদগী হেল্লি মসি স্ত্রীৎ ভেন্দরশিংগীদমক মশানা মশাবু ইকাই খুমনবা পোক্নবা য়ুম্ফম ওইরিবনি হায়না মহাক্না নৌহৌননা ফোঙদোকখি। বেনিফিসরীশিংবু থাগৎলদুনা প্রধান মন্ত্রীনা মখোয়না অতেনবা মতমগী মনুংদা লুপা করোর লিশিং ৫০গী দিজিতেল ত্রাঞ্জেক্সনশিং তৌখিবা ৱাফমবু থাগৎখি। মহাক্না হায়, “দিজিতেল ইন্দিয়া অসি সবকা প্রয়াস লৈরবদি ওইথোক্তবা অমত্তা লৈতে হায়বা ৱাফমগী ময়েক শেংলবা খুদম অমনি”।
ৱারোল অদুবু লোইশিল্লদুনা প্রধান মন্ত্রী ষ্ট্রিত ভেন্দরশিংদা “ঐহাক্না নখোয়গীদমক্তা লেপ্লি হায়না ফোঙদোকখি। নখোয়না খোঙকাপ তরা থাংবা মতমদা ঐহাক্না খোঙকাপ তরামাথোই থাংগনি”। লৈবাক অসিদা চাউনা অহোংবা পুরক্কদবা স্মোলহোল্দরশিংগী থবক অমসুং কত্থোকপনা লৈবক অসিনা অনৌবা পনখৈশিং ফংবা ঙমলগনি হায়না মহাক্না মচা খাইনা ফোঙদোকখি। মহাক্না ঙসিগী চাউখৎ থৌরাংগী থবক অসিগীদমক মুম্বাই অমসুং মহারাস্ত্রগী মীয়াম্বু থাগৎপা ফোঙদোকখি অমসুং সিন্দেজী অমসুং দেভেন্দ্রজীগী পুংবা অসিনা মহারাস্ত্রগী মংলানশিং অদু মংফাওনহল্লগনি হায়না মখোয়দা থাজবা পীখি।
থৌরম অদুদা শরুক য়াখিবশিংগী মরক্তা মহারাস্ত্রগী রাজ্যপাল, শ্রী ভগত সিংহ কোহসিয়ারি, মহারাস্ত্রগী মুখ্য মন্ত্রী শ্রী একনাথ সিন্দে, মহারাস্ত্রগী উপ মুখ্য মন্ত্রী, শ্রী দেভেন্দ্র ফর্নাবিস, কেন্দ্রগী মন্ত্রী, শ্রী পিয়ুশ গোয়ল, শ্রী নরায়ন রানে, কেন্দ্রগী রাজ্য মন্ত্রীশিং, পার্লিয়ামেন্তকী মেম্বরশিং অমসুং মহারাস্ত্র সরকারগী মন্ত্রীশিং য়াওরি।
বেকগ্রাউন্দ
প্রধান মন্ত্রীনা মুম্বাইদা চাউরাক্না লুপা করোর ৩৮,৮০০গী প্রোজেক্ত কয়া শঙ্গাবগা লোয়ননা উরেপ উয়ুংসু তমখ্রে। মওং-মরিল চুম্বা অমসুং অপনবা লৈতবা অর্বান মোবিলিতী লৈহনবা হায়বসি প্রধান মন্ত্রীগী মরু ওইবা মিৎয়েংশিংগী মরক্তা অমনি। পান্দম অসিগা মরী লৈননা, মহাক্না চাউরাকপা লুপা করোর ১২,৬০০কী মুম্বাই মেত্রো লাইন ২এ. অমসুং ৭পু লৈবাক মীয়ামদা খুৎশিন্নগনি। দাহিসর ই. অমসুং দি.এন. নগর (য়েল্লো লাইন) শম্নরিবা মেত্রো লাইন ২এ. অসি চাউরাক্না কিলোমীতর ১৮.৬ শাংই, অদুগা অন্ধেরী ই.- দহিসর ই. (রেদ লাইন) শম্নরিবা মেত্রো লাইন ৭ অসিনা চাউরাক্না কিলোমীতর ১৬.৫ শাংই। হায়রিবশিং অসিগী উরেপ উয়ুংসু প্রধান মন্ত্রীনা ইং ২০১৫দা তমখিবনি। প্রধান মন্ত্রীনা মুম্বাই ১ মোবাইল এপ অমসুং নেস্নেল কম্মন মোবিলিতী কার্দ (মুম্বাই ১)সু লোঞ্চ তৌখ্রে। এপ অসিনা লায়না ত্রাভেল তৌবগী খুদোংচাবা পীগনি, মেত্রো স্তেসনগী এন্ত্রী গেত্তা এপ অসি উৎপা য়াগনি, অমসুং য়ু.পি.আই.গী খুত্থাংদা তিকেত লৈনবা দিজিতেল পেমেন্ত তৌবসু য়াহনগনি। নেস্নেল কম্মন মোবিলিতী কার্দ (মুম্বাই ১) অসি মেত্রো কোরিদোরশিংদা অহানবদা শিজিন্নগনি অমসুং লোকেল ত্রেন অমসুং বস য়াওনা মাস পব্লিক ত্রনাজিতকুম্বা অতোপ্পা পাম্বৈশিংদা কোন্না শিজিন্নরক্কনি। চত্থোক-চৎশিন তৌরিবা মীওইশিংনা কার্দ ময়াম অমা নত্ত্রগা শেল পুদুনা চৎপগী মথৌ তারক্লরোই; এন.সি.এম.সি. কার্দ অসিনা অথুবা, কন্তেক্তলেস, দিজিতেল ত্রাঞ্জেক্সন পাংথোকপা য়াহন্দুনা মরী লৈনবা থৌওংশিংবু হেন্না লায়থোকহনগনি।
প্রধান মন্ত্রীনা সিৱেজ ত্রিতমেন্ত প্লান্ত ৭কী উরেপ উয়ুং তমখ্রে, হায়রিবা প্লান্তশিং অসি মলাদ, ভান্দুপ, বর্সোবা, ঘাতকোপর, বেন্দ্রা, ধারাবী অমসুং ৱর্লীদা চাউরাক্না লুপা করোর ১৭,২০০ চঙনা শাগদবনি। মখোয় অপুনবনা চাউরাকপা এম.এল.দি. ২৪৬০গী কেপাসিতী লৈগনি।
মুম্বাইগী হেল্থকেয়র ইনফ্রাস্ত্রকচর মপাঙ্গল হেন্না কনখৎহন্নবা হোৎনবগী থৌওং ওইনা, প্রধান মন্ত্রীনা হিন্দুহৃদয়সম্রাত বলসাহেব থাকরে আপলা দৱাখানা ২০ শঙ্গাখ্রে। মসিগুম্বা অনৌবা থৌওং অসিনা হেল্থ চেক-অপ, হিদাক-লাংথক, ইনভেস্তিগেসন অমসুং দাইগ্নোস্তিক্কুম্বা তঙাই ফদবা মেদিকেল সর্ভিস কয়া মীয়ামদা লেম্না পীগনি। প্রধান মন্ত্রীনা মুম্বাইগী হোস্পিতাল অহুম নৌনা শেমগৎ-শাগৎপগী প্রোজেক্তশিংগী উরেপ উয়ুং তমখ্রে। মখোয়শিং অদুদি ফমুং ৩৬০ লৈবা ভন্দুপ মলতিস্পিসিএলিতী ম্যুনিসিপাল হোস্পিতাল, ফমুং ৩৬০ লৈবা সিধার্থ নগর হোস্পিতাল, গোরেগাও (নোংচুপ) অমসুং ফমুং ১৫২ লৈবা ওশিৱারা মেতর্নিতী হোম্নি। মসিনা শহর অসিগী মীয়াম লাখ কয়াদা কান্নবা পীবগা লোয়ননা মখোয়গী মফমদা তোপ ক্লাস মেদিকেল ফেসিলিতীসু ফংহনগনি।
প্রধান মন্ত্রীনা মুম্বাইগী শোরোক্কী কিলোমীতর ৪০০মুক্কী রোদ কংক্রিতাইজেসন প্রোজেক্ত অমসু হৌদোকখ্রে। প্রোজেক্ত অসি লুপা করোর ৬১০০ চঙনা পায়খৎকদবনি। মুম্বাইগী চাউরাকপা কিলোমীতর ২০৫০গী শোরোকশিংগী মনুংদা কিলোমীতর ১২০০ হেনবদি কংক্রিতকী ওইরে নত্ত্রগা কংক্রিত ওইহন্নবা থবক পাংথোক্লি। অদুবু, চাউরাকপা কিলোমীতর ৮৫০গী লেমহৌরিবা শোরোকশিং অসিনা চত্থোক-চৎশিন তৌবদা অয়েৎপা পীরিবা পোতহোলগী শিংনবা কয়া লেপ্তনা মাইয়োক্নরি। হায়রিবা প্রোজেক্ত অসিনা শিংনবশিং অসি ৱারোইশিন পুরক্কনি হায়বগী পান্দম থম্লি। মসিগী কংক্রিত শোরোকশিং অসিনা হেন্না ফগৎলবা সেক্যুরিতীগা লোয়ননা ত্রাভেল তৌবগী খোঙজেলসু হেনগৎহনগনি। লোয়ননা, মসিনা হান্নদগী হেন্না ফবা দ্রেনেজ ফেসিলিতী লৈহনগনি অমসুং য়ুতিলিতী দক্তশিং অসিনা শোরোক তোয়না তৌথোকপগী থৌওংসু লেপহনগনি।
প্রধান মন্ত্রীনা মুম্বাইগী ছত্রপতি শিবাজী মহারাজ তর্মিনস নৌনা অমুক শেমগৎপগী থবক্কী উরেপ উয়ুং তমখ্রে। নৌনা শেমগৎপগী প্রোজেক্ত অসি তর্মিনস অসিগী খাথংবগী হেরিতেজ নোদতা মী চিল্লিবা অসি হন্থহনবা, ফেসিলিতী কয়াবু হেন্না ফগৎহনবা, মলতি-মোদেল ইন্তিগ্রেসন হেন্না ফনা পাংথোকপা অমসুং মালেমদা মমিং লৈরবা স্ত্রকচর অসিবু হান্নগী মতৌগুম্না হঞ্জিলহনবা হায়বা পান্দমগা লোয়ননা থৌরাং তৌবনি। প্রোজেক্ত অসি লুপা করোর ১৮০০ হেন্না চঙদুনা পায়খৎকনি। মখা তারকপা ওইনা, প্রধান মন্ত্রীনা পি.এম. স্বনিধী য়োজনাগী মখাদা বেনিফিশরী লাখ ১ হেনবদা অয়াবা পীখ্রবা লোন পীথোকপসু হৌখ্রে।
आज़ादी के बाद पहली बार आज भारत बड़े सपने देखने और उन्हें पूरा करने का साहस कर रहा है। pic.twitter.com/n5CmQZ5pPt
— PMO India (@PMOIndia) January 19, 2023
Today, India is investing in upgrading its physical and social infrastructure, with futuristic thinking and modern approach. pic.twitter.com/u8gv2Fwyix
— PMO India (@PMOIndia) January 19, 2023
Cities will fast-track India's growth story in Amrit Kaal. pic.twitter.com/FHwG5QqRl7
— PMO India (@PMOIndia) January 19, 2023
Today, the railway network across the country, is being modernised in mission mode. pic.twitter.com/AVARPw9oCg
— PMO India (@PMOIndia) January 19, 2023
We are working on complete transformation of cities across the country. pic.twitter.com/qkZgWPCW1m
— PMO India (@PMOIndia) January 19, 2023
हमारे शहरों में रेहड़ी, ठेले, पटरी पर काम करने वाले साथी, जो शहर की अर्थव्यवस्था का अहम हिस्सा हैं, उनके लिए हमने पहली बार योजना चलाई।
— PMO India (@PMOIndia) January 19, 2023
हमने इन छोटे व्यापारियों के लिए बैंकों से सस्ता और बिना गारंटी का ऋण सुनिश्चित किया। pic.twitter.com/MyMfhdATVQ
