প্রধান মন্ত্রী, শ্রী নরেন্দ্র মোদীনা ঙসি গোৱাদা ইন্দিয়া ইনর্জী ৱীক 2024 হৌদোকখ্রে। ইন্দিয়া ইনর্জী ৱীক 2024 অসি ভারতকী খ্বাইদগী চাউবা অমসুং ইনর্জী একজিবিসন অমসুং কনফরেন্স কোনশিল্লিবা অমত্তা ঙাইরবা অমনি মসিনা ভারতকী ইনর্জী ত্রাঞ্জিসনগী পান্দমশিং অসি থুংহনবদা মতেং পাংনবা অপুনবা ইনর্জী ভেল্যু চেন পুনশিনহল্লি। প্রধান মন্ত্রীনা গ্লোবেল ওইল অমসুং গ্যাস CEOশিং অমসুং এক্সপর্তশিংগা লোয়ননা রাউন্তেবল অমসু পাঙথোকখি।
থৌরম অসিদা ৱা ঙাংলদুনা প্রধান মন্ত্রীনা মীপুম খুদিংমকপু ইন্দিয়া ইনর্জী ৱীক্কী অনিশুবা ইদিসন্দা তরাম্না ওকখি। থৌরম অসি গোৱাগুম্বা ইনর্জী লৈবা রাজ্যদা পাঙথোকপদা নুংঙাইবা ফোঙদোক্লদুনা প্রধান মন্ত্রীনা হায়খি মসি মাগী মীয়োক-মীচান ফবা মতৌ অমসুং মহৌশাগী ফজবগীদমক খঙনৈ অমসুং মফম অসিগী কলচর অসিনা মালেম শিনবা থুংবদগী লাকপা লমকোইবশিংদা চাউনা ইথিল অমা পীরি। “গোৱানা চাউখৎপগী অনৌবা পনখৈশিং য়ৌরি” হায়না ফোঙদোক্লদুনা প্রধান মন্ত্রীনা হায়খি মসি সস্তেনেবল ফ্যুচর অমসুং এনভাইর্নমেন্তগী মাইকৈদা সেন্সিতিবিতী লৈবা খন্ন-নৈনবগীদমক মতিক চারবা মফম অমনি। মহাক্না গোৱাদা ইন্দিয়া ইনর্জী ৱীক 2024গীদমক তিল্লিবা মীরৈবাক্কী গেস্তশিংনা রাজ্য অসিগী কাউঙমদ্রবা নীংশিং মমি পুদুনা চৎলগনি।
ইন্দিয়া ইনর্জী ৱীক 2024 অসি ভারতকী GDP রেনা শেনবা চহি অসিগী অহানবা থা তরুক্তা চাদা 7.5 লানখিবগী মরু ওইবা তানফমদা পাঙথোক্লি হায়রদুনা প্রধান মন্ত্রীনা হায়খি মদুদি গ্রোথ রেৎ অসি গ্লোবেল গ্রোথ এস্তিমেৎতগী হেন্না ৱাংদুনা ভারতপু মালেমগী খ্বাইদগী খোঙজেল য়াংবা ইকনোমী ওইহল্লি। মহাক্না ইন্তরনেস্নেল মোনিতরী ফন্দশিং অসি তুংদা চপ মান্নবা গ্রোথ ত্রেন্দশিং লৈগনি প্রিদিক্ত তৌরি হায়নসু ফোঙদোকখি। “মালেমগী অকোইবদা ইকনোমিক এক্সপর্তশিংনা ভারত অসি অথুবদা মালেমগী খ্বাইদগী চাউবা 3শুবা ইকনোমী ওইরগনি থাজবা থম্মি” হায়না শ্রী মোদীনা ফোঙদোক্লদুনা ভারতকী গ্রোথ স্তোরীদা ইনর্জী সেক্তরগী স্কোপ অসি পাকথোক চাউথোরক্লি হায়খি।
প্রধান মন্ত্রীনা হায়খি ভারত অসি মালেমগী ওইনা অহুমশুবা খ্বাইদগী চাউবা ইনর্জী, ওইল অমসুং LPG কঞ্জুমর ওইরি। মখা তানা মহাক্না হায় ভারত অসি মরিশুবা খ্বাইদগী চাউবা LNG ইম্পোর্তর অমসুং রিফাইনর ওইরি লোয়ননা মরিশুবা খ্বাইদগী চাউবা ওতোমোবাইল মার্কেৎ ওইরি। মহাক্না হায় লৈবাক অসিদা EV দিমান্সু চাউনা হেনগৎলক্লি। মহাক্না 2045 ফাওবদা লৈবাক্কী ইনর্কী দিমান্দ শরুক অনি ওইহন্নবগী এস্তিমেৎকী মতাংদসু ফোঙদোকখি। প্রধান মন্ত্রীনা হায় ভারতনা মসিগী হেনগৎলক্লিবা দিমান্দ থুংহন্নবা থৌরাং লৈ। ফ্যুল হোংনা ফংহন্নবা খোঙথাংশিংগী মতাংদা পল্লদুনা প্রধান মন্ত্রীনা হায় মদুদি গ্লোবেল ফেক্তর কয়া লৈরবসু ভারতনা পেত্রোলগী মমল অসি হন্থখিবা লৈবাক খরগী মনুং চল্লি অমসুং চাদা চামাগী ইলেক্ত্রিসিতী কবরেজসু ফংবা ঙমখি।
অমুক্তা ওইখিদ্রিবা ইনফ্রাস্ত্রকচরগী শাহৌ অসিগী মতাংদা ফোঙদোক্লদুনা প্রধান মন্ত্রীনা হায়খি ইনফ্রাস্ত্রকচরগদমক হন্দক্কী বজেৎতা লুওআ করোর লাখ 11 খাকখি, মসিগী য়াম্লবা শরুক্না ইনর্জী সেক্তরগী ওইগনি। শেনফম অসিনা রেলৱেজ, রোদৱেজ, ৱাতরৱেজ, এয়রৱেজ নত্ত্রগা হাউসিংগী এসেৎশিং শেমগনি, মসি ইনর্জী কেপাসিতী পাকথোক চাউথোকহন্নবা ভারতকী খোঙথাংশিংদা মতেং পাংগনি। মহাক্না সরকারগী রিফোর্মশিংনা মরম ওইরগা দোমেস্তিক গ্যাস পুথোকপা হেনগৎলকপা অমসুং লৈবাক অসিনা প্রাইমারী ইনর্জী মিক্স চাদা 6তগী 15 য়ৌহনবগী খোঙথাংশিংসু পাইখৎলি। মথংগী চহি 5-6তা বিলিয়ন দোলর 67রোম ইনভেস্তমেন্ত তৌবা উবা ফংগনি।
সর্ক্যুলর ইকনোমী অমসুং রিয়ুজকী কনসেপ্ত অসি ভারতকী অরিবা চৎনবীশিংগী শরুক ওইরি হায়না ফোঙদোক্লদুনা প্রধান মন্ত্রীনা হায় ইনর্জী সেক্তরগীদমক্তসু চপ মান্ননা এপ্লিকেবল ওই। মহাক্না হায় মসিগী থাজবা অসি মালেম শিনবা থুংবদগী সরকারশিং, ওর্গনাইজেসনশিং অমসুং ইন্দস্ত্রীশিং প্লেৎফোর্ম অমদা পুশিনগদৌরিবা গ্লোবেল বাইওফ্যুল এলাইন্সনা উৎখি। ভারত্তা পাঙথোকখিবা G20 সম্মিৎ মনুংদা হৌদোকখিবা অসিদা প্রধান মন্ত্রীনা এলাইন্স অসিনা ফংখিবা হোলিস্তিক সপ্পোর্ত অদু ফোঙদোকখি অমসুং মালেমদা বাইওফ্যুল শীজিন্নবা থৌগৎনবা লৈবাক 22 অমসুং ইন্তরনেস্নেল ওর্গনাইজেসন 12না ওনবোর্দ তৌখি অমরোমদা $500 বিলিয়নরোমগী ইকনোমিক্কী খুদোংচাবশিংসু পীরি।
বাইওফ্যুল সেক্তরদা ভারতনা খুমাং চাউশিল্লিবা অসিগী মতাংদা পল্লদুনা শ্রী মোদীনা ভারত্তা এদোপ্সন রেৎ ৱাংখৎলকপগী মতাংদা ফোঙদোকখি। মহাক্না হায়খি মদুদি ইথানোল ব্লেন্দিং অসি 2014দা চাদা 1.5 ওইরম্বদগী 2023দা চাদা 12দা হেনগৎলক্তুনা কার্বোন ইমিসন অসি মিলিয়ন মেত্রিক তন 42রোম হন্থহনখি। “সরকারনা 2025 ফাওবদা পেত্রোলদা ইথানোল ব্লেন্দিং তৌবা অসি চাদা 20গী তার্গেৎ থমখি” হায়না মহাক্না ফোঙদোকখি। মমাংগী ইনর্জী ৱীক্তা রিতেল আউৎলেৎ 80 হেনবদা ইথানোল ব্লেন্দিং চাদা 20 তৌবা হৌখিবা অদু নীংশিংলদুনা পি,এম.না হায় মদুদি আউৎলেৎশিংগী মশিং অসি হৌজিক 9,000 দা হেনগৎহনখি।
ৱেস্ত তু ৱেল্থ মেনেজমেন্ত মোদেলগী খুত্থাংদা রুরেল ইকনোমীশিংদা অওনবা পুরক্নবা সরকারগী ফিরেপ অদু থমলদুনা প্রধান মন্ত্রীনা সরকারনা সস্তেনেবল দিবেলপমেন্তগী মাইকৈদা পাইখৎলিবা খোঙথাংশিংগী মতাংদা ফোঙদোকখি। প্রধান মন্ত্রীনা মোদীনা “ভারত্তা ঐখোয়না কম্প্রেস বাইওগ্যাস প্লান্ত 5000 ইনস্তোল তৌনবা মাইকৈদা থবক তৌরি” হায়না লাউথোকখি। মালেমগী এনভাইর্নমেন্তগী সমস্যাশিং অসিগী মতাংদা প্রধান মন্ত্রীনা হায় “মালেমগী মীশিংগী 17%গী লৈফম ওইজরবসু ভারতকী কার্বোন ইমিসন শিয়র অসি 4% খক্তনি”। মহাক্না মখা তারদুনা হায়খি, “ঐখোয়না এনভাইর্নমেন্তেল্লী সেন্সিতিব ইনর্জী সোর্সশিং দিবেলপ তৌবদা মীৎয়েং থমদুনা ঐখোয়গী ইনর্জী মিক্স হেন্না হেনগৎহন্নবা ফিরেপ লৌখি”। প্রধান মন্ত্রীনা 2070দা ভারতনা নেৎ জিরো ইমিসন ওইনবা পান্দম অদু নৌহৌননা ফোঙদোকখি।
প্রধান মন্ত্রী মোদীনা হায়, “ঙসি ভারতনা রিন্যুএবল ইনর্জী ইনস্তোল কেপাসিতীদা মালেমগী মরিশুবদা লৈ”। ভারতকী ইনস্তোল তৌখিবা কেপাসিতীগী চাদা 40দি নন-ফোসিল ফ্যুলদগী ওইখি। লৈবাক অসিনা সোলর ইনর্জীদা খুমাং চাউশিল্লিবা অদু পল্লদুনা প্রধান মন্ত্রী মোদীনা হায়, “হৌখিবা দিকেদ আসিদা ভারতকী সোলর ইনর্জীগী ইনস্তোল তৌখিবা কেপাসিতী অসি শরুক 20 হেনগৎলকখি। মহাক্না মখা তারদুনা হায়, “সোলর ইনর্জীগা কন্নেক্ত তৌনবা কেম্পেন অসি ভারত্তা খোঙজেল য়াংশিল্লি”।
প্রধান মন্ত্রী মোদীনা হায় ভারত শিনবা থুংবদা য়ুম করোর অমদা সোলর রুফতোপ পেনেলশিং ইনস্তোল তৌনবা পান্দম থমখিবা অচৌবা মিসন লোঞ্চ তৌখিবা অসিনা ইমুং করোর অমবু ইনর্জী সেক্তরদা আত্মনির্ভর ওইহনবা খক্তা নত্তনা অহেনবা মৈ অদু হকথেংননা গ্রীদতা দেলিবর তৌনবা মেকানিজমসু লৈহল্লগনি। প্রধান মন্ত্রী মোদীনা ইনিসিএতিবশিং অসিগী ত্রান্সফোর্মেতিব ইম্পেক্ত অদুগী মতাংদা ফোঙদোকখি। “অপুনবা সোলর ভেল্যু চেন্দা ইনভেস্তমেন্ত তৌনবগী অচৌবা পোতেন্সিএল লৈ” হায়না মহাক্না মখা তাখি।
গ্রীন হাইদ্রোজেন সেক্তরদা ভারতকী খোঙথাংশিংগী মতাংদা পল্লদুনা প্রধান মন্ত্রীনা নেস্নেল গ্রীন হাইদ্রোজেন মিসন্না ভারতপু হাইদ্রোজেন প্রদক্সন অমসুং এক্সপোর্তকী সেন্তর ওইহন্নবা লম্বী য়াৎলগনি হায়খি। মহাক্না ভারতকী গ্রীন ইনর্জী সেক্তরনা ইনভেস্তর অমসুং ইন্দস্ত্রীশিংগীগী সুর সোৎ ৱিন্নর অমা ওইরগনি হায়বগী থাজবা ফোঙদোকখি।
ইন্দিয়া ইনর্জী ৱীক ইভেন্ত অসিদা ভারতনা ইনর্জী সেক্তরদা গ্লোবেল কোওপরেসনগী ফিরেপকী মমি তাই। প্রধান মন্ত্রী মোদীনা হায়, “ইন্দিয়া ইনর্জী ৱীক ইভেন্ত অসি শুপ্নগী ভারতকী ইভেন্ত খক্তা নতে মসি ভারতনা মালেনগী লোয়ননা লৈ অমসুং মালেমগীদমক ভারতনা লৈ” হায়বা উৎলি।
মহাক্না সস্তেনেবল ইনর্জী দিবেলপমেন্তদা কোল্লাবোরেসন অমসুং নোলেজ শিয়র পুক্নিং থৌগৎলদুনা হায় “ঐখোয়না অমনা অমদগী তমশিনগদবনি, কত্তিং এজ তেক্নোলোজীশিংদা কোল্লাবোরেৎ তৌগদবনি অমসুং সস্তেনেবল ইনর্জী দিবেলপমেন্তগী এভেন্যুশিং এক্সপ্লোর তৌগদবনি” লোইশিনবা প্রধান মন্ত্রীনা হায়, ঐখোয়না পুন্না চাউখৎপা অমসুং এনভাইর্নমেন্তেল সস্তেনেলবল ওইবা তুংলমচৎ অমা শেমগৎলসি”।
থৌরম অসিদা গোৱাগী রাজ্যপাল শ্রী পি এস শ্রীধারন পিল্লাই, মুখ্য মন্ত্রী শ্রী প্রমোস সাবন্ত অমসুং পেত্রোলিয়ন অমদি নেচরেল গ্যাস কেন্দ্র মন্ত্রী, শ্রী হরদীপ শিং পুরি অমসুং পেত্রোলিয়ন অমদি নেচরেল গ্যাস রাজ্য মন্ত্রী, শ্রী রামেস্বর তেলিনা শরুক য়াখি।
বেকগ্রাউন্দ
ইনর্জিগী দরকার ওইবশিং মশাগী ওক্নবা পুথোকচবা হায়বসি প্রধান মন্ত্রীগী মরুওইবা হিরম অমনি। মাইকৈ অসিদা থাংজিনবা অতোপ্পা খোঙথাং অমদা, ফেব্রুৱারি 6-ফেব্রুৱারি 9, 2024 দা গৱাদা ইন্দিয়া ইনর্জি ৱিক 2024 পাংথোকখি। মসি ভারতকী খ্বাইদগী চাউবা ওইগনি অমসুং ইনর্জি একজিবিসন অমসুং কনফরেন্স পুনশিন্দুনা, অপুনবা ইনর্জি ভেলু চেন শরুক য়াগনি অমসুং ভারতকী ইনর্জিগী অওনবশিং পুরক্নবা পান্দম ফংনবা হোৎনবদা মতেং ওইগনি। প্রধান মন্ত্রীনা মালেমগী থাউ অমসুং গ্যাসকী CEOশিং অমসুং অখঙ-অহৈশিংগা রাউন্দ তেবল অমসু পাংথোকখি।
স্তার্দঅপশিং পুক্নিং থৌগৎপা অমসুং মখোয় ইনর্জি ভেলু চেন্দা পুশিল্লকপা অসি ইন্দিয়া ইনর্জি ৱিক 2024গী মরুওইবা পান্দম অমা ওইগনি। মসিদা তোঙান-তোঙানবা লৈবাকশিংগী ইনর্জি মিনিস্তর 17 রোম, মীওই 35,000 রোম অমসুং একজিবিতর 900 হেন্না শরুক য়াখি। মসিদা অখন্নবা লৈবাক তরুক-কনাদা, জর্মনি, নেদরলেন্দস, রুসিয়া, UK অমসুং USAগী কন্ত্রি পেভিলিয়নশিং হাংদোকখি। ইনর্জিদা ভারতকী MSMEশিংনা মাঙজিল থানা শরুক য়ারিবা অনৌবা পাম্বৈশিং উৎনবা অখন্নবা মেক ইন ইন্দিয়া পেভিলিয়ন অমশু হাংদোকখি।
Global experts are upbeat about India's growth story. pic.twitter.com/sxsbfOMk2x
— PMO India (@PMOIndia) February 6, 2024
भारत ना सिर्फ अपनी जरूरतों को पूरा कर रहा है, बल्कि विश्व के विकास की दिशा भी तय कर रहा है। pic.twitter.com/hUL64NjlAf
— PMO India (@PMOIndia) February 6, 2024
India is focusing on building infrastructure at an unprecedented pace. pic.twitter.com/fQuVwtbaV2
— PMO India (@PMOIndia) February 6, 2024
हमारी सरकार ने जो Reforms किए हैं, उससे भारत में घरेलू गैस का उत्पादन तेजी से बढ़ रहा है: PM @narendramodi pic.twitter.com/PquSqkGkRl
— PMO India (@PMOIndia) February 6, 2024
The Global Biofuels Alliance has brought together governments, institutions and industries from all over the world. pic.twitter.com/hmOMq0TXAe
— PMO India (@PMOIndia) February 6, 2024
Giving momentum to rural economy through 'Waste to Wealth Management.' pic.twitter.com/qY6KZqsywe
— PMO India (@PMOIndia) February 6, 2024
India is emphasizing the development of environmentally conscious energy sources to enhance our energy mix.
— PMO India (@PMOIndia) February 6, 2024
Our goal is to achieve Net Zero Emission by 2070. pic.twitter.com/WghArzHdHx
Encouraging self-reliance in solar energy sector. pic.twitter.com/Zw6EmrAvQh
— PMO India (@PMOIndia) February 6, 2024
