প্রধান মন্ত্রী শ্রী নরেন্দ্র মোদীনা ঙসি লোক কল্য়ান মার্গতা ইন্দস্ত্রীগী তোঙান তোঙানবা সেক্তরশিংগী কম্পেনীশিংগী সি.ই.ও.শিংগা ৱারি-ৱাতায় শানখ্রে৷ মথংগী য়ুনিয়ন বদজেৎকী মাংওইননা ইন্দস্ত্রী মীহুৎশিংগা লোইননা প্রধান মন্ত্রীনা অসিগুম্না উনখিবা অসি অনিরক শুরে৷
কোবিদ লান্থেংনবা মতমদা উৎথোকখিবা লৈবাক অসিগী মপাঙ্গল শক্তি অদুগী মতাংদা প্রধান মন্ত্রীনা ৱারি শাখি৷ ইন্দস্ত্রী লিদরশিংগী ইনপ্যুতশিং অমদি সজেসনশিং অদুগীদমক মখোয়বু মহাক্না থাগৎপা ফোংদোকখি, অমদি পি.এল.আই. ইন্সেন্তিবগুম্বা পোলিসীশিং অসি মপুং-ফানা শিজিন্ননবা মখোয়দা হায়খি৷ লৈবাক অসিনা ওলেম্পিক্সতা মকোক-থোংবা অহুমগী মনুংদা ফম্বাক অমা কনবা ঙম্নবা পান্দম থম্লিবা অদুগুম্না, লৈবাক অসিনসু ঐখোয়গী ইন্দস্ত্রীশিং অসি সেক্তর খুদিংমক্তা মালেমগী মকোক-থোংবা মঙাগী মনুং চনবা অদুসু উবা পাম্লি, অমদি ঐখোয়না পুন্না খুৎশম্নদুনা ফংনবা হোৎনমিন্নগদৌরিবা অসি মসিনি হায়না মহাক্না ফোংদোকখি৷ কোর্পোরেত সেক্তরনা লৌউ-শিংউ অমদি ফুদ প্রোসেসিংগুম্বা এরিয়াশিং অসিদা অহেনবা শেল থাদগদবনি, অমদি শিফতিংদগী নেচরেল ফার্মিংদনা হেন্না মীৎয়েং চংনবসু হোৎনগদবনি হায়না ফোংদোকখি৷ সরকারগী পোলিসী কন্সিস্তেন্সী অদু মহাক্না পনখি, অমদি লৈবাক অসিগী শেল-থুমগী ফিভম ফগৎহনগদৌরিবা ইনিসিয়েতিবশিং লৌখৎনবা সরকার অসিনা কন্না হোৎনরি হায়না মহাক্না ফোংদোকখি৷ কমপ্লাইয়েন্স বর্দন হন্থনবা সরকার অসিনা মীৎয়েং চংলিবা অসিগী মতাংদসু মহাক্না ৱা ঙাংখি অমদি লৌথোকপা দরকার ওইরিবা চুশিন্নদ্রবা কমপ্লাইয়েন্সশিং লৈরিবা এরিয়াশিংদা সজেসনশিং কৌখ্রে৷
ইন্দস্ত্রী মীহুৎশিংনা প্রধান মন্ত্রীদা মখোয়গী ফীদবেক পীখি৷ প্রধান মন্ত্রীনা প্রাইভেৎ সেক্তরদা থাজবা থম্লিবা অদুগীদমক মখোয়না মহাক্না থাগৎপা ফোংদোকখি৷ মহাক্কী লুচিং পুরেল অসিনা মরম ওইদুনা, লৈবাক অসিনা মহাক্কী মতম চাবা ইন্তরবেন্সনশিং অমদি ত্রান্সফোর্মেতিব রিফোর্মশিংগী খুৎথাংদা কোবিদতগী ফরক্লিবা মতুং অসিদা লৈবাক অসিগী শেল-থুমগী ফিভম ফগৎলক্লি হায়না মখোয়না ফোংদোকখি৷ প্রধান মন্ত্রীগী অত্মনির্ভর ভারত মংলান অসি মংফাওননবা মখোয়না হোৎনগনি হায়না ফোংদোকখি, অমদি পি.এম. গতিশক্তি, আই.বি.সি.গুম্বা সরকারনা লৌখৎখিবা তোঙান তোঙানবা খোঙথাংশিং অদুদা থাগৎপা ফোংদোকখি৷ লৈবাক অসিদা করবার তৌবা মখাতানা লাইথোকহন্নবা লৌখৎপা য়াবা খোঙথাংশিং অদুগী মতাংদা মখোয়না পনখি৷ সি.ও.পি.২৬তা ভারতনা লৌরিবা থৌদাং অমদি পান্দমশিং অদু ফংনবা হোৎনবদা ইন্দস্ত্রীনা মতৌ করম্না থৌদাং লৌবা য়াবগে হায়বা অদুগী মতাংদসু মখোয়না পনখি৷
সরকারনমা মতম চানা থবক পাইখৎপা অসিনা কোবিদকী মতুংদা ভি সেপ রিকোবরী লাকপা ঙম্লিবনি হায়না শ্রী তি.ভি. নরেন্দ্রননা ফোংদোকখি৷ ফুদ প্রোসেসিং ইন্দস্ত্রী অসি মখাতানা চাওখৎহন্নবা শ্রী সঞ্জীব পুরিনা সজেসনশিং পীখ্রে৷ স্বছ ভারত,স্তার্ত অপ ইন্দিয়াগু্ম্বা ফজরবা রিফোর্মশিং অসিগী খুৎথাংদা প্রধান মন্ত্রীনা ময়ামদগী তোখায়বা অমদি অনৌবা অহোংবশিং পুরকখ্রে হায়না শ্রী উদে কোতাকনা ফোংদোকখি৷ স্ক্রেপেজ পোলিসী অসি মতৌ করম্না হেন্না কমপ্লিহেন্সিব ওইহনবা য়াগদগে হায়বা অসিগী মতাংদা শ্রী সেসাগিরিনা রাউনা পনখি৷ ভারতপু মেনুফেকচরিং জাইন্ত অমা ওইহন্নবা প্রধান মন্ত্রীনা মংলিবা মংলান অদু মংফাওননা হোৎনরি হায়না শ্রী কেনিচি অয়ুকৱানা ফোংদোকখি৷ সি.ও.পি.২৬তা প্রধান মন্ত্রীগী পঞ্চামৃত কম্মিতমেন্ত অদুগী মতাংদা শ্রী বিনীত মিত্তনা ৱারি শাখি৷ গ্লাসগোদা প্রধান মন্ত্রীগী লমজিং-লমতাক অদু মালেমগী কম্ম্যুনিতী মেম্বরশিংনা চাওনা থাগৎনখি হায়না শ্রী মিনন্ত সিংহনা ফোংদোকখি৷ হকশেলদা হ্যুমেন রিসোর্স ফগৎহন্নবা খোংথাংশিং অদুগী মতাংদসু শ্রীমতি প্রীথা রেদ্দীনা ৱারি শাখি৷ এ.আই. অমসুং মেছিন লর্নিংগুম্বা নৌনা থোক্লক্লিবা এরিয়াশিং অসিদা মীৎয়েং চংবগী তঙাই ফদবা লৈরিবা অসিগী মতাংদসু শ্রী রিতেশ অগরৱালনা ৱারি শাখি৷
