Share
 
Comments
নীংতমবগী ৭৫শুবা চহিসিদা লৈবাক্কী কোনুংবু অনৌবা ভারতকী মথৌ তাবশিং অমসুং অপামবশিংগী মতুং ইন্না শেমগৎপগী মায়কৈদা অচৌবা খোঙথাং অমা থাংজিল্লে: পি.এম.
কোনুংদা মতমগা চুনবা দিফেন্স এনক্লেব শাগৎনবগী মায়কৈদা অচৌবা খোঙথাং অমনি: পি.এম.
লৈবাক অমগী কোনুং হায়বসি লৈবাক্তুগী ৱাখল্লোন, ফিরেপ, থৌনা অমসুং চৎনবীগী মমি তারিবনি: পি.এম.
ভারত অসি দিমোক্রেসীগী মমানি, ভারতকী কোনুং অসি মফমদুদা মীয়াম্না লৈবা মফম অমা ওইহনগদবনি: পি.এম.
ইজ ওফ লিভিং অমসুং ইজ ওফ দুইং বিজিনেস্তা মীৎয়েঙ চঙলিবসিদা মতমগা চুনবা ইনফ্রাস্ত্রকচরগীসু চাউরবা থৌদাং লৈ: পি.এম.
খুজিন থৌরাং অমসুং ফিরেপ চুম্লবা, নীংবগী পাঙ্গল কল্লবা অমদি পুকচেল শেংনা হোৎনরবদি পুম্নমক ওইথোকপা ঙমগনি: পি.এম.
থাখিবা মতমগী মমাঙদা প্রোজেক্ত অসি লোইশিল্লিবা অসি থবক খুত্তৌ অমসুং ৱাখল্লোনদা লাক্লিবা অহোংবদুগী মমিনি: পি.এম.

প্রধান মন্ত্রী শ্রী নরেন্দ্র মোদীনা ঙসি নই দিল্লীগী কস্তুরবা গান্ধী মার্গ অমসুং অফ্রিকা এভেন্যুদা দিফেন্স ওফিস কম্প্লেক্স শঙ্গাখ্রে‍। মহাক্না অফ্রিকা এভেন্যুদা লৈবা দিফেন্স ওফিস কম্প্লেক্সতসু চত্তুনা আর্মী, নেভী, এয়র ফোর্স অমসুং সিভিলিয়ন ওফিসরশিংগা ৱারী ৱাতায় শানখি‍।

থৌরমদুদা ৱা ঙাঙলদুনা, প্রধান মন্ত্রীনা ঙসি কম্প্লেক্স অসি শঙ্গারিবসি নীংতমবগী ৭৫শুবা চহিসিদা লৈবাক্কী কোনুংবু অনৌবা ভারতকী মথৌ তাবশিং অমসুং অপামবশিংগী মতুং ইন্না শেমগৎপগী মায়কৈদা অচৌবা খোঙথাং অমা থাংজিল্লিবনি হায়খ্রে‍। মতম শাংনা দিফেন্সকা মরী লৈনবা থবকশিং মালেমগী অনিসুবা লাঞ্জাও মতমদা পুক্নিংদা শগোলশঙ অমসুং বেরেক্কী মথৌ তাবশিং য়েংলগা শাখিবা শঙশিংদা পাঙথোক্তুনা লাক্লি‍। “অনৌবা দিফেন্স ওফিস কম্প্লেক্স অসিনা ঐখোয়গী দিফেন্স ফোর্সকী থবক থৌরমশিং হেন্না খুদোংচাহন্নবা অমদি মতিং লৈহন্নবা থৌরাংশিং মপাঙ্গল কনখৎহনগনি”, হায়না মহাক্না হায়খি‍।

কেজি মার্গ অমসুং অফ্রিকা এভেন্যুদা শাগৎলিবা অনৌবা ওফিসশিং অসি লৈবাকসিগী ঙাকশেলগা মরী লৈনবা থবকশিং মতিং লৈনা পায়খৎপদা চাউনা কান্নবা পীগনি হায়না প্রধান মন্ত্রীনা হায়খি‍। মসি কোনুংদা মতমগী দিফেন্স এনক্লেব অমা শেমগৎপগী মায়কৈদা অচৌবা খোঙথাং অমনি‍। ভারতকী আর্তিস্তশিংনা কম্প্লেক্স অসিদা আত্মনিরভর ভারতগী খুদম ওইনা পুক্নিং হুরবা অর্তিফেক্তশিং য়াওহল্লিবসিদা মহাক্না পুক্নিং থৌগৎখি‍। “কমপ্লেক্স অসিদা দিল্লী অমসুং এনভাইরনমেন্তকী মরুওইবশিং কায়হন্দনা থমবগা লোয়ননা ঐখোয়গী নাৎকী খেন্নবা মশকশিংগী মতমগী মশক মওংশিংগী মমি তারি,” হায়না মহাক্না হায়খি‍।

ঐখোয়না কোনুংগী ৱা হায়বা মতমদা মদু শুপ্নতগী ময়োল্লম অমখক্কী ৱাফম নত্তে‍। লৈবাক অমগী কোনুং হায়বসি লৈবাক্তুগী ৱাখল্লোন, ফিরেপ, থৌনা অমসুং নাৎকী খুদম্নি‍। ভারত দিমেক্রেসীগী মমানি‍। মরম অসিনা ভারতকী কোনুং হায়বসি মীয়াম্না মসিগী ময়ায়দা লৈবা মফম অমা ওইগদবনি‍ হায়না প্রধান মন্ত্রীনা হায়খি‍।

প্রধান মন্ত্রীনা ইজ ওফ দুইং লিভিং অমসুং ইজ ওফ দুইং বিজিনেসতা লৈঙাক্না মীৎয়েঙ চঙবদা মতমগা চুনবা ইনফ্রাস্ত্রকচরগী থৌদাংগী মরমদা ৱাফমশিং ফোঙদোকখি‍। “হৌজিক সেন্ত্রেল ভিস্তা শেমগৎ শাগৎলিবসি হায়রিবা ৱাখল্লোনসিখক্তদা য়ুম্ফম ওইরগা চঙশিল্লিবনি,” হায়না প্রধান মন্ত্রীনা হায়খি‍। কোনুংগী অপাম্বশিংগী মতুং ইন্না নৌনা শাগৎলিবনি হায়রদুনা মীয়ামগী মীহুৎশিংগী লৈফম শেমগৎ শাগৎলিবশিং, বাবা সাহেব অম্বেদকরগী মেমোরীশিং মাঙহন্দনবা হোৎনরিবা, ভবন কয়া, ঐখোয়গী মরৈবাক নীংবশিংগী নীংশিং খুভমশিংনা ঙসি কোনুংসিগী মতিক হেনগৎহল্লি হায়না প্রধান মন্ত্রীনা ফোঙদোকখি‍।

থা ২৪দা লোইশিনগদবা দিফেন্স ওফিস কমপ্লেক্সগী থবক অসি রেকোর্দ ওইনা থা ১২খক্তদা লোইশিনখি‍। মদুসু কোরোনানা ওইহল্লক্লিবা শিন্মী অমসুং অতৈ হীরম কয়াদা লৈরিবা শিংনবশিংগী মরক্তা ঙম্লিবনি‍। কোরোনাগী মতমসিদা শিন্মী চা কয়া প্রোজেক্তা অসিদা থবক ফংলি হায়না প্রধান মন্ত্রীনা হায়খি‍। ৱাফম অসিদা প্রধান মন্ত্রীনা লৈঙাক্কী থবক তৌবদা অনৌবা ৱাখল্লোন অমসুং মওং মতৌগী মহৈনি হায়না ফোঙদোকখি‍। “খুজিন থৌরাং অমসুং ফিরেপ চুম্লবা, নীংবগী পাঙ্গল কল্লবা অমদি পুকচেল শেংনা হোৎনরবদি পুম্নমক ওইথোকপা ঙমগনি,” হায়না প্রধান মন্ত্রীনা হায়খি‍।

হায়রিবা দিফেন্স ওফিস কম্প্লেক্সশিং অসি লৈঙাক্কী হোংলক্লিবা ৱর্ক কল্চর অমসুং প্রাইওরিতীগী মমিনি‍। লৈঙাক্কী তোঙান তোঙানবা লোয়শঙশিংদা লৈরিবা লমশিং মওং চুম্না অমদি মতিং লৈনা শীজিন্নবা হায়বসি অসিগুম্বা প্রাইওরিতী অমনি হায়না মহাক্না হায়খি‍। মসিবু শন্দোক্না তাক্লদুনা হায়রিবা দিফেন্স কমপ্লেক্সশিং অসি একর ১৩গী লমগী পার্সেলদা শাদুনা মমাঙদা অসিগুম্বা কম্প্লেক্সশিং শাবদা লম শরুক মঙা হেল্লমবদু হন্থহল্লে হায়না প্রধান মন্ত্রীনা ফোঙদোকখি‍। লাক্কদৌরিবা চহি ২৫, হা্য়বদি ‘অজাদি কা অমৃত কাল’ অসিদা লৈঙাক্কী সিস্তেমগী প্রদক্তিবিতী অমসুং ইফিসিএন্সী অসিগুম্বা থৌরাংশিংনা ঙাক্লৌ পীগদৌরিবনি হায়নসু প্রধান মন্ত্রীনা ফোঙদোকখি‍। কম্মন সেন্ত্রেল সেক্রেতরিএত, শমজিন্নরবা কন্ফরেন্স হোল, মেত্রোনচিংবশিংগা লায়না শম্নহল্লবা অসিগুম্বা খুদোংচাবশিং অসিনা কোনুংবু মীয়ামগা চুনবা মফম অমা ওইহনবদা চাউনা কান্নগনি হায়না প্রধান মন্ত্রীনা মখা তাখি‍।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India exports Rs 27,575 cr worth of marine products in Apr-Sept: Centre

Media Coverage

India exports Rs 27,575 cr worth of marine products in Apr-Sept: Centre
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 8 দিসেম্বর, 2021
December 08, 2021
Share
 
Comments

The country exported 6.05 lakh tonnes of marine products worth Rs 27,575 crore in the first six months of the current financial year 2021-22

Citizens rejoice as India is moving forward towards the development path through Modi Govt’s thrust on Good Governance.