Share
 
Comments
সিদ্ধার্থনগর, ইতাহ, হার্দোই, প্রতাপগর, ফতেপুর, দিওরিয়া, ঘাজিপুর, মির্জাপুর অমসুং জৌনপুরদা অনৌবা মেদিকেল কোলেজশিং লৈরে
“উত্তর প্রদেশকী দবল ইঞ্জিন সরকার অসি কর্ম্ম য়োগীশিংনা দিকেৎ কয়া কন্না হোৎনবগী মহৈনি”
“মাধব প্রসাদ ত্রিপাথীগী মমিংনা মেদিকেল কোলেজতগী থোক্লকপা নহা ওইরিবা দোক্তরশিংনা মীয়ামগী থবকশিং তৌবদা পুক্নিং থৌগৎলগনি”
“উত্তর প্রদেশকী পুর্বনচলদা মমাংদা মেনিনজাইতিসনা মিংচৎ থিহনখিবা অসিদা নোংপোক থংবা ভারত্তা হকশেলগী অনৌবা মঙাল অমা পীরগনি”
“সরকারনা করিগুম্বা অমা খল্লকপদা, ৱাখলদা লায়রবগী চৈনাগী মীনুংশি অমা ফাওরকই, অসুম্না মায় পাকপা অসি ওইরকপনি”
“মেদিকেল কোলেজ কয়া অমা খুৎশিন্নবা অসি রাজ্য অসিদা মমাংদা অমুক্তা থোকখিদ্রি। মসি মমাংদা থোকখিদ্রি অমসুং করিগীদমক মসি হৌজিক ওইরক্লিবনো, মসিদা মরম অমখক লৈ – রাজনিতীগী তৌবা ঙম্বা অমসুং রাজনিতীগী অহানবা তৌগদবশিং অসিনি”
“২০১৭ ফাওবদা উত্তর প্রদেশতা সরকারগী মেদিকেল কোলেজগী মেদিকেল সীত শুপ্নতগী ১৯০০ খক্তা লৈরম্মী। দবল ইঞ্জিনগী সরকারনা চহি মরিদা সীত ১৯০০ হেন্না হাপচিনখি”

প্রধান মন্ত্রী শ্রী নরেন্দ্র মোদীনা .পি.গী সিদ্ধার্থ নগরদা মেদিকেল কোলেজ ৯ শঙ্গাখ্রে। হায়রিবা মেদিকেল কোলেজ মাপল অসি সিদ্ধার্থনগর, ইতাহ, হার্দোই, প্রতাপগর, ফতেপুর, দিওরিয়া, ঘাজিপুর, মির্জাপুর অমসুং জৌনপুরগী দিস্ত্রীক্তশিংদা শাখিবনি। উত্তর প্রদেশকী রাজ্যপাল অমসুং মুখ্য মন্ত্রীনা থৌরম অসিদা ৱা ঙাংখি, প্রধান মন্ত্রীনা হায়খি কেন্দ্র সরকার অমসুং উত্তর প্রদেশকী সরকার অসি কর্ম্ম য়োগীশিংনা দিকেৎ কয়া কন্না হোৎনবগী মহৈনি। মহাক্না হায়খি মদুদি  সিদ্ধার্থনগরদা লৈখিদ্রবা মাধব প্রসাদ ত্রিপাথী জীগুম্বগী শক্লোন্দা লৈবাক অসিদা কৎথোকপা মীয়ামগী মীহুৎশিং লৈরি, হায়রিবা মখোয়না ঙসিসু চোকথবা নাইদনা কন্না হোৎনদুনা লৈবাক অসিদা মতেং পাংলি। মহাক্না মখা তানা হায়খি মদুদি সিদ্ধার্থনগরগী অনৌবা কোলেজশিংদা মাধব বাবুগী মমিং থোনবা অসি মহাক্কী থবকশিংদা তশেংনা ইকাই খুম্নবা উৎপনি। মাধব বাবুগী মমিং অসিনা কোলেজ অসিদগী থোরক্লিবা নহা ওইরিবা দোক্তরশিংদা মীয়ামগী থবক তৌবদা পুক্নিং থৌগৎলগনি।   

প্রধান মন্ত্রীনা হায়খি মদুদি অনৌবা মেদিকেল কোলেজ ৯ শেমগৎপা অসিগা লোয়ননা, অনৌবা বেদ লিশিং অনিগা মখায়রোম লৈহনখ্রে, দোক্তর অমসুং পেরামেদিকশিং লিশিং ৫ হেন্না অনৌবা থবক্কী খুদোংচাবা পীরি। “মসিগা লোয়ননা, চহি খুদিংগী নহারোল চাম্মদা মেদিকেল এজুকেসনগী অনৌবা লম্বী অমা হাংদোক্লি,” হায়না মহাক্না হায়খি।

প্রধান মন্ত্রীনা হায়খি পুর্বনচলদা মেনিনজাইতিসনা মরম ওইদুনা তুজুংনিঙাই ওইবা মীশিদা মমাংগী সরকারনা মিংচৎ থিহনখি। মসিগা মান্ননা, উত্তর প্রদেস অসি নোংপোক থংবা ভারত্তা হকশেলগী অনৌবা মঙাল অমা পীরগনি, হায়না শ্রী মোদীনা হায়খি।   

প্রধান মন্ত্রীনা নিংশিংখি মদুদি হৌজিক উত্তর প্রদেশকী মুখ্য মন্ত্রী ওইবিরিবা য়োগী অদিত্যনাথ জীনা পার্লিয়ামেন্তকী মেম্বর ওইরিঙৈদা পার্লিয়ামেন্তকী ইপিসোদতা রাজ্য অসি অকিবা ফংনা শোৎথরবা মেদিকেল সিস্তেমগী মতাংদা ৱা ঙাংখি। প্রধান মন্ত্রীনা ঙসি হায়খি, উত্তর প্রদেশকী মীওইশিংনা উবা ফংলি মদুদি, মীয়াম্না সেবা তৌবগী খুদোংচাবা অমা পীরি, এন্সাফাইলাতিস হেনগৎপা লেপখ্রে অমসুং মফম অসিদা অঙাং লিশিং কয়াগী পুন্সি কনখ্রে। “সরকারনা করিগুম্বা অমা খল্লকপদা, ৱাখলদা লায়রবগী চৈনাগী মীনুংশি অমা ফাওরকই, অসুম্না মায় পাকপা অসি ওইরকপনি,” হায়না প্রধান মন্ত্রীনা হায়খি।

প্রধান মন্ত্রী হায়খি মদুদি অসুক য়াম্বা মেদিকেল কোলেজ কয়া অমা খুৎশিন্নবা অসি রাজ্য অসিদা মমাংদা অমুক্তা থোকখিদ্রি। “মসি মমাংদা থোকখিদ্রি অমসুং করিগীদমক মসি হৌজিক ওইরক্লিবনো, মসিদা মরম অমখক লৈ – রাজনিতীগী তৌবা ঙম্বা অমসুং রাজনিতীগী অহানবা তৌগদবশিং অসিনি” হায়না প্রধান মন্ত্রীনা মরুওইবা পীখি। প্রধান মন্ত্রীনা হায়খি মদুদি চহি ৭কী মমাংদা দিল্লীদা লৈরম্বা মমাংগী সরকার অমসুং চহি ৪গী মমাংদা উত্তর প্রদেশতা লৈরম্বা সরকারনা মীখলগীদমক থবক তৌখি অমসুং মীখলগীদমক য়েংলগা দিস্পেন্সরী খরা অমদি হোস্পিতাল খরা লাওথোক্তুনা তোকখি। প্রধান মন্ত্রীনা হায়খি মতম কুইনা, বল্দিং অমত্তা শাখিদে, বিল্দিং শারবসু মেচিন  থমদে, করিগুম্বা অনিমক লৈরবসু দোক্তর অমসুং অতৈ স্তাফশিং থমখিদে। পরিং নাইবা শেঞ্জা-থুমজানা, লায়রবশিংদগী লুপা কোতি লিশিং কয়া অমা মৎতুনা লেপ্পা লৈতনা চৎথখি।

প্রধান মন্ত্রীনা হায়খি ২০১৪গী মমাংদা, লৈবাক অসিদা মেদিকেল সীত ৯০,০০০গী মখাদা লৈরম্মী। হৌখিবা চহি ৭ অসিদা, লৈবাক অসিদা অনৌবা মেদিকেল সীত ৬০,০০০ হাচিনখ্রে। উত্তর প্রদেশতসু, ২০১৭ ফাওবদা সরকারগী মেদিকেল কোলেজদা মেদিকেল সীত ১৯০০ খক্তা লৈরমখি। অদুবু দবল ইঞ্জিন সরকার অসিদা চহি মরি খক্তদা সীত ১৯০০দগী হেন্না হেনগৎখি।

 

 

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 নবেম্বর, 2021
November 29, 2021
Share
 
Comments

As the Indian economy recovers at a fast pace, Citizens appreciate the economic decisions taken by the Govt.

India is achieving greater heights under the leadership of Modi Govt.