প্রধান মন্ত্রী শ্রী নরেন্দ্র মোদীনা ঙসি গুজরাতকী সাবরকান্থাগী লৈবা গধোদা চৌকীদা লৈবা সাবর দাইরীদা লুপা করোর ১,০০০ হেনবগী প্রোজেক্ত কয়ামরুম শঙ্গাখ্রে অমসুং উরেপ-উয়ুং তমখ্রে। প্রোজেক্তশিং অসিনা লমদম অসিগী লৌমীশিং অমসুং শঙ্গোম পুথোক্লিবশিংবু শক্তি পীরগনি অমসুং মখোয়গী শেন্থোক হেনগৎহল্লগনি। মসিনা লমদম অসিগী খুঙ্গংগী শেন্মীৎলোন্দা শাহৌ অমসু পীরগনি। প্রধান মন্ত্রীনা সুকন্যা সমৃদ্ধি য়োজনাগী বেনিফিসরীশিং অমসুং মরু ওইবা শঙ্গোম পুথোক্লিবা নুপীশিংবু ওকখি। থৌরম অসিদা গুজরাতকী মুখ্য মন্ত্রী শ্রী ভুপেন্দ্রভাই পতেলসু শরুক য়াখি।
মীতিন অদুদা ৱা ঙাংলদুনা প্রধান মন্ত্রীনা হায়খি, “ঙসি সাবর দাইরী অসি পাকথোক-চাউথোকহনখ্রে। লুপা করোর কয়াগী অনৌবা প্রোজেক্তশিং মফম অসিদা শেমগৎলি। অনৌবা তেক্নোলোজী য়াওবা মিল্ক পাৱদর প্লান্ত অমসুং এ-সেপ্তিক পেকিং সেক্সনদা লাইন অমগা হাপচিনবা অসিনা সাবর দাইরীগী কেপাসী হেন্না হেনগৎহল্লগনি”। প্রধান মন্ত্রীনা সাবর দাইরী লিংখৎলমখিবা মীশকশিংগী মনুংদা অমা ওইরিবা, শ্রী ভুরাভাই পতেলবুসু নীংশিংখি। প্রধান মন্ত্রীনা মফম অসিগা অমদি মফম অসিগী মীয়ামগা মহাক্কা মতম শাংনা লোইনরকখিবা অদুবু নীংশিংখি।
প্রধান মন্ত্রী দিকেদ অনিগী মমাংদা শোত্থনা অমসুং ইকং থোকখিবগী ফীভম অদুবু নীংশিংখি। মহাক্না মুখ্য মন্ত্রী ওইনা লমদম অসিদা মীয়ামগী মতেং লৌদুনা ফীভম অসি ফগৎহন্নবা হোৎনখিবা অদু নীংশিংখি। মহাক্না হায়খি খোঙথাংশিং অদুদা শা-শন লোইবা অমসুং দাইরী অসি মরু ওইবা মচাক ওইখি। মহাক্না শা-শনগী মচীঞ্জাক, হীদাক-লাংথক পীদুনা এনিমেল হসবেন্দরী চাউখৎহন্নবা অমসুং শা-শনগী লায়েংগীদমক আয়ুর্বেদকী লায়েং চাউখৎহন্নবগী খোঙথাংশিংগী মরমদা ৱারী শাখি। মহাক্না চাউখৎ-থৌরাং অসিদা গুজরাত জ্যোতিগ্রাম স্কিম অসি মরু ওইখি হায়না পনখি।
প্রধান মন্ত্রীনা হৌখিবা দিকেদ অনি অসিদা লৌখৎখিবা খোঙথাংশিংনা মরম ওইদুনা গুজরাতকী দাইরী মার্কেৎ অসি লুপা করোর লাখ ১ য়ৌবা ঙমখি হায়না চাউথোকপগা লোয়ননা ফোঙদোকখি। ইং কুমজা ২০০৭ অমসুং ২০১১দা মহাক্না লাক্লমখিবা অমসুং নুপীশিংনা শরুক য়াবা হেনগৎহন্নবা মহাক্না হায়রমখিবা অদু নীংশিংখি। হৌজিক্তি অয়াম্বা সমিতিশিংদা নু্পীশিংনা শরুক নীংথিনা য়াবা উবা ফংলে। মহাক্না হায়খি শঙ্গোমগী শেল অসি অয়াম্বনা নুপীশিংদা ওইনা পীরি।
মহাক্না হায়খি মসিগী এক্সপরিমেন্তশিং অসি অতোপ্পা মফমশিংদসু শীজিন্নখি। ঙসি লৈবাক অসিদা ঙসি ফার্মর প্রদ্যুসর এসোসিএসন – এফ.পি.ও. লিশিং ১০ লৈহন্নবগী থবক খোঙজেল য়াংনা পাইখৎলি। এফ.পি.ও.শিং অসিগী খুত্থাংদা অপীকপা লৌমীশিংবু ফুদ প্রোসেসিংগা মরী লৈনবা, এক্সপোর্তকা মরী লৈনবা ভেল্যু অমসুং সপ্লাই চেনগা হকথেংননা মরী থম্বা ঙম্লগনি। মহাক্না হায়খি, মসিনা গুজরাতকী লৌমীশিংদা চাউনা কান্নবা ফংহল্লগনি।
মহাক্না হায়খি লৌমীশিংগীদমক অতোপ্পা শেন্থোক্কী পাম্বৈ শেম্বগী লালোং অসি মহৈ য়ালক্লে। হোর্তিকলচর, ফিশরী, হনী প্রদক্সন অসিনা লৌমীশীংদা চাউনা ইনকম লাকহল্লি। অহানবা ওইনা খাদি অমসুং গ্রমোদ্যোগকী তর্নওভর অসি করোর লাখ অমা হেনখি। খুঙ্গংশিংদা সেক্তর অসিদা অনৌবা থবক করোর ১.৫ হেন্না পীখি। পেত্রোলদা ইথানোল ব্লেন্দিং তৌবা অসিগুম্বা থৌশিলশিংনা লৌমীশিংগীদমক অনৌবা এভেন্যুশিং হাংদোক্লি। মহাক্না মখা তারদুনা হায়খি, “২০১৪ ফাওবদা, লৈবাক অসিদা ইথানোল লিতর করোর ৪০দগী তানা ব্লেন্দিং তৌরমখি। ঙসিদি লিতর করোর ৪০০ রোম য়ৌবা ঙম্লে। ঐখোয়গী সরকারনা হৌখিবা চহি ২ অসিদা অখন্নবা কেম্পন চত্থদুনা লৌমী করোর ৩ হেনবদা কিসান ক্রেদিত কার্দশিংসু পীখি”।
প্রধান মন্ত্রীনা হায়, য়ুরিয়াদা নীম কোতিং তৌবা, থোং লোল্লুরবা ফর্তিলাইজর প্লান্তশিং হাংদোকপা অমসুং নেনো ফর্তিলাইজরশিং প্রমোৎ তৌবগী খোংথাংশিং লৌখৎপা অমসুং মালেমগী ওইনা মমল হেনগৎলবসু অহোংবা মমলদা য়ুরিয়া ফংহনবনা লৈবাক অসিগী লৌমীশিংদা অমসুং গুজরাত্তা কান্নবা ফংহনখ্রে। সুজলাম সুফলাম স্কিম অসিনা সাবরকন্থা জিলাগী ব্লোক কয়ামরুমদা ঈশিং ফংহনখ্রে। মসিগা মান্ননা জিলা অসিগা লোয়ননা মনাক নকপা মফমশিংদা লম্বী থোংগী ফীভম অঙকপা ফংনা ফগৎহনখ্রে হায়না মহাক্না ফোঙদোকখি। রেলৱে অমসুং হায়ৱে প্রোজেক্তশিংনা মফম অসিদা লম্বী থোংগী ফীভম ফগৎহনখ্রে। লম্বী থোংগী ফীভম ফগৎলকপা অসিনা তুরিজমদা মতেং পাংলি অমসুং নহারোলশিংদা থবক ফংহল্লি হায়না মহাক্না ফোঙদোকখি।
আজাদী কা অমৃত মহোৎসবকী মরুওইবগী মতাংদা পল্লদুনা প্রধান মন্ত্রীনা মফম অসিগী ত্রাইবেল লুচিংবশিংনা থৱাই কৎখিবা অদুগী মতাংদা ফোঙদোকখি। ভগৱান বির্সা মুন্দাগী মপোক কুমওন ওইরিবা নোভেম্বর ১৫ অসি জনজাতীয় গৌরব দিৱস হায়না সরকারনা লাউথোকখ্রে হায়না প্রধান মন্ত্রীনা ফোঙদোকখি। “ঐখোয়গী সরকার অসিনা লৈবাক পুম্বদা লৈরিবা ত্রাইবেল নীংতম লান্মীশিংবু নীংশিংবা ওইনা অখন্নবা ম্যুজিয়ম অমসু শারি”। মহাক্না মখা তারদুনা “অহানবা ওইনা ত্রাইবেল খুন্নাইদগী হৌরকপা লৈবাক অসিগী মমোম অমনা ভারতকী খ্বাইদগী ৱাংবা কন্সতিত্যুস্নেল পোস্ত অমা পাইবা ঙমখ্রে। লৈবাক অসিনা দ্রৌপদি মুর্মুজীবু রাস্ত্রপতিগী ওইহনখ্রে। মসি ভারতমচা করোর ১৩০ হেনবগী য়াম্না চাউথোকচনীংঙাই ওইরবা মীকুপ অমনি”।
মহাক্না লৈবাক অসিগী মীয়াম্না হর ঘর তিরঙ্গা কেম্পেন্দা থৱাই হকচাং য়াওনা শরুক য়ানবা পাউজেল পীখি।
প্রোজেক্তশিংগী অকুপ্পা মরোল:
প্রধান মন্ত্রীনা নোংমদা চাউরাক্না মিলিয়ন তোন (এম.তি.পি.দি.) ১২০ পুথোকপগী মতিক লৈবা সাবর দাইরীগী পাউদর প্লান্ত শঙ্গাগনি। প্রোজেক্ত অসি লুপা করোর ৩০০ হেনবগী অপুনবা শেনফম চঙনা শাখিবনি। প্লান্ত অসিগী লে-আউত্না মালেমগী ফুদ স্তেন্দর্দকী কাঙলোন ইল্লি। মসি ইনর্জী ইফিসিএন্ত য়াম্না ওইবগা লোয়ননা জিরো ইমিসনগী মগুন চেল্লি। প্লান্ত অসিদা মতমগা চুনবা অমসুং মপুং ফানা ওতোমেতেদ ওইরবা বল্ক পেকেজিং লাইন লৈগনি।
প্রধান মন্ত্রীনা সাবর দাইরীদা এসেপ্তিক মিল্ক পেকেজিং প্লান্ত অমসু শঙ্গাগনি। মসিদি নোংমদা লিতর লাখ ৩ পুথোকপা ঙমবা হৌজিক্কী মতমগী চুনবা প্লান্ত অমনি। প্রোজেক্ত অসি লুপা করোর ১২৫ চঙনা লোইশিনখিবনি। প্লান্ত অসিদা খ্বাইদগী নৌবা অমসুং ইনর্জী ইফিসেন্ত ওইবা ওতোমেসন সীস্তেম লৈবগা লোয়ননা ইনভাইরনমেন্ত ফ্রেনলী তেক্নোলোজী শিজিন্নগনি। প্রোজেক্ত অসিনা শঙ্গোম পুথোকপশিংদা মখোয়গী পোত্থোক্কী অহেনবা মমল পীবা ঙমগনি।
প্রধান মন্ত্রীনা সাবর চীজ অমসুং ৱে দ্রাইয়িং প্লান্ত প্রোজেক্তকী উরেপ উয়ুং তমগনি। প্রোজেক্ত অসিদা চাউরাক্না লুপা করোর ৬০০ চঙগনি হায়না পানরি। প্লান্ত অসিনা সেদ্দর চীজ (এম.তি.পি.দি. ২০), মোজারেল্লা চীজ (এম.তি.পি.দি. ১০) অমসুং প্রোসেস চীজ (এম.তি.পি.দি. ১৬) পুথোক্কনি। চীজ পুথোকপদা ফংবা ৱেশিংবু এম.তি.পি.দি. ৪০ লৈবা ৱে দ্রাইয়িং প্লান্ততা কংহনগনি।
সাবর দাইরী অসি গুজরাত কোওপরেতিব মিল্ক মার্কেতিং ফেদেরেসন (জি.সি.এম.এম.এফ.)কী শরুক অমনি, অমসুং মখোয়না শঙ্গোম মখল খুদিং অমসুং অমুল ব্রান্দগী মখাদা লৈবা সঙ্গোমগী পোত্থোকশিং য়োনবনি।
आज साबर डेयरी का विस्तार हुआ है।
— PMO India (@PMOIndia) July 28, 2022
सैकड़ों करोड़ रुपए के नए प्रोजेक्ट यहां लग रहे हैं।
आधुनिक टेक्नॉलॉजी से लैस मिल्क पाउडर प्लांट और ए-सेप्टिक पैकिंग सेक्शन में एक और लाइन जुड़ने से साबर डेयरी की क्षमता और अधिक बढ़ जाएगी: PM @narendramodi
देश में आज 10 हज़ार किसान उत्पादक संघ - FPOs के निर्माण का काम तेज़ी से चल रहा है।
— PMO India (@PMOIndia) July 28, 2022
इन FPOs के माध्यम से छोटे किसान फूड प्रोसेसिंग से जुड़ी, एक्सपोर्ट से जुड़ी वैल्यू और सप्लाई चेन से सीधे जुड़ पाएंगे।
इसका बहुत अधिक लाभ गुजरात के किसानों को भी होने वाला है: PM @narendramodi
2014 तक देश में 40 करोड़ लीटर से भी कम इथेनॉल की ब्लेंडिंग होती थी।
— PMO India (@PMOIndia) July 28, 2022
आज ये करीब 400 करोड़ लीटर तक पहुंच रहा है।
हमारी सरकार ने बीते 2 वर्षों में विशेष अभियान चलाकर 3 करोड़ से अधिक किसानों को किसान क्रेडिट कार्ड भी दिए हैं: PM @narendramodi
हमारी सरकार ने 15 नवंबर को भगवान बिरसा मुंडा जी के जन्म दिवस को जनजातीय गौरव दिवस घोषित किया है।
— PMO India (@PMOIndia) July 28, 2022
हमारी सरकार देशभर में आदिवासी स्वतंत्रता संग्राम सेनानियों की याद में विशेष संग्रहालय भी बनवा रही है: PM @narendramodi
पहली बार जनजातीय समाज से आने वाली देश की बेटी भारत के सबसे बड़े संवैधानिक पद पर पहुंची हैं।
— PMO India (@PMOIndia) July 28, 2022
देश ने श्रीमती द्रौपदी मुर्मू जी को राष्ट्रपति बनाया है।
ये 130 करोड़ से अधिक भारतवासियों के लिए बहुत गौरव का क्षण है: PM @narendramodi
