দেদিকেতেদ ফ্রৈত কোরিদোর প্রোজেক্কী মরু ওইবা সেক্সন কয়া জাতিদা কত্থোকখ্রে
অনৌবা ভন্দে ভারত ত্রেন 10 লমথাখ্রেদহেজতা পেত্রোনেৎ LNGগী পেত্রোকেমিকেল্স কমপ্লেক্স উরেপ-উয়ুং তমখ্রে“2024গী নুমিৎ 75 অসিদা লুপা করোর লাখ 11 হেনবা প্রোজেক্তশিং শঙ্গাবা নত্ত্রগা উরেপ-উয়ুং তম্বগী থবক পাইখৎখি অমরোমদা হৌখিবা নুমিৎ 10-12 অসিদা লুপা করোর 7 রোমগী প্রোজেক্তশিং শঙ্গাখি”“চহি 10গী থবক অসি শুপ্নগী ত্রেলর অমনি। ঐহাক্না চৎকদবা লম্বী য়াম্না শাংলি”“রেলৱেদা অওনবা পুরকপা অসিনা ভিকসিৎ ভারতকী গরেন্তী ওইরি”“রেলৱে ত্রেনশিং, ত্রেকশিং অমসুং স্তেসনশিং শাবা অসিনা মেদ ইন ইন্দিয়াগী ইকোসিস্তেম অমা শেমগৎলি”“ঐখোয়গীদমক্তা মসিগী চাউখৎ-থৌরাংগী প্রোজেক্তশিং অসি সরকার শেমনবগীদমক্তা নত্তে মসিদি লৈবাক শেমগৎপগী মিসন অমনি”“সরকারগী মীৎয়েং অসি ইন্দিয়ন রেলৱেজপু আত্মনির্ভর ভারত অমসুং ভোকেল ফোর লোকেলগী মেদিয়ম অমা ওইহনবনি”“ইন্দিয়ন রেলৱেজনা মোদর্নিতীগী খোঙজেলদা মখা তানা মাংদা চংশিনখিগনি। মসি মোদীগী গরেন্তীনি”প্রধান মন্ত্রী, শ্রী নরেন্দ্র মোদীনা ঙসি গুজরাতকী অহমদাবাদকী দেদিকেতেদ ফ্রৈত কোরিদোর্স ওপরেস্নেল কন্ত্রোল সেন্তরদা লুপা করোর 1,06,000 হেনবগী তোঙান-তোঙানবা চাউখৎ-থৌরাংগী প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে। ঙসিগী চাউখৎ-থৌরাংগী প্রোজেক্তশিং অসিদা রেলৱে ইনফ্রাস্ত্রকচর, কন্নেক্তিবিতী অমসুং পেত্রোকেমিকেলস য়াওনা সেক্তর কয়ামরুম কোনশিল্লি। মহাক্না অনৌবা ভন্দে ভারত ত্রেন 10সু লমথাখি।
থৌরম অসিদা ৱা ঙাংলদুনা প্রধান মন্ত্রীনা–তোঙান-তোঙানবা মফম 200 হেনবদগী মীওই লাখ কয়ানা কন্নেক্ত তৌখিববু থাগৎখি অমসুং হায়খি ঙসিগী থৌরম অসিগী স্কেল অমসুং সাইজ অসি রেলৱেগী পুৱারীদা লৈরিবা অতৈ থৌরম অমত্তগা চাংদম্নবা য়ারোই। মহাক্না ঙসিগী থৌরম অসিগীদমক রেলৱেজপু নুংঙাইবা ফোঙদোকখি। প্রধান মন্ত্রীনা হায়খি মদুদি লৈবাক শিনবা থুংবদা তোঙান-তোঙানবা চাউখৎ-থৌরাংগী প্রোজেক্ত কয়া শঙ্গাবা অমসুং উরেপ-উয়ুং তম্বগা লোয়ননা ভিকসিৎ ভারত শেমগৎনবগীদমক চাউখৎ-থৌরাংগী থবকশিং অসি লেপ্পা লৈতনা পাইখৎলি। “2024গী নুমিৎ 75নি আসিদা লুপা করোর লাখ 11 হেনবগী প্রোজেক্তশিং শঙ্গাখ্রে নত্ত্রগা উরেপ-উয়ুং তমখ্রে অমরোমদা হৌখিবা নুমিৎ 10-12 সিদা লুপা করোর লাখ 7রোমগী প্রোজেক্তশিং হৌদোকখ্রে” হায়না প্রধান মন্ত্রীনা ফোঙদোকখি। ঙসিগী থৌরম অসি ভিকসিৎ ভারতকী পান্দম ফংনবা হোৎনবদা য়াম্না মরু ওইবা খোঙথাং অমনি হায়না ফোঙদোক্লদুনা মহাক্না হায় লুপা করোর লাখ অমগী প্রোজেক্তশিং শঙ্গাখি অমসুং উরেপ-উয়ুং তমখি মসিদা রেলৱেজকী লুপা করোর 85,000 রোমগৌ প্রোজেক্তশিংসু কত্থোকখি। মহাক্না লুপা করোর 20,000 হেনবগী দহেজতা পেত্রোনেৎ LNGগী পেত্রোকেমিকেলস কমপ্লেক্সকী উরেপ-উয়ুং তমখিবগী মতাংদসু ফোঙদোকখি অমসুং মসিনা হাইদ্রোজেন পুথোকপা অমসুং লৈবাক অসিদা পোলিপ্রোপিলিনগী দিমান্দ শাহৌ পীবদা মতেং পাংলগনি হায়খি। মহারাস্ত্র অমসুং গুজরাত্তা এক্তা মোলশিংগী উরেপ-উয়ুং তম্বদা পি.এম. মোদীনা হায়খি মদুদি মসিনা ভারতকী কোত্তেক ইন্দস্ত্রী অমসুং হেন্দিক্রাফিং লৈবাক্কী কাচিন কোয়া খুদিংমক্তা য়ৌহনবা ঙমগনি, মসিনা সরকারগী ভোকেল ফোর লোকেলগী মিসন মপাঙ্গল কনখৎহনগনি অমসুং ভিকসিৎ ভারতকী য়ুম্ফম চেৎশিনহনগনি। ভারতকী নৌরিবা দেমোকগ্রাফিক্স অসিগী মতাংদা নৌহৌননা পল্লদুনা প্রধান মন্ত্রীনা লৈবাক্কী নহারোলদা হায়খি মদুদি ঙসি শঙ্গারিবশিং অসি মখোয়গী ঙসিগীদমক্তনি অমসুং ঙাই উরেপ-উয়ুং তম্মিবা অসিনা মখোয়গী অফবা তুংলমচৎকী গরেন্তী ওইরি।
2014গী মমাংদা রেলৱে বজেৎশিংগী ইনক্রিমেন্তেল এপ্রোচকী মতাংদা পল্লদুনা প্রধান মন্ত্রীনা রেলৱে বজেৎ জেনরেল বজেৎতা হাপচিনখিবা অসিনা জেনরেল বজেৎতগী রেলৱেগী চাদিং তৌবা ঙমহনখি হায়খি। মসিগী মথক্ত চাং নাইবা, লুনানবা অমসুং জেনরেল এমিনিতীশিংগী সমস্যাশিংদগী মথক্তা 2014গী মমাংদা অৱাং নোংপোক্কী কোনুং তরুক্তা রেলৱে কন্নেক্তিবিতী য়ৌহনবা ঙমখিদে অমসুং অনমেন রেলৱে ক্রোসিং 10,000 হেন্না লৈরমখি অমসুং রেলৱে লাইন চাদা 35 খক্তা ইলেক্ত্রিফাইদ তৌখি অমসুং রেলৱে রিজর্বেসনশিং অসি শেঞ্জা-থুমজানা মাংহনখি অমসুং ক্যু শাংনা লেপলমখি।
প্রধান মন্ত্রীনা হায়খি, “ঐখোয়গী সরকারনা ফত্রবা ফীভমশিং অসিদগী রেলৱেজ ফগৎহন্নবা হোৎনখি। হৌজিক রেলৱেজকী চাউখৎ-থৌরাং অসি সরকারগী মরু ওইবশিংদা চল্লি”। প্রধান মন্ত্রীনা 2014দগী বজেৎ শরুক তরুক হেনগৎহনখি অমসুং প্রজাশিংদা মথংগী চহি 5দা রেলৱেজকী অওনবা অসি ৱাখলনা লামবা ফংলরোই। “চহি 10গী থবক অসি শপ্নগী ত্রেলরনি। তুংদা লম্বী শাংনা লৈরি”, হায়না মহাক্না মখা তাখি। মহাক্না হায়খি মদুদি রাজ্য অয়াম্বদা ভন্দে ভারত ত্রেনশিং চেনখিবতা নত্তনা মসিগী মশিং সেন্তুরী য়ৌখ্রে। ভন্দে ভারত নেৎৱার্কনা লৈবাক অসিগী জিলা 250 য়ৌরে। মীয়ামগী অপাম্বশিংগী মতুং ইন্না ভন্দে ভারতকী রুৎশিং শাংদোকহনখি।
রেলৱেজনা লৈবাক অসিবু চাউখৎপা অমসুং শেন্মীৎলোনদা কম্পিতেন্ত ওইহনবদা লৌরিবা মরু ওইবা থৌদাংগী মতাংদা পল্লদুনা প্রধান মন্ত্রীনা হায়খি, “রেলৱেদা অওনবা পুরক্লিবা অসি ভিকসিৎ ভারতকী গরেন্তীনি”। মহাক্না রেলৱেজকী লেন্দস্কেপতা অওনবা পুরকপগী মতাংদা পনখি অমসুং রেলৱে ত্রেকশিং খোঙজেল য়াংনা শেম্মিবা, রেলৱে স্তেসন 1300 হেন্না নৌনা শেমগৎখিবা, ভন্দে ভারত, নমো ভারত অমসুং অমৃত ভারতগুম্বা নেক্স-জেনরেসন ত্রেনশিং লমথাবা অমসুং মোদর্নাইজ রেলৱে ইঞ্জিনশিং অমসুং কোচ ফেক্তরীশিং হৌদোকখি হায়খি।
প্রধান মন্ত্রীনা হায়খি মদুদি গতী শক্তি কার্গো তর্মিনেল পোলিসীগী মখাদা কার্গো তর্মিনেল শাবা অসি লেন্দ লীসিং পোলিসী অসি লাইথোকহনখিবনা হেনগৎলকখি অমসুং ত্রান্সপরেন্সী লৈহন্নবা ওনলাইন ওইহনখি। মহাক্না গতী শক্তি য়ুনিভরর্সিতী লিংখৎখিবগী মতাংদসু পনখি। প্রধান মন্ত্রীনা রেলৱেগী মোদর্নাইজেসনগা মরী লৈনবা থৌশিলগী মতাংদা মখা চত্থখি অমসুং অনমেন ক্রোসিং লৌথোকপা আমসুং ওতোমেতিক সিগনেলিং সিস্তেমশিংগী প্রোজেক্তশিংগী মতাংদা পাউদমখি। মহাক্না হায়খি মদুদি লৈবাক অসিনা চাদা 100 ইলেক্ত্রিফিকেসন তৌনবা মাইকৈদা চংশিল্লি। সোলর-পাৱর স্তেসনশিং অমসুং জন ঔশাধি কেন্দ্রশিং স্তেসনশিং অসিদা শেমগৎলি।
“রেলৱে ত্রেনশিং, ত্রেকশিং অমসুং স্তেসনশিং মেন্যুফেকচরিং তৌবা অসিনা মেদ ইন ইন্দিয়াগী ইকোসিস্তেম অমা শেমগৎলি” হায়না প্রধান মন্ত্রীনা ফোঙদোকখি। মহাক্না হায়খি মদুদি মেদ ইন ইন্দিয়া লোকোমোতিব অমসুং কোচশিং অসি শ্রী লঙ্কা, মোজমবিক, সেনেগল, ম্যান্মার, অমসুং সুদানগুম্বা লৈবাকশিংদা এক্সপোর্ত তৌরি। মহাক্না হায়খি মেদ ইন ইন্দিয়া সেমি হায়-স্পীদ ত্রেনশিংগী দিমান্দ অসিনা অসিগুম্বা ফেক্তরী কয়া থোকহনবা ঙমগনি। “রেলৱে নৌনা শেমগৎপা, অনৌবা ইনভেস্তমেন্তশিংনা অনৌবা থবক্কী খুদোংচাবশিং পীরি”, হায়না প্রধান মন্ত্রীনা ফোঙদোকখি।
প্রধান মন্ত্রীনা মীখলগা লোয়ননা থৌশিলগা মরী লৈনহল্লিবা মীওইশিংবু চৈখি। “ঐখোয়গীদমক্তা চাউখৎ-থৌরাংগী প্রোজেক্তশিং অসি সরকার শেম্নবা নত্তে মসি লৈবাক শেমগৎনবা মিসন অমনি”। মমাংগী মীরোলনা থেংনখিবা অৱাবা অদু মথংগী মীরোলনা থেংনররোই অমসুং ‘মসি মোদীগী গরেন্তীনি’ হায়না মহাক্না ফোঙদোকখি।
প্রধান মন্ত্রীনা হৌখিবা চহি 10দা চাউখৎ-থৌরাংগী খুদম ওইনা ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরশিং খুদোল তমখি। পোৎ পুবা ত্রেনশিংগীদমক তোখাইবা ত্রেক অসিনা খোঙজেল হেনগৎহনগনি অমসুং মসি লৌউ-শিংউ, ইন্দস্ত্রী, এক্সপোর্ত অমসুং বিজিনেসকীদমক মরু ওই। হৌখিবা চহি 10 অসিদা ইস্ত অমসুং ৱেস্ত কোস্তশিং শম্নহল্লিবা ফ্রৈত কোরিদোর অসি শাবা লোইশিনখি। ঙসি ফ্রৈত কোরিদোরগী কিলোমীতর 600 রোম শঙ্গাখি অমসুং অহমদাবাদতা ওপরেসন কন্ত্রোল সেন্তর শঙ্গাখি। সরকারগী খোঙথাংশিংনা মরম ওইরগা পোৎ পুবা ত্রেনশিংগী খোঙজেল অসি কোরিদোর অসিদা শরুক অনি হেন্না হেনগৎহনখি হায়না মহাক্না ফোঙদোককি। মহাক্না মখা তারদুনা হায় মদুদি ইন্দস্ত্রিএল কোরিদোর অসি অপুনবা কোরিদোরদা শেমগৎখি। ঙসি, রেলৱে গুদস শেদ, গতী শক্তি মলতিমোদেল কার্গো তর্মিনেল, দিজিতেল কন্ত্রোল স্তেসন, রেলৱে ৱার্কশোপ, রেলৱে লোকো শেদ অমসুং রেলৱে দিপোৎ মফম কয়াদা শঙ্গাখি। মসিনা ফ্রৈত ত্রান্সপোর্তেসনদা য়াম্না অফবা কান্নবা পীরগনি হায়না মহাক্না মখা তাখি।
“সরকারগী মীৎয়েংদি ইন্দিয়ন রেলৱেজ অসি আর্ত্মনির্ভর ভারত অমসুং ভোকেল ফোর লোকেলগী মেদিয়ম অমা ওইহনবনি” হায়রদুনা প্রধান মন্ত্রীনা লৈবাক্কী বিশ্বাকর্মা, হেন্দিক্রাফকী মীওইশিং অমসুং নুপী সেল্ফ-হেল্প গ্রুপশিংনা শাবা প্রদক্তশিং অসি ৱান স্তেসন ৱান প্রদক্ত স্কিমগী মখাদা রেলৱে স্তেসনশিংদা য়োল্লগনি মসিদা স্তোল 1500 হাংখিবা লৈখ্রে।
প্রধান মন্ত্রী মোদীনা ইন্দিয়ন রেলৱেজনা রিজনেলগী নাৎ অমসুং লাইনীংগা মরী লৈনবা তুরিজম প্রমোৎ তৌরি অমরোমদা চাউখৎপগা লোয়ননা হেরিতেজ য়োকখৎপগী মন্ত্র অদু ঙাক্না চৎলি। “ঙসি ভারত গৌরব ত্রেনশিং রামায়ন সির্কিৎ, গুরু-কৃপা সির্কিৎ, অমসুং জেন য়াত্রাদা চেল্লি অমরোমদা আস্থা স্পেসিএল ত্রেন্না লৈবাক অসিগী কাচিন কোয়া খুদিংমক্তগী শ্রী রামগী ভক্তাশিংবু অয়োধ্যাদা পুরি”, হায়না পি.এম. মোদীনা ফোঙদোক্লদুনা হায় আস্থা ত্রেন 350রোমনা অয়োধ্যাদা রামলল্লা দর্শন তৌনবগীদমক ভক্তা লাখ 4.5 হেন্না চেল্লি।
ৱারোল পীবা লোইশিল্লদুনা প্রধান মন্ত্রীনা হায়খি, “ইন্দিয়ন রেলৱেজনা মোদর্নিতীগী খোঙজেলদা মাংদা মখা তানা চংশিনগনি। মসি মোদীগী গরেন্তীনি” মহাক্না প্রজাশিংবু মসিগী চাউখৎ-থৌরাংগী নুংঙাইবা ফোঙদোকপা অসি মখা চত্থহন্নবা মখোয়গী মতেং পীবীনবা হায়খি।
থৌরম অসিদা গুজরাতকী রাজ্যপাল, শ্রী অচার্য়া দেবরত, গুজরাতকী মুখ্য মন্ত্রী, শ্রী ভুপেন্দ্র পতেল অমসুং রেলৱেজী কেন্দ্র মন্ত্রী, শ্রী অশ্বিনি বৈস্নোসু শরুক য়াখি।
বেকগ্রাউন্দ
রেলৱে ইনফ্রাস্ত্রকচর অমসুং কন্নেক্তিবিতীদা অচৌবা ইনোৎ অমা হাপ্পা ওইনা, প্রধান মন্ত্রীনা লুপা করোর 85,000 হেনবগী রেলৱে প্রোজেক্ত ময়াম অমা উরেপ উয়ুং তম্নবা অমসুং লৈবাক্কীম ফমদা কত্থোক্নবগীদমক অহমদবাদতা লৈবা DFC গী ওপরেসস্নেল কন্ত্রোল সেন্তরদা চৎকনি।
প্রধান মন্ত্রীনা রেলৱে ৱর্কসোপ, লোকো সেদ, পিত লাইনশিং/ কোচিং দিপোশিং; ফল্তন – বরামাতি নিউ লাইন; ইলেক্ত্রিক ত্রেক্সন সিস্তেম অপগ্রেদ তৌবগী থবক উরেপ উয়ুং তমগনি অমসুং ইস্তর্ন DFCগী নিউ খুর্জাদগজী সাহনেৱাল (401 Rkm) অমসুং নিউ মকরপুরদগী নিউ ঘোলবাদ সেক্সন (244 Rkm)গী মরক্তা দেদিকেতেদ ফ্রৈত কোরিদোরগী অনৌবা সেক্সন অনি; ৱেস্তর্ন DFCগী ওপরেস্নেল কন্ত্রোল সেন্তর (OCC), অহমদবাদ লৈবাক্কী মফমদা কত্থোকখ্রে।
প্রধান মন্ত্রীনা অহমদবাদ-মুম্বাই সেন্ত্রেল, সিকন্দরবাদ-ভিসাখাপত্নম, মৈসুরু-দোক্তর MGR সেন্ত্রেল (চেন্নাই) পত্না – লখনৌ, নিউ জলপাইগুরী-পত্না, পুরি-ভিশাখপত্নম, লখনৌ – দেহরাদুন, কলাবুরাগি – সর এম বিস্বেস্বরায় তর্মিনেল বেঙ্গলুরু, রাঞ্চী-বরানসী, খজুরাহো-দিল্লী (নিজামুদ্দিন)গী মরক্তা অনৌবা বন্দে ভারত ত্রেন তরা লমথাখ্রে।
প্রধান মন্ত্রীনা বন্দে ভারত ত্রেন মরিগী এক্সতেন্সনসু লমথাখ্রে। অহমদবাদ-জামনগর বন্দে ভারত অসি দ্বার্কা ফাওবা শাংদোক্লি, অজমের-দিল্লী সরাই রোহিল্লা বন্দে ভারতনা চান্দিগর ফাওবা শাংদোক্লি, গোরখপুর- লখনৌ বন্দে ভারতনা প্রয়াগরাজ ফাওবা শাংদোক্লি অমসুং থিরুবনন্থপুরম- কসরগোদ বন্দে ভারতনা মেঙ্গলুরু ফাওবা শাংদোক্লি; অমসুং অসান্সোল অমদি হাতিয়া অমসুং তিরুপতী অমদি কোল্লস স্তেসনগী মরক্তা অনৌবা পেসেঞ্জর ত্রেন অনিসু চেলহনগদৌরি।
প্রধান মন্ত্রীনা দেদিকেতেদ ফ্রৈত কোরিদোরদা নিউ খুর্জা জংসন, সাহনেৱাল, নিউ রেৱারী, নিউ কিসনগর, নিউ ঘোলবাদ, অমসুং নিউ মকরপুরনচিংবা তোঙান তোঙানবা মফমশিংদগী ফ্রৈত ত্রেনশিংসু লমথাখ্রে।
প্রধান মন্ত্রীনা রেলৱে স্তেসনশিংদা শাবা প্রধান মন্ত্রী ভার্তিয় জনঔসধি কেন্দ্র 50সু লৈবাক্কী মফমদা কত্থোকখ্রে। হায়রিবা জন ঔসধি কেন্দ্রশিং অসিনা মীয়ামদা অতাবা মমলদা অমসুং মতিং লৈবা জেনেরিক হিদাকশিং ফংহনগনি।
প্রধান মন্ত্রীনা গতি শক্তি মল্তি-মোদেল কার্গো তর্মিনেল 51শু লৈবাক্কী মফমদা কত্থোকখ্রে। হায়রিবা তর্মিনেলশিং অসিনা তোঙান তোঙানবা ত্রান্সপোর্তেসনগী পাম্বৈশিংগী মরক্তা অপনবা লৈতনা পোৎ-চৈ পুথোক পুশিন তৌবগী থৌওং পুরক্কনি।
প্রধান মন্ত্রীনা সেক্সন 80দা 1045 Rkmগী ওতোমেতিক সিগ্নেলিং লৈবাক্কী মফমদা কত্থোকখ্রে। মসিনা ত্রেন ওপরেসনগী সেফ্তী অমসুং ইফিসিএন্সী হেনগৎহনগনি। প্রধান মন্ত্রীনা স্তেসন 2646তা দিজিতেল কন্ত্রোলিং ওফ রেলৱে স্তেসনশিংসু লৈবাক্কী মফমদা কত্থোকখ্রে। মসিনা ত্রেনশিংগী মথৌ তৌবগী ইফিসিএন্সী অমসুং সেফ্তী হেনগৎহনগনি।
প্রধান মন্ত্রীনা লৈবাক্কীম ফমদা রেল কোচ রেস্তোরেন্ত 35 কত্থোকখ্রে। রেল কোচ রেস্তোরেন্তশিং অসিনা রেলৱেগীদমক ভরা নত্তবা রিভিন্যু লাকহনবগী মথক্তা পেসেঞ্জর অমসুং মীয়ামগী মথৌ তাবশিং ফংহন্নবা পান্দম থম্লি।
প্রধান মন্ত্রীনা লৈবাক শিনবা থুংনা ৱন স্তেসন ৱন প্রদক্ত স্তোল 1500 লৈবাক্কী মফমদা কত্থোকখ্রে। হায়রিবা স্তোলশিং অসিনা লম-লমদুগী পোত্থোকশিং য়োকখৎকনি অমসুং লমদমদুগী খুৎহৈবশিং অমসুং বিজিনেসশিংদা শেন্থোক পীগনি।
প্রধান মন্ত্রীনা মফম 975দা সোলার পৱার্দ স্তেসন/বিল্দিংশিং লৈবাক্কী মফমদা কত্থোকখ্রে। থৌরাং অসিনা ভারতকী রিনিউএবল ইনর্জীগী পান্দমদা থৌদাং য়াগনি অমসুং রেলৱেগী কার্বোন ফুৎপ্রিন্ত হন্থহনগনি।
নৌনা ইলেক্ত্রিফাই তৌরবা সেক্সনশিং, ত্রেকশিং দব্লিং তৌবা/মল্তি ত্রেক্কিং তৌবা, রেলৱে গুদ্স সেদশিং শেমগৎপা, ৱর্কসোপ, লোকো সেদশিং, পিত লাইনশিং/কোচিং দিপোশিং, অমসুং অতৈ অতৈ প্রোজেক্তশিংসু থৌরম অসিগী মনুং চন্না প্রধান মন্ত্রীনা লৈবাক্কী মফমদা কত্থোকখ্রে। হায়রিবা প্রোজেক্তশিং অসিনা মতমগা চুনবা অমসুং অচৌবা রেলৱে নেতৱর্ক অমা শেমগৎপদা লৈঙাক্না লেপ্লিবা ফিরেপকী খুদম অমনি। ইনভেস্তমেন্ত অসিনা কন্নেক্তিবিতী ফগৎহনবতা নত্তনা শেন্মিৎলোনসু চাওখৎহনগনি অমসুং অনৌবা থবক পীবগী খুদোংচাবশিংসু শেমগৎকনি।
रेलवे का विकास, सरकार की सर्वोच्च प्राथमिकताओं में से एक है: PM @narendramodi pic.twitter.com/fC5kNNJW3O
— PMO India (@PMOIndia) March 12, 2024
रेलवे का कायाकल्प विकसित भारत की गारंटी है: PM @narendramodi pic.twitter.com/Uzl2KFfEWm
— PMO India (@PMOIndia) March 12, 2024
