নবেম্বর ২০,২০২৪ দা জর্জতাউন্দা লৈবা স্তেৎ গেস্ত হাওসতা প্রধান মন্ত্রী শ্রী নরেন্দ্র মোদীনা দোক্তর মোহমদক ইরফান অলিগা উনখ্রে। স্তেৎ গেস্ত হাওসতা থুংলবগা, রাস্ত্রপতি অলিনা মহাক তরাম্না ওকখি অমসুং চৎনবীগী মতুংইন্না গার্দ ওফ ওনর অমা পীখি।
লুচিংবা অনি খক্তগী ওইবা মীফম অমা পাংথোক্লবা মতুংদা মীহুৎকাংবু থাক্কী মীফমশিং পাংথোকখ্রে। ভারত অমসুং গয়ানাগী মরক্তা লৈনরিবা অচেৎপা পুৱারিগী মরীশিং পল্লদুনা, প্রধান মন্ত্রীনা হায়খি মদুদি মহাক্কী খোঙচৎ অসিনা লৈবাক অনিগী মরীশিংদা অকনবা ইথিল অমা পীরগনি। দিফেন্স, ললোন-ইতিক অমসুং শেন থাদবা, হকশেল অমসুং ফার্মা, মহৌশাগী ওইবা লায়েং পথাপশিং, চীঞ্জাক ৱাৎহন্দবা, ইনফ্রাস্ত্রকচর চাউখৎহনবা, দিজিতেল পব্লিক ইনফ্রাস্ত্রকচর, কেপাসিতি বিল্দিং, নাত অমসুং মীগা মীগা লৈনবা মরীশিং য়াওনা ভারত অমসুং গয়ানাগী মরক্ত লৈনরিবা মখল কয়াগী মরীশিংগী মতাংদা লুচিংবা অনিনা কুপ্না খন্নখ্রে।
ইনর্জিগী লমদা হৌজিক মতেং পীনরিবা অসিগী ফিবম খন্নরদুনা, হায়দ্রোকার্বোন অমসুং রিন্যুএল ইনর্জিগী লমদা মতেং পাংনবা হেনগৎহন্নবগী খুদোংচাবা কয়া লৈরিবা অসি লুচিংবা অনিনা খন্নখ্রে। চাউখৎ-থৌরাংগী মতেং পাংনবা অসি ভারত-গয়ানা মরীগী মরুওইবা য়ুম্বী অমনি। গয়ানাগী চাউখৎ-থৌরাংগী দরকার ওইবশিং ভারতনা মখা তানা মতেং পাংগনি হায়না প্রধান মন্ত্রীনা থাজবা পীখ্রে।
লুচিংবা অনিনা লমদম লমদমগী অমসুং মালেমগী থৌদোক-ৱাথোকশিংগী মতাংদা মখোয়গী ওইবা ৱাখল্লোনশিং ফোঙদোক্নখ্রে। অইং-অশাগী খল হোংলকপা থেংন্না মতেং হেন্না পাংন্নবা লুচিংবা অনিনা খন্নখ্রে। ভারতনা য়ুম্বু ওইদুনা পাংথোকখিবা ভোইস ওফ গ্লোবেল সাউথ মীফমদা শরুক য়াখিবগীদমক রাস্ত্রপতি ইরফান প্রধান মন্ত্রী মোদীনা থাগৎপা ফোঙদোকখ্রে। গ্লোবেল সাউথকী লৈবাকশিংগী মরক্তা অমতা ওইবা হেনগৎহন্নবা পুন্না থবক তৌমিন্নবা হায়না লুচিংবশিংনা য়ানরে।
লৈবাক অনি মতেং পাংনবা মখা তানা ফগৎহন্নবা অৱাংবা থাক্কী মীফমশিং চাংনাইনা পাংথোকপা হায়না লুচিংবা অনিনা য়ানরে। খোঙচৎ মনুংদা এম.ও.য়ু ১০ খুৎয়েক পীনখ্রে। এম.ও.য়ুশিংগী মমিং মফম অসিদা লৈরে।
Had an excellent meeting with Dr. Mohamed Irfaan Ali, President of Guyana. The President himself enjoys a strong bond with India. In our talks, we reviewed the developmental cooperation between our nations. This includes cooperation in sectors like skill development, capacity… pic.twitter.com/vb3NhUvQSU
— Narendra Modi (@narendramodi) November 20, 2024
India will always be a trusted partner for Guyana in sectors like infrastructure, shipping, technology and more. Guyana’s support for initiatives like the International Solar Alliance, CDRI and Global Biofuels Alliance are noteworthy.
— Narendra Modi (@narendramodi) November 20, 2024
