প্রধান মন্ত্রী শ্রী নরেন্দ্র মোদীনা ঙসি তেলঙ্গনাগী হৈদরাবাদতা স্কাইরুৎকী ইনফিনিতি কেম্পস ভিদিও কনফরেন্সিংগী খুত্থাংদা শঙ্গাখ্রে। থৌরম অদুদা তিনখিবা মীয়ামদা ৱা ঙাংলদুনা প্রধান মন্ত্রীনা হায়খি মদুদি ঙসিদি লৈবাক অসিনা স্পেস সেক্তরদা মমাংদা অমুক্তা ওইখিদ্রিবা খুদোংচাবা অমা উবা ফংলি। মহাক্না হায়খি মদুদি প্রাইবেৎ সেক্তরনা থৌনা হাপচিন্দুনা ভারতকী স্পেস ইকোসিস্তেমদা অচৌবা খোংজং অমা চংশিল্লি। মহাক্না হায়খি মদুদি স্কাইরুৎকী ইনফিনিতি কেম্পস অসিনা ভারতকী অনৌবা ৱাখল্লোন, ইন্নোবেসন অমসুং নহারোলশিংগী শক্তি অদু উৎলি। মহাক্না হায়খি মদুদি লৈবাক অসিগী নহারোলশিংগী ইন্নোবেসন, রিস্ক লৌবা ঙম্বা অমসুং ওন্ত্রপ্রিন্যুরশিপ অসি অনৌবা থাক্তা য়ৌরি। ঙসিগী প্রোগ্রাম অসি লাক্কদৌরিবা মতমশিংদা ভারতনা মালেমগী সেতেলাইত থাগৎপগী ইকোসিস্তেমদা লুচিংবা অমা ওইনা করম্না থোরক্কদগে হায়বদু উৎলি হায়না শ্রী মোদীনা ফোংদোকখি। মহাক্না শ্রী পৱন কুমার চন্দন অমসুং শ্রী নাগা ভারত ধকাদা মহাক্কী য়াইফ পাউজেল পীখি। নহা ওইরিবা ওন্ত্রপ্রিন্যুর অনি অসি লৈবাক শিনবা থুংনা লৈরিবা নহা ওইরিবা স্পেস ওন্ত্রপ্রিন্যুর কয়াদা ইথিল পীরি হায়না মহাক্না ফোংদোকখি। মখোয় অনিমক্না মশাদা থাজবা থমখি, খুদোংচাদবশিং লৌবদা থাজবা থমখি অমসুং মসিগী মহৈ ওইনা লৈবাক পুম্বনা ঙসি মখোয়গী মাইপাকপগী খুদম ওইরি, লৈবাক অসিনা মখোয়দা চাউথোকচরি হায়না মহাক্না ফোংদোকখি।
ভারতকী স্পেস খোঙচৎ অসি রিসোর্স মশিং য়াম্না লৈতবদগী হৌখিবনি হায়না পল্লদুনা শ্রী মোদীনা হায়খি মদুদি লৈবাক অসিগী মঙলান অসি মশীং থীঙমদনা লৈ। সাইকল অমদা রোকেত পার্তশিং পুথোকপদগী হৌরগা মালেমগী খ্বাইদগী থাজবা য়াবা লোঞ্চ ভেহিকলশিং শেমগৎপদা, ভারতনা অৱাংবা থাক অসি য়ৌবা ঙম্বদা রিসোর্সশিংদা নত্তনা ৱারেপনসু লেপচৈ হায়বা উৎখ্রে। প্রধান মন্ত্রীনা হায়খি, "ইসরোনা চহী কয়াদগী ভারতকী স্পেস খোঙচৎতা অনৌবা শাফু পীরি অমসুং থাজবা, কেপাসিতী অমসুং ভেল্যু অসিনা সেক্তর অসিদা ভারতকী তোঙানবা মশক অমা শেম্লে।"
হোংলক্লিবা মতম অসিদা, স্পেস সেক্তর পাকথোক চাউথোকপা উবা ফংই হায়না শ্রী মোদীনা ফোংদোকখি। মসিনা কম্ম্যুনিকেসন, এগ্রিকলচর, মেরিন মোনিতরিং, অর্বান প্লান্নিং, ৱেদর প্রিদিক্সন অমসুং নেস্নেল সেক্যুরিতীগী য়ুম্ফম ওইরে। মহাক্না হায়খি মদুদি মসিনা মরম ওইদুনা ভারতকী স্পেস সেক্তরদা পুৱারী ওইরবা রিফোর্মশিং পায়খৎলি। সরকারনা মসি প্রাইবেৎ ইন্নোবেসনগীদমক হাংদোক্লি অমসুং অনৌবা স্পেস পোলিসী শেম্লি। শ্রী মোদীনা মখা তারদুনা হায়খি মদুদি স্তার্ত-অপশিং অমসুং ইন্দস্ত্রীগা ইনোবেসনগা শম্নহন্নবা হোৎনখি। অমসুং স্তার্ত-অপশিংদা ইসরোগী খুদোংচাবশিং অমসুং তেক্নোলোজী ফংহন্নবা ইন-স্পেস লিংখৎখি। হৌখিবা চহি ৬-৭ অসিদা, ভারতনা স্পেস সেক্তরবু ওপন, কোওপরেতিব, অমসুং ইনোবেসন-দ্রিভেন ইকোসিস্তেম অমদা ওন্থোকখ্রে হায়না প্রধান মন্ত্রীনা থমখি। ঙসিগী প্রোগ্রাম অসি অসিগুম্বা ওন্থোকপগী মওং অদুনি হায়না মহাক্না ফোংদোকখি।
ভারতকী নহারোলশিংনা মতম পুম্নমক্তা লৈবাক্কী কান্নববু খ্বাইদগী মরুওইনা লৌই অমসুং খুদোংচাবা খুদিংমক ফজনা শীজিন্নৈ হায়না পল্লদুনা শ্রী মোদীনা হায়খি মদুদি সরকারনা স্পেস সেক্তর হাংদোকপা মতমদা, লৈবাক অসিগী নহারোলশিং, মরুওইনা জেন-জেদ জেনেরেসননা মসিগী মপুং ফানা কান্নবা লৌনবা মাংলোমদা চংশিনখি। ঙসি স্পেস স্তার্ত-অপ ৩০০ হেনবনা ভারতকী স্পেস তুংলমচৎতা অনৌবা আশা পীরি হায়না মহাক্না ফোংদোকখি। মসিগী স্তার্ত-অপশিং অসি অয়াম্বনা অপীকপা তীমশিংগা লোয়ননা হৌরকখি। করিগুম্বা মতমদা মীওই অনি, করিগুম্বা মতমদা মঙা, করিগুম্বা মতমদা অপীকপা ভারাগী রুম অমদা, রিসোর্স মশিং য়াম্না লৈরবসু অনৌবা থাক্তা য়ৌনবা হোৎনখি। প্রধান মন্ত্রীনা হায়খি, "মসিগী ৱাখল্লোন অসিনা ভারত্তা প্রাইবেৎ স্পেস রিভোলুসন অমা পোকহল্লে।" জেনরেসন-জেদ ইঞ্জিনীয়রশিং, দিজাইনরশিং, কোদরশিং অমসুং সাইন্তিস্তশিংনা অনৌবা তেক্নোলোজীশিং শেমগৎলি হায়না মহাক্না ফোংদোকখি। মখোয়শিং অসি প্রোপলসন সিস্তেমশিং, কম্পোজিৎ মেতিরিএলশিং, রোকেত স্তেজশিং নৎত্রগা সেতেলাইত প্লেৎফোর্মশিং ওইরবসু, অমসুং ভারতকী নহাশিংনা চহি খরগী মমাংদা খল্লোইদবা লমশিংদা থবক তৌরি হায়না মহাক্না ফোংদোকখি। ভারতকী প্রাইবেৎ স্পেস তেলেন্তনা মালেম শীনবা থুংনা মশক থোকপা মশক অমা শেমগৎলি হায়না মহাক্না ফোংদোকখি। ঙসিদি মালেমগী ইনভেস্তরশিংগীদমক্তা ভারতকী স্পেস সেক্তর অসি য়াম্না পাম্নবা মফম অমা ওইরক্লি হায়না মহাক্না মখা তাখি।
মালেম শীনবা থুংনা অপীকপা সেতেলাইৎশিংগী দিমান্দ লেপ্তনা হেনগৎলক্লি হায়না পল্লদুনা অমসুং থাগৎপগী ফ্রিক্বেন্সিসু হেনগৎলক্লি হায়না পল্লদুনা শ্রী মোদীনা সেতেলাইৎ সর্ভিসশিং ফংহন্নবা অনৌবা কম্পেনীশিংনা লম অসিদা চঙশিল্লক্লি হায়না ফোংদোকখি অমসুং স্পেস অসি হৌজিক্তি স্ত্রাতেজিক এসেৎ অমা ওইনা মশক তাক্লে হায়না থমখি। মহাক্না হায়খি মদুদি লাক্কদৌরিবা চহিশিংদা মালেমগী স্পেস ইকোনোমী অসি মেনফোল্দদা হেনগৎলক্লগনি। মসিনা ভারতকী নহারোলশিংগীদমক য়াম্না মরু ওইবা খুদোংচাবা অমা পীরি।
ভারতনা স্পেস সেক্তরদা মালেমগী লৈবাক খরখক্তদা লৈজবা মগুনশিং লৈরি। এক্সপর্ত ইঞ্জিনীয়রশিং, অৱাংবা থাক্কী মেন্যুফেকচরিং ইকোসিস্তেম, মালেমগী থাক্কী লাঞ্চ সাইতশিং অমসুং ইনোবেসনবু পুক্নিং থৌগৎলিবা ৱাখল্লোন লৈ হায়না প্রধান মন্ত্রীনা হায়খি। মহাক্না হায়খি মদুদি ভারতকী স্পেস কেপাবিলিতী অসি শেল চঙবা অমসুং থাজবা য়াবা অনিমক ওইরি। মরম অসিনা মালেম অসিনা লৈবাক অসিদগী অৱাংবা থাজবা লৈ। গ্লোবেল কম্পেনীশিংনা ভারত্তা সেতেলাইত পুথোকপা পাম্মি, ভারত্তগী লাঞ্চ সর্ভিসশিং ফংনবা অমসুং ভারতকা তেক্নোলোজী পার্তনরশিপ তৌনবা হোৎনরি হায়না মহাক্না ফোংদোকখি। মরম অসিনা লৈবাক অসিনা খুদোংচাবা অসি খ্বাইদগী ফবা মওংদা শিজিন্নগদবনি হায়না মহাক্না থমখি।
প্রধান মন্ত্রীনা হায়খি মদুদি রিফোর্মশিংগী স্কোপ অসি লেপ্তনা পাকথোক চাউথোক্লি। মহাক্না হায়খি মদুদি স্পেস ইনোবেসন অসি প্রাইবেৎ সেক্তরগীদমক হাংদোকখিবগুম্না, ভারতনা হৌজিক ন্যুক্লিয়র সেক্তরসু হাংদোক্নবা হোৎনরি। মহাক্না অকনবা ৱাফম থমখি মদুদি হীরম অসিদা প্রাইবেৎ সেক্তরগী অচৌবা থৌদাং অমা লৈরি। মসিনা অপীকপা মোদ্যুলর রিএক্তরশিং, এদভান্স রিএক্তরশিং অমসুং ন্যুক্লিয়র ইনোভেসনশিংদা খুদোংচাবশিং ফংহল্লগনি। রিফোর্ম অসিনা ভারতকী ইনর্জী সেক্যুরিতী অমসুং তেক্নোলোজিগী লুচিংবদা অনৌবা পাঙ্গল পীগনি হায়না মহাক্না ফোংদোকখি।
তুংলমচৎ অসি ঙসি পাংথোক্লিবা রিসর্চকী মখা পোল্লি হায়না পল্লদুনা প্রধান মন্ত্রীনা হায়খি মদুদি সরকার অসিনা রিসর্সতা নহাশিংদা খ্বাইদগী হেন্না খুদোংচাবা পীবদা মীৎয়েং থম্লি। মোদর্ন রিসর্সতা মতেং পাংনবা নেস্নেল রিসর্স ফাউন্দেসন লিংখৎখিবগী মতাংদা মহাক্না পনখি অমসুং 'ৱান নেসন, ৱান সবস্ক্রাইব' ইনিসিয়েতিব অসিনা মহৈরোয় পুম্নমক্কীদমক ইন্তর্নেস্নেল জর্নেলশিং হেন্না লায়থোকহল্লে হায়না মহাক্না পনখি। মহাক্না হায়খি মদুদি লুপা কোতি লাখ ১গী রিসর্স, দিবেলপমেন্ত অমসুং ইন্নোবেসন ফন্দ অসিনা লৈবাক শিনবা থুংনা লৈরিবা নহাশিংদা চাউনা মতেং পাংগনি। শ্রী মোদীনা হায়খি মদুদি মহৈরোয়শিংগী মরক্তা রিসর্স অমসুং ইন্নোবেসনগী ৱাখল্লোন অমা পোকহন্নবা অতল তিঙ্করিং লেব ১০,০০০ হেন্না হান্ননা লিংখৎখ্রে। লাক্কদৌরিবা নুমিৎশিংদা অনৌবা লেব ৫০,০০০ লিংখৎনবা থবক পায়খৎলি। মহাক্না অকনবা ৱাফম থমখি মদুদি মসিগী হোৎনবা অসিনা ভারত্তা অনৌবা ইন্নোবেসনশিংগী য়ুম্ফম ওইরি অমসুং লাক্কদৌরিবা মতম অসি ভারত, মসিগী নহাশিং অমসুং মসিগী ইন্নোবেসনশিংগীনি হায়না ফোঙদোকখি। থা খরগী মমাংদা, স্পেস দেগী থৌরমদা, মহাক্না ভারতকী স্পেস এস্পিরেসনশিংগী মতাংদা ৱা ঙাংখিবদু নিংশিংখি। মহাক্না মখা তাখি মদুদি লাক্কদৌরিবা চহী মঙাগী মনুংদা ভারতনা মসিগী লঞ্চ তৌবা ঙম্বগী কেপাসিতী অসি অনৌবা অৱাংবা থাক্তা পুখৎকনি অমসুং স্পেস সেক্তরদা অনৌবা য়ুনিকর্ন মঙা শেমগনি। মহাক্না হায়খি মদুদি স্কাইরুৎ তীমগী খুমাং চাওশিল্লকপনা ভারতনা থম্লিবা পান্দম খুদিংমক ফংলগনি হায়বা থাজবা পীরি।
প্রধান মন্ত্রীনা নহারোল খুদিংমক্তা, স্তার্ত-অপ খুদিংমক্তা, সাইন্তিস্ত খুদিংমক্তা, ইঞ্জিনীয়র খুদিংমক্তা অমসুং ইন্ত্রপ্রিনর খুদিংমক্তা সরকারনা খোঙথাং খুদিংদা মখোয়গা লোইননা লেপমিন্নগনি হায়না থাজবা পীখি। মহাক্না অমুক হন্না স্কাইরুৎ তীম পুম্নমকপু থাগৎপা ফোংদোকখি অমসুং ভারতকী স্পেস খোঙচৎতা অনৌবা থৌনা পীরিবশিং পুম্নমকপু য়াইফ-পাউজেল পীখি। মহাক্না ২১শুবা চহিচা অসি মালেমদা ওইরবসু নৎত্রগা স্পেসতা ওইরবসু ভারতকী চহিচা ওইহন্নবা মীপুম খুদিংমক্তা হায়জদুনা লোইশিনখি।
থৌরম অদুদা কেন্দ্রগী মন্ত্রী, শ্রী জি কিশান রেদ্দি অমসুং অতোপ্পা মকোক থোংবা মীওইশিংসু শরুক য়াখি।
বেকগ্রাউন্দ
ইন্দিয়ন স্পেস স্তার্তঅপ স্কাইরুৎকী ইনফিনিতী কেম্পস অসি থা খুদিংগী ওর্বিতেল রোকেত অমা শেমগৎপা ঙম্বা, দিজাইন তৌবা, দিবেলপ তৌবা, ইন্তিগ্রেৎ তৌবা অমসুং মল্তিপল লোঞ্চ ভেহিকলশিং চাংয়েং তৌনবা চাউরাক্না স্ক্বার ফিৎ ২০০,০০০গী থবক মফম লৈবা অনৌবা ফেসিলিতী অমনি।
স্কাইরুত অসি ভারতকী মকোক থোংবা প্রাইবেৎ স্পেস কম্পেনী অমনি। মসি পৱন চান্দনা অমসুং ভারত ধাকা, ইন্দিয়ন ইন্সতিত্যুৎ ওফ তেক্নোলোজীগী এলুমনি অমসুং ইসরোগী হান্নগী সাইন্তিস্ত অনিমক্না ইন্ত্রপ্রিনর ওইদুনা লিংখৎখি। নবেম্বর ২০২২দা, স্কাইরুতনা মসিগী সব-ওর্বিতেল রোকেত, বিক্রম-এস থাগৎখি। মসিনা স্পেসতা রোকেত থাগৎখিবা অহানবা ভারতকী প্রাইবেৎ কম্পেনী ওইখি।
প্রাইবেৎ স্পেস এন্তরপ্রাইজশিংগী খোঙজেল য়াংনা হেনগৎলকপা অসিনা হৌখিবা চহি খরদা সরকারনা পায়খৎখিবা ত্রান্সফোর্মেতিব রিফোর্মশিংগী মাই পাকপগী খুদম ওইরি। মসিনা ভারতপু গ্লোবেল স্পেস পাৱর অমা ওইনা মপাঙ্গল কনখৎহল্লি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Our youth power, with its innovation, risk-taking ability and entrepreneurship, is reaching new heights. pic.twitter.com/zpPkT3g4IG
— PMO India (@PMOIndia) November 27, 2025
ISRO has powered India's space journey to new heights for decades. Through its credibility, capacity and value, India has carved out a distinct identity in the global space landscape. pic.twitter.com/50wE3B9cPh
— PMO India (@PMOIndia) November 27, 2025
In just the last six to seven years, India has transformed its space sector into an open, cooperative and innovation-driven ecosystem. pic.twitter.com/SHPWkZXNnN
— PMO India (@PMOIndia) November 27, 2025
When the government opened the space sector, our youth and especially Gen Z, came forward to make the most of the opportunity. pic.twitter.com/alb2rRvNjH
— PMO India (@PMOIndia) November 27, 2025
India possesses capabilities in the space sector that few nations in the world possess. pic.twitter.com/nSr0cQBXNt
— PMO India (@PMOIndia) November 27, 2025
Be it FinTech, AgriTech, HealthTech, Climate Tech, or Defence Tech, India's youth, especially our Gen Z, are delivering new solutions across every field. pic.twitter.com/eLOmePiQRZ
— PMO India (@PMOIndia) November 27, 2025
