প্রধান মন্ত্রী, শ্রী নরেন্দ্র মোদীনা ঙসি কর্নাতকাগী বেঙ্গলুরুদা অনৌবা স্তেৎ-ওফ-দি-আর্ত বোইং ইন্দিয়া ইঞ্জিনিয়রিং এন্দ তেক্নোলোজী সেন্তর (BIETC) কেম্পস শঙ্গাখ্রে। লুপা করোর 1,600গী ইনভেস্তমেন্তদা শাখিবা একর 43 পাকচাউবা কেম্পস অসিনা USAগী মপালদা বোইংগী খ্বাইদগী চাউবা ইনভেস্তমেন্ত ওইরি। প্রধান মন্ত্রীনা লৈবাক্কী খুমাং চাউশিল্লিবা এভিএসন সেক্তরদা চংলকপা ভারত শিনবা থুংবদগী নুপীমচা কয়া সপ্পোর্ত তৌনবা পান্দম থম্মিবা বোইং সুকন্যা প্রোগ্রামসু হৌদোকখ্রে।
প্রধান মন্ত্রীনা এক্সপরিয়েন্স সেন্তরদা কোইনা চৎতুনা য়েংখি অমসুং সুকন্যা বেনিফিসরীশিংগা লোয়ননা ৱারী ৱাতাই শাখি।
বোইং কম্পনীগী COO, কুমারি স্তেফেনী পোপনা প্রধান মন্ত্রীনা ভারত্তা এভিএসন সেক্তরগী গ্রোথতা মীৎয়েং চংলিবা অমসুং মহাক্না বোইং সুকন্যা প্রোগ্রামবু মঙফাওনবা ঙমহনবদা মরু ওইবা থৌদাং লৌখিবগীদমক থাগৎপা ফোঙদোকখি। মহাক্না লেপ্পা লৈতনা সপ্পোর্ত পীবীবগীদমক তৌবীমল খঙবা উৎখি অমসুং এরোস্পেসকী তুংলমচৎ য়াৎনবা পুন্না থবক তৌমিন্ননবা থাজবা থমখি। কুমারী স্তেফেনীনা হায়খি মদুদি অনৌবা কেম্পস অসিনা বোইংগী ইঞ্জিনিয়রিং লেগেসীগী খুদম অমা ওইরি অমসুং ভারত্তা লৈরিবা তেলেন্ত অমসুং কেপাবিলিতী মরাং কাইরিবা অসিদা থাজবা থমখি। মহাক্না অনৌবা কেম্পসকী স্কোপ অমসুং এরোস্পেস ইন্দস্ত্রীগী লমদা মাংজিল থাহন্নবা ভারতপু শাহৌ পীরিবা ইকোসিস্তেম অমা শেম্নবা বোইংগী থৌরাংগী মতাংদা ফোঙদোকখি। মহাক্না হায়খি মদুদি অনৌবা বোইং কেম্পসনা প্রধান মন্ত্রীগী আত্মনির্ভর ভারত ইনিসিএতিবকী খ্বাইদগী নৌবা খুদমশিংগী মনুংদা অমা ওইরগনি। মহাক্না প্রধান মন্ত্রীবু মহাক্কী সুকন্যা প্রোগ্রামগী ৱাখল্লোনগীদমক থাগৎখি অমসুং ভারতকী নুপীশিংগীদমক এভিএসনদা খুদোংচাবশিং লৈহন্নবা অমসুং খুমাং চাউশিন্নবা খোঙথাংশিংবু থাগৎখি। “প্রোগ্রাম অসিনা পলশিং থুগাইবা ঙম্লগনি অমসুং নুপী কয়াবু এরোস্পেসতা কেরিয়র শেম্নবা ইথিল পীরগনি” হায়না মহাক্না ফোঙদোকখি। মহাক্না মখা তারদুনা মিদ্দল স্কুলশিংদা STEM লেবশিং লৈহন্নবা থৌরাংসু ফোঙদোকখি। মহাক্না বোইং অমসুং ভারতকী পার্তনরশিপনা এভিএসনগী তুংলমচৎ শেমলগনি অমসুং ভারত অমদি মালেমগী মীয়ামগীদমক অফবা অহোংবা অমা পুরক্লগনি হায়না থাজবা ফোঙদোকখি।
থৌরম অদুদা ৱা ঙাংলদুনা প্রধান মন্ত্রীনা হায়খি বেঙ্গলুরু অসি অনীংবা অপাম্বশিংবু ইন্নোভেসন অমসুং মাইপাকপশিংগা শম্নহল্লিবা সহর অমনি অমসুং গ্লোবেল দিমান্দশিং থুংহনবা ঙম্বা ভারতকী তেক পোতেন্সিএলনি। “বোইংগী অনৌবা তেক্নোলোজী কেম্পসনা মসিগী থাজবা অসি মপাঙ্গল কনখৎহল্লগনি” হায়না প্রধান মন্ত্রীনা ফোঙদোক্লদুনা হায় নৌনা শঙ্গাখিবা কেম্পস অসি USAগী মপানদা লৈবা বোইংগী খ্বাইদগী চাউবা ফেসিলিতী ওইরি। মহাক্না মসিগী স্কেল অমসুং মেগনিচুদ অসিনা ভারত খক্তা নত্তনা মালেমগী এভিএসনগী কৈশেলসু মপাঙ্গল কনখৎহল্লগনি।
প্রধান মন্ত্রীনা হায়খি মদুদি ফেসিলিতী অসিনা গ্লোবেল তেক, রিসর্চ অমসুং ইন্নোভেসন, দিজাইন অমসুং দিমান্দ শাহৌ পীনবা ভারতকী ফিরেপ অদু উৎখি। “মসিনা ‘মেক ইন ইন্দিয়া – মেক ফোর দি ৱর্ল্দ’গী ফিরেপ মপাঙ্গল কনখৎহল্লি” হায়না মহাক্না ফোঙদোকখি। “কেম্পস অসিনা ভারতকী তেলেন্ততা মালেমনা থাজবা থম্মি হায়না নৌহৌনা ফোঙদোকখ্রে” হায়না মহাক্না মখা তাখি। মহাক্না নোংমদি ভারতনা ফেসিলিতীঅসিদা তুংলমচৎতা এয়রক্রাফ দিজাইন তৌগনি হায়বগী থাজবা ফোঙদোকখি।
এসিয়াগী খ্বাইদগী চাউবা হেলিকোপ্তর মেন্যুফেকচরিং ফেক্তরী মমাং চহিদা কর্নাতকাদা শঙ্গাখিবা অদু নীংশিংলদুনা প্রধান মন্ত্রীনা হায়খি মদুদি বোইংগী অনৌবা ফেসিলিতী অসিনা কর্নাতকানা অনৌবা এভিএসন হব ওইনা খুমাং চাউশিল্লি হায়বা ময়েক শেংনা তাক্লি। মহাক্না মরু ওইনা এভিএসন ইন্দস্ত্রী অসিদা অনৌবা স্কিলশিং ফংনবগী খুদোংচাবা কয়ামরুম ফংগদৌরিবা ভারতকী নহারোলদা নুংঙাইবা ফোঙদোকখি।
প্রধান মন্ত্রীনা সেক্তর খুদিংমক্তা নুপীনা শরুক য়াবা হেনগৎহন্নবা সরকারগী খোঙথাংশিংগী মতাংদা ফোঙদোকখি অমসুং ভারতনা মাগী G20 প্রসিদেন্সী মনুংদা নুপীনা লমজিংবা চাউখৎ-থৌরাংগী মাইকৈদা শাহৌ পীরিবা অদু নৌহৌনা নীংশিংহনখি। মহাক্না হায়খি সকরারনা এরোস্পেস সেক্তরদা নুপীশিংগীদমক অনৌবা খুদোংচাবশিং পীনবা ফিরেপ লৌখি। “ফাইতর পাইলোৎশিং নত্ত্রগা সিভিল এভিএসন ওইরবসু ভারতনা নুপী পাইলোৎশিংগী মশিংদা মালেমগী মাংজিল থারি”, হায়না চাউথোকচবনা থল্লবা প্রধান মন্ত্রীনা ভারতকী পাইলোৎশিংগী চাদা 15 নুপীশিংনা ওইরিবা অসি মালেমগী চাংচৎতগী শরুক 3 হেন্না হেল্লি হায়না ফোঙদোকখি। বোইং সুকন্যা প্রোগ্রামগী মতাংদা ঙাংলদুনা প্রধান মন্ত্রীনা হায়খি মদুদি মসিনা এভিএসন সেক্তরদা নুপীনা শরুক য়াবদা শাহৌ পীগনি অমরোমদা পাইলোৎ ওইনবা মখোয়গী মঙলানশিং থুংহন্নবা মনুং হঞ্জিনবা মফমশিংদা লৈরিবা লায়রবশিংবু মতেং পাংগনি। প্রোগ্রাম অসিগী মখাদা প্রধান মন্ত্রীনা হায়খি কেরিয়র কোচিং অমসুং দিবেলপমেন্ত ফেসিলিতীশিং সরকারগী স্কুলশিংদা ফংহন্দুনা পাইলোৎ অমা ওইনবগী কেরিয়র শেমআব য়াহল্লগনি।
পি.এম.না হায়খি মদুদি চন্দ্রয়ানগী পুৱারী ওইরবা মাইপাকপা অসিনা ভারতকী নহারোলগী মরক্তা সাইন্তিফিক তেম্পর অমা লৈহনখি। ভারতনা STEM এজুকেসনগী হব অমা ওইনা লৈরিবা থাক্কী মতাংদা পল্লদুনা প্রধান মন্ত্রীনা হায়খি নুপীশিংনা STEM সবজেক্তশিং চাউনা লৌনরি। মহাক্না হায়খি ভারতনা মালেমগী অহুমশুবা খ্বাইদগী চাউবা এভিএসন দিমেস্তিক মার্কেৎ ওইরি। দিকেদ অমদা দোমেস্তিক পেসেঞ্জরগী মশিং শরুক অনি হেনগৎলখকি। মহাক্না হায়খি উরাগুম্বা স্কিমশিংনা মসিদা অচৌবা থৌদাং লৌখি। মশিং অসি হেনগৎলক্তুনা দিমান্দ হেনগৎহল্লকখিগনি। মসিনা ভারতকী এয়রলাইনশিংনা ফ্লীতশিংগী অনৌবা ওর্দরশিং তৌহন্দুনা মালেমগী এভিএসন সেক্তরদা অনৌবা ইনোৎ হাপ্পী। “মসি ওইথোক্লিবা অসিগী মরমদি ভারতনা মাগী প্রজাশিংগী অনীংবা অপাম্বা অমসুং মথৌ তাবা অদু খঙনা থবক পাইখৎলি”, হায়না মহাক্না ফোঙদোকখি।
পি.এম. মোদীনা সরকারনা পরফোর্মেন্সতা ভারতকী মতিক ময়াই পুথোকপা ঙমহনখিদবা ফত্তবা কন্নেক্তিবিতীগী মমাংগী অপনবা অসি কোকহন্নবা কন্নেক্তিবিতী ইনফ্রাস্ত্রকচরদা ইনভেস্তমেন্ত তৌবদা মীৎয়েং চংখিবগী মতাংদা ফোঙদোকখি। মহাক্না হায়খি ভারত অসি য়াম্না নীংথিনা কন্নেক্তেদ ওইবা মার্কেৎশিংগী মনুংদা অমা ওইরি। মহাক্না হায়খি ঙসি ভারত্তা ওপরেস্নেল এয়রপোর্ত 150 রোম লৈ, 2014দা 70 লৈরম্বদগী হেনগৎলকখি। মহাক্না হায়খি এয়রপোর্তশিংগী ইফিসিএন্সী অসি চাউনা হেনগৎলকখি। মহাক্না এয়র কার্গো কেপাসিতী হেনগৎলক্তুনা ইকনোমী অমসুং থবক পীবগী অপুনবা গ্রোথতা শাহৌ পীখি হায়নসু ফোঙদোকখি।
প্রধান মন্ত্রীনা ভারতকী হেনগৎলক্লিবা এয়রপোর্ত কেপাসিতীনা মরম ওইরগা এয়র কার্গো সেক্তদা চাউনা গ্রোথ লাকখি ফোঙদোকখি। মহাক্না হায়খি মদুদি মসিনা ভারতকী মনুং হঞ্জিনবা মফমশিংগী প্রদক্তশিং মালেমগী কৈথেলশিংদা লাইনা পুথোক পুশিন তৌহনখি। “খোঙজেল য়াংনা খুমাং চাউশিল্লিবা এভিএসন সেক্তরনা ভারতকী অপুনবা গ্রোথ অমসুং থবক পীবদা শাহৌসু পীরি” হায়না শ্রী মোদীনা মখা তাখি।
প্রধান মন্ত্রীনা হায়খি সরকারনা মাগী এভিএসন সেক্তরগী গ্রোথ মখা তানা লৈনবা অমসুং খোঙজেল য়াংহন্নবা পোলিসী লেবেলদা লেপ্তনা খোঙথাংশিং পাইখৎলি। মহাক্না হায়খি কেন্দ্রনা রাজ্য সরকারশিংদা এভিএসন ফ্যুএলগা মরী লৈনবা তেক্সশিং হন্থহন্নবা পুক্নিং থৌগৎলি অমসুং এয়রক্রাফ লীসিং অসি লাইথোকহন্নবা থবকসু পাইখৎলি। মহাক্না গিফ সিতীদা লিংখৎখিবা ইন্তরনেস্নেল ফাইনান্সিএল সর্ভিসেস সেন্তরস ওথোরিতী অসিনা ভারতকী এয়রক্রাফ লীসিং অমসুং ফাইনান্সিংদা মীরৈবাক্কী মপাল তাংলিবা অসি হন্নবনি হায়খি। “লৈবাক পুম্বগী এভিএসন সেক্তরনা মসিদগী কান্নবসু ফংলগনি” হায়না মহাক্না মখা তাখি।
‘য়ে সময় হৈ, সহি সময় হৈ’ হায়না লাল কিলাদগী মহাক্না লাউথোকখিবা অদু নীংশিংলদুনা প্রধান মন্ত্রীনা হায়খি মদুদি ভারতকী খোঙজেল য়াংনা খুমাং চাউশিল্লিবা অসিগা লোয়ননা মখোয়গী গ্রোথ লিঙ্ক তৌনবা বোইং অমসুং অতৈ ইন্তরনেস্নেল কম্পনীশিংগীদমক চপ চারবা তানফমনি। “মথংগী চহি 25দা চাউখৎপা ভারত শেমগৎপা অসি হৌজিক ভারত মচা করোর 140গী ৱারেপ ওইরি”, হায়না মহাক্না ফোঙদোকখি। হৌখিবা চহি 9দা প্রধান মন্ত্রীনা হায় ঐখোয়না ভারত মচা চাউরাক্না করোর 25 লায়রদগী থোরকপা ঙমহনখি অমসুং ভারত মচা করোর কয়াবু হৌজিক নিও-মিদ্দল ক্লাস ওইহল্লি। মহাক্না ভারতকী ইনকম গ্রুপ খুদিংমক্তা অপৱার্দ মোবিলিতীগী ত্রেন্দ অমা উখি হায়নসু ফোঙদোকখি। ভারতকী তুরিজম সেক্তর পাকথোক চাউথোরকপগী মতাংদা প্রধান মন্ত্রীনা স্তেকহোল্দরশিংদা ফংহল্লিবা অনৌবা খুদোংচাবা খুদিংমক্কী কান্নবা মপুং ফানা লৌনবা হায়খি।
প্রধান মন্ত্রীনা ভারতকী MSME শিংগী অচৌবা নেৎৱার্ক্কী মতিক ময়াই, অচৌবা তেলেন্ত পুল অমসুং ভারত্তা লৈরিবা স্তেবল ওইবা সরকারগী মতাংদা পল্লদুনা ভারত্তা এয়রক্রাফ মেন্যুফেকচরিং ইকোসিস্তেম অমা শেম্বা মথৌ তাই হায়খি। “‘মেক ইন ইন্দিয়া’ পুক্নিং থৌগৎনবা ভারতকী পোলিসী এপ্রোচ অসি ইনভেস্তর খুদিংমক্কী খুদোংচাবরবা ফীভম অমনি” হায়না প্রধান মন্ত্রীনা ফোঙদোকখি। শ্রী মোদীনা ভারতনা বোইংগী অহানবা মপুং ফানা দিজাইন তৌবা অমসুং মেন্যুফেকচর তৌবা ভারত্তা এয়রক্রাফ পুথোক্কবা মতম অদু কুইদ্রে হায়না থাজবা ফোঙদোকখি। “ঐহাক্না থাজৈ মদুদি ভারতকী অনীংবা অপাম্বশিং অমসুং বোইংগী পাকথোক চাউথোকপা অসি শক্তি লৈরবা পার্তনরশিপ অমা ওইরক্কনি” হায়না ফোঙদোক্লদুনা পি.এম. মোদীনা ৱা ঙাংবা লোইশিনখি।
কর্নাতকাগী রাজ্যপাল, শ্রী থৱার চান্দ গেহলোৎ, কর্নাতকাগী মুখ্য মন্ত্রী, শ্রী সিদ্দারামমিয়া, বোইং কম্পনীগী COO, কুমারি স্তেফেনী পোপ অমসুং বোইং ইন্দিয়া অমসুং সাউথ এসিয়াগী প্রসিদেন্ত, শ্রী সালিল গুপতেনা থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা বেঙ্গলুরুদা লৈবা স্তেত ওফ দি আর্ত বোইং ইন্দিয়া ইঞ্জিনিয়রিং এন্দ তেক্নোলোজী সেন্তর (BIETC) অমা শঙ্গাখ্রে। লুপা করোর 1,600 থাদদুনা শাবা একর 43 চাউবা কেম্পস অসিনা বোইংনা USAগী মপান্দা খ্বাইদগী চাউনা ইনভেস্ত তৌবা খোঙথাং অমা ওইগনি। বোইংগী ভারতকী অনৌবা কেম্পস অসিনা ভারতকী মতিক লৈবা স্তার্তঅপ, লন্নাই অমসুং সরকারগী ইকোসীস্তেম অসিগা লৈনবা মরীগী মশক নাইবা খুদম অমা ওইরগনি। মসিনা মালেমগী এরোস্পেস অমসুং দিফেন্স ইন্দস্ত্রীগী নেক্স জেনেরেসন প্রদক্ত অমসুং সর্ভিস কয়া শেম্বদা মতেং পাংগনি।
প্রধান মন্ত্রীনা লৈবাক্কী শাহৌ লৌখৎলক্লিবা এভিএসন সেক্তর অসিদা নুপীমচাশিংনা মশিং য়াম্না শরুক য়াহনবদা তেংবাংবগী পান্দম থম্বা বোইং সুকনয়া প্রোগ্রাম অমা হৌদোকখ্রে। প্রোগ্রাম অসিনা ভারত শিনবা থুংবগী নুপীমচাশিংগী মফমদা সাইন্স, তেক্নোলোজী, ইঞ্জিনিয়রিং অমসুং মেথ (STEM)কী হীরমগী ক্রিতিকেল স্কিল তম্বগী খুদোংচাবা পীগনি অমসুং এভিএসন সেক্তরদা থবক ফংহন্নবা ত্রেনিংসু পীগনি। নুপমচাশিংগী ওইনদি, প্রোগ্রাম অসিনা STEMদা কেরিয়র শেম্বা পামহন্নবা ইথিল পীনবগীদমক্তা হান্নদগী থৌরাং য়াত্তুনা থম্লবা মফম 150দা STEM লেব শাগনি। প্রোগ্রাম অসিনা পাইলোত ওইনবা ত্রেনিং তৌরিবী নুপীশিংদা স্কোলার্শিপ পীগনি।
बेंगलुरू, भारत के Tech Potential को Global Demand से जोड़ता है।@Boeing_In का ये नया ग्लोबल टेक्नॉलॉजी कैंपस भी बेंगलुरु की इसी पहचान को सशक्त करने वाला है। pic.twitter.com/8b5eQ2lfQ6
— PMO India (@PMOIndia) January 19, 2024
'Make In India, Make For The World' pic.twitter.com/WE2D4RAhEx
— PMO India (@PMOIndia) January 19, 2024
Aviation और Aerospace Sector में हम महिलाओं के लिए नए अवसर बनाने में जुटे हैं। pic.twitter.com/YN5LcL2RTI
— PMO India (@PMOIndia) January 19, 2024
पिछले एक दशक में भारत का aviation market पूरी तरह से transform हो गया है। pic.twitter.com/F8mWkmLaZH
— PMO India (@PMOIndia) January 19, 2024
Boeing और दूसरी International कंपनियों के लिए भी ये सही समय है।
— PMO India (@PMOIndia) January 19, 2024
ये उनके लिए भारत की तेज़ growth के साथ अपनी growth को जोड़ने का समय है। pic.twitter.com/7AiYGAstFK
