প্রধান মন্ত্রী, শ্রী নরেন্দ্র মোদীনা ঙসি নই দিল্লীগী য়াশোভুমিদা এসিয়াগী খ্বাইদগী চাউবা তেলিকোম, মীদিয়া অমসুং তেক্নোলোজীগী থৌরম ওইরিবা ইন্দিয়া মোবাইল কংগ্রেস (IMC) 2025কী 9শুবা এদিসন হৌদোকখ্রে। ইন্দিয়া মোবাইল কংগ্রেসকী অখন্নবা এদিসন অসিদা মকোক থোংবা মীওই পুম্নমকপু তরাম্না ওক্লদুনা শ্রী মোদীনা ফাইনান্সিয়েল ফ্রাউদ প্রিভেন্সন, ক্বান্তম কম্ম্যুনিকেসন, 6G, ওপ্তিকল কম্ম্যুনিকেসন অমসুং সেমিকন্দক্তরশিং য়াওনা মরুওইবা হীরমশিংদা স্তার্তঅপ কয়া অমনা মসিগী মতাংদা মরুওইবা থীম কয়া অমা মঙোন্দা প্রেজেন্ত তৌখ্রে হায়না পনখি। অসিগুম্বা মরুওইবা হীরমশিংদা প্রজেন্তেসনশিং উবা ফংবনা ভারতকী তেক্নোলোজীগী তুংলমচৎ অসি মতিক চাবা মীশিংগী মখুত্তা লৈ হায়বগী থাজবা অদু অমুক্কা হেন্না চেৎশিলহল্লি হায়না প্রধান মন্ত্রীনা ফোংদোকখি। থৌরম অসিগীদমক অমসুং অনৌবা থৌরাং পুম্নমক্কীদমক মহাক্না মহাক্কী য়াইফ-পাউজেল পীখি।
ইন্দিয়া মোবাইল কংগ্রেস অসি মোবাইল অমসুং তেলিকোমগী ৱাংমদগী হেন্দোক্লদুনা চহি খরগী মনুংদা এসিয়াগী খ্বাইদগী চাউবা দিজিতেল তেক্নোলোজী ফোরম অমা ওইরকপদা পুক্নিং চিংশিনখি, মসিগী মাই পাকপগী ৱারী অসি মতৌ করম্না ইখিবগে অমসুং কনানা থৌনা পীবগে হায়না প্রধান মন্ত্রীনা ৱাহং হংখি, অমসুং মসি ভারতকী তেক্নোলোজীগী ওইবা ৱাখল্লোন লৈবা, নহারোলশিংনা লুচিংদুনা অমসুং লৈবাক অসিগী হৈ-শিংবশিংনা থৌনা পীবদগী শেমখিবনি হায়না মহাক্না ফোংদোকখি।
প্রধান মন্ত্রীনা হায়খি মদুদি ইনোবেতরশিং অমসুং স্তার্ত-অপশিংনা চাউখৎলকপগী থৌনা অসি পীরি, মসি লৈবাক অসিগী ওইথোকপা য়াবশিং অদুদা অচেৎপা থাজবা থম্লিবা সরকার অসিনা ওইথোকহল্লি। তেলিকোম তেক্নোলোজী দিবেলপমেন্ত ফন্দ অমসুং দিজিতেল কম্ম্যুনিকেসন ইন্নোবেসন স্ক্ব্যারগুম্বা ইনিসিয়েতিবশিং অদু মহাক্না পনখি। মসিগী খুত্থাংদা স্তার্তঅপশিং অসি ফন্দিং তৌরি। প্রধান মন্ত্রীনা হায়খি মদুদি সরকারনা প্রোদক্ত দেবেলপমেন্ত তৌবা ঙম্নবা 5G, 6G, এদভান্স ওপতিকল কম্ম্যুনিকেসন, অমসুং তেরা-হর্তজগুম্বা তেক্নোলোজীশিংগীদমক তেস্ত বেদশিং ফাইনান্সিং তৌরি। মহাক্না অকনবা ৱাফম থমখি মদুদি স্তার্ত-অপশিং অমসুং মকোক থোংবা রিসর্স ইন্সতিত্যুৎশিংগী মরক্তা পার্তনরশিপ শেম্বা য়াহল্লি। সরকারগী মতেংগা লোইননা, ভারতকী ইন্দস্ত্রী, স্তার্ত-অপশিং অমসুং একাদেমিয়াশিংনা সেক্তরশিংগী মরক্তা মতেং পাংলি। মহাক্না হায়খি মদুদি ভারতনা দাইমেন্সন খুদিংমক্তা খুমাং চাউশিল্লি। মসিনা লমদমসিগী ওইবা তেক্নোলোজীশিং শেমগৎলি অমসুং পাকথোক চাউথোকহল্লি, R&Dগী খুত্থাংদা ইন্তলেকচুৱল প্রোপর্তী শেমগৎলি, অমসুং গ্লোবেল স্তেন্দর্দশিংদা মতেং পাংলি। মহাক্না মখা তারদুনা হায়খি মদুদি মসিগী থবকশিং অসিনা ভারতপু মালেমগী থাক্তা ইফেক্তিব ওইবা প্লেতফোর্ম অমা ওইনা থম্লে।
প্রধান মন্ত্রীনা হায়খি, “ইন্দিয়া মোবাইল কংগ্রেস অমসুং তেলিকোম সেক্তরদা ভারতনা মায় পাকপা অসিনা আত্মানির্ভর ভারত ভিজনগী মপাঙ্গল অদু উৎলি”, মহাক্না নীংশিংখি মদুদি করিগুম্বা মতমদা ভারতনা তেক্নোলোজীগী থাক ৱাংবা পোৎলমশিং পুথোকপা ঙম্বগী মতিক্তা থাজদবশিংনা ‘মেক ইন ইন্দিয়া’গী ৱাখল্লোন অসিবু ঙল্লিঙৈ মতমদা হৌখিবা লৈঙাক্না অনৌবা তেক্নোলোজীশিং শিজিন্নবদা দেকেদ কয়া থিন্থখ্রে হায়না করেম্নখি। শ্রী মোদীনা লৈবাক অসিনা অকনবা মওংদা পাউখুম পীখ্রে হায়না ফোঙদোকখি। মহাক্না হায়খি মদুদি লৈবাক অসিনা মতম অমদা 2Gগা লান্থেংনরম্বা অদুগা হৌজিক্তি দিস্ত্রিক্ত খুদিংমক্তা 5G কোভরেজ লৈরে। মহাক্না হায়খি মদুদি ইলেক্ত্রোনিক্সকী পোত্থোক পুথোকপগী চাং অসি 2014দগী শরুক তরুক হেন্না হেনগৎখ্রে, মোবাইল ফোন পুথোকপা অসি শরুক চাম্মা হেন্না হেনগৎখ্রে, অদুগা এক্সপোর্ত অসি শরুক চাম্মা হেন্না হেনগৎখ্রে। হৌখিবা চহী তরা অসিদা, মোবাইল ফোন পুথোকপগী সেক্তরনা মীওই মিলিয়ন কয়াদা হকথেংননা থবক পীরি। অচৌবা স্মার্তফোন কম্পেনী অমদগী ফংবা হৌজিক্কী দেতাগী মতুং ইন্না ভারতকী ফর্ম 45না হৌজিক মসিগী সপ্লাই চেনগী শরুক অমা ওইরে, মসিনা কম্পেনী অমখক্তদা চাউরাক্না থবক লাখ 3.5 ফংহনখ্রে হায়না মহাক্না ফোংদোকখি। প্রধান মন্ত্রীনা হায়খি মদুদি লৈবাক শিনবা থুংনা কম্পেনী কয়ানা পাক-শন্না মেন্যূফেকচরিং তৌরি, অমসুং ইনদাইরেক্ত ওপর্চুনিতীশিং হাপচিল্লকপা মতমদা, এমপ্লোইমেন্তকী মশিং অসি হেন্না চাউই।
শ্রী মোদীনা হায়খি মদুদি ভারতনা হৌখিবা চয়োলদা মেদ-ইন-ইন্দিয়া 4G স্তেক হৌদোকখি। মসি লৈবাক অসিদা অচৌবা মাইপাকপা অমা ওইখি, মসিগী খুত্থাংদা “ভারত অসি মালেমগী ওইনা মসিগী মপাঙ্গল অসি লৈবা লৈবাক মঙাগী মনুংদা য়াওরে”, মহাক্না হায়খি মদুদি ইন্দিজেনসক 4G অমসুং 5G স্তেক অসিগী খুত্থাংদা, ভারতনা মরী লৈনদবা কনেক্তিবিতী ফংহনবতা নত্তনা মসিনা নাগরিকশিংদা হাই স্পীদ ইন্তর্নেত অমসুং থাজবা য়াবা সর্ভিসশিংসু ফংহনগনি।
4G স্তেক হৌদোকখিবা নুমিত্তা, লৈবাক শিনবা থুংনা মতম অমত্তদা চাউরাক্না 4G তাৱর লাখ অমা এক্তিব তৌখ্রে হায়না প্রধান মন্ত্রীনা ফোংদোকখি। মসিনা ভারতকী দিজিতেলগী খোংজং অসিদা মীওই করোর অনি হেন্না শরুক য়াবা ঙমহনখি। মহাক্না অকনবা ৱাফম থমখি মদুদি হায়রিবা মফমশিং অসি হান্নদি য়াম্না থাপ্না লৈরম্মি অমসুং দিজিতেল কনেক্তিবিতীগী লমদা য়াম্না সোত্থরম্মি, অমসুং হৌজিক্তি ইন্তর্নেত এক্সেস অসি অসিগুম্বা মফম পুম্নমক্তা য়ৌরে।
শ্রী মোদীনা ভারতকী মেদ-ইন-ইন্দিয়া 4G স্তেককী অতোপ্পা মরুওইবা মগুন অমশু পনখি। মদুদি এক্সপোর্ত রেদিনেস। মহাক্না হায়খি মদুদি লমদমসিগী ওইবা স্তেক অসিনা ভারতকী বিজিনেস আউতরিচকী মেদিয়ম অমা ওইনা মথৌ তৌগনি অমসুং “ইন্দিয়া 6G ভিজন 2030” ফংবদা চাউনা মতেং পাংগনি।
ভারতকী তেক্নোলোজীগী রিভোলুসন অসি হৌখিবা চহী তরা অসিদা খোংজেল য়াংনা খুমাং চাউশিল্লক্লে, অমসুং মসিগী খোঙজেল অমসুং পাক চাউবগী চাং অসিগা মান্নবা মপাঙ্গল কনবা আইনগী অমসুং মোদর্ন পোলিসী ফাউন্দেসন অমা মতম শাংনদগী মথৌ তাই হায়বা ৱাফম থম্লদুনা প্রধান মন্ত্রীনা তেলিকম্ম্যুনিকেসন এক্ত চৎনহনখিবগী মতাংদা পনখি। মসিনা মতমগা চুনদ্রবা ইন্দিয়ন তেলিগ্রাফ এক্ত অমসুং ইন্দিয়ন ৱায়রলেস তেলিগ্রাফ এক্তকী মহুৎ শিনখি। শ্রী মোদীনা সরকারনা মায় পাক্না পায়খৎলিবা 21শুবা চহিচাগী এপ্রোচকা চুনবা অনৌবা ফ্রেমৱার্ক অমা শেমগৎপগী তঙাইফদবা অদুদা অকনবা ৱাফম থমখি। অনৌবা আইন অসিনা রেগ্যুলেতর অমা ওইনা থবক তৌদে অদুবু ফেসিলিতেতর অমা ওইনা থবক তৌদুনা এপ্রুভল পীবদা হেন্না লাইহল্লে, অমসুং রাইৎ-ওফ-ৱেগী পর্মিসন অসি হৌজিক্তি হেন্না থুনা পীরে হায়না মহাক্না হায়খি। মসিগী মহৈ ওইনা, ফাইবর অমসুং তাৱর নেতৱার্ক পাকথোক চাউথোকপা অসি খোংজেল য়াংখৎলক্লি, মসিনা ইজ ওফ দুইং বিজিনেস হেনগৎহল্লি, ইনভেস্তমেন্তশিং পুক্নিং থৌগৎহল্লি অমসুং ইন্দস্ত্রীশিংদা মতম শাংনা থৌরাং তৌবা ঙমহল্লি হায়না শ্রী মোদীনা ফোংদোকখি।
সাইবর সেক্যুরিতী অসি লৈবাক অসিদা চপ মান্নবা মওংদা মরুওইবা পীরি হায়না প্রধান মন্ত্রীনা অকনবা ৱাফম থমখি। মহাক্না হায়খি সাইবর ফ্রোদশিংগী মায়োক্তা চৎনরিবা আইনশিং অসি হেন্না কনবা, পাউখুম পীনবা হেনগৎহনবা অমসুং গ্রীভান্স রিদ্রেসেল মেকানিজমশিং ফগৎহনখ্রে। মহাক্না হায়খি মদুদি ইন্দস্ত্রী অমসুং কঞ্জুমর অনিমক্না হায়রিবা থৌরাংশিং অসিদগী কান্নবা কয়া ফংলি।
মালেম অসিনা ভারতকী মতিক হেন্না খঙলক্লি হায়না পল্লদুনা প্রধান মন্ত্রীনা হায়খি মদুদি ভারতনা মালেমগী ওইনা অনিশুবা খ্বাইদগী চাউবা তেলিকোম মার্কেত অমসুং অনিশুবা খ্বাইদগী চাউবা 5G মার্কেত ওইরি। কৈথেলগী মপাঙ্গলগা লোয়ননা, ভারতনা মেনপাৱর, মোবিলিতী, অমসুং প্রোগ্রেসিভ মাইন্দসেৎ অমা লৈ। শ্রী মোদীনা অকনবা ৱাফম থমখি মদুদি, মেন পৱারগী মতাংদা, ভারতনা স্কেল অমসুং স্কিল অনিমক উৎলি। মহাক্না হায়খি মদুদি ভারত অসি মালেমগী খ্বাইদগী চাউবা নহারোলগী মশিং য়াম্না লৈবা মফম অমশুনি অমসুং হায়রিবা জেনরেসন অসি পাক-শন্না ত্রেনিং পীরি। মহাক্না হায়খি মদুদি ঙসিদি ভারতনা মালেমদা খ্বাইদগী থুনা চাউখৎলক্লিবা দিবেলপর পোপুলেসন অমা লৈ।
ভারত্তা ৱায়রলেস দেতাগী GB অমমমগী মমল অসি হৌজিক চাগী কপ অমগী মমলদগী হন্থরে হায়না পল্লদুনা শ্রী মোদীনা হায়খি মদুদি ভারত অসি য়ুজর অমগী দেতা কঞ্জুমসন্দা মকোক থোংবা লৈবাকশিংগী মনুংদা অমা ওইরে। মসিনা তাক্লি মদুদি দিজিতেল কনেক্তিবিতী অসি খুদোংচাবা নত্রগা লকজরি অমা নত্রে, নুমিৎ খুদিংগী ওইবা পুন্সিগী মরুওইবা শরুক অমা ওইরে।
“ভারতনা ইন্দস্ত্রী অমসুং ইনভেস্তমেন্ত পাকথোক চাউথোকহনবদা মীৎয়েং চঙবা ৱাখল্লোনগা লোইননা লমজিংলি হায়না শ্রী মোদীনা হায়খি। লৈবাক অসিগী দেমোক্রেসী সেৎঅপ, সরকারগী তরাম্না ওকপগী থৌওং অমসুং ইজ ওফ দুইং বিজিনেস পোলিসীশিংনা ভারতপু ইনভেস্তর-ফ্রেন্দলী দেস্তিনেসন অমা ওইনা লিংখৎলে হায়না মহাক্না অকনবা ৱাফম থমখি। ভারতকী দিজিতেল পব্লিক ইনফ্রাস্ত্রকচরগী মায় পাকপা অসি সরকারগী দিজিতেল-ফার্স্ত মাইন্দসেৎকী খুদম অমনি হায়না মহাক্না ফোংদোকখি। মপুং ফানা থাজবা থম্লদুনা, প্রধান মন্ত্রীনা হায়খি, "হৌজিক অসি ভারত্তা ইনভেস্ত তৌনবা, ইনোবেত তৌনবা অমসুং মেক ইন ইন্দিয়াগী খ্বাইদগী ফবা মতমনি।" মেন্যুফেকচরিংদগী সেমিকন্দক্তর, মোবাইলদগী ইলেক্ত্রোনিক্স অমসুং সেক্তর পুম্নমক্তা স্তার্ত-অপশিং, ভারত অসি ওইথোকপা য়াবা অমসুং ইনর্জীনা থল্লি হায়না মহাক্না ফোংদোকখি।
মহাক্না হৌখিবা চহি অসি অচৌবা রিফোর্ম অমসুং ত্রান্সফোর্মেতিব ওইবা অহোংবা অমগী চহি অমনি হায়না ফোংদোকখিবা লাল কিলাদগী মহাক্কী ইকুই কুইদ্রিবা নীংতম্বা নুমিৎকী ৱারোল অদু নীংশিংলদুনা, প্রধান মন্ত্রীনা হায়খি মদুদি রিফোর্মগী খোঙজেল য়াঙখৎলক্লি, মসিনা ইন্দস্ত্রী অমসুং ইনোবেতরশিংগী থৌদাং হেনগৎহল্লি। মহাক্না স্তার্ত-অপশিং অমসুং নহা ওইরিবা ইনোবেতরশিংগী মরুওইবা থৌদাং অদু পনখি। মখোয়না মখোয়গী খোঙজেল অমসুং রিস্ক লৌবা ঙম্বগী মতৌগী খুত্থাংদা অনৌবা লম্বী অমসুং খুদোংচাবশিং শেমগৎলি। চহি অসিদা ইন্দিয়া মোবাইল কংগ্রেসনা স্তার্ত-অপ 500 হেন্না কৌখিবদা শ্রী মোদীনা নুংঙাইবা ফোংদোকখি, মসিনা ইনভেস্তরশিং অমসুং গ্লোবেল মেন্তরশিংগা শম্ননবগী মমল য়াম্লবা খুদোংচাবশিং ফংহনখি।
সেক্তর অসিবু পাকথোক চাউথোকহনবদা ইস্তাব্লিs ওইরবা প্লেয়রশিংনা মখা তানা অচৌবা থৌদাং লৌরি হায়না নৌহৌনা পল্লদুনা শ্রী মোদীনা হায়খি মদুদি হায়রিবা প্লেয়রশিং অসিনা মপাঙ্গল কনবা রিসর্স অমসুং দিবেলপমেন্ত কেপাসিতীশিংনা মতেং পাংদুনা লৈবাক্কী শেন্মিৎলোনবু মাংলোমদা পুখৎনবগীদমক স্তেবিলিতী, স্কেল অমসুং দিরেক্সন পীরি। “স্তার্ত-অপশিংগী খোঙজেল অমসুং পুন্না থবক তৌমিন্নরিবা এস্তাব্লিশ ওইরবা প্লেয়রশিং অসিনা ভারতপু মপাঙ্গল কনখৎহনগনি হায়না প্রধান মন্ত্রীনা অকনবা ৱাফম থমখি।
ইন্দস্ত্রী অসিগী মরুওইবা হিরম কয়াদা নহা ওইরিবা স্তার্ত-অপ ইনোবেতরশিং, একাদেমিয়া, রিসর্স কম্ম্যুনিতী অমসুং পোলিসী মেকরশিংগী পুন্না হোৎনমিন্নবা মথৌ তাই হায়না মরুওইনা পল্লদুনা প্রধান মন্ত্রীনা ইন্দিয়া মোবাইল কংগ্রেসকুম্বা প্লেতফোর্মশিং অসি অসিগুম্বা খন্ন-নৈনবগীদমক্তা ইফেক্তিব কেতলিস্ত অমা ওইনা মথৌ তৌগনি হায়বগী থাজবা ফোংদোকখি। মহাক্না মোবাইল, তেলিকোম, ইলেক্ত্রোনিক্স অমসুং হেন্না পাক শন্না তেক্নোলোজী ইকোসীস্তেমদা লৈরিবা মালেমগী সপ্লাই চেনগী অৱাবা কয়াগী মতাংদা পুক্নিং চিংশিনখি। মহাক্না হায়খি মদুদি মালেমগী ওইনা অৱাবা লৈবা খুদিং, ভারতনা সোলুসন পীবগী খুদোংচাবা লৈ। শ্রী মোদীনা সেমিকন্দক্তর মেনুফেকচরিংগী খুদম পনখি। মমাংদা লৈবাক খরখক্তদা কেপাসিতী কুংনা লৈরম্মি, অমসুং মালেম অসিনা হৌজিক দাইভর্সিফিকেসনগীদমক হোৎনরি। মহাক্না মখা তারদুনা হায়খি মদুদি ভারতনা লৈবাক শিনবা থুংনা সেমিকন্দক্তর মেনুফেকচরিং য়ুনিৎ 10 শাবগী থবক পায়খত্তুনা মসিগী মাইকৈদা চাউনা খোংথাং লৌখৎলি।
প্রধান মন্ত্রীনা হায়খি মদুদি ইলেক্ত্রোনিক্স মেন্যুফেকচরিংদা, মালেমগী কম্পেনীশিংনা স্কেল অমসুং রিলায়েবিলিতী অনিমক পীবা ঙম্বা থাজবা য়াবা পার্তনরশিং খল্লি। তেলিকোম নেতৱার্ক ইক্বিপমেন্ত দিজাইন তৌবা অমসুং পুথোকপদা মালেমনা থাজবা য়াবা পার্তনরশিং মথৌ তাই হায়না মহাক্না অকনবা ৱাফম থমখি অমসুং মহাক্না য়াম্না মরু ওইবা ৱাহং অমা হংখি মদুদি করিগীদমক ভারতকী কম্পেনীশিংনা থাজবা য়াবা গ্লোবেল সপ্লাইয়রশিং অমসুং দিজাইন পার্তনরশিং ওইবা ঙম্লোইদৌরিবনো?
শ্রী মোদীনা হায়খি মদুদি মোবাইল মেন্যুফেকচরিংদা, চিপসেৎশিং, বেতরীশিং, দিসপ্লেশিং অমসুং সেন্সরশিং অসি লৈবাক অসিগী মনুং চন্না পুথোক্কদবনি। মালেম অসিনা হান্নদগী য়াম্না হেন্না দেতা পুথোক্লি, মসিনা স্তোরেজ, সেক্যুরিতী অমসুং সোভরেনতীগী ৱাফমশিং অসি য়াম্না মরু ওইহল্লি হায়না মহাক্না পনখি। প্রধান মন্ত্রীনা হায়খি মদুদি দেতা সেন্তরশিং অমসুং ক্লাউদ ইনফ্রাস্ত্রকচরদা থবক পায়খত্তুনা, ভারত অসি মালেমগী দেতা হব অমা ওইনবগী খুদোংচাবা লৈ। লাক্কদৌরিবা সেসনশিং অসি চপ মান্নবা এপ্রোচ অমসুং মীৎয়েংগা লোয়ননা মখা চত্থগনি হায়না প্রধান মন্ত্রীনা থাজবা থমখি। মহাক্না অমুক্কা হন্না ইন্দিয়া মোবাইল কংগ্রেসকী থৌরম পুম্নমক্তা শরুক য়ারিবা পুম্নমক্তা য়াইফ-পাউজেল পীখি।
কেন্দ্রগী মন্ত্রী, শ্রী জ্যোতিরাদিত্য সিন্দিয়া, দা. চন্দ্র শেখর পেমসানিসু থৌরম অদুদা অতোপ্পা শক্নাইরবা মীওইশিংগী মরক্তা শরুক য়াখি।
বেকগ্রাউন্দ
তেলিকম্ম্যুনিকেসন দিপার্তমেন্ত (DoT) অমসুং সেলুলর ওপরেতর এসোসিয়েসন ওফ ইন্দিয়া (COAI)না পুন্না শীন-লাঙদুনা ওক্তোবর 8দগী 11 ফাওবা পাংথোক্কদৌরিবা ইন্দিয়া মোবাইল কংগ্রেস (IMC) 2025 অসি 'ইনোবেত তু ত্রান্সফোর্ম' হায়বা থীমগী মখাদা পাংথোক্কনি। মসিনা দিজিতেল ত্রান্সফোর্মেশন অমসুং খুন্নাইগী খোংজেলদা ইনোবেসনগী খুদোংচাবা লৌনবা ভারতকী অচেৎপা ফিরেপ অদু উৎকনি।
IMC 2025না মালেমগী লুচিংবশিং, পোলিসী মেকরশিং, ইন্দস্ত্রী এক্সপর্তশিং অমসুং ইনোবেতরশিং পুনশিন্নদুনা তেলিকোম অমসুং অনৌবা তেক্নোলোজীশিংদা খ্বাইদগী নৌবা খুমাং চাওশিনবশিং উৎকনি। থৌরম অসিনা অপ্তিকল কম্ম্যুনিকেসন, তেলিকোমদা সেমিকন্দক্তরশিং, ক্বান্তম কম্ম্যুনিকেসন, 6G অমসুং ফ্রোদ রিস্ক ইন্দিকেতরশিং য়াওনা মরুওইবা হীরমশিংদা মীৎয়েং থমগনি। মসিনা মথংগী জেনরেসনগী কনেক্তিবিতী, দিজিতেল সোভরেনতি, সাইবর ফ্রোদ প্রিভেন্সন অমসুং গ্লোবেল তেক্নোলোজী লিদরশিপ্তা ভারতকী স্ত্রেতেজিক প্রাইওরিতীশিং উৎলদুনা হায়রিবা মরুওইবা থীমশিং অসিদা অখন্নবা মীৎয়েং থমগনি।
লৈবাক 150 হেনবদগী লাকপা ভিজিতের লাখ 1.5 হেন্না, মালেমগী দেলিগেৎ 7,000 হেনবা অমসুং কম্পেনী 400 হেনবনা শরুক য়াগনি হায়না থাজরি। 5G/6G, AI, স্মার্ত মোবিলিতী, সাইবর সেক্যুরিতী, ক্বান্তম কম্প্যুতিং, অমসুং গ্রীন তেক্নোলোজীগুম্বা লমশিংদা অনৌবা য়ুজ-কেস 1,600 হেন্না সেসন 100 হেন্না অমসুং স্পিকর 800 হেনবগী খুত্থাংদা উৎকনি।
IMC 2025না জাপান, কেনাদা, য়ুনাইতেদ কিংদম, রসিয়া, আয়রলেন্দ, অমসুং ওস্ত্রিয়াগী মীহুৎ কাংবুশিংনা থৌরম অসিদা শরুক য়াদুনা ইন্তর্নেস্নেল কোলাবোরেসনদা মরুওইবা পীরি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
India Mobile Congress and the country's success in the telecom sector reflect the strength of the Aatmanirbhar Bharat vision. pic.twitter.com/iQHhJvykIu
— PMO India (@PMOIndia) October 8, 2025
The country that once struggled with 2G…
— PMO India (@PMOIndia) October 8, 2025
Today, 5G has reached almost every district of the same nation. pic.twitter.com/EjtmUrXEFb
India has launched its Made in India 4G Stack. This is a major indigenous achievement for the country.
— PMO India (@PMOIndia) October 8, 2025
With this, India has joined the list of just five countries in the world that possess this capability. pic.twitter.com/sapRifUeb2
We have the world's second-largest telecom market, the second-largest 5G market, the manpower, mobility and mindset to lead. pic.twitter.com/O1P9THkgZI
— PMO India (@PMOIndia) October 8, 2025
Digital connectivity in India is no longer a privilege or a luxury. It is now an integral part of every Indian's life. pic.twitter.com/BiaAwIYeRS
— PMO India (@PMOIndia) October 8, 2025
This is the best time to invest, innovate and make in India! pic.twitter.com/ytmaoxwQYk
— PMO India (@PMOIndia) October 8, 2025
In mobile, telecom, electronics and the entire technology ecosystem… wherever there are global bottlenecks, India has the opportunity to provide solutions to the world. pic.twitter.com/yk14Dznu66
— PMO India (@PMOIndia) October 8, 2025
