প্রধান মন্ত্রী শ্রী নরেন্দ্র মোদীনা ঙসি গুজরাতকী সানন্দদা মাইক্রোন এ.তি.এম.পি. (এসেম্বলী, তেস্ত, মার্কিং, অমসুং পেকেজিং) ফেসিলিতী শঙ্গাখ্রে। কম্মর্সিএল প্রদক্সন হৌবগা মরী লৈননা পাংথোকপা অসিগুম্বা মরুওইবা থৌরম অসিনা মালেমগী তেক্নোলোজীগী লমদা ভারতনা লুচিংবা ওইরকপগী খোঙচৎতা পুৱারী ওইরবা মাইলস্তোন অমা ওইরি।
মালেমগী খ্বাইদগী চাউবা অমসুং খ্বাইদগী মায় পাকপা এ.আই. সম্মিৎকী মতুংদা ঙসি ঐখোয়না অতোপ্পা পুৱারী ওইরবা মাইলস্তোন অমা উবা ফংলি হায়না প্রধান মন্ত্রীনা ফোংদোকখি। “এ.আই. সম্মিৎনা মালেমদা ভারতকী এ.আই. মতিক অদু উৎখি, ঙসি অসি তেক্নোলোজীগী লুচিংবা ওইনবা ভারতকী ফিরেপকী খুদম অমনি”, হায়না শ্রী মোদীনা ফোংদোকখি।
ভারত অসি মতম অমদা সোফৱেয়র অমসুং আই.তি. সর্বিসশিংগীদমক্তা মরুওইনা খঙনরম্বা অদুগা হৌজিক্তি হর্দৱেয়র সেক্তরদা মাগী মশক মওং অসি য়াম্না থুনা মপাঙ্গল কনখৎহল্লি হায়না প্রধান মন্ত্রীনা ফোংদোকখি। ঙসি, সানন্দা, ঐখোয়না অনৌবা তুংলমচৎ অমগী অয়ুক উবা ফংলি। মাইক্রোনগী এ.তি.এম.পি. ফেসিলিতীদা কম্মর্সিএল প্রদক্সন হৌরকপনা মালেমগী তেক্নোলোজী ভেল্যু চেনদা ভারতকী থৌদাং হেনগৎহনগনি হায়না শ্রী মোদীনা অকনবা ৱাফম থমখি।
প্রধান মন্ত্রীনা "ন্যু ইন্দিয়া" মাইন্দসেৎকী মতাংদা পনখি। মসিদা পোলিসীদগী প্রদক্সনদা অহোংবা পুরকপা অসি মমাংদা অমুক্তা ওইখিদ্রিবা মওংদা পাংথোক্লি। প্রধান মন্ত্রীনা প্রোজেক্ত অসি খোঙজেল য়াংনা মাংলোমদা চংশিল্লক্লিবা অসিগী মতাংদা অকনবা ৱাফম থমখি। ২০২৩গী জুন থাদা য়ানা ৱারোলদা খুৎয়েক পীনখিবা অদুগী মতুংদা ২০২৩গী সেপ্তেম্বরদা সানন্দদা উরেপ উয়ুং তম্বগী থৌরম পাংথোকখিবা অদু মহাক্না পনখি। “২০২৪গী ফেব্রুৱারী ফাওবদা, পাইলোৎ ফেসিলিতীদা মেছিন ইনস্তোলেসন তৌবা হৌখ্রে, মসিনা ২০২৬গী ফেব্রুৱারীদা কম্মর্সিএল প্রদক্সন হৌনবগী ওইথোকপা লৈ”, হায়না শ্রী মোদীনা হায়খি।
শ্রী মোদীনা হায়খি মদুদি ভারতনা অরুবা রেগ্যুলেতরী প্রোসেসশিং য়াম্না লাইথোকহল্লে। থা খরগী মনুংদা এদভান্স প্রাইসিং এগ্রীমেন্ত (এ.পি.এ.) মায়পাক্না ক্লিয়র তৌরি। মহাক্না হায়খি মদুদি হায়রিবা থৌওং অসি চাউখৎলবা লৈবাকশিংদসু লোইশিনবদা অয়াম্বা মতমদা চহি অহুমদগী মঙা ফাওবা চঙই।
প্রধান মন্ত্রীনা হায়খি, "মখোয়গী পান্দম অদু ময়েক শেংবগা লোয়ননা লৈবাক অসি খোংজেল য়াংনা চাউখৎহন্নবা হোৎনবদা অচেৎপা মীৎয়েং থম্লবদি, পোলিসীশিং অসি ময়েক শেংই অমসুং ৱারেপশিং লৌবদা খোঙজেল য়াংই।"
প্রধান মন্ত্রীনা ফোংদোকখি মদুদি ফেসিলিতী অসিনা ভারত অমসুং য়ু.এস.এ.গী মরক্তা অখন্ননা এ.আই. অমসুং চিপ তেক্নোলোজীদা লৈরিবা মপাঙ্গল কনবা পার্তনরশিপকী খুদম্নি। মালেমগী খ্বাইদগী চাউবা দেমোক্রেসী অনি, ভারত অমসুং য়ু.এস.এ.না গ্লোবেল সপ্লাই চেন অসি সেক্যুর তৌনবা লেপ্পা লৈতনা থবক তৌরি হায়না মহাক্না পনখি। এ.আই. সম্মিৎকী মনুংদা খুৎয়েক পীনখিবা পেক্স সিলিকা এগ্রীমেন্ত অসি ক্রিতিকেল মিনরেলশিংগী সপ্লাই চেন অসি হেন্না থাজবা য়াবা ওইহন্নবা মরুওইবা থবক অমনি হায়না মহাক্না ফোংদোকখি।
চহিচা অসি এ.আই. রিভোলুসনগী চহিচানি হায়না পল্লদুনা প্রধান মন্ত্রীনা সেমিকন্দক্তরশিংবু অসিগুম্বা অহোংবা অসিগী থোং অমনি হায়না কৌখি। পুৱারীগী ওইবা অহোংবশিংগা চাংদম্নদুনা শ্রী মোদীনা হায়খি মদুদি ২০শুবা চহিচাগী রেগ্যুলেতর অসি ওইল ওইরম্লবদি, মাইক্রো-চিপ অসি ২১শুবা চহিচাগী রেগ্যুলেতরনি। অপিকপা চিপ অমনা ইন্দস্ত্রিএল রিভোলুসনগা এ.আই. রিভোলুসনগা শম্নহল্লিবা মেদিয়ম অদুনি। “মসিগী ভিজন অসিগা লোয়ননা, ভারতনা সেমিকন্দক্তর সেক্তরদা এগ্রিসিব ওইনা মাংলোমদা চংশিনবা ৱারেপ লৌখি। নিংশিংবা য়াই মদুদি মালেম অসিনা কোবিদকী অৱাবা মায়োক্নরিঙৈদা, ভারতনা মসিগী সেমিকন্দক্তর মিসন লাউথোকখি। লাইচৎ অসিগী মনুংদা, পুম্নমক মাঙশিল্লকপগুম্না তৌরকপা মতমদা, ঐখোয়না থাজবগা লোয়ননা থারম্বা মহৈশিং অদু হৌজিক চাউরে অমসুং মহৈ পীরি,” শ্রী মোদীনা হায়খি।
সেমিকন্দক্তর সেক্তরদা ভারতনা কত্থোকপা অদু প্রধান মন্ত্রীনা অমুক হন্না ফোংদোকখি। সেমিকোন ইন্দিয়া প্রোগ্রামগী মখাদা প্রোজেক্ত ১০ অয়াবা পীখ্রবসু, উত্তর প্রদেশ, আসাম, ওদিশা অমসুং পঞ্জাব য়াওনা তোঙান তোঙানবা রাজ্যশিংদা অতোপ্পা অহুমদি অথুবা মতমদা পুথোকপা হৌরগনি হায়না মহাক্না ফোংদোকখি। “ঐখোয়না শেমগৎলিবা ইকোসিস্তেম অসি লমদম অমা খক্তদা অকক্নবা ওইদে, মসি ভারত পুম্বনি। 'বিক্সিত ভারত'কীদমক লৈবাক অসিগী মফম খুদিংদা অনৌবা তেক হবশিং শেমগৎলি”, হায়না শ্রী মোদীনা ফোংদোকখি।
সেমিকন্দক্তর ইকোসিস্তেম অসি ফেক্তরী অমা খক্তদগী হেন্না চাউই হায়না প্রধান মন্ত্রীনা ফোংদোকখি। মসি মেছিন মেনুফেকচররশিং, দিজাইন ইঞ্জিনীয়রশিং, রিসর্চ ইন্সতিত্যুসনশিং, লোজিস্তিক্স নেৎৱার্কশিং অমসুং হৈ-শিংলবা তেক্নিসিয়নশিং য়াওবা মল্তি-লেয়র ওইবা সিস্তেম অমনি। হায়রিবা ইলিমেন্ত পুম্নমক্কী মরী লৈননা চিপ অমা পুথোকই। "ভারতনা ভেল্যু চেন পুম্নমক্তা মীৎয়েং থম্লি। চহি অসিগী বজেৎতা ঐখোয়না 'ইন্দিয়া সেমিকন্দক্তর মিসন ২.০' অসি মসিগী পান্দম অসিগীদমক্তা লাউথোকখি।" চাউখৎপগী চাং অদু পল্লদুনা, পি.এম. মোদীনা হায়খি, “পোত্থোক হেনগৎলকপগা লোয়ননা, ভারতকী মনুংদা মেতরিএলশিং, কম্পোনেন্তশিং অমসুং সর্বিসশিংগী দিমান্দসু হেনগৎলগনি। মসি খ্বাইদগী চাউবা খুদোংচাবা অমনি।”
শ্রী মোদীনা হায়খি, “ভারতকী মীশিং য়াম্লবা শরুক অমনা অহানবা ওইনা গজেত শিজিন্নবা ওইরে। ইলেক্ত্রোনিক্স, ওটোমোবাইল নৎত্রগা অতোপ্পা তেক্নোলোজী ওইরবসু, দিমান্দ অসি লেপ্তনা হেনগৎলক্লি। "মেক ইন ইন্দিয়া" অসি হৌজিক মপুং ফানা চৎথরে। হৌখিবা চহি ১১ অসিদা ইলেক্ত্রোনিক্স সেক্তরগী প্রদক্সন অমসুং এক্সপোর্তকী মশিং য়াম্না হেনগৎলকপা অদু পল্লদুনা শ্রী মোদীনা হায়খি, "ইনভেস্তরশিংগীদমক, দোমেস্তিক মার্কেত অমসুং গ্লোবেল খুদোংচাবশিং অনিমক শেম-শারি।"
সানন্দবু ওতোমোবাইল হব অমদা ওন্থোকপগা মান্ননা, প্রধান মন্ত্রীনা মাইক্রোন ফেসিলিতী অসিনা অনৌবা সেমিকন্দক্তর ইকোসিস্তেম অমা লিংখৎলগনি হায়বগী থাজবা ফোংদোকখি। প্লান্ত অসিনা মালেমগী দেতা সেন্তরশিং, এ.আই. এপ্লিকেসনশিং অমসুং মোবাইল দিভাইসশিংদা পাৱর পীনবগীদমক্তা দি-রেম অমসুং এন.এ.এন.দি. সোলুসনশিং পুথোক্কনি। মহাক্না মালেমগী খ্বাইদগী চাউবা এ.তি.এম.পি. ক্লিন রুম অমা লৈনবা ফেসিলিতী অমসুং ঈশিং শিজিন্নবা হন্থহন্দুনা অকোইবগী ফিবম ফগৎহনবদা মীৎয়েং থম্লিবা অসিগীদমক থাগৎপা ফোংদোকখি।
গুজরাত সরকারগী পোলিসীশিংবু থাগৎলদুনা শ্রী মোদীনা হায়খি সেমিকন্দক্তর সেক্তরগীদমক শেমখিবা পোলিসীশিং অসিনা হৌজিক্তি তশেংনা মহৈ পীরি। প্রধান মন্ত্রীনা হায়খি মদুদি গুজরাতনা তেক্নোলোজীদা য়াম্না থুনা খুমাং চাউশিল্লি। “অয়াবা পীনবা, লম পীবা অমসুং য়ুতিলিতীশিংগুম্বা থৌওংশিং লাইথোকপনা ইনভেস্তরশিংগী থাজবা হেনগৎহল্লে। ধোলেরা অমসুং সানন্দ অসি ৱেস্তর্ন ইন্দিয়াগী সেমিকন্দক্তর ক্লস্তরশিং ওইনা চাউখৎলক্লি”, শ্রী মোদী প্রধান মন্ত্রীনা মখা তারদুনা হায়খি মদুদি সেমিকন্দক্তর সেক্তরগীদমক দরকার ওইবা ইনপুতশিংগা মরী লৈনবা ইন্দস্ত্রীশিং হায়বদি কেমিকেল্স অমসুং পেত্রোকেমিকেল্স, স্কিল সেন্তরশিং অমসুং ত্রেনিং ইনিসিয়েতিবশিং অসি অমুক্তংদা শেমগৎলি।
মালেমগী ইনভেস্তরশিংদা পাউজেল অমা পীদুনা প্রধান মন্ত্রীনা লোইশিনখি। মহাক্না হায়খি, "ভারতনা শেম-শারি। ভারত অসি থাজবা য়াবা লৈবাক অমনি। ভারতনা পীরি। মহাক্না গ্লোবেল পার্তনরশিং অমসুং ইনভেস্তরশিংদা কেন্দ্র অমসুং রাজ্য সরকার অনিমক্তগী লেপ্পা লৈতনা মতেং পাংগনি হায়না থাজবা পীখি। হায়রিবা দিকেদ অসি ভারতকী তেক্নোলোজীগী ত্রেজেক্তরীদা পুৱারী ওইরবা অহোংবা অমনি। মহাক্কী ৱারোল অসি ময়েক শেংনা, অচেৎপা ফিরেপ অমগা লোয়ননা মালেম পুম্বদা শন্দোকখি: "ভারত অসি তৌবা ঙম্মি। ভারত অসি কম্পিতিতিব ওই। ভারতনা কম্মিতেদ ওই।”
ৱা ঙাংখিবগী মপুংফাবা ৱারোল পানবা মসিদা নম্বীয়ু
India, long known for its software strength, is now firmly establishing its identity in the hardware sector as well. pic.twitter.com/hvZxNFA3Da
— PMO India (@PMOIndia) February 28, 2026
Today, India is rapidly becoming an integral part of the global semiconductor value chain. pic.twitter.com/DAZafT4c3A
— PMO India (@PMOIndia) February 28, 2026
This century belongs to the AI revolution. pic.twitter.com/zt7Yksw7x4
— PMO India (@PMOIndia) February 28, 2026
If oil was the regulator of the last century, microchips will be the regulator of this century. pic.twitter.com/wU0PZTPk1v
— PMO India (@PMOIndia) February 28, 2026
India has just one message for investors around the world... pic.twitter.com/fkiHA5HjCd
— PMO India (@PMOIndia) February 28, 2026
