ঙসি প্রধান মন্ত্রী শ্রী নরেন্দ্র মোদীনা নিউ দিল্লিগী ভারত মন্দাপমদা আই.সি.এ গ্লোবেল কোওপরেতিপ কনফরেন্স ২০২৪ হৌদোকখ্রে। থৌরম অদুদা তিনখিবা মীয়ামদা ৱা ঙাংবদা, শ্রী মোদীনা ভুতানগী প্রধান মন্ত্রী দাসো সেরিং তোবগে, ফিজিগী দিপুতি প্রাইম মিনিস্তর মনোয়া কামিকামিকা, য়ুনিয়ন হোম মিনিস্তর শ্রী অমিত সাহ, ভারত্ত লৈবা য়ু.এন রেসিদেন্ত কোওর্দিনেতর সোম্বী সার্প, ইন্তরনেসনেল কোওপরেতিপ এল্লাইন্সকী প্রসিদেন্ত এরিয়েল গুরকো, তোঙান-তোঙানবা লৈবাকশিংগী শক্নাইরবশিং অমসুং ইবেম্মাশিং অমসুং ইবুংঙোশিং আই.সি.এ গ্লোবেল কোওপরেতিপ কনফরেন্স ২০২৪ দা তরাম্না ওকখ্রে।
প্রধান মন্ত্রীনা হায়খি তরাম্না ওক্লিবা অসি মহাক মথন্তনা ওকপা নত্তে মসি লৌমী, কেত্তল ব্রিদর, ঙামী লিশিং কয়া, কোওপরেতিপ সোসাইতি লাখ ৮ হেনবা, সেল্ফ হেল্প গ্রুপশিংগী নুপী করোর ১০ অমসুং কোওপরেতিপশিংগা লোয়ননা তেক্নোলোজিগী থবক তৌরিবা নহারোলশিংনা তরাম্না ওকপনি। ভারত্তা কোওপরেতিপকী ইহৌ হেনগৎলকপা মতম অসিদা ভারত্ত ইন্তরনেসনেল কোওপরেতিপ এল্লাইন্সকী গ্লোবেল কোওপরেতিপ কনফরেন্স পাংথোকপা অসি মসিনা অহানবনি। ভারতকী তুংগী কোওপরেতিপ খোঙচৎকী দরকার ওইবা লৌশিং কয়া গ্লোবেল কোওপরেতিপ কনফরেন্সদগী ফংগনি। কোওপরেতিপকী লমদা ভারতকী খঙবা-হৈবা কয়াদগী মালেমগী কোওপরেতিপ ইহৌনা অনৌবা থৌনা অমসুং ২১শুবা চহিচাগী খ্বাইদগী নৌবা তুলশিং ফংগনি। চহি ২০২৫ অসি মালেমগী কোওপরেতিপশিংগী চহি ওইনা লাউথোকপগীদমক য়ুনাইতেদ নেসন্স থাগৎপা ফোঙদোকচরি।
চহিচা কয়া শুরবা নাত-চৎনবী ওইরবা ইহৌ অসিগী মতাংদা প্রধান মন্ত্রীনা হায়খি মালেমগী ওইনা কোওপরেতিপশিং নমুনা অমনি অদুবু ভারতকীদমক, কো-ওপরেতিপশিং নাতকী য়ুম্ফমনি, পুন্সিগী লম্বী অমনি। ভারতকী অরিবা লাইরকশিংদগী শ্লোগ অমা লৌখৎলদুনা, শ্রী মোদীনা হায়খি মদুদি ঐখোয় পুন্না চৎমিন্নগদবনি অমসুং অমতা ওইনা ৱা ঙাংগদবনি হায়না ঐখোয়গী বেদশিংনা হায়রি, অদুগা ঐখোয়গী উপনিষদশিংনা শান্তি ওইনা হিংনবা ঐখোয়দা হায়রি, পুন্না হিংমিন্নবগী মরুওইবা ঐখোয়দা তাক্লি, মসিগী গুন অসি ভারতকী ইমুংশিংগী থাদোক্নবা য়াদ্রবা শরুক অমনি অমসুং মসিগা কো-ওপরেতিপশিংগী হৌরকফমগা মান্নৈ।
ভারতকী নিংতম্বগী ইহৌ কোওপরেতিপশিংনা ইথিল পীবনি হায়না ফোঙদোক্লদুনা, প্রধান মন্ত্রীনা হায়খি মদুদি মসিনা শেন-থুমগী ফিবম ফগৎহনবা খক নত্তনা নিংতম্বা লান্মীশিংদা খুন্নাইগী মফম অমা পীখি। মহাত্মা গান্ধীজিগী গ্রাম শ্বারাজ ইহৌনা মীয়াম শরুক য়ানবগী অনৌবা ইনোৎ অমা পীখি অমসুং খাদি অমসুং খুঙ্গংগী উদ্যোগশিংগী কোওপরেতিপশিংগী মতেংগা লোয়ননা অনৌবা য়াওল অমা হৌদোকখি। ঙসিদি চাংদম্না শরুক য়াদুনা অচৌবা ব্রান্দশিংগা চৎমিন্নবা ঙম্নবা কোওপরেতিপশিংনা খাদি অমসুং খুঙ্গংগী উদ্যোগশিংগী মতেং পাংলে। শঙ্গোমগী কোওপরেতিপশিং শীজিন্নদুনা সারদার পতেলনা লৌমীশিং পুনশিনখি অমসুং নিংতম ইহৌদা অনৌবা মাইকৈ অমা তাকখি। ভারতকী নিংতম ইহৌগী পোৎথোক অমা ওইরিবা অমুল, মালেমগী মকোক থোংবা ফুদ ব্রান্দশিংগী মনুংদা য়াওরে। ভারত্ত কো-ওপরেতিপশিং অনৌবা ৱাখল অমদগী ইহৌ ওইরকপনি, ইহৌদগী অওনবা লাকপনি অমসুং অওনবগী শক্তি লৈরকপনি।
প্রধান মন্ত্রীনা হায়খি কোওপরেতিপকী থবকশিংগা লৈঙাক-সাসনগা পুনশিন্দুনা ভারত চাউখৎলবা লৈবাক অমা ওইহন্নবা ঙসি ঐখোয় থবক তৌরি। ঙসি, ভারত্ত কোওপরেতিপ কম্মিতি লাখ ৮ লৈরি, হায়বদি মালেমগী কম্মিতি মরি খুদিংগী মনুংদা অমা ভারত্ত লৈরি। মখোয়গী মখল য়াম্মী অমসুং মখোয়গী মশিং য়াম্মী। ভারতকী খুঙ্গংগী চাদা ৯৮ কো-ওপরেতিপশিংনা কোনশিল্লি। মীওই করোর ৩০ রোম, হায়বদি ভারতমচা মঙাগী মনুংদা অমা কোওপরেতিপ সেক্তরগা লোয়ন্নরি। ভারত্ত অর্বান অমসুং হাওসিং কোওপরেতিপশিং অনিমক য়াম্না চাউখৎলে। চিনি, হারশিং, ঙা য়োকপা অমসুং শঙ্গোম পুথোকপগী উদ্যোগশিংদা কোওপরেতিপশিংনা মরুওইবা থৌদাং অমা লৌরি অমসুং হৌজিক লৈবাক অসিদা হাওসিং কো-ওপরেতিপ সোসাইতি লাখ ২ রোম লৈরি। ভারতকী কো-ওপরেতিপ বেঙ্কিং সেক্তরদা শিংথাবা য়াবা মাইপাকপা অমা লৈরে। লৈবাক শীনবা থুংবগী কো-ওপরেতিপ বেঙ্কশিংদা লুপা করোর লাখ ১২ হেন্না থমজিল্লে অমসুং মসিনা হায়রিবা ইন্সতিতুসনশিং অসিদা থাজবা হেনগৎলকপগী মমি তারে। কো-ওপরেতিপ বেঙ্কশিংগী থবকশিং ফগৎনবা ঐখোয়গী সরকারনা অওনবা কয়া পুরক্লে। হায়রিবা বেঙ্কশিং অসি রিজার্ব বেঙ্ক ওফ ইন্দিয়াগী মখাদা থম্লে অমসুং দিপোজিতর অমদা দিপোজিত ইন্সুরেন্স কভরেজ লুপা লাখ ৫ দা হেনগৎলে। চাংদম্নবা অমসুং অরোন-অথুপ লৈতবশু হেনগৎলে অমসুং হায়রিবা অওনবশিং অসিনা ভারতকী কো-ওপরেতিপ বেঙ্কশিং হেন্না অশোই-অঙাম লৈহন্দবা অমসুং মতিক চাবা শেন-থুমগী ইন্সতিতুসনশিং ওইহনবদা মতেং পাংলে।
প্রধান মন্ত্রীনা হায়খি মদুদি লৈবাক অসিগী তুংগী চাউখৎপদা কো-ওপরেতিপশিংগী অচৌবা থৌদাং অমা ভারতনা উরে। সরকারগী থবক্তি কো-ওপরেতিপ সোসাইতিশিং হিরম কয়াদা থবক পাংথোকপনি। মসিগী পান্দম অসি ৱাখলদা থমদুনা ভারত সরকারনা তোখায়বা কো-ওপরেতিপ মিনিস্ত্রি অমা লিংখৎলে। কো-ওপরেতিপ সোসাইতিশিং হিরম কয়াদা থবক পায়খৎনবা অনৌবা মোদেল বাই-লোশিং চৎনবা হৌরে। সরকারনা কো-ওপরেতিপ সোসাইতিশিং অসি আই.তিগী থবকশিংগা শম্নহল্লে অমসুং মসিনা জিলা অমসুং রাজ্য থাক্ত কোওপরেতিপশিং কো-ওপরেতিপ বেঙ্কশিংগা শম্নহল্লে। ভারতকী লৌমীশিংদা মফম অমগী খুদোংচাদবশিং কোকহন্নবা সেন্তরশিং লিংখৎপা, পেত্রোল অমসুং দিজল চোইনা য়োনবগী থবকশিং পাংথোকপা, ঈশিং পীবগী থবকশিং য়েংশিনবা অমসুং সোলার পেনেলশিং খিনবা য়াওনা তোঙান-তোঙানবা থবকশিংদা হায়রিবা কো-ওপরেতিপ সোসাইতিশিং শরুক য়ারি। অমোৎপদগী শেন ওন্থোকপগী লাইৱা শীজিন্নদুনা, ঙসি কো-ওপরেতিপ সোসাইতিশিংনা গোবর্ধন স্কিমদা মতেং পাংলি। কম্মন সর্বিস সেন্তরশিং ওইনা হৌজিক কো-ওপরেতিপ সোসাইতিশিংনা খুঙ্গংশিংদা দিজিতেলগী থবকশিং ফংহল্লে। সরকারগী থবক্তি কো-ওপরেতিপ সোসাইতিশিং মপাঙ্গল কনখৎহনবনি অমসুং মখোয়গী মেম্বরশিংগী শেন্থোক হেনগৎহনবনি।
প্রধান মন্ত্রীনা হায়খি মদুদি হৌজিক সোসাইতি অমতা লৈতবা খুঙ্গং লাখ ২ দা সরকারনা মল্তিপর্পজ কোওপরেতিপ সোসাইতিশিং শেম্লি। মেনুফেকচরিংদগী হৌরগা সর্বিস সেক্তর ফাওবা কো-ওপরেতিপ সোসাইতিশিং পাকথোক-চাউথোক্লে। ঙসি, ভারতনা কোওপরেতিপ সেক্তরদা মালেমদা খ্বাইদগী চাউবা মহৈ-মরোং লীদুনা থম্নবা স্কিম পায়খৎলি। স্কিম অসি কোওপরেতিপশিংনা থবক ওইনা পাংথোকপনি, লৈবাক শীনবা থুংনা কৈ কয়া শাদুনা লৌমীশিংনা মখোয়গী মহৈ-মরোংশিং থম্বদগী লায়রবা লৌমীশিংনা খ্বাইদগী হেন্না কান্নবা ফংলে।
প্রধান মন্ত্রীনা হায়খি ফার্মর প্রদুসর ওর্গনাইজেসন (এফ পি ও) শেমদুনা অপীকপা লৌফমগী লৌমীশিং মতেং পাংলি। ঐখোয়না ঐখোয়গী অপীকপা লৌমীশিং এফ.পি.ওশিংদা শরুক য়াহল্লে অমসুং হায়রিবা লুপশিং অসি মপাঙ্গল কনখৎহন্নবা দরকার ওইবা শেন্থং পীরে। চাউরাক্না এফ.পি.ও ৯,০০০ রোম লিংখৎখ্রে অমসুং লৌবুক্তগী চাকশঙ অমসুং কৈথেল য়ৌনবা অফবা সপ্লাই অমসুং ভেলু চেন কোওপরেতিপশিংগীদমক শেমগৎলি। ঐখোয়গী থবক্তি অনৌবা তেক্নোলোজি শীজিন্নদুনা লৌউ-শিংউগী পোৎথোকশিং অপনবা লৈতনা মফম খুদিংদা য়ৌহনবা অসিনি। হায়রিবা কো-ওপরেতিপ সোসাইতিশিং অসিগী থবকশিংদা অওনবা পুরক্নবা দিজিতেল প্লেতফোর্মশিংগী থৌদাং চাউনা লৈরি। ওপন নেতৱাকঘ ফোর দিজিতেল কম্মর্স ( ও এন দি সি) গুম্বা ই-কম্মর্স প্লেতফোর্মশিংগী খুৎথাংদা মহাক্কী সরকারনা কো-ওপরেতিপ সোসাইতিশিং মখোয়গী পোৎথোকশিং য়োনবা ঙমহল্লে। মসিনা পোৎথোকশিং হকথেংননা কঞ্জুমরশিংদা অহোংবা মমলদা ফংহল্লে। কো-ওপরেতিপ সোসাইতিশিংনা মখোয়গী য়োনফম পাকথোক-চাউথোক্নবা সরকারনা গভর্নমেন্ত ই-মার্কেতপ্লেস (জি ই এম) পায়খৎলে। হায়রিবা থবকশিং অসিদা লৌউ-শিংউ মতমগা চুনবা মওংদা শেমগৎনবা মীৎয়েং চঙবগা লোয়ননা চাংদম্নবা অমসুং দিজিতেল ইকোনোমি অমদা হিংনবদা মখোয়গী দরকার ওইবা খুৎলায়গা লোয়ননা লৌমীশিং শক্তি পীরে।
প্রধান মন্ত্রীনা হায়খি মদুদি চৎলিবা চহিচা অসিদা মালেমগী চাউখৎপগী মরুওইবা মরমদি নুপীশিংনা শরুক য়াবা অসিনি। লৈবাক অমা নত্ত্রগা খুন্নাই অমদা নুপীশিং মশিং য়াম্না শরুক য়ারিবমখৈ, লৈবাক অদু য়াংনা চাউখৎকনি। হৌজিক অসি ভারত্ত নুপীশিংনা লুচিংবগী যুগনি অমসুং কো-ওপরেতিপ সেক্তরদা নুপীশিংনা অচৌবা থৌদাং অমা লৌরি। ঙসিদি নুপীশিংনা লুচিংবা কো-ওপরেতিপ সোসাইতিশিং কয়া লৈবগা লোয়ননা নুপীশিং চাদা ৬০ হেন্না শরুক য়ারে অমসুং মসিনা ভারতকী কো-ওপরেতিপ সেক্তরগী মপাঙ্গলনি। ঐখোয়গী থবক্তি কো-ওপরেতিপ সোসাইতিশিংগী থবকশিংদা নুপীশিং শরুক য়াবা হেনগৎহনবনি। মাইকৈ অসিদা সরকারনা মল্তি স্তেৎ কো-ওপরেতিপ সোসাইতি এক্ত শেমদোক্লে অমসুং মসি শুকশোই শোইদনা মল্তি স্তেৎ কো-ওপরেতিপ সোসাইতিগী বোর্দতা নুপী দিরেক্তরশিং য়াওহনগদবনি। তোল্লবা কাংলুপশিং শরুক য়ানবা অমসুং খুন্নাইগী কাংলুপ খুদিংমক কোনশিন্নবা রিজার্বেসনগী খুদোংচাবশিং লৈরে।
প্রধান মন্ত্রীনা হায়খি সেল্ফ হেল্প গ্রুপশিংগী মওংদা নুপীশিং শরুক য়াহন্দুনা নুপীশিং শক্তি পীরে। ভারত্ত নুপী করোর ১০ হেন্না সেল্ফ হেল্প গ্রুপশিংগী মেম্বরশিং ওইরি। হৌখিবা চহি ১০দা হায়রিবা গ্রুপশিং অসিদা সরকারনা লুপা করোর লাখ ৯ গী অপীকপা শেন্দোয়গী লোনশিং ফংহনখ্রে। মসিনা মরম ওইদুনা খুঙ্গংশিংদা সেল্ফ হেল্প গ্রুপশিংনা য়াম্লবা শেনফম তাল্লে। মসি মালেমগী লৈবাক কয়াগী নুপীশিংগী ফিবম ফগৎহন্নবা অচৌবা মোদেল অমা ওইবা য়াগনি।
প্রধান মন্ত্রীনা হায়খি ২১শুবা চহিচাদা মালেমগী কো-ওপরেতিপ ইহৌগী মাইকৈ লেপ্পা দরকার ওইরে। কো-ওপরেতিপ সোসাইতিশিংদা য়াম্না লাইনা অমসুং অরোন-অথুপ লৈতনা শেন থাদনবা ঐখোয়না অপুনবা ফাইনান্সিএল মোদেল অমা পুথোক্নবা খনগদবনি। অপীকপা অমসুং শেন-থুমগী ফিবম ফত্তবা কো-ওপরেতিপ সোসাইতিশিং মতেং পাংনবা শেন-থুমগী রিছোর্সশিং পুনশিনবা য়াম্না মরুওই। অসিগুম্বা ফাইনান্সিএল প্লেতফোর্মশিংনা অচৌবা প্রোজেকশিংদা শেন থাদবা অমসুং কো-ওপরেতিপ সোসাইতিশিংদা লোন পীবদা তঙাইফদবা থৌদাং অমা লৌগনি। পোৎ-চৈ লৈবা, পোৎথোক পুথোকপা অমসুং য়েন্থোকপগী থবকশিংদা থৱায় য়াওনা শরুক য়াদুনা সপ্লাই চেন ফগৎহনবদা কো-ওপরেতিপ সোসাইতিশিংগী তৌবা ঙম্বা কয়া লৈরি।
প্রধান মন্ত্রীনা হায়খি মদুদি মালেম শীনবা থুংবগী কো-ওপরেতিপ সোসাইতিশিংদা শেন থাদনবা মালেমগী ফাইনান্সিএল ইন্সতিতুসনশিং শেম্বা দরকার ওইরে। আই.সি.এনা লৌরিবা থৌদাং অসি থাগৎনিঙাইনি অমসুং তুংদা মসি থবক কয়া পাংথোকপা দরকার ওইরি। মালেমগী হৌজিক লৈরিবা ফিবম অসিদা কো-ওপরেতিপ ইহৌগীগীদমক অচৌবা খুদোংচাবা অমা পীরে। মালেমদা অপুনবা অমসুং অমনা অমবু ইকায়খুম্নবা পুরক্নবা কো-ওপরেতিপ সোসাইতিশিংনা মাংজিল থাদুনা ফিরাল পায়বা অমা ওইবা দরকার ওইরে। মসিগীদমক, অনৌবা থৌশিলশিং অমসুং লাল্লোংশিং দরকার ওইরে। কো-ওপরেতিপ সোসাইতিশিং অসি অইং-অশাগী খল হোংলকপা অসি মায়োক্নবা ঙম্বা য়াম্না মরুওই। মখোয়না সর্কুলার ইকোনোমিগা শম্নগদবনি অমসুং কো-ওপরেতিপ সোসাইতিশিংদা স্তার্দ-অপশিং পুক্নিং থৌগৎপা অথুবা মতমদা দরকার ওইরে। মালেমগী মতেং পাংনবদা কো-ওপরেতিপ সোসাইতিশিংনা অনৌবা থৌনা অমা পীগনি হায়না ভারতনা থাজৈ। গ্লোবেল সাউথকী লৈবাকশিংনা মখোয়না দরকার ওইরিবা চাউখৎপা অদু ফংনবা কো-ওপরেতিপ সোসাইতিশিংনা মতেং পাংবা ঙমগনি। মরম অদুনা, কো-ওপরেতিপ সোসাইতিশিং মালেমগী ওইনা পুন্না থবক তৌমিন্নবা ঙম্নবা অনৌবা লম্বীশিং খঙদোকপা দরকার ওইরে অমসুং ঙসিগী মালেমগী মীফম অসিনা চাউনা মতেং পাংগনি।
প্রধান মন্ত্রীনা হায়খি পুন্না চাউখৎমিন্ননবা ভারতনা থবক পায়খৎলি। ঙসি ভারত য়াংনা চাউখৎলক্লিবা ইকোনোমি ওইরে অমসুং ঐখোয়গী পান্দমদি চাউখৎলক্লিবা অসিগী কান্নবশিং খ্বাইদগী লায়রবশিংদা য়ৌহনবনি। ভারত মনুংদা অমসুং মালেমগী ওইনা, চাউখৎপা অসি মীওইবগী য়াইফনবা মীৎয়েংদা য়েংবনা মরুওই অমসুং ঐখোয়গী থবক খুদিংমক্ত মীওইবগী অপাম্বশিং খঙগদবনি। কোবিদ-১৯ লাইচৎ মনুংদা গ্লোবেল সাউথকী লৈবাকশিংদা তঙাইফদবা হিদাক-লাংথকশিং অমসুং তিকাশিং পীদুনা ভারতনা মালেমগীদমক লেপখি। অৱাবা তারকপা মতমদা ভারতনা মীওইবগী মতেং পাংনবা অমসুং অমতা ওইনা লেপ্নবা লৈরি। শেন্মিৎলোনগী মতুংইন্না অসিগুম্বা তাঞ্জা অসিদা খুদোংচাবা লৌগদবনি হায়রি, অদুবু ঐখোয়গী ৱাখল্লোনদি ঐখোয়না মীয়ামগী থবক তৌবা অদুনি।
প্রধান মন্ত্রীনা হায়খি নিয়মশিং অমসুং চৎন-কাংলোনশিং খক্তগী কো-ওপরেতিপ সোসাইতিশিং মরুওইবা নত্তে। মখোয় শেম্লবা মতুংদা মখা তানা চাউখৎহনগদবনি অমসুং পাকথোক-চাউথোক্কদবনি। কো-ওপরেতিপ সোসাইতিশিংগী থৌনা অসি হেন্না মরুওই অমসুং মসিগী কোওপরেতিপকী থৌনা অসি ইহৌ অসিগী থৱায়নি অমসুং মসি পুন্না থবক তৌমিন্নবগী চৎনবীদগী ওইরকপনি। মহাত্মা গান্ধীনা হায়খি মদুদি কো-ওপরেতিপ সোসাইতিশিং মাইপাকপা অসি মখোয়গী মশিংগী মখা পোন্দে অদুবু মখোয়গী মোরেল ফবগী মখা পোল্লি। অচুম্বা লৈরকপা মতমদা, মীওইবা খুন্নাইগী য়াইফনবা অচুম্বা ৱারেপশিং লৌরক্কনি। কো-ওপরেতিপশিংগী মালেমগী চহি অসিদা অসিগুম্বা ৱাখল্লোনশিং মপাঙ্গল কনখৎনবা ঐখোয় মখা তানা থবক তৌগনি হায়বগী থাজবা থম্লি।
নুঙগীৱারোল
মালেমগী কোওপরেতিপ ইহৌগী মাঙজিল থাবা লুপ অমা ওইরিবা ইন্তরনেসনেল কোওপরেতিপ এল্লাইন্স (আই সি এ)গী চহি ১৩০ গী পুৱারিদা অহানবা ওইনা ভারত্তা আই.সি.এ গ্লোবেল কোওপরেতিপ কনফরেন্স অমসুং আই.সি.এ জেনেরেল এশেমব্লি পাংথোক্লি। মালেমগী মীফম অসি ইন্দিয়ান ফার্মরস ফর্তিলাইজর কোওপরেতিপ লিমিতেদ (ইফকো) না আই.সি.এগা খুৎশম্নদুনা অমসুং ভারত সরকার অমসুং ইন্দিয়ান কোওপরেতিপস অমুল অমসুং কে.আর.আই.বি.ঐচ.সি.ওনা শীন্দুনা নবেম্বর ২৫ দগী নবেম্বর ৩০ ফাওবা পাংথোক্কদবনি।
ভারত সরকারগী “সাহকার সে সামরিদ্ধী” (কোওপরেসনগী খুৎথাংদা নুংঙাইহনবা) গা চুন্না “কোওপরেতিপশিংনা মীওই খুদিংমক নুংঙাইহনবা” হায়বা অসিনা কনফরেন্সকী থিমনি। লায়রবা কোকহনবা, নুপী অমসুং নুপা থোং মানহনবা অমসুং শেন-থুম চাউখৎহনবা অসিগুম্বা হিরমশিংদা য়ু.এনগী স্তেনেবল দিবলপমেন্ত গোলস (এস দি জি) শিং ফংনবা মালেম শীনবা থুংবগী কোওপরেতিপশিংনা অৱাবশিং অমসুং খুদোংচাবশিং খন্ননবা থৌরম অসিদা খন্ন-নৈনবশিং, পেনেল সেসনশিং অমসুং ৱার্কশোপশিং পাংথোক্কনি।
খুন্নাইগী থোং মান্নবা পুরকপা, শেন-থুমগী শক্তি পীবা অমসুং তুংকোইনা চৎনবা য়াগদবা চাউখৎ-থৌরাংগী মতাংদা “কোওপরেতিপশিংনা হেন্না ফবা মালেম অমা শেমগৎপা” হায়বা থিম অসিদা প্রধান মন্ত্রীনা য়ু.এন ইন্তরনেসনেল ইয়র ওফ কোওপরেতিপস ২০২৫ হৌদোকখ্রে। থোং মান্দবা হন্থহনবদা, লায়রবা কোকহনবা অমসুং ইজৎ লৈবা থবক য়োকখৎপগী মতাং য়াওনা স্তেনেবল দিবলপেন্তগী মরুওইবা থবকশিং ওইনা য়ু.এন এস.দি.জিশিংনা কোওপরেতিপশিং শকখঙলে। মালেমগী খ্বাইদগী খুদোংচাদবশিং কোকহন্নবা হোৎনবদা কোওপরেতিপ ইন্তরপ্রাইজশিংগী শক্তি উৎনবা চহি ২০২৫ অসি মালেমগী থবক অমা ওইহন্নবা পান্দম থম্লি।
কোওপরেতিপ ইহৌদা ভারতনা পায়খৎলিবা থবকশিং মশক তাক্নবা খুদম ওইনা প্রধান মন্ত্রীনা নিংশিং পোস্তেল স্তাম্প অমা মাইখুম হাংদোকখ্রে। স্তাম্প অদুদা শান্তি, থৌনা, খাংবা কনবা অমসুং চাউখৎপা খুদম ওইনা, লৈবাক চাউখৎনবা কোওপরেতিপশিংগী গুনশিংগী খুদম অমা ওইনা থম্বাল অমা উৎলি। থম্বালগী মনা মঙা অদুনা মহৌশাগী পোৎলম মঙাগী মহুৎশীন্দুনা, মহৌশা, খুন্নাই অমসুং শেন-থুমগী লমদা কোওপরেতিপশিংগী থবকশিং ফোঙদোক্লি। দিজাইন অদুদা লৌউ-শিংউ, দাইরি, ঙা য়োকপা, কঞ্জুমর কোওপরেতিপশিং অমসুং হাওসিং সেক্তরশিং য়াওরি অমসুং লৌউ-শিংউদা অনৌবা তেক্নোলোজি শীজিন্নবগী থৌদাং অসি দ্রোন অমনা খুদম ওইরি।
Click here to read full text speech
भारत के लिए Co-Operatives संस्कृति का आधार है, जीवन शैली है। pic.twitter.com/UYTghGfgLR
— PMO India (@PMOIndia) November 25, 2024
भारत में सहकारिता ने...विचार से आंदोलन, आंदोलन से क्रांति और क्रांति से सशक्तिकरण तक का सफर किया है। pic.twitter.com/w7puajZ4q8
— PMO India (@PMOIndia) November 25, 2024
हम सहकार से समृद्धि के मंत्र पर चल रहे हैं। pic.twitter.com/axqpeyJOZD
— PMO India (@PMOIndia) November 25, 2024
भारत अपनी future growth में, Co-Operatives का बहुत बड़ा रोल देखता है: PM @narendramodi pic.twitter.com/HFgG2CSOJr
— PMO India (@PMOIndia) November 25, 2024
Co-Operative Sector में महिलाओं को बड़ी भूमिका है। pic.twitter.com/oyUstqhwZV
— PMO India (@PMOIndia) November 25, 2024
भारत का ये मानना है कि co-operative से global co-operation को नई ऊर्जा मिल सकती है: PM @narendramodi pic.twitter.com/PC6w8xtKfi
— PMO India (@PMOIndia) November 25, 2024
