Dedicates to nation campuses of several important education institutes like IIT Bhilai, IIT Tirupati, IIITDM Kurnool, IIM Bodh Gaya, IIM Jammu, IIM Visakhapatnam and Indian Institute of Skills (IIS) Kanpur
Inaugurates, dedicates and lays the foundation stone of multiple projects for upgrading infrastructure in several higher educational institutes across the country
Inaugurates AIIMS Jammu
Lays foundation stone of new terminal building of Jammu Airport and Common User Facility Petroleum depot at Jammu
Dedicates to nation and lays the foundation stone of several significant road and rail connectivity projects in Jammu and Kashmir
Inaugurates and lays foundation stone for several projects for strengthening the civic and urban infrastructure across Jammu and Kashmir
“Today’s initiatives will propel holistic development in Jammu and Kashmir”
“We will ensure a Viksit Jammu Kashmir”
“To create a Viksit Jammu and Kashmir, the government is focussed on the poor, farmers, youth and Nari Shakti”
“New India is spending more and more to provide modern education to its present generation”
“The mantra of Sabka Saath, Sabka Vikas, Sabka Vishwas and Sabka Prayas is the foundation of the development of Jammu and Kashmir”
“For the first time, the common people of Jammu and Kashmir are receiving the assurance of social justice given in the Constitution of India”
“A new Jammu Kashmir is coming into being as the biggest hurdle to its development was removed with the abrogation of article 370”
“World is excited for a Viksit Jammu and Kashmir”

ঙসি প্রধান মন্ত্রী শ্রী নরেন্দ্র মোদীনা জম্মু অমসুং কাস্মিরদা লুপা করোর ৩২,০০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেক্তশিং অসি হকশেল, এজুকেসন, রেল, রোদ, এভিএসন, পেত্রোলিয়ম, সিবিক ইনফ্রাস্ত্রকচর অমসুং অতোপ্পা সেক্তর কয়াগা মরী লৈনবা ঙাক্তনি। প্রধান মন্ত্রীনা থৌরম অসিগী মনুংদা জম্মু অমসুং কশ্মিরগী নৌনা সরকারগী থবক খল্লবা মীওই ১৫০০দা থবক খনবগী এপোইন্তমেন্ত লেত্তরশিং য়েন্থোকখি। প্রধান মন্ত্রীনা ‘বিকশিত ভারত বিকশিত জম্মু’ থৌরমগী শরুক অমা ওইনা সরকারগী তোঙান-তোঙানবা স্কিমশিংগী বেনেফিসরিশিংগা ৱারী শানখি।

 

কিস্তৱার জিলাদগী ভীনা দেবীনা প্রধান মন্ত্রীদা হায়খি মহাক উজৱালা য়োজনাগী কান্নবশিং ফংবদগী মহাক্কী পুন্সি হেন্না নুংঙাইরে অমসুং মহাক মশামক অমসুং মহাক্কী ইমুংগী থবক তৌনবা মতম ফংলে। হান্না, মহাক উমংদা চাক থোংনবা শিং থিবা চৎখি। মহাক্কী ইমুং-মনুং অয়ুস্মান কার্দশিং পায়রে হায়না মহাক্না প্রধান মন্ত্রীদা পাউদমখি অমসুং মসিগীদমক প্রধান মন্ত্রী থাগৎপা ফোঙদোকখি। হকচাং ফনা লৈনবগীদমক প্রধান মন্ত্রীনা মহাক অমসুং মহাক্কী ইমুংদা য়াইফ-পাউজেল পীখি।

রাস্ত্রিয়া অজিবিকা অভিয়ানগী বেনিফিসরি অমা ওইরিবা, কাথুৱাগী কির্তি শর্মনা সেল্ফ-হেল্প গ্রুপ অমদা থবক তৌবগী কান্নবশিং ফংবগী মতাংদা প্রধান মন্ত্রীদা পাউদমখি। মহাক্না লুপা লিশিং ৩০গী লোন অমগা লোয়ননা মহাক্কী ললোন-ইতিক্কী থবক হৌদোকখি অমসুং মতুং তারকপদা লুপা লাখ ১গী লোনগা লোয়ননা ষনবী অহুম শুখি। মহাক্কী কাংবু খক নত্তনা জিলা অদু শীনবা থুংবগী নুপীশিং মশা মরোমদোম লেপচবা ঙম্নবা থাজবা মহাক্না ফোঙদোকখি। মহাক্কী গ্রুপনা হৌজিক লোন শিংদোক্লে অমসুং হৌজিক মখোয়গী ষনবী ১০ লৈরে। মহাক অমসুং মহাক্কী গ্রুপ মেম্বরশিং অতোপ্পা সরকারগী স্কিমশিংগী কান্নবশিং ফংলে। লাখপতি দিদি করোর ৩ শেমগৎনবা মহাক্কী প্রোজেক অসিদা প্রধান মন্ত্রীদা মপুংফানা মতেং পাংগনি হায়না মহাক্না থাজবা পীখি।

পুঞ্চতগী লৌমী অমা, লাল মোহমদনা প্রধান মন্ত্রীদা হায়খি ঙমখৈ ৱাংমদগী মহাক্কী লৈবাক্না শাবা য়ুম অদুদা সেল কাপশিল্লকপদগী মহাক ঙমখৈগী লমদমদগী য়ুম হোংলকপনি। মহাক্না হৌজিক লৈরিবা মফম অসিদা পাক্কাগী য়ুম অমা শানবা পি.এম অৱাস য়োজনাগী মখাদা লুপা ১,৩০,০০০ ফংবগীদমক মহাক্না প্রধান মন্ত্রী থাগৎপা ফোঙদোকখি। লৈবাক অসিগী খ্বাইদগী মনুং-হুঞ্জিনবা মফমশিংদা সরকারগী স্কিমশিং য়ৌবদা প্রধান মন্ত্রীনা অপেনবা ফোঙদোকখি অমসুং মহাক্কী পাক্কাগী য়ুম শাবগীদমক থাগৎপা ফোঙদোকখি। প্রধান মন্ত্রী থাগৎতুনা, লাল মোহমদনা ‘বিকসিত ভারত’কী থিমদা শৈরেং মতেক অমা থিখি।

 

সেল্ফ-হেল্প গ্রুপ অমগী মেম্বর অমা ওইরিবা, বন্দিপোরাদগী সাহীনা বেগম্না প্রধান মন্ত্রীদা পাউদমখি মদুদি মহাক সোসিওলোজিদা পোস্ত-গ্রেজুয়েত লোইরে অদুবু  থবক ফংদবদগী মহাক খুদোংচাদবা কয়া মায়োক্নখি। ২০১৮ দা মহাক সেল্ফ-হেল্প গ্রুপ অমগী মেম্বর অমা ওইখি অমসুং খোই লোইবগী লোন অমা ফংখি অমসুং মসি মহাক্না নেসনেল রুরেল লাইভলিহুদ মিসনগী মতেংদগী পাকথোক-চাউথোকখি, তুংদা শীনফম অসিদা মহাক্না মীয়াম্না শক খঙনখি অমসুং লাখপতি দিদি অমা ওইরে। প্রধান মন্ত্রীনা মহাক থাগৎপা ফোঙদোকখি অমসুং মনুং-হুঞ্জিনবা খুঙ্গংশিংদা লৈরিবা নুপীশিংনা লাখপতি দিদি অমা ওইনবা খুদোংচাবশিং লৌবদা অপেনবা ফোঙদোকখি অমসুং মহাক ইথিল অমনি হায়না ফোঙদোকখি।

মহাক্কী য়েন লোইবগী থবক্কী মহাক্না কিষান ক্রেদি কার্দকী কান্নবশিংশু ফংখি হায়না মহাক্না ফোঙদোকখি। মহাক পোস্ত গ্রেজুয়েত থাক ফাওবা লাইরিক তমহনবগীদমক প্রধান মন্ত্রীনা মহাক্কী মমা-মপা থাগৎপা ফোঙদোকখি অমসুং থবক শুনবা মহাক্কী কৎথোকপগীদমক মহাকশু থাগৎখি। মখোয়গী মঙলানশিং মঙফাওনবা ঙম্নবা নুপীশিং চাউখৎহনবা অমসুং শক্তি পীবগী মতাংদা, প্রধান মন্ত্রীনা হায়খি মোদীগী লৈঙাক অসিদা থবক খুদিংমক পাংথোকপা ঙম্মী।

জল জিবন মিসনগী বেনিফিসরি অমা ওইরিবা পুলৱামাদগী রিয়াজ অহমদ কোলিনা প্রধান মন্ত্রীদা হায়খি মহাক্কী খুঙ্গংগী ইমুং খুদিংমক্তা তোতি ঈশিং তাবদগী মহাক্কী ইমুংদা অওনবা অমা লাক্লে। খুঙ্গংশিংগী নুপীশিংনা প্রধান মন্ত্রীদা বর পীবা অদু মহাক্না পাউদমখি। আর্তিকল ৩৭০ লৌথোকপদগী, মহাক মশাগী লন লৈরে। মসিদগী মহাক অমসুং ত্রাইবেল ফুরুপকী অতোপ্পা  মীওইশিং কান্নবা য়াম্না ফংলে। মহাক্না রাজনিতিগী থৌমী অমা ওইরিঙৈগী মতমশিং প্রধান মন্ত্রীনা নিংশিংখি অমসুং গুজজার ফুরুপকী মীয়োক-মীচান ফবা অদু মহাক্না থাগৎপা ফোঙদোকখি।

 

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা মহাক্কী হান্নগী খোঙচৎশিং অমসুং ঙসিগী থৌরম অসিদা নোং-চিংগী ফিবম ফত্তবা মনুংদা মশিং য়াম্লবা মীয়াম থোরকখিবা অসিগা চাংদম্নখি। মহাক্না হায়খি তোঙান-তোঙানবা মফম অহুমদা জম্মুগী মীয়াম্না থৌরম অসি অচৌবা স্কৃন্দা য়েংলি। ঙসিগী থৌরম অসি থৌজাল অমনি। ঙসিগী থৌরম অসি বিকসিত ভারত মথন্থগী নত্তে মসিদা লৈবাক শীনবা থুংবগী মহৈলোয়শঙশিংগী মীওই লাখ কয়া য়াওরে। থৌরম অসি জম্মু অমসুং কাস্মিরগদা ব্লোক ২৮৫ দা মীয়াম্না য়েংলি অমসুং তারি অমসুং য়ুনিয়ন তেরিতোরি অসিগী মীয়াম থৌনা থাগৎচরি।

মহাক্কা ৱারি শানখিবা বেনিফিসরিশিংনা সরকারগী স্কিমশিংগী মরমদা মমুৎ তানা খঙবা অসিদা প্রধান মন্ত্রীনা থাগৎপা ফোঙদোকখি। বিকসিত ভারত বিকসিত জম্মু অমসুং কাস্মির অমসুং বিকসিত ভারত সংকল্প যাত্রাগী মখোয়গী ৱাখল্লোনগীদমক প্রধান মন্ত্রীনা জম্মু অমসুং কাস্মিরগী মীয়াম থাগৎপা ফোঙদোকখি। প্রধান মন্ত্রীনা হায়খি সরকারগী কান্নবশিং বেনিফিসরি খুদিংমক্কী থোংজিলদা য়ৌহন্নবা অমসুং বেনিফিসরি অমতা চিৎথহৌদনবা সরকারনা থবক পায়খৎলে। ঐনা অদোমগী মফমদা থাজবা মপুংফানা থম্লি। ঐখোয়না শোইদনা বিকসিত জম্মু অমসুং কাস্মির অমা শেমগনি। চহি ৭০ মঙফাওন্দনা লৈরক্লবা মঙলানশিং মোদীনা অথুবা মতমদা মঙফাওনহল্লগনি।

প্রধান মন্ত্রীনা হায়খি নিংবা কায়বা অমসুং তোখায় তাবগী মতমশিং তুংওইনরম্লগা, বিকসিত অমা ওইনবা ৱাশক্কা লোয়ননা জম্মু অমসুং কাস্মির মাঙলোমদা চঙশিল্লি। ঙসিগী লুপা করোর ৩২,০০০ রোমগী প্রোজেকশিং অসিনা লাইরিক-লাইশু, স্কিল, থবক, হকশেল, উদোগ অমসুং লম্বী-থোং ফগৎহনগনি। আই.আই.এম, আই.আই.তি অমসুং এপোইন্তমেন্ত লেত্তরশিংগীদমক মহাক্না লৈবাক অসিগী নহারোলশিংদা হরাওবা ফোঙদোকখি।

প্রধান মন্ত্রীনা হায়খি শাগৈগী রাজনিতিনা মরম ওইদুনা জম্মু অমসুং কাস্মির মীরোল কয়া মীরাইদুনা লাকখি অমসুং মীয়ামগী য়াইফ-থৌরাংশিং মপুংফানা মীরাইখি অমসুং নহারোলশিং য়াম্না চাউনা মাঙজখি। অসিগুম্বা সরকারশিংনা নহারোলশিংগী য়াইফনবা থৌশিলশিং নিংথিনা শেমখিদে। মখোয় মশাগী ইমুং-মনুংগী য়াইফনবা খনবা মীওইশিংনা কৈদৌঙৈদা মীচম মীয়ামগী য়াইফনবা ৱাখল খন্নবা মিকুপ অমা ফাওবা কাইথোকখিদে। হৌজিক য়ুনিয়ন তেরিতোরি অসিদা শাগৈগী রাজনিতি থুপচিনখ্রে।

 

প্রধান মন্ত্রীনা হায়খি  বিকসিত জম্মু অমসুং কাস্মির অমা শেমগৎনবা, সরকারনা লায়রবশিং, লৌমীশিং, নহারোল অমসুং নারী শক্তিদা মীৎয়েং চঙলে। জম্মু অমসুং কাস্মির লাইরিক-লাইশু অমসুং স্কিল দিবলপমেন্তগী অচৌবা মফম অমা ওইরক্লে। মফম অসিদা মহাক্না ২০১৩দা জম্মু অমসুং কাস্মিরদা আই.আই.তি অমসুং আই.আই.এম লিংখৎনবা থাজবা পীরমখি অমসুং ঙসি মদু থবক ওইনা পাংথোক্লে। মরম অদুনা মীয়াম্না হায়রি মদুদি,”মোদীগী গরেন্তি হায়বগী ৱাহন্থোক্তি গেরেন্তি অদু থবক ওইনা পাংথোকপনি”।

ঙসিগী থৌরম অসিগী মহৈ-মশিংগী ইনফ্রাস্ত্রকচর প্রোজেকশিং পল্লদুনা, প্রধান মন্ত্রীনা হায়খি অসিগুম্বা থাক অমদা ইজুকেসন অমসুং স্কিল দিবলপমেন্ত সেক্তর চাউখৎহনবা হায়বসি চহি ১০গী মমাঙদা য়াম্না লাপ্না লৈখি। অদুবু মসি অনৌবা ভারতনি। হৌজিক অমসুং তুংগী মীরোলশিংগীদমক মতমগা চুনবা ইজুকেসনগীদমক হৌজিক পাল্লিবা সরকার অসিনা শেনফম খ্বাইদগী য়াম্না চাদিং তৌরে। হৌখিবা চহি ১০দা,লৈবাক অসিদা রেকোর্দ ওইনা স্কুলশিং, কলেজশিং  অমসুং য়ুনিভর্সিতিশিং লিংখৎলে অমসুং জম্মু অমসুং কাস্মিরদা অনৌবা দিগ্রি কলেজ ৫০ লিংখৎলে। স্কুল তমদ্রিবা অনৌবা অঙাং ৪৫,০০ হৌজিক মিং চল্লে অমসুং মহৈরোয় নুপীমচাশিং লাইরিক তম্না য়াম্না লাপ্না চৎত্রে। স্কুলশিং মশা মরোমদোম লৈহনবা মতম অমা লৈরম্মী, হৌজিক স্কুলশিং ফগৎহল্লে।

জম্মু অমসুং কাস্মিরদা হকশেলগী খুদোংচাবশিং ফগৎহনবগী মতাংদা, প্রধান মন্ত্রীনা হায়খি ২০১৪ দা জম্মু অমসুং কাস্মিরদা মেদিকেল কলেজ ৪ লৈরম্বদগী হৌজিক ১২ য়ৌরে অমসুং ২০১৪দা এম.বি.বি.এস সিত ৫০০ লৈরম্বদগী হৌজিক ১৩০০ য়ৌরে অমসুং ২০১৪দা পি.জি সিত অমতা লৈরমদবদগী হৌজিক সিত ৬৫০ লৈরে। হৌখিবা চহি ৪দা নর্সিং কলেজ অমসুং পেরামেদিক কলেজ ৪৫ লিংখৎলে। জম্মু অমসুং কাস্মিরদা এ.আই.আই.এম.এস অনি লিংখৎলে অমসুং মসিগী মনুংদা অমা ঙসি প্রধান মন্ত্রীনা শঙ্গারে। হৌখিবা চহি ১০দা লৈবাক অসিদা অনৌবা এ.আই.আই.এম.এস ১৫ সেঙ্কসন তৌখ্রে।

 

আর্তিকল ৩৭০ মুৎথৎপগী মতাংদা, প্রধান মন্ত্রীনা হায়খি রাজ্য অসি চাউখৎপদা অচৌবা অপনবা অমা ওইরিবা আর্তিকল ৩৭০ লৌথোকপদগী অনৌবা জম্মু অমসুং কাস্মির অমা লাক্লে। হন্দক আর্তিকল ৩৭০গী মতাংদা ফিল্ম অমা মীয়াম্না উবা ফংলগনি।

প্রধান মন্ত্রীনা হায়খি চহি কয়া মীরাইদুনা লাক্লবশিং মতিক চাবা সরকার অমা লৈরে হায়বগী থাজবা নহারোলশিংদা ফাওরে। শাগৈগী রাজনিতি অমসুং পেনহলবগী রাজনিতি লোইশিনখিদুনা লৈবাক অসিদা অনৌবা ইহৌ অমা লাক্লে। জম্মু অমসুং কাস্মিরগী নহারোলশিং চাউখৎপগী বেঙ্গুল খোঙলে অমসুং মখোয়গী তুংগীদমক লাইবক শেম্নবা মাঙলোমদা চঙশিল্লে। য়ু.তি অসিদা অফবা অহোংবা অমা লাক্লে। মমাঙগী সরকারশিংনা জম্মু অমসুং কাস্মিরগী মীয়াম অমসুং দিফেন্সকী মীওইশিং মীরাইরমখি। হৌজক পাল্লিবা সরকার অসিনা মতম কয়াগী মমাঙদগী তকশিন্দুনা লাকখিবা ৱান রেঙ্ক পেন্সন ফংহনখ্রে অমসুং লমদম অসিগী মীওইশিং য়াওনা এক্স-সর্বিসমেনশিং কান্নবা ফংহনখ্রে।

প্রধান মন্ত্রীনা হায়খি রিফিজি ইমুংশিং, বালমিকি ফুরুপ অমসুং সফাই কর্ম্মাচারিশিংদা সংবিধান্না পীবা খুন্নাইগী অচুম্বা কাইনথংদা ফংহল্লে। চহি কয়া তক্নদুনা লাকখিবা অদু থবক ওইনা পাংথোক্তুনা বালমিকি ফুরুপ এস.সি ফংলে। পাদ্দারি, পহারি, গাদ্দা ব্রাহ্মনশিং অমসুং কোলিশিং সেদুল ত্রাইব কাংলুপ্তা য়াওরে। লেজিসলেতিপ এশেমব্লিদা এস.তিগী রিজার্বেসন থম্লে অমসুং পঞ্চয়াতশিং অমসুং অর্বান লোকেল বোদিশিংদা ও.বি.সিগী সিত খাক্লে। সবকা সাথ, সবকা বিকাস, সবকা বিশ্বাস অমসুং সবকা প্রায়াস অসি চাউখৎলবা জম্মু অমসুং কাস্মিরগী য়ুম্ফমনি।

প্রধান মন্ত্রীনা হায়খি জম্মু অমসুং কাস্মিরদা পায়খৎলিবা চাউখৎ-থৌরাংগী থবকশিংগী কান্নবা অয়াম্বা নুপীশিংনা ফংলে অমসুং পি.এম অৱাস য়োজনাগী মখাদা শারি পাক্কাগী য়ুমশিং নুপীশিংগী মমিংদা পাল্লে, হর ঘর জল স্কিমগী মখাদা তোইলেতশিং শারে অমসুং অয়ুস্মান কার্দশিং য়েন্থোক্লে। আর্তিকল ৩৭০ লৌথোকপদগী হান্না মখোয়গী হকশিং ফংলমদবা নুপীশিংদা মখোয়গী হকশিং খুদোল ওইনা পীরে।

 

প্রধান মন্ত্রীনা হায়খি নমো দ্রোন দিদি স্কিমনা মশিং য়াম্লবা নুপীশিং দ্রোন পাইলোতশিং ওইনবা ত্রেনিং পীরে। লৌউ-শিংউ অমসুং ইঙ্খোল কোইবদা মতেং পাংনবা সেল্ফ-হেল্প গ্রুপশিংদা লুপা লিশিং কয়াগী মমল ওইবা দ্রোনশিং পীনবা সরকারনা ৱারেপ লৌরে। তিলহাৎ-হিদাকশিং নত্ত্রগা হার চাইবগী থবক লাইনা পাংথোক্তুনা মখোয়গী অহেনবা ইনকম তানবা ঙমহল্লগনি।

হৌজিক লৈবাক শীনবা থুংনা মতম অমতদা পায়খৎলিবা চাউখৎ-থৌরাংগী থবকশিংগী মতাংদা প্রধান মন্ত্রীনা হায়খি জম্মু অমসুং কাস্মিরদা লম্বী-থোংগী ফিবম ফগৎলে। জম্মু এয়রপোর্ত পাকথোক-চাউথোকপগী থবক পায়খৎলে, কাস্মিরগী কন্যাকুমারি ফাওবা রেলনা শম্নরে, শ্রীনাগরদগী সঙ্গালদান অমসুং বরমুল্লা ফাওবা ত্রেনশিং চেল্লে। মীয়াম্না কাস্মিরদগী ত্রেন অমা তোংলগা লৈবাক শীনবা থুংনা কোইবা চৎপা য়াগদবা মতম অদু কুইদ্রে। লৈবাক অসিদা রেলৱেজশিং মৈ ফংহনবগী অচৌবা খোঙজং অমা পায়খৎলি। ঙসি অহানবা ইলেক্ত্রিক ত্রেন চেনবা হৌবগীদমক জম্মু অমসুং কাস্মিরগী মীয়ামদা নুংঙাইবা ফোঙদোকচরি। বন্দে ভারতগুম্বা অনৌবা ত্রেনশিং চেনবা হৌগদবা অহানবা লম্বীশিংগী মরক্তা জম্মু অমসুং কাস্মির য়াওরে। জম্মু অমসুং কাস্মিরদা বন্দে ভারত ত্রেন অনি চেল্লি অমসুং মাতা বৈষ্ণো দেবী য়ৌবা হেন্না নুংঙাইহল্লে।

ঙসি হৌদোকখিবা প্রোজেকশিংগী মতাংদা প্রধান মন্ত্রীনা হায়খি শ্রীনাগর রিং রোদকী অনিশুবা ফেজনা মনাসবাল পাৎ অমসুং খির ভাৱানি লাইশঙ য়ৌবা লম্বীগী ফিবম ফগৎহল্লগনি। শ্রীনাগর-বরামুল্লা-উরি হায়ৱেনা লৌমীশিং অমসুং লমকোয়বা মীওইশিং কান্নবা পীরগনি। দিল্লি-অমৃতশর-কাত্রা এক্সপ্রেসৱেনা জম্মু অমসুং দিল্লিগী মরক্তা চৎথোক-চৎশিন তৌবা নুংঙাইহল্লগনি।

 

প্রধান মন্ত্রীনা হায়খি ঙসি, জম্মু অমসুং কাস্মির চাউখৎলকপদা মালেম শীনবা থুংনা হরাওরে। হন্দক মহাক্না গল্ফ লৈবাকশিংদা চৎলুবা মতমদা, য়ু.তি অসিদা শেন থাদনিংবগী অপাম্বা ফোঙদোকলকখি। জম্মু অমসুং কাস্মিরদা জি-২০গী মীফম কয়া পাংথোকখ্রে অমসুং মালেম শীনবা থুংনা রাজ্য অসিগী ফজবা উবদা ঙাউখ্রে। হৌখিবা চহিদা জম্মু অমসুং কাস্মিরদা লমকোয়বা মীওই করোর ২ হেন্না লাকখি। হৌখিবা চহি ১০দা অমরনাথ জি অমসুং শ্রী মাতা বৈষ্ণো দেবীদা লাকপা লাইখুরুম্বা মীওই মশিং খ্বাইদগী য়াম্না হেনগৎলে। লমকোয়বা মীওই লাকপগী মশিং হেনগৎলক্লিবা অসি য়েংলগা ইনফ্রাস্ত্রকচর য়াংনা শেমগৎনবা খন্নরি।

প্রধান মন্ত্রীনা হায়খি ভারত মালেমগী খ্বাইদগী চাউবা ৫শুবা ইকোনোমি ওইরে। শেন-থুমগী ফিবম ফগৎলকপদগী য়াইফ-থৌরাংগী স্কিমশিংদা সরকারনা শেন থাদবা হেনগৎলে। ভারতনা লেম্না চানবা চেঙ, অনা-লায়য়েং, পাক্কাগী য়ুম, গ্যাস কন্নেক্সন, তোইলেতশিং পীরে অমসুং পি.এম কিষান সম্মান নিধিনা শেন-থুমগী ফিবম ফগৎহল্লে। মসিনা লৈবাক অসিনা লায়রবশিংগী য়াইফনবা অমসুং ইনফ্রাস্ত্রকচরশিংগী শেন চাদিং তৌবা হেনগৎহনগনি। জম্মু অমসুং কাস্মিরগী ইমুং খুদিংমক মসিগী কান্নবা ফংগনি।  

থৌরম অদুদা শরুক য়াখিবশিংগী মনুংদা জম্মু অমসুং কাস্মিরগী লেপ্তনেন্ত গভর্নর শ্রী মনোজ সিনহা অমসুং প্রধান মন্ত্রী ওফিসকী রাজ্য মন্ত্রী দোক্তর জিতেন্দ্র সিংহ য়াওখি।

নুঙগীৱারোল

এজুকেসন সেক্তর ফগৎহনবা

লৈবাক শিনবা থুংবগী এজুকেসন অমসুং স্কিলিং ইনফ্রাস্ত্রকচর কয়াবু চাউখৎহনবা অমসুং অপগ্রেদ তৌবগী মশক থোকপা খোঙথাং অমা ওইনা, প্রধান মন্ত্রীনা চাউরাক্না লুপা করোর ১৩,৩৭৫কী প্রোজেক্ত কয়া লৈবাক মীয়ামদা শীন্নবগা লোয়ননা উরেপ উয়ুং তমখি। লৈবাক মীয়ামদা খুৎশিন্নগদবা প্রোজেক্তশিংগী মনুংদা আই.আই.তি ভিল্লাই, আই.আই.তি জম্মু, আই.আই.তি তিরুপতি, আই.আই.আই.তি.দি.এম কাঞ্চীপুরম; কানপুরদা লৈবা এদভান্স তেক্নোলোজীগী পাইওনীয়র স্কিল ত্রেনিং ইন্সতিত্যুত অমা ওইরিবা ইন্দিয়ন ইন্সতিত্যুত ওফ স্কিল্স (আই আই এস)গী পর্মানেন্ত কেম্পস অমসুং দেবপ্রয়াগ (উত্তরাখন্দ) অমসুং আগর্তালা (ত্রিপুরা)দা লৈবা সেন্ত্রেল সংস্কৃত য়ুনিভর্সিতীগী কেম্পস অনি য়াওরি।

 

প্রধান মন্ত্রীনা লৈবাক্কী অনৌবা আই.আই.এম অহুম শঙ্গাখি, মখোয় অদুদি আই.আই.এম জম্মু, আই.আই.এম বোধ গায়া অমসুং আই.আই.এম বিশাখাপত্নম্নি। মহাক্না লৈবাক শীনবা থুংবগী কেন্দ্রিয়া বিদ্যলায় (কে ভি)গী অনৌবা বিলদিং ২০ অমসুং নবোদয়া বিদ্যালয় (এন ভি)গী অনৌবা বিলদিং ১৩ অমসু শঙ্গাখি। প্রধান মন্ত্রীনা লৈবাক শিনবা থুংবদা লৈবা কেন্দ্রিয় বিদ্যালয়গী কেম্পসন মঙা; নবোদয়া বিদ্যলায়গী কেম্পস অমা অমসুং নবোদয়া বিদ্যালয়গী মলতিপর্পজ হোল মঙাগী উরেপ উয়ুংসু তমখি। মসিগী নৌনা শারবা কে.ভি অমসুং এন.ভিগী বিলদিংশিং অসিনা লৈবাকপুম্বগী এজুকেসনগী তঙাই ফদবশিং ফংহনবদা মশক থোকপা মতেং পাংগনি।

এ.আই.আই.এম.এস জম্মু

জম্মু অমসুং কশ্মিরগী মীয়ামদা মগুন লৈবা অমসুং মপুং ওইবা তর্সিএরী কেয়র হেল্থকেয়র সর্ভিস পাক শন্না পীগদবা খোঙথাং অমা ওইনা, প্রধান মন্ত্রীনা জম্মুগী বিজয়পুর (সম্বা)দা ওল ইন্দিয়া ইন্সতিত্যুত ওফ মেদিকেল সাইন্স অমা শঙ্গাখি। প্রধান মন্ত্রীনা ফেব্রুভ্বারী ২০১৯দা উরেপ উয়ুং তমখিবা ইন্সতিত্যুত অসি প্রধান মন্ত্রী স্বস্থ্য সুরক্ষা য়োজনা হায়রিবা সেন্ত্রেল সেক্তর স্কিম অসিগী মখাদা শাবনি।

একর ২৭৭ হেনবা মফমদা লুপা করোর ১৬৬০ হেন্না চঙনা শাবা হোস্পিতাল অসিদা ফমুং ২৭০, সীত ১২৫ লৈবা মেদিকেল কোলেজ, সীত ৬০ লৈবা নর্সিং কোলেজ, ফমুং ৩০ লৈবা আয়ুশ ব্লোক, ফেকলতী অমদি স্তাফশিংগী রেসিদেন্সিএল একোমোদেসন, য়ু.জি অমসুং পি.জি মহৈরোইশিংগী হোস্তেল, নাইত শেলতর গেস্ত হাউস, ওদিতোরিয়ম, শোপ্পিং কমপ্লেক্সনচিংবা খুদোংচাবা কয়া লৈরি। স্তেত-ওফ-দি-আর্ত হোস্পিতাল অসিনা কার্দিওলোজী, গেস্ত্রো-এন্তেরোলোজী, নেফ্রোলোজী, য়ুরোলোজী, ন্যুরোলোজী, ন্যুরোসর্জরী, মেদিকেল ওঙ্কোলোজী, সর্জিকেল ওঙ্কোলোজী, ইন্দাইক্রোনোলোজী, বর্ন অমসুং প্লাস্তিক সর্জরী য়াওনা স্পিসিএলিতী ১৮ অমসুং সুপর স্পিসিএলিতী ১৭দা মগুন লৈবা পেসেন্ত কেয়র সর্ভিস পীগনি। ইন্সতিত্যুত অসিদা ইন্তেন্সিব কেয়র য়ুনিৎ, ইমর্জেন্সী অমসুং ত্রোমা য়ুনিৎ, মোদ্যুলর ওপরেসন থীএতর ২০, দাইগ্নোস্তিক লেবোরেতরী, ব্লদ বেঙ্ক, ফার্মাসীনচিংবসু লৈগনি। হোস্পিতাল অসিনা লমদমসিগী মনুং-হঞ্জিনবা অমসুং অথাপ্পা মফমশিংদা য়ৌনবগীদমক্তা দিজিতেল হেল্থ ইনফ্রাস্ত্রকচরগী খুদোংচাবা লৌগনি।

 

জম্মু এয়রপোর্তকী অনৌবা তর্মিনেল বিলদিং

প্রধান মন্ত্রীনা জম্মু এয়রপোর্ত্তা অনৌবা তর্মিনেল বিলদিং অমগী উরেপ উয়ুং তমখি। স্ক্বার মীতর ৪০,০০০ হেন্না পাক চাউবা মফমদা শাগদৌরিবা অনৌবা তর্মিনেল বিলদিং অসিনা খ্বাইদগী মী চিনবা মতমদা পেসেঞ্জর ২০০০ শেন্নবা ঙমহন্নবা মসিদা মতমগা চুনবা খুদোংচাবা কয়া হাপকনি। অনৌবা তর্মিনেল বিলদিং অসিদি অকোয়বগী ফিভমগা চুনগনি অমসুং মসিনা লমদমসিগী চৎনবী উৎনবা মওংদা শাগনি। মসিনা এয়র কন্নেক্তিবিতী ফগৎহনগনি, তুরিজম অমসুং ত্রেদ হেনগৎহনগনি অমসুং লমদমসিগী শেন্মিৎলোনগী শাহৌ লৌবগী খোঙজেল য়াঙখৎহনগনি।

রেল প্রোজেক্তশিং

প্রধান মন্ত্রীনা জম্মু অমসুং কশ্মিরদা বানিহাল-খারী-সুম্বের-সঙ্গলদান (কিমি ৪৮) অমসুং নৌনা ইলেক্ত্রিফাই তৌরবা বারামুল্লা-শ্রীনগর-বানিহাল-সঙ্গলদান সেক্সন (কিমি ১৮৫.৬৬) য়াওনা রেলগী তোঙান-তোঙানবা প্রোজেক্ত কয়া লৈবাক মীয়ামদা খুৎশীন্নখি। প্রধান মন্ত্রীনা তম্পাক অসিগী খ্বাইদগী অহানবা ইলেক্ত্রিক ত্রেন লমথাখি অমসুং সঙ্গালদান স্তেসন অমসুং বারামুল্লা স্তেসনগী মরক্তা অনৌবা ত্রেন সর্ভিস অমসু হৌদোকখি।

বনিহাল-খারী-সুম্বর-সঙ্গলদান সেক্সন অসিগী লম্বী পরিং পুম্বদা বেল্লেস্ত লেস ত্রেক (বি এল তি) শিজিন্নবনা পেসেঞ্জরশিংদা ত্রেন তোংবা নুংঙাইহনবনা মরম ওইরগা সেক্সন অসি হৌখিবসি য়াম্না মশক থোকপা মায় পাকপা অমা ওইখি। মসিদা নত্তন, ভারতকী খ্বাইদগী শাংবা ত্রেন্সপোর্তেসন তন্নেল তি-২০ (কিমি ১২.৭৭) অসি খারী অমসুং সুম্বরগী মরক্তা লৈ। রেল প্রোজেক্ত অসিনা কন্নেক্তিবিতী ফগৎহনগনি, ইনভাইরনমেন্তেল সস্তেনেবিলিতী লৈহনগনি অমসুং লমদমসিগী শেন্মিৎলোন চাউখৎহনগনি।

রোদ প্রোজেক্তশিং

প্রধান মন্ত্রীনা থৌরম মনুংদা জম্মুদগী কত্রা ফাওবা শম্নবা দিল্লী-অমৃতসর-কত্রা এক্সপ্রেসৱেগী পেকেজ অনি (কিমি ৪৪.২২); শ্রীনগর রিং রোদপু লেন মরিদা ওন্থোকপগী অনিশুবা ফেজ; এন.ঐচ-০১গী শ্রীনগর-বারামুল্লা-উরিগী কিমি ১৬০ শাংবা পরিং অপগ্রেদ তৌবগী পেকেজ মঙা; অমসুং এন.ঐচ-৪৪দা কুলগাম বাইপাস অমসুং পুলৱামা বাইপাস শাবা য়াওনা মরু ওইবা রোদ প্রোজেক্ত কয়াগী উরেপ উয়ুং তমখি।

দিল্লী-অমৃতসর-কত্রা এক্সপ্রেসৱেগী পেকেজ অনি অসি হেক লোইবগা মাতা বৈষ্ণো দেবীগী শেংলবা লাইফমদা চৎপদা লাইনিংবশিংদা খুদোংচাবা পীগনি, অমসুং লমদমসিগী শেন্মিৎলোন চাউখৎহনবদসু তেংবাংগনি। শ্রীনগর রিং রোদপু লেন মরিদা ওন্থোকপগী অনিশুবা ফেজকী মনুংদা হৌজিক লৈরিবা সুম্বাল-ৱায়ুল এন.ঐচ-০১বু অপগ্রেদ তৌবগী থবক য়াওরি। মসিগী কিমি ২৪.৭ শাংবা ব্রাউনফিল্দ প্রোজেক্ত অসিনা শ্রীনগর শহর অমসুং অকোয়বগী ত্রাফিক চিনবা হন্থহনগনি। মসিনা মানসবল পাৎ অমসুং খীর ভৱানী লাইশঙ্গুম্বা লমকোয়বশিংনা পাম্ননা চৎনবা মফমশিংগী কন্নেক্তিবিতী ফগৎহনগনি, অমসুং লেহদগী লদাখ চৎপগী মতমসু হন্থহনগনি। এন.ঐচ-০১গী শ্রীনগর-বারামুল্লা-উরিগী কিমি ১৬১ শাংবা পরিং অপগ্রেদ তৌবগী প্রোজেক্ত অসি স্ত্রেতজীগী ওইনা য়াম্না মরু ওই। মসিনা বারামুল্লা অমসুং উরিগী শেন্মিৎলোন চাউখৎহনবদা তেংবাংগনি। এন.ঐচ-৪৪৪দা লৈবা কুলগাম বাইপাস অমসুং পুলৱামা বাইপাস অসিনা কাজিগন্দ-কুলগাম-শোপিয়ন-পুলৱামা-বরগাম-শ্রীনগর শম্নহন্দুনা লমদমসিগী ইনফ্রাস্ত্রকচর চাউখৎহনগনি।

সি.য়ু.এফ পেত্রোলিয়ম দীপো

প্রধান মন্ত্রীনা জম্মুদা সি.য়ু.এফ (কম্মন য়ুজর ফেসিলিতী) পেত্রোলিয়ম দীপো শানবা প্রোজেক্তকী উরেপ উয়ুং তমখি। মপুং ফানা ওতোমেত তৌরবা স্তেত ওফ দি আর্ত দীপো অসি চাউরাক্না লুপা করোর ৬৭৭ চঙনা শাগনি অমসুং মোতোর স্পিরিত (এম এস), হাই স্পীদ দিজল ( ঐচ দি এস), সুপেরিয়র কেরোসীন ওইল ( এস কে ও), এভিএসন তর্বাইন ফুএল ( এ তি এফ), ইথানোল, বাইও দিজল অমসুং ৱিন্তর গ্রেদ ঐচ.দি.এস থম্নবা চাউরাকপা ১০০০০০ কে.এলগী কেপাসিতী লৈগনি।

অতোপ্পা প্রোজেক্তশিং

প্রধান মন্ত্রীনা জম্মু অমসুং কশ্মিরগী সিবিক ইনফ্রাস্ত্রকচর মপাঙ্গল কনখৎহন্নবা অমসুং মীয়ামগী ফেসিলিতী লৈহন্নবগীদমক্তা লুপা করোর ৩১৫০ হেনবগী চাউখৎ থৌরাংগী তোঙান-তোঙানবা প্রোজেক্ত কয়া অমা শঙ্গাবগা লোয়ননা উরেপ উয়ুংশু তমখি। প্রধান মন্ত্রীনা শঙ্গাগদবা প্রোজেক্তশিংগী মনুংদা শোরোক অমসুং থোং, গ্রিদ স্তেসন শাবা; রিসিবিং স্তেসন ত্রান্সমিসন লাইন প্রোজেক্ত; কম্মন ইফ্লুএন্ত ত্রিতমেন্ত প্লান্ত অমসুং সিৱেজ ত্রিতমেন্ত প্লান্ত; দিগ্রী কোলেজকী বিলদিং কয়া অমা; ইন্তেল্লিজেন্ত ত্রাফিক মেনেজমেন্ত সীস্তেম শ্রীনগর শহরদা থম্বা; মতমগা চুনবা নর্ৱাল উহৈ মন্দি; দ্রগ তেস্তিং লেবোরেতরী, কথুৱা; অমসুং ত্রাঞ্জিত একোমোদেসন – গন্দর্বাল অমসুং কুপৱারাদা ফেলত ২২৪শাবগী থবকশিং য়াওরি। উরেপ উয়ুং তমখিবা প্রোজেক্তশিংগী মনুংদা জম্মু কশ্মিরদা ইন্দস্ত্রীএল ইস্তেত অনৌবা মঙা শাবা; জম্মু স্মার্ত সিতীগী দেতা সেন্তর/দিজাজতর রিকোবরী সেন্তর ফোর ইন্তিগ্রেতেদ কম্মান্দ অমসুং কন্ত্রোল সেন্তর; পরিম্পোরা শ্রীনগরগী ত্রান্সপোর্ত নগর অপগ্রেদ তৌবা; রোদ প্রোজেক্ত ৬২ অমসুং থোং ৪২অপগ্রেদ তৌবা অমসুং ত্রাঞ্জিত একোমোদেসন শাবগী প্রোজেক্ত (অনন্তনাগ, কুলগাম, কুপ্বারা, শোপিয়ন অমসুং পুলৱামা জিলাশিংগী মফম মাপন্দা ফ্লেত ২৮১৬ শাবা) য়াওরি।

 

 

 

 

 

 

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India is a top-tier security partner, says Australia’s new national defence strategy

Media Coverage

India is a top-tier security partner, says Australia’s new national defence strategy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government