প্রধান মন্ত্রীনা ঙসি লৈবাক্কী কোনুংদা নারী শক্তি পুরস্কার ফংলবশিংগা উনখ্রে। লেহ, কশ্মীর, আন্ধ্র প্রদেশ য়াওনা লৈবাক্কী তোঙান তোঙানবা শরুকশিংদগী ৱুমেন এচিবর ১৫না মখোয়না মায়োক্নরকখিবশিং অমদি মতৌ করম্না মখোয়না মখোয়গী পান্দমশিং ফংখিবগে হায়বদু প্রধান মন্ত্রীদা পাউদমখি।
এচিবরশিং অদুদা চহী ১০৩ শুরবী শ্রীমতী মন কৌর য়াওরি, মহাক্না মশাগী চহী ৯৩ শুবদা এথেলেতিক্স হৌখি অমদি পোলেন্দদা পাংথোকখিবা ৱার্ল্দ মাস্তর্স এথেলেতিক চেম্পিয়নশিপকী ফিল্দ অমসুং ত্রেক ইভেন্ততা সনাগী তকমান ৪ লৌখি।
নুমধা হেন্দিক্রাফকী ফাউন্দর ওইরিবা জম্মু অমসুং কশ্মীরদগী অরিফা জান্না নুমধা হেন্দিক্রাফকী মাংলুরবা কলাবু অমুক হিংগৎহনখি। মহাক্না কশ্মীরদা নুপী ১০০ হেন্না ত্রেনিং পীখি অমদি মুৎলুরবা হেন্দিক্রাফ অসি অমুক হিংগৎহনখি।
ইন্দিয়ন এয়র ফোর্সকী অহানবা নুপী ফাইতর পাইলোৎ মোহনা সিংহ, ভাবনা কান্থ অমসুং অবানী চতুর্বেদীনসু মখোয়গী এক্সপরিয়েন্সশিং শেয়র তৌখি। মখোয় অহুম অসি চাংয়েং ওইনা নুপীশিংগীদমক ইন্দিয়ন এয়র ফোর্সতা ফাইতর স্ত্রিম হাংদোক্নবা ভারত সরকারনা ৱারেপ লৌরবা মতুংদা ইন্দিয়ন এয়র ফোর্স ফাইতর স্ক্বাদ্রোন্দা লৌশিনখি। মখোয় ২০১৮দা মিগ-২১ অমদা সোলো ফ্লাইৎ তৌবা অহানবা নুপী পাইলোৎশিং ওইখি।
আন্ধ্র প্রদেশতগী ত্রাইবেল নুপী ফার্মর অমসুং রুরেল ইন্তর্প্রিনর অমা ওইরিবা পলাদা ভুদেবী অমদি চেঙ্গুম থাববু মীয়াম্না পাম্নহনবগীদমক ‘মশরুম মহিলা’ হায়না খঙনরিবী বিহারগী মুঙ্গেরদগী বিনা দেবীনসু ফার্মিং অমসুং মার্কেতিংদা মখোয়গী এক্সপরিয়েন্স অদু প্রধান মন্ত্রীদা পাউদমখি।
উত্তর প্রদেশকী কানপুর জিলাদগী নুপী চেকশুবী মিস্ত্রী অমা ইরিবা কালাবতী দেবী অসি জিলা অসিদা লমহাংদা খোংহাম খুৎহাম চোইবা হন্থহন্নবগী মায়কৈদা দ্রাইবিং ফোর্স অমনি। মহাক্না কানপুর অমসুং অকোইবা খুঙ্গংশিংদা তোইলেৎ ৪০০০ হেন্না শাখ্রে। মতৌ করম্না মহাক্না ওপন দেফিকেসনগী ফত্তবশিংগী মতাংদা য়ুমথোং য়ুমথোং চংদুনা এৱার্নেস পীখিবগে হায়বদু মহাক্না প্রধান মন্ত্রীদা পাউদমখি।
নুপী ৩০,০০০ হেনবগা লোয়ননা গ্রুপ ২৮০০ হেন্না শেমখিবা এনভাইরনমেন্তেলিস্ত অমা ওইরিবা ঝার্খন্দদগী চামী মুর্মুনা অকংবা লমদমদা উ পাম্বী লাখ ২৫ হেন্না থাখিবগী মহাক্কী এক্সপরিয়েন্স অদু শেয়র তৌখি।
কেরলাদগী চহী ৯৮ শুরবী কথ্যায়ানী অম্মানা মতৌ করম্না মহাক্না ২০১৮গী ওগস্ততা কেরলা লিতরেসী মিসনগী অকাশরালক্ষম স্কিমগী মখাদা IV স্তেনদর্দকা মান্নবা পরিক্ষা পাস তৌখিবগে হায়বদু পাউদমখি। মহাক্না চাদা ৯৮ ফংদুনা অহানবা রেঙ্ক ফংবা ঙমখি।
তিনখিবশিংদা ৱা ঙাংলদুনা প্রধান মন্ত্রীনা হায়খি মদুদি নারী শক্তি এৱার্দ ৱিনরশিংনা সমাজ শেমগৎপা অমসুং জাতিবু ইন্সপায়র তৌবদা অচৌবা থৌদাং লৌরি।
মহাক্না হায়খি মদুদি নুপীশিংগী মরুওইবা থৌদাং য়াওদনা লৈবাক অসিনা ওপন দেফিকেসন ফ্রী স্তেতস ফংবা ঙমলম্লোই। মসিগা মান্ননা নুপীশিংনা চাউনা শরুক য়াদুনা মালন্যুত্রিসনগী ইশুসু লোইশিনবা ঙমগনি।
প্রধান মন্ত্রীনা ঈশিং য়োকশিন্দুনা থম্বগী মতাংদসু ৱা ঙাংখি অমদি জল জীবন মিসন্দা নুপীশিংনা চাউনা শরুক য়াবগী মথৌ তাবা অদু ফোংদোকখি।
মহাক্না এচিবরশিংবু নুংঙাইবা ফোংদোকখি অমদি মখোয় অসি লৈবাক পুম্বদা ইন্সপিরেসনগী হৌরকফম অমনি হায়খি।
