প্রধান মন্ত্রীনা ঙসি মুস্কাত্তা লৈবা ভারত মচাশিংগী অচৌবা মীফম অমদা ৱা ঙাংখ্রে। মীফম অদুদা ভারতকী তোঙান তোঙানবা স্কুলশিংগী মহৈরোই ৭০০ হেন্না শরুক য়াখি। চহি অসি ওমানদা লৈবা ভারতকী স্কুলশিংগীদমক্তা অখন্নবা মরুওইবা অমা ওইরি, মরমদি মখোয়না লৈবাক অসিদা লিংখৎখিবা চহি ৫০ মপুং ফারকপগী পালন তৌরি।
মীয়াম তিনখিবা অদুদা ৱা ঙাংলদুনা, প্রধান মন্ত্রীনা ভারত্তা লৈরিবা ইমুং-মনুং অমসুং মরুপ-মপাংশিংগী মহুৎ শিন্দুনা খুন্নাই অসিদা য়াইফ-পাউজেল পীখি। মহাক্না মখোয়বু নুংশি-চান্নবা অমসুং মচু-মচুগী ওইবা মওংদা তরাম্না ওকপগীদমক থাগৎপা ফোংদোকখি। মহাক্না হায়খি মদুদি ওমানদা য়ুম্ফম ওইবা ভারতকী তোঙান তোঙানবা মফমশিংদগী লাকপা মীওইশিংগা উনবদা মহাক্না নুংঙাইবা ফোংদোকখি। মহাক্না হায়খি মদুদি মখল কয়াগী মীওইশিং অসি ভারতকী চৎনবীগী য়ুম্ফমনি। ওমানদা লৈরিবা ভারত মচাশিংনা কয়া য়াম্না নুংশিজবগে হায়বগী মতাংদা পল্লদুনা প্রধান মন্ত্রীনা হায়খি মদুদি পুন্না লৈমিন্নবা অমসুং মতেং পীনবা অসি ভারত মচাশিংগী মশক থোকপা মশক অমনি।
প্রধান মন্ত্রীনা হায়খি মদুদি ভারত অমসুং ওমান্না মান্দবীদগী হৌরগা মুস্কাত ফাওবগী মরক্তা মতম কয়াগী মমাংদগী লৈরক্লবা মরীশিং লৈনরি। ঙসিদি মপান্দা লৈরিবা মীওইশিংনা কন্না হোৎনদুনা অমসুং পুন্না চৎমিন্নদুনা মরীশিং অসিবু মপাঙ্গল কনখৎহল্লি। ভারত কো জাননী ক্বিজ অসিদা মশিং য়াম্লবা মীওইশিংনা শরুক য়াখিবগীদমক মহাক্না থাগৎপা ফোংদোকখি। ভারত-ওমানগী মরীশিংদা লৌশিং অসি মরুওইবা অমা ওইরি হায়না পল্লদুনা মহাক্না লৈবাক অসিদা ভারতকী স্কুলশিং চহি ৫০ মপুং ফারকপদা মখোয়বু থাগৎপা ফোংদোকখি। খুন্নাই অসিগী য়াইফনবা তেংবাং পীরকপগীদমক প্রধান মন্ত্রীনা হিস মজেস্তী সুলতান হাইথাম বিন তারিকপু থাগৎপা ফোংদোকখি।
প্রধান মন্ত্রীনা ভারতকী অহোংবা পুরকপা গ্রোথ অমসুং দিবেলপমেন্ত, মসিগী অহোংবা পুরকপগী খোঙজেল অমসুং পাক চাউবা অমসুং মসিগী শেন্মিৎলোনগী মপাঙ্গলগী মরমদা হায়খি। মসি হৌখিবা ক্বার্তরদা চাদা ৮ হেনবা গ্রোথনা উৎলি। হৌখিবা চহি ১১দা সরকারনা ফংলকখিবা মাইপাকপশিংগী মতাংদা পল্লদুনা মহাক্না হায়খি মদুদি ইনফ্রাস্ত্রকচর দিবেলপমেন্ত, মেন্যুফেকচরিং, হেল্থকেয়র, গ্রীন গ্রোথ, অমসুং ৱুমেন এম্পাৱরমেন্তকী লমশিংদা লৈবাক অসিদা অহোংবা পুরকখ্রে। মহাক্না মখা তারদুনা হায়খি মদুদি ভারতনা মালেমগী থাক্কী ইনোবেসন, স্তার্তঅপ অমসুং দিজিতেল পব্লিক ইনফ্রাস্ত্রকচর ইকোসিস্তেম শেমগৎতুনা ২১শুবা চহিচাগীদমক শেম-শাদুনা লৈরি। মালেমগী ওইনা দিজিতেল পেমেন্তশিংগী চাদা ৫০গী চাংদা য়ুম্ফম ওইরিবা ভারতকী য়ু.পি.আই. অসি চাউথোকচনীংঙাই অমসুং মায় পাকপা অমনি হায়না প্রধান মন্ত্রীনা ফোংদোকখি। মহাক্না স্পেস সেক্তরদা ভারতনা ঙরাং ফংলকখিবা, থাদা লেন্দ তৌবদগী হৌরগা গগনয়ান হ্যুমেন স্পেস মিসন ফাওবগী মতাংদা পনখি। স্পেস অসি ভারত অমসুং ওমানগী মরক্তা তেংবাং পীনবগী মরুওইবা শরুক অমনি হায়নসু মহাক্না পনখি। মহাক্না মহৈরোইশিংবু নহারোলশিংগীদমক পান্দম থম্লিবা ইসরোগী য়ুভিকা প্রোগ্রামদা শরুক য়ানবা কৌখি। ভারত অসি কৈথেল খক্তা নত্তে, পোৎলমশিং অমসুং সর্ভিসশিংদগী হৌরগা দিজিতেল সোলুসনশিং ফাওবদা মালেমগীদমক মোদেল অমনি হায়না প্রধান মন্ত্রীনা ফোংদোকখি।
প্রধান মন্ত্রীনা প্রবাসীশিংগী য়াইফনবগীদমক ভারতনা অচেৎপা ফিরেপ লৌরি হায়না ফোংদোকখি। মহাক্না হায়খি মদুদি ঐখোয়গী মীয়ামদা মতম খুদিংদা অমসুং মফম খুদিংদা মতেং মথৌ তারবদি, সরকারনা মতেং পাংগনি।
ভারত-ওমান পার্তনরশিপ অসি এ.আই. কোলাবোরেসন, দিজিতেল লর্নিং, ইন্নোবেসন পার্তনরশিপ অমসুং ওন্ত্রপ্রিনরশিপ এক্সচেঞ্জগী খুত্থাংদা তুংলমচৎকীদমক শেম-শারগনি হায়না প্রধান মন্ত্রীনা ফোংদোকখি। মহাক্না নহারোলশিংদা চাউনা মঙলান উনবা, তংদু লৈতাবা তম্বীনবা অমসুং ইনোবেসন তৌনবা হায়খি। মসিনা মীওইবা খুন্নাইগীদমক্তা মখোয়না কান্নবা পীরগনি।
ভারত-ওমান পার্তনরশিপ অসি এ.আই. কোলাবোরেসন, দিজিতেল লর্নিং, ইন্নোবেসন পার্তনরশিপ অমসুং ওন্ত্রপ্রিনরশিপ এক্সচেঞ্জগী খুত্থাংদা তুংলমচৎকীদমক শেম-শারগনি হায়না প্রধান মন্ত্রীনা ফোংদোকখি। মহাক্না নহারোলশিংদা চাউনা মঙলান উনবা, তংদু লৈতাবা তম্বীনবা অমসুং ইনোবেসন তৌনবা হায়খি। মসিনা মীওইবা খুন্নাইগীদমক্তা মখোয়না কান্নবা পীরগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Bharat-Oman MAITRI Parv celebrates the enduring friendship between our two countries. pic.twitter.com/cp7uiQnSWI
— PMO India (@PMOIndia) December 18, 2025
India continues to be the fastest-growing major economy in the world. pic.twitter.com/Y06RTLh1Rq
— PMO India (@PMOIndia) December 18, 2025
21st century India takes bold decisions, makes swift decisions, moves ahead with big goals and delivers results within a defined timeline. pic.twitter.com/D25ptdeMpA
— PMO India (@PMOIndia) December 18, 2025
As the Pharmacy of the World, India's affordable and quality healthcare solutions are saving millions of lives across the globe. pic.twitter.com/RvxniMNqqk
— PMO India (@PMOIndia) December 18, 2025
PM @narendramodi's message for the youth...
— PMO India (@PMOIndia) December 18, 2025
Dream big.
Learn deeply.
Innovate boldly. pic.twitter.com/NbFU2506ms
