Share
 
Comments
Dedicated Freight Corridor will enhance ease of doing business, cut down logistics cost: PM Modi
Freight corridors will strengthen Aatmanirbhar Bharat Abhiyan: PM Modi
Country's infrastructure development should be kept away from politics: PM

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অনৌবা-ভাউপুর-অনৌবা খুর্জা সেক্তর অমসুং ইস্তর্ন দেদিকেতেদ ফ্রেত কোরিদোরগী ওপরেস্নেল কন্ত্রোল হৌদোকখ্রে। থৌরম অদুদা কেন্দ্র মন্ত্রী, শ্রী পিয়ুশ গোয়ল অমসুং উত্তর প্রদেশকী মুখ্য মন্ত্রী শ্রী য়োগী আদিত্যনাথসু শরুক য়াখি।

থৌরম অদুদা ৱা ঙাংলদুনা প্রধান মন্ত্রীনা অনৌবা রেল ইনফ্রাস্ত্রকচর প্রোজেক্তশিং হৌদোকখিবদা অপেনবা ফোংদোকখি। মহাক্না হায়খি মদুদি খুর্জা ভাউপুর ফ্রেত কোরিদোরদা অহানবা মালগারী চেনখিবদা ঐখোয়না আত্মনির্ভর ভারতকী খোঞ্জেল অদু তাবা ফমলে। মহাক্না হায়খি মদুদি প্রয়াগরাজ ওপরেস্নেল কন্ত্রোল সেন্তর অসি অনৌবা ভারতকী পাঙ্গলগী খুদম অমা ওইরিবা অনৌবা কন্ত্রোল সেন্তরশিংগী মনুংদা অমনি। 

প্রধান মন্ত্রীনা হায়খি মদুদি ইনফ্রাস্ত্রকচর অসি লৈবাক অমা হেক্তগী পাঙ্গলগী হৌরকফম্নি। মহাক্না হায়খি মদুদি ভারতনা অচৌবা শেন্মিৎলোন অমা ওইনবগী লম্বীদা খোঙজেল য়াংনা চংল্লিবা অসিদা খ্বাইদগী অফবা কনেক্তিবিতী অসি লৈবাক অসিগী খ্বাইদগী মরুওইবনি। মহাক্না হায়খি মদুদি সরকারনা হৌখিবা চহি তরুক অসিদগী অনৌবা কনেক্তিবিতীগী মশক খুদিংমক্তা মিৎয়েং থমদুনা থবক পায়খৎলি। মহাক্না হায়খি মদুদি সরকারনা হাইৱেশিং, রেলৱেশিং, এয়রৱেশিং, ৱাতরৱেশিং অমসুং আই-ৱেশিংগী কাঙ্খোং মঙা অসিদা মিৎয়েং থম্লি। মহাক্না হায়খি মদুদি ঙসি ইস্তর্ন দেদিকেতেদ ফ্রেত কোরিদোরগী অচৌবা শরুক অমা হৌদোক্লিবা অসি মসিগী মায়কৈদা থাংজিনবা অচৌবা খোঙথাং অমনি।

প্রধান মন্ত্রীনা ইস্তর্ন দেদিকেতেদ কোরিদোর অসিগী তঙাইফদবা অদুদা শাফু পীখি। মহাক্না হায়খি মদুদি মী মশিং হেনগৎলকপগা লোইননা শেন্মিৎলোন হেনগৎলকই অমসুং ফ্রেতকী দিমান্দ শরুক কয়া হেনগৎলকই। মহাক্না হায়খি মদুদি পেসেঞ্জর ত্রেল অমসুং মালগারী ত্রেক অমা খক্তদা চৎলি, মরম অসিনা মালগারীগী খোংজেল তপ্পি। মহাক্না হায় মদুদি মালগারীগী খোংজেল তপ্লবা অমসুং অপনবা পীরবদি, পুথোক-পুশিন তৌবগী মমলসু হেনগৎপা তাবনি। মহাক্না হায়খি মদুদি তাংখৎলকপনা মরম ওইদুনা ঐখোয়গী পোৎথোক অসি লৈবাক অসিগী কৈথেলশিংগা লোইননা মীরমদসু অথোই অহেন তান্নবদা মায়থিবা নংই। মহাক্না হায়খি মদুদি ফিভম অসিবু হোংদোক্নবগীদমক্তা দেদিকেতেদ ফ্রেত কোরিদোরগী থৌরাং শেমখি। হৌরকপদা দেদিকেতেদ ফ্রেত কোরিদোর ২গী থৌরাং শেমখি। অৱাং নোংপোক লুধিয়ানাদগী দনকুনীগীদমক্তা দেদিকেতেদ ফ্রেত কোরিদোরদা কোয়লাগী মাইনশিং, থর্মেল পাৱর প্লান্ত অমসুং ইন্দস্ত্রিয়েল শহর য়াওরি।  

প্রধান মন্ত্রীনা হায়খি মদুদি অসিগুম্বা মখলগী দেদিকেতেদ ফ্রেত কোরিদোর অসিগী পাঙ্গলদগী পেসেঞ্জর রেলগারীশিং চেনবদা থেংথবগী সমস্যাশিং অদু লোইশিল্লগনি। মালগারীগী খোংজেল অসিগী মরমদগী ফ্রেতকী মশিং শরুক অনি ওইহনবা ঙম্লগনি। মহাক্না হায়খি মদুদি মালগারীশিং মতম চানা থুংলবদি ঐখোয়গী লোজিস্তিক্স নেতৱর্ক্কী মমলসু হোংলগনি। ঐখোয়গী পোৎ হোংলগদি মসিদগী ঐখোয়গী এক্সপোর্তরশিংগী কান্নবা ওইরগনি। মহাক্না হায়খি মদুদি মসিদগী হেন্না ফবা ফিভম শেমগৎলগনি, ললোন-ইতিক তৌবা লাইহল্লগনি লোইননা ভারত অসি ইনভেস্তকীদমক্তা পুক্নীং চিংশিন্নীংঙাই ওইরবা মফম ওইরগনি অমসুং থবক পীবগী তাঞ্জা ময়াম অমসু শেম্লগনি।

প্রধান মন্ত্রীনা হায়খি মদুদি ইন্দস্ত্রী, বিজিনেস, লৌমী নত্ত্রগা পোৎ লৈরিবা মীওই, পুম্নমক্না মসিগী দেদিকেতেদ ফ্রেত কোরিদোর অসিগী কান্নবা ফংগদৌরি। মহাক্না হায়খি মদুদি ফ্রেত কোরিদোরনা নোংপোক ভারত্তা ইনোৎ হাপ্লগনি। মহাক্না হায়খি মদুদি চাউরাক্না কোরিদোরগী ৬০% য়ু.পি.দা তারি। মসিনা য়ু.পি.গী ইন্দস্ত্রী কয়ামরুমগী পুক্নীং চিংশিল্লগনি। মহাক্না হায়খি মদুদি মসিগী দেদিকেতেদ ফ্রেত কোরিদোর অসিগী মরমদগী কিসান রেলসু কান্নবা ফংলগনি।

প্রধান মন্ত্রীনা দেদিকেতেদ ফ্রেত কোরিদোরগী থবক মমাংগী মতমদা থেংনা হৌখিবগীদমক নুংঙাইতবা ফোংদোকখি। মহাক্না হায়খি মদুদি কুমজা ২০১৪ ফাওবদা ত্রেক কিলোমীতর অমা ফাওবা শেম্বা ঙমখদে। মহাক্না হয়খি মদুদি ২০১৪দা সরকার শেম্লবা মতুংদা, লেপ্তনা য়েংশিনবা অমসুং স্তেকহোল্দরশিংগা ফম্মিন্নখিবগী মরমদগী চাউরাক্না কিলোমীতর ১১০০গী থবক মথংগী থা খরগী মনুংদা লোইশিনখি। মহাক্না মমাংগী সরকার পায়বশিংগী ৱাখল্লোন অদুবু য়ানীংদবা ফোংদোকখি, মখোয়না ত্রেক হেনগৎহনবগী মহুত্তা রেলগীরীশিংগী মশিং হেনগৎহনবদা পুক্নীং চংদুনা লৈখি। মতম অদুদা রেল নেতৱর্ক্কী মোদর্নাইজেসন্দা হেন্না ইনভেস্ত তৌখিদে। মহাক্না হায়খি মদুদি সরকার অসিনা রেল নেতৱর্ক পাকথোকহনবা লোইননা ইলেক্ত্রিফিকেসন অমসুং মী লৈতবা রেল ক্রোসিং লৌথোকপদা পুক্নীং চংখি।

প্রধান মন্ত্রীনা হায়খি মদুদি রেলৱেদা থাক খুদিংমক্তা রিফোর্মশিং পায়খৎলি, খুদম ওইনা – লুবা নানবা, হেন্না ফবা চান-থক্নবা, থক্নবা ঈশিং অমসুং অতৈ খুদোংচাবশিং। মহাক্না হায়খি মদুদি মতৌ অসুম্না রেলৱেগা মরী লৈনবা ইনফ্রাস্তরকচরগী লমদা আত্মনির্ভরতা ওইবা অসি অচৌবা মায় পাকপা অমনি। মহাক্না হায়খি মদুদি ভারত অসি হৌজিক অনৌবা রেল গারীশিং শাবগা লোইননা মদুবু এক্সপোর্তসু তৌরি। বারানসীনা ইলেক্ত্রিক ইঞ্জিন শাবগীদমক্তা মরুওইবা সেন্তর অমা ওইরক্লি, রায়বরেলীদা শাবা রেল কোচ হৌজিক মীরমদা এক্সপোর্ত তৌরি।

প্রধান মন্ত্রীনা লৈবাক অসিগী ইনফ্রাস্ত্রকচরগী চাউখৎ-থৌরাংবু রাজনীতিদগী লাপ্না থম্নবা হায়খি। মহাক্না হায়খি মদুদি লৈবাক অসিগী ইনফ্রাস্ত্রকচর অসি মীরোল কয়াদা কান্নবা পীগদবা মিশন ওইহনগদবনি, চহি ৫গী রাজনীতি ওইহল্লোইদবনি। করিগুম্বা রাজনীতি দলশিংনা অথোই অহেন তান্নগে হায়রবদি ইনফ্রাস্ত্রকচরগী মগুন, খোংজেল অমসুং মশিং অদুদা তান্নগদবনি। মহাক্না ইরাং হৌবা মতমদা মীয়ামগী লন-থুম মাংহন্দনবা পাউতাক পীখি। মহাক্না হায়খি মদুদি ঐখোয়না ঐখোয়গী দেমোক্রেসীগী হক অদু ফোংদোকপগা লোইননা লৈবাক অসিগী মফমদা লৈরিবা থৌদাং অদুসু খক কাওরোইদনি।

Click here to read full text speech

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
9,200 oxygen concentrators, 5,243 O2 cylinders, 3.44L Remdesivir vials delivered to states: Govt

Media Coverage

9,200 oxygen concentrators, 5,243 O2 cylinders, 3.44L Remdesivir vials delivered to states: Govt
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 11 মে, 2021
May 11, 2021
Share
 
Comments

PM Modi salutes hardwork of scientists and innovators on National Technology Day

Citizens praised Modi govt for handling economic situation well during pandemic