পি.এম.না ৪শুবা ইন্দিয়া ইনর্জী ফোরম সিরা ৱীক্কী থৌরম হৌদোকপগী ৱারোল ভিদিও কনফরেন্সকী খুত্থাংদা পীখ্রে। এদিসন অসিগী হিরম অসি “ইন্দিয়া’স ইনর্জী ফ্যুচর ইন এ ৱর্ল্দ ওফ চেঞ্জ” ওইখি।
থৌরম অসিদা ৱা ঙাংলদুনা প্রধান মন্ত্রীনা হায়খি ভারত্তা ইনর্জী য়াম্না লৈ অমসুং ইনর্জীগী তুংলমচৎ অসি আশা লৈ অমসুং সেক্যুর ওই। ইনর্জীগী দিমান্দ শরুক অহুম থোকপগী অমগী ময়াদা হন্থরকপা, মমলদা হোংদোক হোংজিন তৌবা, ইনভেস্তমেন্তকী ওইবা ৱারেপশিংনা অকায়বা পীবা অসিগুম্বা তোঙান তোঙানবা খুদোংচাদবশিং অসি লৈজরবসু গ্লোবেল ইনর্জী দিমান্দ অসি লাক্কদৌরিবা চহিশিং অসিদা কন্ত্রেক্সন তৌগনি হায়না প্রোজেক্ত তৌখি, ভারতনা মাংজিল থারিবা ইনর্জী কঞ্জুমর অমা ওইরক্কনি হায়না প্রোজেক্ত তৌখি অমসুং মতম খরগী মনুংদা ইনর্জী শীজিন্নবা অসি শরুক অনিগী ময়া ওইগনি হায়নসু প্রোজেক্ত তৌখি হায়না মহাক্না ফোঙদোকখি।
প্রধান মন্ত্রীনা হায়খি দোমেস্তিক এভিএসন্দা য়েংবদা ভারতকী এভিএসনগী কৈথেল অসি চাউবদা অহুমশুবা অমসুং খ্বাইদগী খুমাং চাউশিনবা ওইরি অমসুং ভারতকী কেরিয়রশিং অসি ২০২৪ ফাওবদা ফ্লীৎ সাইজ ৬০০তগী ১২০০দা হেনগৎকনি হায়না পান্নরি।
ইনর্জী শেল চংদনা ফংহনগদবনি অমসুং থাজনীংঙাই ওইগদবনি হায়না ভারতনা থাজৈ হায়না মহাক্না ফোঙদোকখি। মসিদা খক্তনি সোসিও-ইকোনোমিক্তা অহোংবা পুরকপা ঙমগনি। মহাক্না হায়খি, ইনর্জী সেক্তরবু মীয়ামদা শক্তি পী অমসুং মখা তানা "হিংবদা লায়হনগদবা" অমা ওইরি অমসুং সরকারনা মসি ফংহন্নবা লৌখৎলিবা থৌরাংশিং অদু পাউদমখি। মহাক্না হায়খি থৌরাংশিং অসিনা মরুওইনা খুঙ্গংগী মীওই, মিদল ক্লাস অমসুং নুপীশিংগী পুন্সিদা মতেং পাংলি।
প্রধান মন্ত্রীনা হায়খি ভারতনা মালেমগী সস্তেনেবল গ্রোথকী ৱাশক মপুং ফানা ঙাক্না চৎতুনা ভারতকী ইনর্জী প্লান অসিনা ইনর্জী জস্তিস পীনবা পান্দম থম্লি। মসিনা তাক্লি মদুদি কার্বোন থাদোকপগী চাংসু নেমহনবগা লোয়ননা ভারত মচা কয়াগী পুন্সি মহিং ফগৎহন্নবগীদমক অহেনবা ইনর্জী মথৌ তাই হায়বনি। ঐখোয়গী ইনর্জী সেক্তর অসি চাউখৎপা, ইন্দস্ত্রীদা কায়দবা অমসুং অকোইবগীসু খনবা হায়বসিদা মীৎয়েং থমগনি হায়না মহাক্না অপাম্বা ফোঙদোকখি। মহাক্না হায়খি মরম অসিনা ভারত অসি রিন্যুএবল সোর্স ওব ইনর্জীগী মায়কৈদা চঙশিনবা খ্বাইদগী এক্তিব ওইবা লৈবাকশিংগী মরক্তা অমা ওইরি।
ভারতপু ক্লীন ইনর্জী ইনভেস্তমেন্তকী খ্বাইদগী মাংজিল থারিবা কৈথেল ওইহন্নবা লৌখৎপা থৌরাংশিংগী মতাংদা প্রধান মন্ত্রীনা ফোঙদোকখি, মখোয় অদুদি হৌখিবা চহি ৬ অসিদা এল.ই.দি. বল্ব করোর ৩৬ হেন্না য়েন্থোকপা, এল.ই.দি. বল্বকী মমলসু শরুক ১০ হেন্না হন্থহনবা, স্মার্ত এল.ই.দি. স্ত্রীৎ লাইৎ করোর ১.১ হেন্না ইন্সতোল তৌখিবা অসিনি। মহাক্না হায়খি থৌরাং অসিনা চহি অমদা ইনর্জী বিলিয়ন য়ুনিৎ ৬০ হেন্না তুংশিনবা ঙম্লে, গ্রীন হাউজ গ্যাস থাদোকপগী চাং অসি চহি খুদিংগী কার্বোন দাইওক্সাইদ তন করোর ৪.৫ হন্থহনবা ঙম্লে হায়না পান্নরি চহি খুদিংগী লুপা করোর ২৪,০০০ তুংশিনবা ঙম্লে।
প্রধান মন্ত্রীনা হায়খি ভারতনা মালেমগীদমক তৌগনি হায়না ফোঙদোকখিবা অদু ঙাক্নবগী লম্বীদা চঙশিল্লি। মহাক্না হায়খি ইন্সতোল তৌখ্রবা রিন্যুএবল ইনর্জীগী কেপাসিতী অসি ২০২২ ফাওবদা গিগাৱাৎ ১৭৫ য়ৌনা হেনগৎনবা থমখিবা পান্দম অদু ২০৩০ ফাওবদা গিগাৱাৎ ৪৫০ য়ৌনা হেনগৎহনহল্লগনি। মহাক্না হায়খি ইন্দস্ত্রীএলাইজ ওইরবা মালেমগী মফমশিংগা চাংদম্নবদা ভারতনা কার্বোন থাদোকপদা খ্বাইদগী নেম্বা লৈবাক ওইজরবসু ভারতনা অইং-অশাদা হোংলক্লিবা অসি থেংননবা লেপ্তনা চঙশিনখিগনি।
প্রধান মন্ত্রীনা হায়খি ভারতকী ইনর্জী সেক্তরদা অহোংবা পুরকপা অসি হৌখিবা চহি তরুক্লোম অসিদা হেন্না খোঙজেল য়াঙশিল্লে। এক্সপ্লোরেসন অমসুং লাইসেন্সিং পোলিসীদা অহোংবশিং পুরকপা, 'রিভিন্যু'দগী 'প্রদক্সন' হেনগৎনহনবদা মীৎয়েং হোংবা, হেন্না ত্রান্সপরেনসী লৈহন্নবা অমসুং স্ত্রিম লাইন তৌনবা মীৎয়েং মীৎয়েং চংবা অমসুং রিফাইনিং কেপাসিতী অসি ২০২৫ ফাওবদা চহি অমদা মেত্রিক তন মিলিয়ন ২৫০দগী ৪০০ ফাওবদা চাউখৎনবা পান্দম থম্বা অসিগুম্বা হন্দক্তা ইনর্জী সেক্তর অসিদা অনৌবা মশক থোকপা অহোংবশিং পুরকখিবা অদু ফোঙদোকখি। মহাক্না হায়খি দোমেস্তিক গ্যাস পুথোকপগী চাং হেনগৎপা হায়বসি সরকারগী মরুওইবা পান্দম অমা ওইরে অমসুং ৱান নেসন পৱান গ্যাস গ্রিদ' কী খুত্থাংদা গ্যাস-বেজ ইকোনোমী পুরকপদা মায় পাকপা ঙমগনি।
প্রধান মন্ত্রীনা মীয়ামদা ক্রুদকী মমল অসি লেপথোক্নবা খঙহনখি। মহাক্না মীয়াম্না থাও অমসুং গ্যাস্কী ত্রান্সপরেন্ত ওইবা অমসুং ফ্লেক্সিবল ওইবা কৈথেল অমগী মায়কৈদা পুন্নবা হোৎননবা খঙহনখি। মহাক্না হায়খি নেচরেল গ্যাসকী দোমেস্তিক প্রদক্সন হেনগৎনবগীদমক অমসুং গ্যাস্কী মার্কেৎ প্রাইস দিস্কোবরীদা চাং মান্নহনবা ঙম্নবা সরকারনা নেচরেল গ্যাস মার্কেতিং অহোংবশিং পুরকখি মসিনা ই-বিদ্দিংগী খুত্থাংদা নেচরেল গ্যাস য়োনবদা হেন্না চাউনা মার্কেত্তিংগী নীংতম্বা ফংহল্লগনি। মহাক্না মখা তারদুনা হায়খি ভারতকী ইহান হানবা ওতোমেতেদ জাতিগী থাক্কী গ্যাস ত্রেদিং প্লেৎফোর্ম অমা চহি অসিগী জুন থাদা হৌদোকখ্রে মসিনা গ্যাস্কী কৈথেলগী মমল খঙদোক্নবগী স্তেন্দর্দ প্রোসিজরশিং পীরি।
প্রধান মন্ত্রীনা হায়খি সরকার অসিনা 'আত্মানির্ভর ভারত'কী ৱাখল্লোনগা লোয়ননা মাংজিল থানা চঙশিল্লি। মহাক্না হায়খি মরোমদোম লেপচবা ভারত অমনা মালেমগী শেন্মিৎলোনগী ফোর্স মলতিপ্লাইয়র অমসু ওইগনি অমসুং হোৎনরিবা অসিনা ইনর্জী সেক্যুরিতী ফংহনবদা মীৎয়েং থম্লি। মহাক্না হায়খি অৱাবা তানফম অসিগী মনুংদা ওইল অমসুং গ্যাস ভেল্যু চেন্দা ইনভেস্তমেন্ত হেনগৎহনবা অসিগুম্না হৌৎনরিবশিং অসিগী অফবা মহৈ পুরক্লি অমসুং অতোপ্পা সেক্তরশিংদসু অসিগুম্বা খুদমশিং অসি উবা ফংখি। মহাক্না হায়খি সরকার অসিনা মালেমগী মরুওইবা ইনর্জী প্লেয়রশিংগা লোয়ননা স্ত্রেতেজিক অমসুং কম্প্রিহেন্সিব ওইবা ইনর্জীগী থবক থৌরমশিং পাইখৎলি। মহাক্না মখা তারদুনা হায়খি ভারতকী নাইবরহুদ ফার্স্ত হায়বা পোলিসী অসিগী শরুক অমা ওইনা, ঐখোয়গী য়ুম্লোন্নরিবা লৈবাকশিংগা কান্নবা ফংমিন্ননবা ইনর্জীগী লমদা ফগৎনবা হোৎনরি।
প্রধান মন্ত্রীনা হায়খি ভগবান নুমিৎকী দোলাইবু চিংলিবা শগোল তরেৎকুম্না, ভারতকী ইনর্জীগী মেপ অসিদা মরুওইবা দ্রাইভর তরেৎ য়াওগনি।
১. গ্যাস-বেজ ইকোনোমী অমগী মায়কৈদা ঐখোয়না হোৎনরিবশিং অসিগী খোঙজেল য়াংশিনবা।
২. মরুওইনা পেত্রোলিয়ম অমসুং কোইলাশুম্বা ফোসিল ফ্যুলশিং অমোৎপা চেলহন্দনা শীজিন্নবা।
৩. বাইও ফ্যুলশিং পুথোকনবগী দোমেস্তিক সোর্সশিং হেন্না শীজিন্নবা।
৪. ২০৩০ ফাওবদা গিগাৱাৎ ৪৫০গী রিন্যুএবল তার্গেৎ ফংনবা হোৎনবা।
৫. মোবিলিতী দি-কার্বোনাইজ তৌনবগীদমক ইলেক্ত্রিসিতী শীজিন্নবা হেনগৎহনবা।
৬. হায়দ্রোজেন য়াওনা হৌগৎলক্লিবা ফ্যুলশিংগী ওইনা শীজিন্নবা।
৭. ইনর্জী সিস্তেম খুদিংমক্তা দিজিতেল ইন্নোবেসন শীজিন্নবা।
মহাক্না হায়খি হৌখিবা চহি তরুক্লোম অসিদগী শীজিন্নরক্লবা হায়রিবা মপাঙ্গল লৈরবা পোলিসীশিং অসি মখা তানা শীজিন্নখিগনি।
প্রধান মন্ত্রীনা হায়খি ইন্দিয়া ইনর্জী ফোরম – সেরা ৱীক অসিনা ইন্দস্ত্রী, সরকার অমসুং খুন্নাইগী মরক্তা লৈবা মরুওইবা প্লেৎফোর্ম অমা ওইনা মথৌ তৌরি অমসুং অসিগুম্বা কনফরেন্স অসিনা তুংলমচৎতা হেন্না ফবা ইনর্জী অমগীদমক কান্নরবা খন্ন-নৈনবশিং পাঙথোক্কনি হায়না মহাক্না থাজবা থমখি।
