প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা অশ্তালক্ষ্মী মহোৎসব হৌদোকখ্রে। থৌরম অদুদা দিগনিতরী পুম্নমকপু তরাম্না ওক্লদুনা শ্রী মোদীনা হায়খি মদুদি ঙসি অসি বাবাসাহেব দা. বি.আর. অম্বেদকরগী মহাপরিনির্ভান দিবসসু তারি। মহাক্না মখা তাখি মদুদি বাবাসাহেব অম্বেদকরনা শেমখিবা সম্বিধান্না চহি 75 মপুং ফারকপা অসি নাগরিক পুম্নমক্তা অচৌবা ইথিল অমনি। শ্রী মোদীনা ভারতকী নাগরিক পুম্নমক্কী মহুৎ শিন্দুনা বাবাসাহেব অম্বেদকরদা ইকায় খুম্নবা উৎখি।
ভারত মন্দপমদা হৌখিবা চহি অনি অসিদা G20 মীফম মায় পাক্না পাংথোকখিবা য়াওনা নেস্নেল অমসুং ইন্তর্নেস্নেল থৌরম কয়া অমা উবা ফংলে হায়না পল্লদুনা শ্রী মোদীনা হায়খি মদুদি ঙসিগী থৌরম অসি হেন্না অখন্নবা অমনি। থৌরম অসিনা দিল্লী অপুনবা অসি অৱাং-নোংপোক ভারতকী মখল কয়াগী শক্তমশিংগা লোয়ননা ঙান্থোইহল্লে হায়না মহাক্না মখা তাখি। অহানবা অশ্তালক্ষ্মী মহোৎসব লাক্কদৌরিবা নুমিৎ হুমনি অসিদা পাংথোক্লগনি হায়না পল্লদুনা শ্রী মোদীনা হায়খি মদুদি থৌরম অসিনা লৈবাক অমসুং মালেমদা অৱাং-নোংপোক ভারত পুম্নমক্কী ওইথোকপা য়াবশিং উৎলগনি। থৌরম অসিদা ললোন-ইতিক্কী য়ানচে কয়া অমা উবা ফংগনি অমসুং কলচর, কুজিন অমসুং অতৈ এত্রেক্সনশিংগা লোয়ননা অৱাং-নোংপোক্কী পোত্থোক কয়াসু উৎকনি হায়না মহাক্না মখা তাখি। থৌরম অসিদা পদ্ম এৱার্দ ফংলবশিং য়াওনা তোঙান তোঙানবা এচিবরশিংগী এচিবমেন্তশিংদগী মীয়ামদা ইথিল পীরগনি হায়না মহাক্না মখা তাখি। থৌরম অসি মখল অসিগী অহানবা অমসুং তোপ তোপ্পা থৌরমনি হায়না পল্লদুনা শ্রী মোদীনা হায়খি মদুদি থৌরম অসিনা অৱাং নোংপোক ভারত্তা ইনভেস্তমেন্তকী অচৌবা খুদোংচাবশিং ফংহল্লগনি। মহাক্না হায়খি মদুদি মসি মালেম শিনবা থুংনা লৈরিবা ইনভেস্তরশিংগা লোয়ননা লৌমীশিং, শিন্মীশিং অমসুং আর্তিস্তশিংগীদমক অচৌবা খুদোংচাবা অমনি। থৌরম অদুদা পাংথোকখিবা একজিবিসনশিংনা অৱাং-নোংপোক ভারতকী মখল-মখা অমসুং পোতেন্সিএল উৎলি হায়না পল্লদুনা শ্রী মোদীনা অশ্তালক্ষ্মী মহোৎসবকী ওর্গানাইজরশিং, অৱাং-নোংপোক ভারতকী মীয়াম অমসুং ইনভেস্তরশিংদা নুংঙাইবা ফোংদোকখি।
প্রধান মন্ত্রীনা হায়খি মদুদি হৌখিবা চহি 100-200 অসিদা, মীপুম খুদিংমক্না নোংচুপ লমদমগী চাউখৎলকপা উবা ফংখি অমসুং নোংচুপ লমদমনা মালেমগী থাক খুদিংমক্তা - ইকনোমিক, সোসিএল অমসুং পোলিতিকেলদা ইথিল পীখি। মহাক্না মখা তাখি মদুদি ভারতনসু নোংচুপ লমদমগী ইথিল অমসুং মাগী গ্রোথ স্তোরীদা মাগী থৌদাং অসি উবা ফংখি। শ্রী মোদীনা হায়খি মদুদি নোংচুপলোমদা য়ুম্ফম ওইবা মতমগী মতুংদা, 21শুবা চহিচা অসি নোংপোকলোমদা, হায়বদি এসিয়া অমসুং ভারতকী ওইগনি। শ্রী মোদীনা থাজবা থমখি মদুদি লাক্কদৌরিবা মতমশিংদা, ভারতকী চাউখৎপগী ৱারী অসিসু অখন্ননা নোংপোক থংবা ভারত অমসুং অৱাং নোংপোক্কী ওইগনি। মহাক্না মখা তাখি মদুদি হৌখিবা দিকেদশিংদা ভারতনা মুম্বাই, অহমদাবাদ, দিল্লী, চেন্নাই, বেঙ্গলুরু, হায়দ্রাবাদগুম্বা অচৌবা শহরশিং থোরকপা উবা ফংখি। শ্রী মোদীনা হায়খি মদুদি লাক্কদৌরিবা দিকেদশিংদা, ভারতনা গুৱাহাতি, আগরতলা, ইম্ফাল, ইতানগর, গেংতোক, কোহিমা, শিলোং অমসুং আইজোলগুম্বা শহরশিংগী অনৌবা পোতেন্সিএল অদু উবা ফংলগনি অমসুং অশ্তালক্ষ্মীগুম্বা থৌরমশিং অসিনা মরুওইবা থৌদাং অমা লৌগনি।
ভারতকী চৎনবীগী মতাংদা পল্লদুনা প্রধান মন্ত্রীনা হায়খি মদুদি লাইরেম্বী লক্ষ্মীবু নুংঙাইবা, হকচাং ফনা লৈনবা অমসুং নুংঙাই য়াইফবগী লাইরেম্বী হায়না খঙনৈ। লাইরেম্বী লক্ষ্মীগী শকলোন নিপান পল্লদুনা মহাক্না হায়খি মদুদি লাইরেম্বী লক্ষ্মীগী মওং-মতৌ নিপান অসি লাইরেম্বী লক্ষ্মীগী মওং-মতৌ খুদিংমক্তা ইকায় খুম্নবা উৎলি। মতৌ অসুম্না শ্রী মোদীনা হায়খি মদুদি অৱাং নোংপোক ভারতকী আসাম, অরুনাচল প্রদেশ, মনিপুর, মেঘালয়া, মিজোরাম, নাগালেন্দ, ত্রিপুরা অমসুং সিক্কিম হায়রিবা রাজ্য 8দা অশ্তালক্ষ্মী অসি লৈরি। অশ্তালক্ষ্মীগী মওং 8 অসি অৱাং-নোংপোক্কী রাজ্য 8 অসিদা উবা ফংই হায়না মহাক্না মখা তাখি।
অহানবা শকলোনদি আদি লক্ষ্মীনি হায়না পল্লদুনা শ্রী মোদীনা হায়খি মদুদি আদি কলচর অসি ঐখোয়গী অৱাং নোংপোক্কী রাজ্য খুদিংমক্তা মপাঙ্গল কন্না শন্দোক্লি। অৱাং-নোংপোক ভারতকী রাজ্য খুদিংমক্না মশাগী চৎনবী অমসুং নাৎকী থৌরম পাংথোকই হায়না পল্লদুনা প্রধান মন্ত্রীনা মেঘালয়াগী চেরি ব্লোসম ফেস্তিবেল, নাগালেন্দগী হোর্নবিল ফেস্তিবেল, অরুনাচলগী ওরেঞ্জ ফেস্তিবেল, মিজোরামগী চপচর কুত ফেস্তিবেল, অসামগী বিহু, মণিপুরী জগোয়গী থৌরমশিং পনখি।
লাইরেম্বী লক্ষ্মীগী অনিশুবা শকলোন লক্ষ্মীগী মতাংদা পল্লদুনা প্রধান মন্ত্রীনা হায়খি মদুদি অৱাং নোংপোক লমদম অসি মিনরেল, ওইল, চা বাগান অমসুং বাইও-দাইভর্সিতীগী অচৌবা মচাক-মথুমগা লোয়ননা মরাং কায়না লৈবা মহৌশাগী ওইবা রিসোর্সশিংনা মঙাল পীরি। মহাক্না মখা তাখি মদুদি রিন্যুএবল ইনর্জীগী অচৌবা পোতেন্সিএল অমা লৈরি অমসুং "ধন লক্ষ্মী"গী থৌজাল অসিনা অৱাং-নোংপোক পুম্নমক্কীদমক্তা অচৌবা খুদোংচাবা অমা ওইরি।
দেবী লক্ষ্মীগী অহুমশুবা শকলোন ওইরিবা ধান্য লক্ষ্মীনা অৱাং-নোংপোক লমদম য়াম্না নুংশিজবনি হায়না পল্লদুনা শ্রী মোদীনা হায়খি মদুদি অৱাং-নোংপোক লমদম অসি নেচরেল ফার্মিং, ওর্গানিক ফার্মিং অমসুং মিল্লেৎশিংগীদমক্তা মমিং চৎলি। সিক্কিম অসি ভারতকী অহানবা মপুং ফানা ওর্গানিক ওইবাং স্তেৎ ওইরকপদা ভারতনা চাউথোকচরি হায়না মহাক্না ফোংদোকখি। শ্রী মোদীনা হায়খি মদুদি অৱাং-নোংপোক্তা থারিবা উহৈ, ৱা, স্পাইস অমসুং হিদাক-লাংথকশিংগী পাম্বীশিং অসিনা মফম অদুগী লৌউ-শিংউগী শক্তিগী খুদম ওইরি। ঙসিগী ভারতনা মালেমদা হকচাং ফনা হিংবা অমসুং ন্যুত্রিসনগা মরী লৈননা পীবা পাম্লিবা সোলুসনশিংদা অৱাং নোংপোক্না অচৌবা থৌদাং লৌরি হায়না মহাক্না মখা তাখি।
অশ্তালক্ষ্মীগী মরিশুবা শকলোন গজা লক্ষ্মীগী মতাংদা পল্লদুনা শ্রী মোদীনা হায়খি মদুদি লাইরেম্বী গজা লক্ষ্মী অসি থম্বাল অমগী মথক্তা শমুশিংনা কোইশিন্দুনা ফম্মি। অৱাং-নোংপোক লমদমদা নেস্নেল পার্কশিং, কাজিরঙ্গা, মানস-মেহাওগুম্বা পাক চাউবা উমংশিং অমসুং অতোপ্পা ৱাইল্দ লাইফ সেঙ্কচুরীশিং লৈ হায়না মহাক্না পনখি। মহাক্না মখা তানা হায়খি মদুদি মসিদা অঙকপা শুরুংশিং অমসুং ফজরবা পাৎশিং লৈ। শ্রী মোদীনা হায়খি গজা লক্ষ্মীগী য়াইফ-পাউজেলনা অৱাং-নোংপোক লমদম অসি মালেমগী খ্বাইদগী থোইদোক হেন্দোকপা তুরিস্ত দেস্তিনেসন অমা ওইহন্নবগী শক্তি লৈ।
অৱাং-নোংপোক অসি ক্রিএতিবিতী অমসুং স্কিলগীদমক্তা খঙনরম্মি হায়না প্রধান মন্ত্রীনা ফোংদোকখি। মসি অশ্তালক্ষ্মীগী মঙাশুবা শকলোননি - শান্তনলক্ষ্মী, হায়বদি প্রদক্তিবিতী অমসুং ক্রিএতিবিতীনা উৎলি। অসামগী মুগা সিল্ক, মনিপুরগী মোইরোং ফী, ৱাংখৈ ফী, নাগালেন্দগী চখেশং শোলগুম্বা খুৎশেমগী পোৎলমশিং অসি মীপুম খুদিংমক্কী পুক্নিং চিংশিনগনি হায়না মহাক্না মখা তাখি। মহাক্না মখা তানা হায়খি মদুদি জিওগ্রাফিকেল ইন্দিকেসন (GI) তেগ তৌরবা পোত্থোক কয়া অমা অৱাং নোংপোক লমদমগী ক্রাফত অমসুং ক্রিএতিবিতী উৎলি।
অশ্তালক্ষ্মীগী তরুকশুবা লাক্ষ্মী, থৌনা অমসুং শক্তিগী মরী তাকপা ভীরলক্ষ্মীগী মতাংদা খন্ন-নৈনদুনা শ্রী মোদীনা হায়খি মদুদি অৱাং নোংপোক অসি নুপীশিংগী শক্তিগী খুদম অমনি। মহাক্না মনিপুরগী নুপী লান মুভমেন্তকী খুদম পীরদুনা হায়খি মদুদি মসিনা নুপীশিংগী শক্তি উৎলি। শ্রী মোদীনা হায়খি মদুদি অৱাং নোংপোক লমদমগী নুপীশিংনা লান্মীগী মায়োক্তা ভোইস পীখিবগী থৌওং অসি ভারতকী পুৱারীদা মতম পুম্নমক্তা সনা ময়েক্না ইদুনা লৈরগনি। মহাক্না মখা তাখি মদুদি মীয়ামগী ৱারীদগী হৌরগা ঐখোয়গী নীংতম লানফম ফাওবগী থৌনা ফরবা নুপীশিং হায়বদি রানি গাইদিনলিউ, কানাকলতা বরুয়া, রানি ইন্দিরা দেবী, লালনু রোপিলিয়ানিনা লৈবাক অপুনবদা ইথিল পীরি। শ্রী মোদীনা হায়খি মদুদি ঙসিসু অৱাং-নোংপোক্কী নুপীমচাশিংনা মসিগী চৎনবী অসিবু মপাঙ্গল কনখৎহল্লি। অৱাং-নোংপোক্কী নুপীশিংগী ওন্তপ্রিনোরশিপনা অৱাং-নোংপোক পুম্নমক্তা অচৌবা শক্তি অমা পীরম্মি, মসি অতৈগা লম্বা লৈতে হায়না মহাক্না মখা তাখি।
অশ্তালক্ষ্মীগী তরেৎশুবা লক্ষ্মী- জয়লক্ষ্মী হায়বসিনা মমিং অমসুং শক্নাইরববু তাকই হায়না পল্লদুনা প্রধান মন্ত্রীনা হায়খি মদুদি ঙসি অৱাং-নোংপোক লমদম অসি ভারতকী মায়কৈদা মালেম পুম্বনা থাজবা থম্লিবা অসিদা মরুওইবা থৌদাং অমা লৌরি। মহাক্না মখা তাখি মদুদি ভারতনা মসিগী কলচর অমসুং ললোন-ইতিক্কী মালেমগী ওইবা কনেক্তিবিতীদা মীৎয়েং চংলি, অৱাং নোংপোক অসি ভারতপু খা এসিয়া অমসুং নোংপোক এসিয়াগী মশিং য়াম্লবা খুদোংচাবশিংগা শম্নহল্লিবা অমনি।
অশ্তালক্ষ্মীগী নিপালশুবা লক্ষ্মী - লৌশিং অমসুং এজুকেসনগী খুদম ওইরিবা বিদ্যা লক্ষ্মীগী মতাংদা পল্লদুনা শ্রী মোদীনা হায়খি মদুদি মোদর্ন ভারত শেমগৎপদা মরুওইবা এজুকেসন সেন্তর কয়া অমা অৱাং নোংপোক লমদমদা IIT গুৱাহাতি, NIT সিলচর, NIT মেঘালয়, NIT অ অগরতালা অমসুং IIM শিলোংগুম্বা মরু ওইবা এজুকেসন সেন্তরশিং লৈরে। অৱাং-নোংপোক লমদমদা অহানবা AIIMS ফংখ্রে অমসুং লৈবাক অসিগী অহানবা নেস্নেল স্পোর্তস য়ুনিভর্সিতী অসি মনিপুরদা শাগৎলি হায়না মহাক্না মখা তাখি। অৱাং-নোংপোক্না লৈবাক অসিদা মেরী কোম, বাইচুং বুথিয়া, মীরাবাই চানু, লোভলিনা, সরিতা দেবীগুম্বা শান্নরোই কয়া অমা পীরকখি হায়না মহাক্না পনখি। ঙসি অৱাং-নোংপোক লমদম অসি তেক্নোলোজীগা মরী লৈনবা স্তার্ত-অপশিং, সর্বিস সেন্তরশিং অমসুং সেমিকন্দক্তরশিংগুম্বা ইন্দস্ত্রীশিংদা নহা লিশিং কয়া থবক তৌদুনা মাংলোমদা চংশিল্লক্লি হায়না শ্রী মোদীনা ফোংদোকখি। মহাক্না মখা তাখি মদুদি লমদম অসি নহারোলশিংগীদমক এজুকেসন অমসুং স্কিলগী মরুওইবা সেন্তর অমা ওইরক্লি।
প্রধান মন্ত্রীনা হায়খি, "অশ্তালক্ষ্মী মহোৎসব অসি অৱাং নোংপোক্কী অফবা তুংলমচৎকী থৌরম অমনি।" মহাক্না মখা তাখি মদুদি মসি চাউখৎপগী অনৌবা অয়ুক্কী কুহ্মৈ অমনি, মসিনা ভিকসিৎ ভারতকী মিসনদা ইনোৎ পীরগনি। ঙসি অৱাং-নোংপোক লমদমদা ইনভেস্তমেন্তকীদমক চাউনা পুক্নিং থৌগৎলি অমসুং হৌখিবা চহি তরা অসিদা অৱাং-নোংপোক লমদম চাউখৎপগী অঙকপা খোঙচৎ অমা মীপুম খুদিংমক্না উবা ফংলে হায়না শ্রী মোদীনা ফোংদোকখি। খোঙচৎ অসি অরায়বা নত্তে হায়না ফোংদোক্লদুনা শ্রী মোদীনা হায়খি মদুদি সরকারনা অৱাং-নোংপোক্কী রাজ্যশিং অসি ভারতকী চাউখৎপগী ৱারীগা শম্নহন্নবা লৌখৎপা য়াবা খোংথাং খুদিংমক লৌখৎলি। সিৎ অমসুং ভোৎ মশীং হন্থবনা মরম ওইদুনা মমাংগী সরকারশিংনা অৱাং-নোংপোক লমদমগী চাউখৎ-থৌরাং ফগৎহনখিদে হায়না পল্লদুনা শ্রী মোদীনা হায়খি মদুদি অতল বিহারী বাজপেয়ীগী সরকারনা অহানবা ওইনা অৱাং-নোংপোক লমদমগী চাউখৎ-থৌরাংগীদমক তোঙানবা মন্ত্রালয় অমা শেমখি।
হৌখিবা দিকেদ অমদা সরকারনা দিল্লী অমসুং অৱাং-নোংপোক্কী মীয়ামগী মরক্তা লৈরিবা অরাপ্পা অদু হন্থহন্নবগীদমক চোকথবা লৈতনা থবক তৌরি হায়না পল্লদুনা শ্রী মোদীনা হায়খি মদুদি কেন্দ্রগী মন্ত্রীশিংনা অৱাং-নোংপোক্কী রাজ্যশিংদা 700 হেন্না চৎখ্রে অমসুং মফম অদুগী মীয়ামগা লোয়ননা মতম শাংনা লৈখ্রে। মসিনা সরকার অমসুং অৱাং-নোংপোক অমসুং মসিগী চাউখৎ-থৌরাংগী মরক্তা পুক্নিংগী ওইবা মরী অমা শেমগৎলে। মহাক্না হায়খি মদুদি মসিনা মফম অদুদা চাউখৎ-থৌরাংগী অঙকপা খোঙজং অমা পীরম্মি। অৱাং-নোংপোক্কী চাউখৎ-থৌরাং য়াঙখৎহন্নবগীদমক 1990দা পায়খৎখিবা পোলিসী অমা পল্লদুনা, মদুগী মখাদা, কেন্দ্র সরকারগী মন্ত্রালয় 50 হেনবনা মখোয়গী বজেৎকী চাদা 10দি অৱাং-নোংপোক্তা ইনভেস্ত তৌগদবনি হায়না শ্রী মোদীনা হায়খি। মহাক্না হায়খি মদুদি মহাক্কী সরকারনা হৌখিবা চহি 10 অসিদা 1990গী মতমগা চাংদম্নবদা হেন্না চাউবা গ্রান্ত পীখ্রে। মহাক্না মখা তাখি মদুদি হৌখিবা চহি তরা অসিদা মথক্তা পনখ্রিবা স্কিম অসিগী মখাদা অৱাং নোংপোক লমদমদা লুপা করোর লাখ 5 হেন্না চাদিং তৌখ্রে। মসিনা হৌজিক লৈরিবা সরকার অসিনা অৱাং নোংপোক লমদমদা অহানবা প্রাইওরিতী পীরি হায়বা উৎলি।
প্রধান মন্ত্রীনা হায়খি মদুদি সরকারনা অৱাং-নোংপোক্কীদমক পি.এম.-দিবাইন, স্পেসিএল ইনফ্রাস্ত্রকচর দিবেলপমেন্ত স্কিম অমসুং অৱাং-নোংপোক ভেঞ্চর ফন্দগুম্বা অখন্নবা স্কিম কয়া অমা হৌদোক্লে। স্কিমশিং অসিনা অনৌবা থবক ফংবগী খুদোংচাবা কয়া অমা পীরি হায়না মহাক্না মখা তাখি। অৱাং-নোংপোক্কী ইন্দস্ত্রীএল পোতেন্সিএল প্রমোৎ তৌনবা সরকারনা উন্নাতি স্কিমসু হৌদোক্লে হায়না শ্রী মোদীনা ফোংদোকখি। মহাক্না হায়খি মদুদি অনৌবা ইন্দস্ত্রীশিংগীদমক হেন্না ফবা অকোয়রোন অমা শেমগৎলকপা মতমদা, অনৌবা থবকশিংসু শেমগৎলগনি। সেমিকন্দক্তর সেক্তর অসি ভারতকীদমক্তা অনৌবা অমনি হায়না পল্লদুনা শ্রী মোদীনা হায়খি মদুদি সরকারনা অনৌবা সেক্তর অসিবু পুক্নিং থৌগৎনবা অসামবু খনখি। অৱাং-নোংপোক্তা অসিগুম্বা অনৌবা ইন্দস্ত্রীশিং অসি লিংখৎলকপা মতমদা, লৈবাক অসিগী অমসুং মালেমগী ইনভেস্তরশিংনা মফম অসিদা অনৌবা ওইথোকপা য়াবশিং থিগৎকনি হায়না মহাক্না মখা তাখি।
শ্রী মোদীনা হায়খি, "ঐখোয়না অৱাং-নোংপোক লমদমবু ইমোসন, ইকনোমী অমসুং ইকোলোজীগী ত্রিনিতীগা শম্নহল্লে।" সরকারনা অৱাং-নোংপোক্তা ইনফ্রাস্ত্রকচর শেমগৎপদা নত্তনা তুংলমচৎকীদমক্তা মপাঙ্গল কনবা য়ুম্ফম অমসু শেমগৎলি হায়না মহাক্না মখা তাখি। অৱাং-নোংপোক্কী খ্বাইদগী চাউবা শীংনবসি হৌখিবা দিকেদশিংদা রাজ্য কয়াদা ত্রেনগী খুদোংচাবশিং লৈতবা কনেক্তিবিতী ওইরম্মি হায়না পল্লদুনা শ্রী মোদীনা হায়খি মদুদি মখোয়গী সরকারনা 2014গী মতুংদা ফিজিকেল ইনফ্রাস্ত্রকচর অমসুং সোসিএল ইনফ্রাস্ত্রকচরদা য়াম্না মীৎয়েং চংখি। মসিনা ইনফ্রাস্ত্রকচরগী ক্বালিতী অমসুং অৱাং-নোংপোক লমদমগী মীয়ামগী পুন্সি মহিংদা চাউনা ফগৎহনখি হায়না মহাক্না মখা তাখি। শ্রী মোদীনা হায়খি মদুদি সরকারনা চহি কয়াগী মমাংদগী লেপ্পা লৈতবা প্রোজেক্তশিং থবক ওইনা পাংথোকপদসু খোঙজেল য়াংখৎলে। বোগি-বীল ব্রিজগী খুদম পীরদুনা শ্রী মোদীনা হায়খি মদুদি বোগি-বীল ব্রিজ অসি লোইদ্রিঙৈগী মমাংদা চৎপদা নুমিৎ চুপ্পা চংলম্বা অদু হৌজিক ধেমাজি অমসুং দিব্রুগরগী মরক্তা পুং অমা নৎত্রগা অনি খক্তদা চৎপা ঙম্লে।
শ্রী মোদীনা হায়খি মদুদি হৌখিবা চহি তরা অসিদা কিলোমীতর লিশিং মঙাগী নেস্নেল হায়ৱে প্রোজেক্তশিং লোইশিনখ্রে। মহাক্না মখা তাখি মদুদি অরুনাচল প্রদেশকী সেলা তনেল, ইন্দিয়া-ম্যান্মার-থাইলেন্দ ত্রাইলেতরেল হাইৱে, নাগালেন্দ, মনিপুর অমসুং মিজোরামগী ঙমখৈগী লম্বীশিং অসিগুম্বা প্রোজেক্তশিংনা মপাঙ্গল কনবা লম্বীগী কনেক্তিবিতী পাকথোক চাউথোকহনখ্রে। ভারতনা মমাং চহিদা G20গী মনুংদা ইন্দিয়া-মিল ইস্ত-য়ুরোপ কোরিদোর (I-MAC) গী ভিজন মালেমদা পুথোকখিবা অদু নীংশিংলদুনা শ্রী মোদীনা হায়খি মদুদি I-MACনা ভারতকী অৱাং-নোংপোকপু মালেমগা শম্নহল্লগনি।
অৱাং-নোংপোক্কী রেল কনেক্তিবিতী মশিং য়াম্লবা হেনগৎলকপগী মতাংদা পল্লদুনা, প্রধান মন্ত্রীনা হায়খি মদুদি অৱাং-নোংপোক্কী রাজ্যশিংগী কোনুং পুম্নমক রেলগী খুত্থাংদা শম্নহন্নবা থবক লোইশিল্লগনি। মহাক্না মখা তাখি মদুদি অহানবা ভন্দে ভারত ত্রেনসু অৱাং-নোংপোক্তা মথৌ তৌবা হৌখ্রে। হৌখিবা চহি 10 অসিদা অৱাং নোংপোক লমদমদা এয়রপোর্ত অমসুং ফ্লাইৎ মশিং শরুক অনি হেনগৎলে হায়না শ্রী মোদীনা ফোংদোকখি। মহাক্না মখা তাখি মদুদি ব্রহ্মপুত্রা অমসুং বরাক তুরেলদা ঈশিং লম্বী শেমগৎনবা থবক পায়খৎলি। সবরুম লেন্দ পোর্ততগী ঈশিং কনেক্তিবিতীসু ফগৎলক্লি।
মোবাইল অমসুং গ্যাস পাইপলাইন কনেক্তিবিতীগী থবকশিং খুমাং চাউশিল্লক্লি হায়না পল্লদুনা শ্রী মোদীনা হায়খি মদুদি অৱাং নোংপোক্কী রাজ্য খুদিংমক অৱাং নোংপোক গ্যাস গ্রিদতা শম্নহল্লে অমসুং কিলোমিতর 1600 হেন্না শাংবা গ্যাস পাইপলাইন অমা শঙ্গারক্লি। অৱাং-নোংপোক্কী রাজ্যশিংদা মোবাইল তাৱর 2600 হেন্না হাপচিন্দুনা ইন্তর্নেত কনেক্তিবিতীদা সরকারনা মীৎয়েং থম্লি হায়না মহাক্না মখা তাখি। অৱাং-নোংপোক লমদমদা ওপ্তিকেল ফাইবরগী কিলোমিতর লিশিং 13 হেন্না তিংখ্রে হায়না মহাক্না মখা তানা পনখি। অৱাং-নোংপোক্কী রাজ্য পুম্নমক্তা 5G কনেক্তিবিতী য়ৌরকপদা শ্রী মোদীনা নুংঙাইবা ফোংদোকখি।
অৱাং-নোংপোক লমদমদা সোসিএল ইনফ্রাস্ত্রকচরদা মমাংদা অমুক্তা ওইখিদ্রিবা থবকশিং পাংথোকপগী মতাংদা পল্লদুনা প্রধান মন্ত্রীনা হায়খি মদুদি মেদিকেল কোলেজশিং পাকথোক চাউথোকহনবগা লোয়ননা কেন্সরগুম্বা লায়নাশিং লায়েংনবা মোদর্ন ফেসিলিতীশিং শাগৎলি। আয়ুশ্মান ভারত য়োজনাগী মখাদা অৱাং নোংপোক লমদমগী অনাবা লাখ কয়ানা লেম্না লায়েংলি হায়না মহাক্না মখা তাখি। শ্রী মোদীনা হায়খি মদুদি সরকারনা আয়ুশ্মান ভায়া ভন্দনা কার্দ চৎনহনখ্রে। মসিনা চহি 70গী মথক্তা লৈবা সেনিয়র সিতিজনশিংদা লেম্না লায়েং ফংহনগনি।
মোদীনা হায়খি মদুদি অৱাং-নোংপোক্কী কনেক্তিবিতীগী মথক্তা, সরকারনা মসিগী ত্রেদিসন, তেক্সতাইল অমসুং তুরিজমদা অকনবা মীৎয়েং থম্লি। মসিগী কান্নবা অসিদি হৌজিক্তি অৱাং নোংপোক লমদম অসি য়েংশিন্নবা মশিং য়াম্লবা মীওই কয়া লাক্লি। হৌখিবা চহি তরা অসিদা অৱাং নোংপোক লমদমদা লাকপা তুরিস্তশিংগী মশিংসু শরুক অনি হেনগৎলে হায়না পল্লদুনা শ্রী মোদীনা হায়খি মদুদি ইনভেস্তমেন্ত অমসুং তুরিজম হেনগৎলকপনা মরম ওইদুনা অনৌবা বিজিনেস অমসুং থবক ফংবগী খুদোংচাবশিংসু হেনগৎলক্লি। ইনফ্রাস্ত্রকচরদগী ইন্তিগ্রেসন ফাওবা, কনেক্তিবিতীদগী নকশিন্নবা ফাওবা, ইকোনোমিকদগী ইমোস্নেল ফাওবা, মসিগী খোঙচৎ অসিনা অৱাং নোংপোক্কী চাউখৎপা অসি অনৌবা থাক্তা পুখৎলে হায়না মহাক্না মখা তাখি।
প্রধান মন্ত্রীনা অকনবা ৱাফম থমখি মদুদি অশ্তালক্ষ্মী রাজ্যশিংগী নহাশিং অসি ভারত সরকারগী মরুওইবা অমনি অমসুং মখোয়না মতম পুম্নমক্তা চাউখৎপা পাম্মি। হৌখিবা দিকেদ অমদা অৱাং-নোংপোক্কী রাজ্য খুদিংমক্তা মতম চুপ্পগী ওইবা শান্তিগীদমক মীয়াম্না মমাংদা অমুক্তা ওইখিদ্রিবা মওংদা মতেং পাংখিবা অদু পল্লদুনা শ্রী মোদীনা হায়খি মদুদি কেন্দ্র অমসুং রাজ্য সরকারশিংগী হোৎনবশিংগী মতুং ইন্না নহা লিশিং কয়া হিংসাগী লম্বী থাদোক্তুনা চাউখৎপগী অনৌবা লম্বীদা চংশিল্লে। মহাক্না হায়খি মদুদি হৌখিবা চহি তরা অসিদা অৱাং নোংপোক লমদমদা পুৱারী ওইরবা শান্তিগী য়ানা ৱারোল কয়া অমা খুৎয়েক পীনখ্রে অমসুং রাজ্যশিংগী মরক্তা লৈরিবা ঙমখৈগী চয়েৎনবাশিং অসিসু য়াম্না নুংশিনবা মওংদা খুমাং চাউশিল্লি। মসিনা অৱাং নোংপোক্তা হিংসাগী থৌদোকশিং হন্থহনখ্রে হায়না মহাক্না হায়খি। AFSPA অসি জিলা কয়াদগী লৌথোকখ্রে হায়না পল্লদুনা শ্রী মোদীনা হায়খি মদুদি ঐখোয় পুন্না অশ্তালক্ষ্মীগী অনৌবা তুংলমচৎ অমা শেমগদবনি অমসুং মসিগীদমক্তা সরকারনা খোংথাং খুদিংমক লৌখৎলি।
মন্ত্রীনা হায়খি মদুদি অৱাং নোংপোক্কী পোত্থোকশিং মালেমগী কৈথেল খুদিংমক্তা য়ৌহনগদবনি। মসিগী মাইকৈ অসিদা জিলা খুদিংমক্কী পোত্থোকশিং অসি দিস্ত্রিক্ত ৱান প্রদক্ত কেম্পেনগী মখাদা প্রমোৎ তৌরি। অশ্তালক্ষ্মী মহোৎসবকী খুঙ্গংগী হাৎ বাজারদা পাংথোকপা একজিবিসনশিংদা অৱাং নোংপোক্কী পোৎথোক কয়া অমা উবা ফংই হায়না মহাক্না মখা তাখি। ঐহাক্না অৱাং নোংপোক্কী পোত্থোকশিংগীদমক্তা ভোকেল ফোর লোকেলগী মন্ত্র অসি শৌগৎলি।" মহাক্না হায়খি মদুদি অৱাং নোংপোক্কী পোত্থোকশিং অসি মপান লমগী মীথুংলেনশিংদা উৎনবা মহাক্না হোৎনখি অমসুং মসিনা অৱাং নোংপোক্কী অঙকপা কলা অমসুং খুৎশা হৈবগী হৈশিংববু মালেমগী থাক্তা শকখঙহল্লগনি। শ্রী মোদীনা নাগরিকশিংদা অৱাং-নোংপোক্কী পোৎথোকশিংবু মখোয়গী পুন্সি মহিংগী শরুক অমা ওইহন্নবা তকশিনখি।
শ্রী মোদীনা গুজরাতকী পোর্বন্দরদা পাংথোক্কদৌরিবা মাধবপুর মেলাদা শরুক য়ানবা মীয়ামদা হায়জখি। মহাক্না হায়খি মাধবপুর মেলা অসি অৱাং নোংপোক্কী মচানুপী অমা ওইরিবা ভগবান শ্রীকৃষ্ণ অমসুং লাইরেম্বী রুক্মিনীগী লুহোংবগী থৌরমগী মশক অমনি। মহাক্না অৱাং-নোংপোক্কী মীয়াম পুম্নমকপু 2025দা মেলা অসিদা শরুক য়ানবা হায়খি। শ্রী মোদীনা মহাক্কী ৱারোল লোইশিল্লদুনা থাজবা ফোংদোকখি মদুদি ভগবান শ্রী কৃষ্ণ অমসুং অশ্তালক্ষ্মীগী য়াইফ-পাউজেলগা লোয়ননা ভারতনা 21শুবা চহিচাদা অৱাং-নোংপোক লমদম অসি চাউখৎপগী অনৌবা পেরাদাইম অমা শেম্বা উগনি।
অৱাং-নোংপোক লমদমগী চাউখৎ-থৌরাংগী মন্ত্রী শ্রী জ্যোতিরাদিত্য এম. সিন্ধিয়া, আসামগী মুখ্য মন্ত্রী শ্রী সিন্দিয়া, শ্রী হিমন্তা বিস্ব শর্মা, ত্রিপুরাগী মুখ্য মন্ত্রী, দা. মনিক সাহা, মেঘালয়াগী মুখ্য মন্ত্রী শ্রী কোনরাদ সংমা, সিক্কিমগী মুখ্য মন্ত্রী শ্রী প্রেম সিংহ তামাং অমসুং অৱাং নোংপোক লমদমগী চাউখৎ থৌরাং মন্ত্রালয়গী কেন্দ্রগী রাজ্য মন্ত্রী দা. সুকানতা মজুমদর অমসুং অতৈ মকোক থোংবা মীওইশিংসু শরুক য়াখি।
বেকগ্রাউন্দ
অশ্তালক্ষ্মী মহোৎসব অসি দিসেম্বর 6দগী 8 ফাওবা ন্যু দিল্লীগী ভারত মন্দপমদা অহানবা ওইনা পাংথোক্কদবা নুমিৎ হুমনিগী কলচরেল ফেস্তিবেল অমনি। মসিনা অৱাং-নোংপোক ভারতকী পাক চাউরবা কলচরেল তেপস্ত্রী, ত্রেদিস্নেল আর্ত, ক্রাফ্ত অমসুং কলচরেল প্রেক্তিস কয়া পুনশিন্নদুনা উৎলি।
মহোৎসব অসিদা ত্রেদিস্নেল হেন্দিক্রাফ্তশিং, হেন্দলুমশিং, লৌউ-শিংউগী পোত্থোকশিং অমসুং তুরিজমগুম্বা লমশিংদা শেন্মিৎলোনগী খুদোংচাবশিং ফগৎহন্নবা থৌরম কয়া পাংথোক্লি। ফেস্তিবেল অসিদা আর্তিসান একজিবিসনশিং, গ্রামীন হাৎশিং, রাজ্যগী ওইবা পেভিলিয়নশিং অমসুং অৱাং নোংপোক লমদমগী চাউখৎ থৌরাংগীদমক মরুওইবা হিরমশিংদা তেক্নিকেল সেসনশিংসু য়াওরি। মরুওইবা থৌরমশিংগী মনুংদা ইনভেস্তরস রাউন্দতেবল অমসুং বায়র-সেল্লরগী মীফমশিং অসি লমদম অসিগী শেন্মিৎলোন চাউখৎহনবদা মতেং ওইগদবা নেতৱার্কশিং, পার্তনরশিপশিং অমসুং জোইন্ত ইনিসিএতিবশিং শেমগৎনবা অমসুং মপাঙ্গল কনখৎহন্নবা তোপ তোপ্পা খুদোংচাবা অমা ওইনবা শেমগৎপনি।
মহোৎসব অসিদা দিজাইন কনক্লেব অমসুং ফেশন শোশিং পাংথোক্তুনা অৱাং-নোংপোক ভারতকী শেন-থুম অমসুং খুৎ-শা হৈবগী চৎনবীশিং নেস্নেল স্তেজতা উৎলি। লমদম অসিগী ইনাক খুল্লবা হেরিতেজবু ময়েক শেংনা উৎতুনা, ফেস্তিবেল অসিদা অৱাং নোংপোক ভারতকী মশাগী ওইবা ম্যুজিকেল পর্ফোমেন্স অমসুং মশাগী ওইবা চিঞ্জাকশিংসু উৎকনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Northeast is the 'Ashtalakshmi' of India. pic.twitter.com/E87MdyUQ6S
— PMO India (@PMOIndia) December 6, 2024
Ashtalakshmi Mahotsav is a celebration of the brighter future of the Northeast. It is a festival of a new dawn of development, propelling the mission of a Viksit Bharat forward. pic.twitter.com/e7mkH5a9EL
— PMO India (@PMOIndia) December 6, 2024
We are connecting the Northeast with the trinity of Emotion, Economy and Ecology. pic.twitter.com/A4goLocWkL
— PMO India (@PMOIndia) December 6, 2024
